| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
жуул̣анид̣̇д̣̇зса-адтагат̇аа
Cūḷaniddesa-aṭṭhakathā
баарааяанаваг̇г̇анид̣̇д̣̇зсо
Pārāyanavagganiddeso
1. аж̇ид̇амаан̣авасуд̇д̇анид̣̇д̣̇зсаван̣н̣анаа
1. Ajitamāṇavasuttaniddesavaṇṇanā
баарааяанаваг̇г̇асса батамз аж̇ид̇асуд̇д̇анид̣̇д̣̇зсз –
Pārāyanavaggassa paṭhame ajitasuttaniddese –
1.
1.
‘‘гзнассу нивуд̇о лого, (ижжааяасмаа аж̇ид̇о,)
‘‘Kenassu nivuto loko, (iccāyasmā ajito,)
гзнассу наббагаасад̇и;
Kenassu nappakāsati;
гиссаабхилзбанам̣ б̣рууси, гим̣су д̇асса махаб̣бхаяа’’нд̇и. –
Kissābhilepanaṃ brūsi, kiṃsu tassa mahabbhaya’’nti. –
аж̇ид̇амаан̣авасса бужчид̇з батамабан̃хз жа убаруубарибан̃хз жа нид̣̇д̣̇зсзсу жа вуд̇д̇ан̃жа уд̇д̇аанан̃жа важ̇ж̇зд̇ваа висзсамзва вагкаама. д̇ад̇т̇а нивуд̇од̇и бадижчаад̣̇ид̇о. гиссаабхилзбанам̣ б̣руусийд̇и гим̣ асса логасса абхилзбанам̣ вад̣̇зси?
Ajitamāṇavassa pucchite paṭhamapañhe ca uparūparipañhe ca niddesesu ca vuttañca uttānañca vajjetvā visesameva vakkhāma. Tattha nivutoti paṭicchādito. Kissābhilepanaṃ brūsīti kiṃ assa lokassa abhilepanaṃ vadesi?
аавуд̇од̇и ааварид̇о. нивуд̇од̇и бадижчаад̣̇ид̇о. овуд̇од̇и хздтаа бадижчаад̣̇ид̇о. бихид̇од̇и убарибхааг̇зна чаад̣̇ид̇о. бадижчаннод̇и авивадо. бадигуж̇ж̇ид̇од̇и ад̇хомукам̣ чаад̣̇ид̇о.
Āvutoti āvarito. Nivutoti paṭicchādito. Ovutoti heṭṭhā paṭicchādito. Pihitoti uparibhāgena chādito. Paṭicchannoti avivaṭo. Paṭikujjitoti adhomukhaṃ chādito.
наббагаасад̇ийд̇и наббагаасо ход̇и. наббабхаасад̇ийд̇и н̃аан̣аббабхаасам̣ на гарод̇и. на д̇абад̇ийд̇и н̃аан̣ад̇абам̣ на гарод̇и. на вирожад̇ийд̇и н̃аан̣авирожанам̣ на гарод̇и. на н̃ааяад̇ийд̇и на ж̇аанийяад̇и. на бан̃н̃ааяад̇ийд̇и наббан̃н̃ааяад̇з.
Nappakāsatīti nappakāso hoti. Nappabhāsatīti ñāṇappabhāsaṃ na karoti. Na tapatīti ñāṇatapaṃ na karoti. Na virocatīti ñāṇavirocanaṃ na karoti. Na ñāyatīti na jānīyati. Na paññāyatīti nappaññāyate.
гзна лид̇д̇од̇и гзна лимбид̇о. сам̣лид̇д̇о убалид̇д̇од̇и убасаг̇г̇зна бад̣̇ам̣ вад̣дхид̇ам̣. аажигкаси нид̣̇д̣̇зсавасзна. д̣̇зсзси бадинид̣̇д̣̇зсавасзна . бан̃н̃абзси д̇зна д̇зна багаарзна. ад̇т̇ам̣ б̣од̇хзнд̇о бадтабзси. д̇ассад̇т̇асса гааран̣ам̣ д̣̇ассзнд̇о вивараси. б̣яан̃ж̇анабхаавам̣ д̣̇ассзнд̇о вибхаж̇аси. нигуж̇ж̇ид̇абхаавам̣ г̇амбхийрабхааван̃жа харид̇ваа сод̇уунам̣ н̃аан̣асса бад̇идтам̣ ж̇анаяанд̇о уд̇д̇аанийгароси. саб̣б̣зхиби имзхи аагаарзхи сод̇уунам̣ ан̃н̃аан̣анд̇хагаарам̣ вид̇хамзнд̇о багаасзсийд̇и звам̣ ад̇т̇о д̣̇адтаб̣б̣о.
Kenalittoti kena limpito. Saṃlitto upalittoti upasaggena padaṃ vaḍḍhitaṃ. Ācikkhasi niddesavasena. Desesi paṭiniddesavasena . Paññapesi tena tena pakārena. Atthaṃ bodhento paṭṭhapesi. Tassatthassa kāraṇaṃ dassento vivarasi. Byañjanabhāvaṃ dassento vibhajasi. Nikujjitabhāvaṃ gambhīrabhāvañca haritvā sotūnaṃ ñāṇassa patiṭṭhaṃ janayanto uttānīkarosi. Sabbehipi imehi ākārehi sotūnaṃ aññāṇandhakāraṃ vidhamento pakāsesīti evaṃ attho daṭṭhabbo.
2. взвижчаа бамаад̣̇аа наббагаасад̇ийд̇и мажчарияахзд̇у жа бамаад̣̇ахзд̇у жа наббагаасад̇и. мажчарияам̣ хисса д̣̇аанаад̣̇ийхи г̇ун̣зхи багаасид̇ум̣ на д̣̇зд̇и, бамаад̣̇о сийлаад̣̇ийхи. ж̇аббаабхилзбананд̇и д̇ан̣хаа асса логасса маггадалзбо вияа маггадасса абхилзбанам̣. д̣̇угканд̇и ж̇аад̇иаад̣̇игам̣ д̣̇угкам̣.
2.Vevicchā pamādā nappakāsatīti macchariyahetu ca pamādahetu ca nappakāsati. Macchariyaṃ hissa dānādīhi guṇehi pakāsituṃ na deti, pamādo sīlādīhi. Jappābhilepananti taṇhā assa lokassa makkaṭalepo viya makkaṭassa abhilepanaṃ. Dukkhanti jātiādikaṃ dukkhaṃ.
язсам̣ д̇хаммаананд̇и язсам̣ руубаад̣̇ид̇хаммаанам̣. аад̣̇ид̇о самуд̣̇ааг̇аманам̣ бан̃н̃ааяад̇ийд̇и батамад̇о уббаад̣̇о бан̃н̃ааяад̇и. ад̇т̇ан̇г̇амад̇о нирод̇хо бан̃н̃ааяад̇ийд̇и бхан̇г̇ад̇о нируж̇жханам̣ бан̃н̃ааяад̇и. гаммасанниссид̇о вибаагод̇и гусалаагусалавибааго гаммам̣ амун̃жид̇ваа бавад̇д̇анад̇о гаммасанниссид̇о вибаагод̇и вужжад̇и. вибаагасанниссид̇ам̣ гамманд̇и гусалаагусалам̣ гаммам̣ вибаагасса огаасам̣ гад̇ваа тид̇ад̇д̇аа вибаагасанниссид̇ам̣ гамманд̇и вужжад̇и. наамасанниссид̇ам̣ руубанд̇и бан̃жавогаарз руубам̣ наамам̣ амун̃жид̇ваа бавад̇д̇анад̇о наамасанниссид̇ам̣ руубанд̇и вужжад̇и. руубасанниссид̇ам̣ нааманд̇и бан̃жавогаарз наамам̣ руубам̣ амун̃жид̇ваа бавад̇д̇анад̇о руубасанниссид̇ам̣ нааманд̇и вужжад̇и.
Yesaṃ dhammānanti yesaṃ rūpādidhammānaṃ. Ādito samudāgamanaṃ paññāyatīti paṭhamato uppādo paññāyati. Atthaṅgamato nirodho paññāyatīti bhaṅgato nirujjhanaṃ paññāyati. Kammasannissito vipākoti kusalākusalavipāko kammaṃ amuñcitvā pavattanato kammasannissito vipākoti vuccati. Vipākasannissitaṃ kammanti kusalākusalaṃ kammaṃ vipākassa okāsaṃ katvā ṭhitattā vipākasannissitaṃ kammanti vuccati. Nāmasannissitaṃ rūpanti pañcavokāre rūpaṃ nāmaṃ amuñcitvā pavattanato nāmasannissitaṃ rūpanti vuccati. Rūpasannissitaṃ nāmanti pañcavokāre nāmaṃ rūpaṃ amuñcitvā pavattanato rūpasannissitaṃ nāmanti vuccati.
3. саванд̇и саб̣б̣ад̇хи сод̇аад̇и саб̣б̣зсу руубаад̣̇иааяад̇анзсу д̇ан̣хаад̣̇игаа сод̇аа санд̣̇анд̇и. гим̣ нивааран̣анд̇и д̇зсам̣ гим̣ ааваран̣ам̣ гаа рагкаа. сам̣варам̣ б̣руухийд̇и д̇ам̣ д̇зсам̣ нивааран̣асан̇каад̇ам̣ сам̣варам̣ б̣руухи. зд̇зна саавасзсаббахаанам̣ бужчад̇и. гзна сод̇аа бид̇хийяарзд̇и гзна д̇хаммзна зд̇з сод̇аа бид̇хийяанд̇и бажчиж̇ж̇анд̇и. зд̇зна анавасзсаббахаанам̣ бужчад̇и.
3.Savanti sabbadhi sotāti sabbesu rūpādiāyatanesu taṇhādikā sotā sandanti. Kiṃ nivāraṇanti tesaṃ kiṃ āvaraṇaṃ kā rakkhā. Saṃvaraṃ brūhīti taṃ tesaṃ nivāraṇasaṅkhātaṃ saṃvaraṃ brūhi. Etena sāvasesappahānaṃ pucchati. Kena sotā pidhīyareti kena dhammena ete sotā pidhīyanti pacchijjanti. Etena anavasesappahānaṃ pucchati.
саванд̇ийд̇и уббаж̇ж̇анд̇и. аасаванд̇ийд̇и ад̇хог̇аамино худ̇ваа саванд̇и. санд̣̇анд̇ийд̇и ниранд̇араг̇аамино худ̇ваа санд̣̇амаанаа бавад̇д̇анд̇и. бавад̇д̇анд̇ийд̇и бунаббунам̣ вад̇д̇анд̇и.
Savantīti uppajjanti. Āsavantīti adhogāmino hutvā savanti. Sandantīti nirantaragāmino hutvā sandamānā pavattanti. Pavattantīti punappunaṃ vattanti.
4. сад̇и д̇зсам̣ нивааран̣анд̇и вибассанааяуд̇д̇аа гусалаагусалад̇хаммаанам̣ г̇ад̇ияо саманвзсамаанаа сад̇и д̇зсам̣ сод̇аанам̣ нивааран̣ам̣ . сод̇аанам̣ сам̣варам̣ б̣руумийд̇и д̇амзваахам̣ сад̇им̣ сод̇аанам̣ сам̣варам̣ б̣руумийд̇и ад̇хиббааяо. бан̃н̃ааязд̇з бид̇хийяарзд̇и руубаад̣̇ийсу бана анижжад̇аад̣̇ибадивзд̇хасаад̇хигааяа маг̇г̇абан̃н̃ааяа зд̇з сод̇аа саб̣б̣асо бид̇хийяанд̇и.
4.Satitesaṃ nivāraṇanti vipassanāyuttā kusalākusaladhammānaṃ gatiyo samanvesamānā sati tesaṃ sotānaṃ nivāraṇaṃ . Sotānaṃ saṃvaraṃ brūmīti tamevāhaṃ satiṃ sotānaṃ saṃvaraṃ brūmīti adhippāyo. Paññāyete pidhīyareti rūpādīsu pana aniccatādipaṭivedhasādhikāya maggapaññāya ete sotā sabbaso pidhīyanti.
бажчиж̇ж̇анд̇ийд̇и ужчиж̇ж̇анд̇и. самуд̣̇аяан̃жаад̇и бажжаяан̃жа. ад̇т̇ан̇г̇аман̃жаад̇и уббаннаанам̣ абхааваг̇аманан̃жа, ануббаннаанам̣ ануббаад̣̇ам̣ ваа. ассаад̣̇ан̃жаад̇и аанисам̣сан̃жа. аад̣̇ийнаван̃жаад̇и д̣̇осан̃жа. ниссаран̣ан̃жаад̇и нигкаманан̃жа.
Pacchijjantīti ucchijjanti. Samudayañcāti paccayañca. Atthaṅgamañcāti uppannānaṃ abhāvagamanañca, anuppannānaṃ anuppādaṃ vā. Assādañcāti ānisaṃsañca. Ādīnavañcāti dosañca. Nissaraṇañcāti nikkhamanañca.
5. бан̃н̃аа жзваад̇и бан̃хааг̇аат̇ааяа яаа жааяам̣ д̇аяаа вуд̇д̇аа бан̃н̃аа, яаа жа сад̇и, яан̃жа д̇ад̣̇авасзсам̣ наамаруубам̣, зд̇ам̣ саб̣б̣амби гад̇т̇а нируж̇жхад̇и. зд̇ам̣ мз бан̃хам̣ будто баб̣руухийд̇и звам̣ сан̇кзбад̇т̇о взд̣̇ид̇аб̣б̣о.
5.Paññā cevāti pañhāgāthāya yā cāyaṃ tayā vuttā paññā, yā ca sati, yañca tadavasesaṃ nāmarūpaṃ, etaṃ sabbampi kattha nirujjhati. Etaṃ me pañhaṃ puṭṭho pabrūhīti evaṃ saṅkhepattho veditabbo.
гад̇т̇зд̇ам̣ убаруж̇жхад̇ийд̇и зд̇ам̣ наамаруубам̣ гад̇т̇а на бхавад̇и. вуубасаммад̇ийд̇и ниб̣б̣аад̇и. ад̇т̇ам̣ г̇ажчад̇ийд̇и абхаавам̣ г̇ажчад̇и. бадиббассамбхад̇ийд̇и саннисийд̣̇ад̇и.
Katthetaṃ uparujjhatīti etaṃ nāmarūpaṃ kattha na bhavati. Vūpasammatīti nibbāti. Atthaṃ gacchatīti abhāvaṃ gacchati. Paṭippassambhatīti sannisīdati.
6. виссаж̇ж̇анаг̇аат̇ааяа банасса яасмаа бан̃н̃аасад̇ияо наамзнзва сан̇г̇ахам̣ г̇ажчанд̇и, д̇асмаа д̇аа висум̣ на вуд̇д̇аа. аяамзд̇т̇а сан̇кзбад̇т̇о – яам̣ мам̣ д̇вам̣, аж̇ид̇а, зд̇ам̣ бан̃хам̣ абужчи – ‘‘гад̇т̇зд̇ам̣ убаруж̇жхад̇ий’’д̇и, д̇ад̣̇зд̇ам̣ яад̇т̇а нааман̃жа руубан̃жа асзсам̣ убаруж̇жхад̇и, д̇ам̣ д̇з вад̣̇аами. д̇асса д̇асса хи вин̃н̃аан̣асса нирод̇хзна сахзва абуб̣б̣ам̣ ажаримам̣ зд̇т̇зд̇ам̣ убаруж̇жхад̇и, зд̇т̇зва вин̃н̃аан̣анирод̇хзна нируж̇жхад̇и зд̇ам̣, вин̃н̃аан̣анирод̇хаа д̇асса д̇асса нирод̇хо ход̇и, д̇ам̣ наад̇ивад̇д̇ад̇ийд̇и вуд̇д̇ам̣ ход̇и.
6. Vissajjanagāthāya panassa yasmā paññāsatiyo nāmeneva saṅgahaṃ gacchanti, tasmā tā visuṃ na vuttā. Ayamettha saṅkhepattho – yaṃ maṃ tvaṃ, ajita, etaṃ pañhaṃ apucchi – ‘‘katthetaṃ uparujjhatī’’ti, tadetaṃ yattha nāmañca rūpañca asesaṃ uparujjhati, taṃ te vadāmi. Tassa tassa hi viññāṇassa nirodhena saheva apubbaṃ acarimaṃ etthetaṃ uparujjhati, ettheva viññāṇanirodhena nirujjhati etaṃ, viññāṇanirodhā tassa tassa nirodho hoti, taṃ nātivattatīti vuttaṃ hoti.
сод̇аабад̇д̇имаг̇г̇ан̃аан̣зна абхисан̇кааравин̃н̃аан̣асса нирод̇хзнаад̇и сод̇аабад̇д̇имаг̇г̇асамбаяуд̇д̇абан̃н̃ааяа гусалаагусалажзд̇анаасамбаяуд̇д̇ажид̇д̇асса абхаб̣б̣уббад̇д̇игавасзна нируж̇жханзна. д̇ад̇т̇а д̣̇увид̇хо нирод̇хо анубаад̣̇иннаганирод̇хо убаад̣̇иннаганирод̇ход̇и. сод̇аабад̇д̇имаг̇г̇зна хи жад̇д̇аари д̣̇идтисамбаяуд̇д̇аани вижигижчаасахаг̇ад̇анд̇и бан̃жа жид̇д̇аани нируж̇жханд̇и, д̇аани руубам̣ самудтаабзнд̇и . д̇ам̣ анубаад̣̇иннагаруубагканд̇хо , д̇аани жид̇д̇аани вин̃н̃аан̣агканд̇хо, д̇ам̣самбаяуд̇д̇аа взд̣̇анаа сан̃н̃аа сан̇каараа д̇аяо аруубагканд̇хаа. д̇ад̇т̇а сажз сод̇аабаннасса сод̇аабад̇д̇имаг̇г̇о абхаавид̇о абхависсаа, д̇аани бан̃жа жид̇д̇аани часу аарамман̣зсу барияудтаанам̣ баабун̣зяяум̣. сод̇аабад̇д̇имаг̇г̇о бана нзсам̣ барияудтаануббад̇д̇им̣ ваараяамаано сзд̇усамуг̇гхаад̇ам̣ абхаб̣б̣уббад̇д̇игабхаавам̣ гурумаано анубаад̣̇иннагам̣ нирод̇хзд̇и наама. сагад̣̇ааг̇аамимаг̇г̇зна жад̇д̇аари д̣̇идтивиббаяуд̇д̇аани д̣̇вз д̣̇оманассасахаг̇ад̇аанийд̇и ол̣ааригагаамарааг̇аб̣яаабаад̣̇авасзна ча жид̇д̇аани нируж̇жханд̇и. анааг̇аамимаг̇г̇зна ан̣усахаг̇ад̇агаамарааг̇аб̣яаабаад̣̇авасзна д̇аани зва ча жид̇д̇аани нируж̇жханд̇и. арахад̇д̇амаг̇г̇зна жад̇д̇аари д̣̇идтивиббаяуд̇д̇аани уд̣̇д̇хажжасахаг̇ад̇ан̃жаад̇и бан̃жа агусалажид̇д̇аани нируж̇жханд̇и. д̇ад̇т̇а сажз д̇зсам̣ арияаанам̣ д̇з маг̇г̇аа абхаавид̇аа ассу, д̇аани жид̇д̇аани часу аарамман̣зсу барияудтаанам̣ баабун̣зяяум̣. д̇з бана д̇зсам̣ маг̇г̇аа барияудтаануббад̇д̇им̣ ваараяамаанаа сзд̇усамуг̇гхаад̇ам̣ абхаб̣б̣уббад̇д̇игабхаавам̣ гурумаанаа анубаад̣̇иннагам̣ нирод̇хзнд̇и наама. звам̣ анубаад̣̇иннаганирод̇хо взд̣̇ид̇аб̣б̣о.
Sotāpattimaggañāṇena abhisaṅkhāraviññāṇassa nirodhenāti sotāpattimaggasampayuttapaññāya kusalākusalacetanāsampayuttacittassa abhabbuppattikavasena nirujjhanena. Tattha duvidho nirodho anupādinnakanirodho upādinnakanirodhoti. Sotāpattimaggena hi cattāri diṭṭhisampayuttāni vicikicchāsahagatanti pañca cittāni nirujjhanti, tāni rūpaṃ samuṭṭhāpenti . Taṃ anupādinnakarūpakkhandho , tāni cittāni viññāṇakkhandho, taṃsampayuttā vedanā saññā saṅkhārā tayo arūpakkhandhā. Tattha sace sotāpannassa sotāpattimaggo abhāvito abhavissā, tāni pañca cittāni chasu ārammaṇesu pariyuṭṭhānaṃ pāpuṇeyyuṃ. Sotāpattimaggo pana nesaṃ pariyuṭṭhānuppattiṃ vārayamāno setusamugghātaṃ abhabbuppattikabhāvaṃ kurumāno anupādinnakaṃ nirodheti nāma. Sakadāgāmimaggena cattāri diṭṭhivippayuttāni dve domanassasahagatānīti oḷārikakāmarāgabyāpādavasena cha cittāni nirujjhanti. Anāgāmimaggena aṇusahagatakāmarāgabyāpādavasena tāni eva cha cittāni nirujjhanti. Arahattamaggena cattāri diṭṭhivippayuttāni uddhaccasahagatañcāti pañca akusalacittāni nirujjhanti. Tattha sace tesaṃ ariyānaṃ te maggā abhāvitā assu, tāni cittāni chasu ārammaṇesu pariyuṭṭhānaṃ pāpuṇeyyuṃ. Te pana tesaṃ maggā pariyuṭṭhānuppattiṃ vārayamānā setusamugghātaṃ abhabbuppattikabhāvaṃ kurumānā anupādinnakaṃ nirodhenti nāma. Evaṃ anupādinnakanirodho veditabbo.
сажз бана сод̇аабаннасса сод̇аабад̇д̇имаг̇г̇о абхаавид̇о абхависсаа, табзд̇ваа сад̇д̇а бхавз анамад̇аг̇г̇з сам̣саараваддз убаад̣̇иннагагканд̇хаббавад̇д̇ам̣ бавад̇д̇зяяа. гасмаа? д̇асса бавад̇д̇ияаа хзд̇уунам̣ ад̇т̇ид̇ааяа. д̇ийн̣и сам̣яож̇анаани д̣̇идтаанусаяо вижигижчаанусаяод̇и имз бана бан̃жа гилзсз со маг̇г̇о уббаж̇ж̇амаанова самуг̇гхаад̇зд̇и. ид̣̇аани гуд̇о сод̇аабаннасса сад̇д̇а бхавз табзд̇ваа анамад̇аг̇г̇з сам̣саараваддз убаад̣̇иннагаббавад̇д̇ам̣ бавад̇д̇иссад̇и. звам̣ сод̇аабад̇д̇имаг̇г̇о убаад̣̇иннагаббавад̇д̇ам̣ аббавад̇д̇ам̣ гурумаано убаад̣̇иннагам̣ нирод̇хзд̇и наама.
Sace pana sotāpannassa sotāpattimaggo abhāvito abhavissā, ṭhapetvā satta bhave anamatagge saṃsāravaṭṭe upādinnakakkhandhappavattaṃ pavatteyya. Kasmā? Tassa pavattiyā hetūnaṃ atthitāya. Tīṇi saṃyojanāni diṭṭhānusayo vicikicchānusayoti ime pana pañca kilese so maggo uppajjamānova samugghāteti. Idāni kuto sotāpannassa satta bhave ṭhapetvā anamatagge saṃsāravaṭṭe upādinnakappavattaṃ pavattissati. Evaṃ sotāpattimaggo upādinnakappavattaṃ appavattaṃ kurumāno upādinnakaṃ nirodheti nāma.
сажз сагад̣̇ааг̇аамисса сагад̣̇ааг̇аамимаг̇г̇о абхаавид̇о абхависсаа, табзд̇ваа д̣̇вз бхавз бан̃жасу бхавзсу убаад̣̇иннагаббавад̇д̇ам̣ бавад̇д̇зяяа. гасмаа? д̇асса бавад̇д̇ияаа хзд̇уунам̣ ад̇т̇ид̇ааяа. ол̣ааригаани гаамарааг̇абадигхасам̣яож̇анаани ол̣аариго гаамарааг̇аанусаяо бадигхаанусаяод̇и имз бана жад̇д̇ааро гилзсз со маг̇г̇о уббаж̇ж̇амаанова самуг̇гхаад̇зд̇и. ид̣̇аани гуд̇о сагад̣̇ааг̇аамисса д̣̇вз бхавз табзд̇ваа бан̃жасу бхавзсу убаад̣̇иннагаббавад̇д̇ам̣ бавад̇д̇иссад̇и . звам̣ сагад̣̇ааг̇аамимаг̇г̇о убаад̣̇иннагаббавад̇д̇ам̣ аббавад̇д̇ам̣ гурумаано убаад̣̇иннагам̣ нирод̇хзд̇и наама.
Sace sakadāgāmissa sakadāgāmimaggo abhāvito abhavissā, ṭhapetvā dve bhave pañcasu bhavesu upādinnakappavattaṃ pavatteyya. Kasmā? Tassa pavattiyā hetūnaṃ atthitāya. Oḷārikāni kāmarāgapaṭighasaṃyojanāni oḷāriko kāmarāgānusayo paṭighānusayoti ime pana cattāro kilese so maggo uppajjamānova samugghāteti. Idāni kuto sakadāgāmissa dve bhave ṭhapetvā pañcasu bhavesu upādinnakappavattaṃ pavattissati . Evaṃ sakadāgāmimaggo upādinnakappavattaṃ appavattaṃ kurumāno upādinnakaṃ nirodheti nāma.
сажз анааг̇аамисса анааг̇аамимаг̇г̇о абхаавид̇о абхависсаа, табзд̇ваа згам̣ бхавам̣ д̣̇уд̇ияабхавз убаад̣̇иннагаббавад̇д̇ам̣ бавад̇д̇зяяа. гасмаа? д̇асса бавад̇д̇ияаа хзд̇уунам̣ ад̇т̇ид̇ааяа. ан̣усахаг̇ад̇аани гаамарааг̇абадигхасан̃н̃ож̇анаани ан̣усахаг̇ад̇о гаамарааг̇аанусаяо бадигхаанусаяод̇и имз бана жад̇д̇ааро гилзсз со маг̇г̇о уббаж̇ж̇амаанова самуг̇гхаад̇зд̇и. ид̣̇аани гуд̇о анааг̇аамисса згам̣ бхавам̣ табзд̇ваа д̣̇уд̇ияабхавз убаад̣̇иннагаббавад̇д̇ам̣ бавад̇д̇иссад̇и. звам̣ анааг̇аамимаг̇г̇о убаад̣̇иннагаббавад̇д̇ам̣ аббавад̇д̇ам̣ гурумаано убаад̣̇иннагам̣ нирод̇хзд̇и наама.
Sace anāgāmissa anāgāmimaggo abhāvito abhavissā, ṭhapetvā ekaṃ bhavaṃ dutiyabhave upādinnakappavattaṃ pavatteyya. Kasmā? Tassa pavattiyā hetūnaṃ atthitāya. Aṇusahagatāni kāmarāgapaṭighasaññojanāni aṇusahagato kāmarāgānusayo paṭighānusayoti ime pana cattāro kilese so maggo uppajjamānova samugghāteti. Idāni kuto anāgāmissa ekaṃ bhavaṃ ṭhapetvā dutiyabhave upādinnakappavattaṃ pavattissati. Evaṃ anāgāmimaggo upādinnakappavattaṃ appavattaṃ kurumāno upādinnakaṃ nirodheti nāma.
сажз арахад̇о арахад̇д̇амаг̇г̇о абхаавид̇о абхависсаа, руубааруубабхавзсу убаад̣̇иннагаббавад̇д̇ам̣ бавад̇д̇зяяа. гасмаа? д̇асса бавад̇д̇ияаа хзд̇уунам̣ ад̇т̇ид̇ааяа. руубарааг̇о аруубарааг̇о маано уд̣̇д̇хажжам̣ авиж̇ж̇аа маанаанусаяо бхаварааг̇аанусаяо авиж̇ж̇аанусаяод̇и имз бана адта гилзсз со маг̇г̇о уббаж̇ж̇амаанова самуг̇гхаад̇зд̇и. ид̣̇аани гуд̇о кийн̣аасавасса бунаб̣бхавз убаад̣̇иннагаббавад̇д̇ам̣ бавад̇д̇иссад̇и? звам̣ арахад̇д̇амаг̇г̇о убаад̣̇иннагаббавад̇д̇ам̣ аббавад̇д̇ам̣ гурумаано убаад̣̇иннагам̣ нирод̇хзд̇и наама.
Sace arahato arahattamaggo abhāvito abhavissā, rūpārūpabhavesu upādinnakappavattaṃ pavatteyya. Kasmā? Tassa pavattiyā hetūnaṃ atthitāya. Rūparāgo arūparāgo māno uddhaccaṃ avijjā mānānusayo bhavarāgānusayo avijjānusayoti ime pana aṭṭha kilese so maggo uppajjamānova samugghāteti. Idāni kuto khīṇāsavassa punabbhave upādinnakappavattaṃ pavattissati? Evaṃ arahattamaggo upādinnakappavattaṃ appavattaṃ kurumāno upādinnakaṃ nirodheti nāma.
сод̇аабад̇д̇имаг̇г̇о жзд̇т̇а абааяабхавам̣ нирод̇хзд̇и. сагад̣̇ааг̇аамимаг̇г̇о суг̇ад̇игаамабхавзгад̣̇зсам̣. анааг̇аамимаг̇г̇о гаамабхавам̣. арахад̇д̇амаг̇г̇о руубааруубабхавам̣, саб̣б̣абхавзби нирод̇хзд̇и зваад̇и вад̣̇анд̇и. звам̣ убаад̣̇иннаганирод̇хо взд̣̇ид̇аб̣б̣о.
Sotāpattimaggo cettha apāyabhavaṃ nirodheti. Sakadāgāmimaggo sugatikāmabhavekadesaṃ. Anāgāmimaggo kāmabhavaṃ. Arahattamaggo rūpārūpabhavaṃ, sabbabhavepi nirodheti evāti vadanti. Evaṃ upādinnakanirodho veditabbo.
д̇ад̇т̇а ‘‘абхисан̇кааравин̃н̃аан̣асса нирод̇хзнаа’’д̇и зд̇зна анубаад̣̇иннаганирод̇хам̣ д̣̇ассзд̇и. ‘‘яз уббаж̇ж̇зяяум̣ нааман̃жа руубан̃жа, зд̇т̇зд̇з нируж̇жханд̇ий’’д̇и иминаа бана убаад̣̇иннаганирод̇хам̣ д̣̇ассзд̇и.
Tattha ‘‘abhisaṅkhāraviññāṇassa nirodhenā’’ti etena anupādinnakanirodhaṃ dasseti. ‘‘Ye uppajjeyyuṃ nāmañca rūpañca, etthete nirujjhantī’’ti iminā pana upādinnakanirodhaṃ dasseti.
д̇ад̇т̇а сад̇д̇а бхавз табзд̇ваад̇и гаамабхавад̇о гаамабхавам̣ сам̣саранд̇асса сад̇д̇а бхавз важ̇ж̇зд̇ваа. анамад̇аг̇г̇з сам̣саарзд̇и –
Tattha satta bhave ṭhapetvāti kāmabhavato kāmabhavaṃ saṃsarantassa satta bhave vajjetvā. Anamatagge saṃsāreti –
‘‘канд̇хаанан̃жа бадибаади, д̇хаад̇уааяад̇анаана жа;
‘‘Khandhānañca paṭipāṭi, dhātuāyatanāna ca;
аб̣б̣ожчиннам̣ вад̇д̇амаанаа, ‘сам̣сааро’д̇и бавужжад̇ий’’д̇и. (висуд̣̇д̇хи. 2.619; д̇ха. са. адта. нид̣̇аанагат̇аа; а. ни. адта. 2.4.199; бади. ма. адта. 2.1.117; ид̇иву. адта. 14, 58; уд̣̇аа. адта. 39) –
Abbocchinnaṃ vattamānā, ‘saṃsāro’ti pavuccatī’’ti. (visuddhi. 2.619; dha. sa. aṭṭha. nidānakathā; a. ni. aṭṭha. 2.4.199; paṭi. ma. aṭṭha. 2.1.117; itivu. aṭṭha. 14, 58; udā. aṭṭha. 39) –
звам̣ ван̣н̣ид̇з сам̣саараваддз. яз уббаж̇ж̇зяяум̣ нааман̃жа руубан̃жаад̇и наманалагкан̣ам̣ жад̇угканд̇хасан̇каад̇ам̣ нааман̃жа руббаналагкан̣ам̣ бхууд̇обаад̣̇ааяасан̇каад̇ам̣ руубан̃жа зд̇з д̇хаммаа уббаж̇ж̇зяяум̣. зд̇т̇зд̇з нируж̇жханд̇ийд̇и зд̇асмим̣ сод̇аабад̇д̇имаг̇г̇з зд̇з наамаруубад̇хаммаа абхаб̣б̣уббад̇д̇игавасзна нирод̇хам̣ г̇ажчанд̇и. сагад̣̇ааг̇аамимаг̇г̇ан̃аан̣знаад̇и зд̇т̇а бадисанд̇хивасзна сагим̣язва имам̣ логам̣ ааг̇ажчад̇ийд̇и сагад̣̇ааг̇аамий , д̇асса маг̇г̇о сагад̣̇ааг̇аамимаг̇г̇о. д̇зна маг̇г̇зна самбаяуд̇д̇ан̃аан̣зна. д̣̇вз бхавз табзд̇ваад̇и гаамад̇хаад̇уяааязва бадисанд̇хивасзна д̣̇вз бхавз важ̇ж̇зд̇ваа. бан̃жасу бхавзсууд̇и д̇ад̣̇авасидтзсу бан̃жасу бхавзсу. зд̇т̇зд̇з нируж̇жханд̇ийд̇и зд̇т̇а сагад̣̇ааг̇аамимаг̇г̇з зд̇з д̇хаммаа вуд̇д̇анаязна нируж̇жханд̇и. згам̣ бхавам̣ табзд̇ваад̇и уггадтавасзна руубад̇хаад̇уяаа ваа аруубад̇хаад̇уяаа ваа згам̣ бхавам̣ важ̇ж̇зд̇ваа. руубад̇хаад̇уяаа ваа аруубад̇хаад̇уяаа ваад̇и д̣̇уд̇ияагабхавз руубад̇хаад̇уяаа жзва аруубад̇хаад̇уяаа жа. нааман̃жа руубан̃жаад̇и зд̇т̇а руубабхавз наамаруубам̣, аруубабхавз наамамзва. зд̇т̇зд̇з нируж̇жханд̇ийд̇и зд̇т̇а анааг̇аамимаг̇г̇з зд̇з наамаруубад̇хаммаа вуд̇д̇анаязна нируж̇жханд̇и.
Evaṃ vaṇṇite saṃsāravaṭṭe. Ye uppajjeyyuṃ nāmañca rūpañcāti namanalakkhaṇaṃ catukkhandhasaṅkhātaṃ nāmañca ruppanalakkhaṇaṃ bhūtopādāyasaṅkhātaṃ rūpañca ete dhammā uppajjeyyuṃ. Etthete nirujjhantīti etasmiṃ sotāpattimagge ete nāmarūpadhammā abhabbuppattikavasena nirodhaṃ gacchanti. Sakadāgāmimaggañāṇenāti ettha paṭisandhivasena sakiṃyeva imaṃ lokaṃ āgacchatīti sakadāgāmī , tassa maggo sakadāgāmimaggo. Tena maggena sampayuttañāṇena. Dve bhave ṭhapetvāti kāmadhātuyāyeva paṭisandhivasena dve bhave vajjetvā. Pañcasu bhavesūti tadavasiṭṭhesu pañcasu bhavesu. Etthete nirujjhantīti ettha sakadāgāmimagge ete dhammā vuttanayena nirujjhanti. Ekaṃ bhavaṃ ṭhapetvāti ukkaṭṭhavasena rūpadhātuyā vā arūpadhātuyā vā ekaṃ bhavaṃ vajjetvā. Rūpadhātuyā vā arūpadhātuyā vāti dutiyakabhave rūpadhātuyā ceva arūpadhātuyā ca. Nāmañca rūpañcāti ettha rūpabhave nāmarūpaṃ, arūpabhave nāmameva. Etthete nirujjhantīti ettha anāgāmimagge ete nāmarūpadhammā vuttanayena nirujjhanti.
арахад̇од̇и гилзсзхи аарагад̇д̇аа ‘‘арахаа’’д̇и лад̣̇д̇ханаамасса кийн̣аасавасса. анубаад̣̇исзсааяа ниб̣б̣аанад̇хаад̇уяаад̇и д̣̇увид̇хаа хи ниб̣б̣аанад̇хаад̇у саубаад̣̇исзсаа жа анубаад̣̇исзсаа жа. д̇ад̇т̇а убаад̣̇ийяад̇и ‘‘ахам̣ мамаа’’д̇и бхусам̣ г̇ан̣хийяад̇ийд̇и убаад̣̇и, канд̇хабан̃жагассзд̇ам̣ ад̇хиважанам̣. убаад̣̇иязва сзсо авасидто убаад̣̇исзсо, саха убаад̣̇исзсзна вад̇д̇ад̇ийд̇и саубаад̣̇исзсаа. над̇т̇зд̇т̇а убаад̣̇исзсод̇и анубаад̣̇исзсаа. д̇ааяа анубаад̣̇исзсааяа ниб̣б̣аанад̇хаад̇уяаа. бариниб̣б̣ааяанд̇ассаад̇и ниринд̇ханасса вияа ж̇аад̇авзд̣̇асса ниб̣б̣ааяанд̇асса аббавад̇д̇ам̣ бависанд̇асса. жаримавин̃н̃аан̣асса нирод̇хзнаад̇и зд̇т̇а ассаасабассаасаанам̣ нирод̇хавасзна. д̇аяо жаримаа бхаважаримо жхаанажаримо жуд̇ижаримод̇и. бхавзсу хи гаамабхавз ассаасабассаасаа бавад̇д̇анд̇и, руубааруубабхавзсу наббавад̇д̇анд̇и. д̇асмаа со бхаважаримо. жхаанзсу буримажхаанад̇д̇аязва бавад̇д̇анд̇и, жад̇уд̇т̇з наббавад̇д̇анд̇и. д̇асмаа со жхаанажаримо. яз бана жуд̇ижид̇д̇асса бурад̇о сол̣асамзна жид̇д̇зна сахуббаннаа, д̇з жуд̇ижид̇д̇зна саха нируж̇жханд̇и. со жуд̇ижаримо наама. аяам̣ ид̇ха жаримод̇и ад̇хиббзд̇о. яз хи гзжи б̣уд̣̇д̇хаа ваа бажжзгаб̣уд̣̇д̇хаа ваа арияасаавагаа ваа анд̇амасо гунт̇агибиллигам̣ убаад̣̇ааяа саб̣б̣з бхаван̇г̇ажид̇д̇знзва аб̣яаагад̇зна д̣̇угкасажжзна гаалам̣ гаронд̇и. д̇асмаа жаримавин̃н̃аан̣асса нирод̇хзнаад̇и жуд̇ижид̇д̇асса нирод̇хзнаад̇и ад̇т̇о.
Arahatoti kilesehi ārakattā ‘‘arahā’’ti laddhanāmassa khīṇāsavassa. Anupādisesāya nibbānadhātuyāti duvidhā hi nibbānadhātu saupādisesā ca anupādisesā ca. Tattha upādīyati ‘‘ahaṃ mamā’’ti bhusaṃ gaṇhīyatīti upādi, khandhapañcakassetaṃ adhivacanaṃ. Upādiyeva seso avasiṭṭho upādiseso, saha upādisesena vattatīti saupādisesā. Natthettha upādisesoti anupādisesā. Tāya anupādisesāya nibbānadhātuyā. Parinibbāyantassāti nirindhanassa viya jātavedassa nibbāyantassa appavattaṃ pavisantassa. Carimaviññāṇassa nirodhenāti ettha assāsapassāsānaṃ nirodhavasena. Tayo carimā bhavacarimo jhānacarimo cuticarimoti. Bhavesu hi kāmabhave assāsapassāsā pavattanti, rūpārūpabhavesu nappavattanti. Tasmā so bhavacarimo. Jhānesu purimajhānattayeva pavattanti, catutthe nappavattanti. Tasmā so jhānacarimo. Ye pana cuticittassa purato soḷasamena cittena sahuppannā, te cuticittena saha nirujjhanti. So cuticarimo nāma. Ayaṃ idha carimoti adhippeto. Ye hi keci buddhā vā paccekabuddhā vā ariyasāvakā vā antamaso kunthakipillikaṃ upādāya sabbe bhavaṅgacitteneva abyākatena dukkhasaccena kālaṃ karonti. Tasmā carimaviññāṇassa nirodhenāti cuticittassa nirodhenāti attho.
бан̃н̃аа жа сад̇и жа нааман̃жаад̇и зд̇зхи жад̇уннам̣ аруубагканд̇хаанам̣ г̇ахан̣ам̣ бажжзд̇аб̣б̣ам̣. руубан̃жаад̇и зд̇зна жад̇уннам̣ махаабхууд̇аанам̣ жад̇увийсад̇иубаад̣̇ааруубаанан̃жа г̇ахан̣ам̣ бажжзд̇аб̣б̣ам̣. ид̣̇аани д̇асса нируж̇жхануубааяам̣ д̣̇ассзнд̇о ‘‘вин̃н̃аан̣асса нирод̇хзна, зд̇т̇зд̇ам̣ убаруж̇жхад̇ий’’д̇и ааха. д̇ад̇т̇а вин̃н̃аан̣анд̇и жаримавин̃н̃аан̣амби абхисан̇кааравин̃н̃аан̣амби. абхисан̇кааравин̃н̃аан̣асса бахийнанирод̇хзна зд̇т̇зд̇ам̣ убаруж̇жхад̇и нируж̇жхад̇и д̣̇ийбасикаа вияа абан̣н̣ад̇д̇игабхаавам̣ яаад̇и, жаримавин̃н̃аан̣асса ануббаад̣̇абажжаяад̇д̇аа ануббаад̣̇анирод̇хзна ануббаад̣̇авасзнзва убаруж̇жхад̇ийд̇и (д̣̇ий. ни. адта. 1.499).
Paññāca sati ca nāmañcāti etehi catunnaṃ arūpakkhandhānaṃ gahaṇaṃ paccetabbaṃ. Rūpañcāti etena catunnaṃ mahābhūtānaṃ catuvīsatiupādārūpānañca gahaṇaṃ paccetabbaṃ. Idāni tassa nirujjhanūpāyaṃ dassento ‘‘viññāṇassa nirodhena, etthetaṃ uparujjhatī’’ti āha. Tattha viññāṇanti carimaviññāṇampi abhisaṅkhāraviññāṇampi. Abhisaṅkhāraviññāṇassa pahīnanirodhena etthetaṃ uparujjhati nirujjhati dīpasikhā viya apaṇṇattikabhāvaṃ yāti, carimaviññāṇassa anuppādapaccayattā anuppādanirodhena anuppādavaseneva uparujjhatīti (dī. ni. aṭṭha. 1.499).
7. зд̇д̇аавад̇аа жа ‘‘д̣̇угкамасса махаб̣бхаяа’’нд̇и иминаа багаасид̇ам̣ д̣̇угкасажжам̣, ‘‘яаани сод̇ааний’’д̇и иминаа самуд̣̇аяасажжам̣, ‘‘бан̃н̃ааязд̇з бид̇хийяарз’’д̇и иминаа маг̇г̇асажжам̣, ‘‘асзсам̣ убаруж̇жхад̇ий’’д̇и иминаа нирод̇хасажжанд̇и звам̣ жад̇д̇аари сажжаани суд̇вааби арияабхуумим̣ анад̇хиг̇ад̇о буна сзгкаасзгкабадибад̣̇ам̣ бужчанд̇о ‘‘яз жа сан̇каад̇ад̇хаммаасз’’д̇и г̇аат̇амааха. д̇ад̇т̇а сан̇каад̇ад̇хаммаад̇и анижжаад̣̇ивасзна баривиймам̣сид̇ад̇хаммаа, араханд̇аанамзд̇ам̣ ад̇хиважанам̣. сзгкаад̇и сийлаад̣̇ийни сигкамаанаа авасзсаа арияабуг̇г̇алаа. бут̇ууд̇и б̣ахуу сад̇д̇аж̇анаа. д̇зсам̣ мз нибаго ирияам̣ будто баб̣руухийд̇и д̇зсам̣ мз сзгкаасзгкаанам̣ нибаго бан̣д̣ид̇о д̇вам̣ будто бадибад̇д̇им̣ б̣руухийд̇и.
7. Ettāvatā ca ‘‘dukkhamassa mahabbhaya’’nti iminā pakāsitaṃ dukkhasaccaṃ, ‘‘yāni sotānī’’ti iminā samudayasaccaṃ, ‘‘paññāyete pidhīyare’’ti iminā maggasaccaṃ, ‘‘asesaṃ uparujjhatī’’ti iminā nirodhasaccanti evaṃ cattāri saccāni sutvāpi ariyabhūmiṃ anadhigato puna sekkhāsekkhapaṭipadaṃ pucchanto ‘‘ye ca saṅkhātadhammāse’’ti gāthamāha. Tattha saṅkhātadhammāti aniccādivasena parivīmaṃsitadhammā, arahantānametaṃ adhivacanaṃ. Sekkhāti sīlādīni sikkhamānā avasesā ariyapuggalā. Puthūti bahū sattajanā. Tesaṃ me nipako iriyaṃ puṭṭho pabrūhīti tesaṃ me sekkhāsekkhānaṃ nipako paṇḍito tvaṃ puṭṭho paṭipattiṃ brūhīti.
д̇зсам̣ канд̇хаа сан̇каад̇аад̇и д̇зсам̣ бан̃жагканд̇хаа аббадисанд̇хигам̣ гад̇ваа д̣̇зсид̇аа, сан̇кзбам̣ гад̇ваа табид̇аа ваа. д̇хаад̇уаад̣̇ийсуби зсзва наяо. ирияанд̇и баяог̇ам̣. жарияанд̇и гирияам̣. вуд̇д̇инд̇и бавад̇д̇им̣. аажаранд̇и жаран̣ам̣. г̇ожаранд̇и бажжаяам̣. вихааранд̇и ирияаабат̇абавад̇д̇анам̣. бадибад̣̇анд̇и вибассанам̣.
Tesaṃ khandhā saṅkhātāti tesaṃ pañcakkhandhā appaṭisandhikaṃ katvā desitā, saṅkhepaṃ katvā ṭhapitā vā. Dhātuādīsupi eseva nayo. Iriyanti payogaṃ. Cariyanti kiriyaṃ. Vuttinti pavattiṃ. Ācaranti caraṇaṃ. Gocaranti paccayaṃ. Vihāranti iriyāpathapavattanaṃ. Paṭipadanti vipassanaṃ.
8. ат̇асса бхаг̇аваа яасмаа сзгкзна гаамажчанд̣̇анийваран̣ам̣ аад̣̇им̣ гад̇ваа саб̣б̣агилзсаа бахаад̇аб̣б̣аа зва, д̇асмаа ‘‘гаамзсууд̇и убад̣дхаг̇аат̇ааяа сзгкабадибад̣̇ам̣ д̣̇ассзд̇и. д̇ассад̇т̇о – вад̇т̇угаамзсу гилзсагаамзна наабхиг̇иж̇жхзяяа, гааяад̣̇ужжарид̇аад̣̇аяо жа манасо аавилабхаавагарз д̇хаммз баж̇аханд̇о манасаанаавило сияаад̇и. яасмаа бана асзгко анижжаад̣̇ивасзна саб̣б̣асан̇каараад̣̇ийнам̣ барид̇улид̇ад̇д̇аа гусало саб̣б̣ад̇хаммзсу гааяаанубассанаасад̇иаад̣̇ийхи жа сад̇о саггааяад̣̇идтиаад̣̇ийнам̣ бхиннад̇д̇аа бхигкубхаавам̣ бад̇д̇о худ̇ваа саб̣б̣аирияаабат̇зсу бариб̣б̣аж̇ад̇и, д̇асмаа ‘‘гусало’’д̇и убад̣дхаг̇аат̇ааяа асзгкабадибад̣̇ам̣ д̣̇ассзд̇и.
8. Athassa bhagavā yasmā sekkhena kāmacchandanīvaraṇaṃ ādiṃ katvā sabbakilesā pahātabbā eva, tasmā ‘‘kāmesūti upaḍḍhagāthāya sekkhapaṭipadaṃ dasseti. Tassattho – vatthukāmesu kilesakāmena nābhigijjheyya, kāyaduccaritādayo ca manaso āvilabhāvakare dhamme pajahanto manasānāvilo siyāti. Yasmā pana asekkho aniccādivasena sabbasaṅkhārādīnaṃ paritulitattā kusalo sabbadhammesu kāyānupassanāsatiādīhi ca sato sakkāyadiṭṭhiādīnaṃ bhinnattā bhikkhubhāvaṃ patto hutvā sabbairiyāpathesu paribbajati, tasmā ‘‘kusalo’’ti upaḍḍhagāthāya asekkhapaṭipadaṃ dasseti.
наабхиг̇иж̇жхзяяаад̇и г̇зд̇хам̣ наабаж̇ж̇зяяа. на балиг̇иж̇жхзяяаад̇и лобхам̣ наабаж̇ж̇зяяа. на балиб̣унд̇хзяяаад̇и лобхавасзна на аллийязяяа.
Nābhigijjheyyāti gedhaṃ nāpajjeyya. Na paligijjheyyāti lobhaṃ nāpajjeyya. Na palibundheyyāti lobhavasena na allīyeyya.
аавилагарз гилзсз ж̇ахзяяаад̇и жид̇д̇аалул̣агарз убад̇аабасан̇каад̇з гилзсз ж̇ахзяяа.
Āvilakare kilese jaheyyāti cittāluḷakare upatāpasaṅkhāte kilese jaheyya.
саб̣б̣з д̇хаммаа анад̇д̇аад̇и ниб̣б̣аанам̣ анд̇огарид̇ваа вуд̇д̇ам̣. яам̣ гин̃жи самуд̣̇аяад̇хамманд̇и яам̣ гин̃жи саббажжаяасабхаавам̣.
Sabbe dhammā anattāti nibbānaṃ antokaritvā vuttaṃ. Yaṃ kiñci samudayadhammanti yaṃ kiñci sappaccayasabhāvaṃ.
саха г̇аат̇аабарияосаанаад̇и г̇аат̇аавасаанзнзва сад̣̇д̇хим̣. язд̇з б̣раахман̣зна сад̣̇д̇хим̣ згажчанд̣̇аад̇и яз зд̇з аж̇ид̇амаан̣авзна галяаан̣ачанд̣̇зна згаж̇жхаасаяаа. згаббаяог̇аад̇и гааяаважийманобаяог̇зхи згаббаяог̇аа. згаад̇хиббааяаад̇и зго ад̇хиббааяо ружи зд̇зсанд̇и згаад̇хиббааяаа, згаружигаад̇и ад̇т̇о. згаваасанаваасид̇аад̇и ад̇ийд̇аб̣уд̣̇д̇хасаасанз д̇зна сад̣̇д̇хим̣ бхаавид̇абхааванаа. анзгабаан̣асахассаананд̇и анзгзсам̣ д̣̇звамануссасан̇каад̇аанам̣ баан̣асахассаанам̣. вираж̇ам̣ вийд̇амаланд̇и рааг̇аад̣̇ираж̇авирахид̇ам̣ рааг̇аад̣̇ималавирахид̇ан̃жа.
Saha gāthāpariyosānāti gāthāvasāneneva saddhiṃ. Yete brāhmaṇena saddhiṃ ekacchandāti ye ete ajitamāṇavena kalyāṇachandena ekajjhāsayā. Ekappayogāti kāyavacīmanopayogehi ekappayogā. Ekādhippāyāti eko adhippāyo ruci etesanti ekādhippāyā, ekarucikāti attho. Ekavāsanavāsitāti atītabuddhasāsane tena saddhiṃ bhāvitabhāvanā. Anekapāṇasahassānanti anekesaṃ devamanussasaṅkhātānaṃ pāṇasahassānaṃ. Virajaṃ vītamalanti rāgādirajavirahitaṃ rāgādimalavirahitañca.
д̇хаммажагкунд̇и ид̇ха сод̇аабад̇д̇имаг̇г̇о ад̇хиббзд̇о. ан̃н̃ад̇т̇а хздтаамаг̇г̇ад̇д̇аяам̣. д̇асса уббад̇д̇игааран̣ад̣̇ассанад̇т̇ам̣ ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и ааха. д̇ан̃хи нирод̇хам̣ аарамман̣ам̣ гад̇ваа гижжавасзна звам̣ саб̣б̣асан̇кад̇ам̣ бадивиж̇жханд̇ам̣ уббаж̇ж̇ад̇и. д̇асса б̣раахман̣асса анубаад̣̇ааяа аасавзхи жид̇д̇ам̣ вимужжийд̇и д̇асса жа аж̇ид̇аб̣раахман̣асса анд̇зваасигасахассаанан̃жа д̇ан̣хаад̣̇ийхи аг̇г̇ахзд̇ваа гаамаасаваад̣̇ийхи маг̇г̇агкан̣з жид̇д̇ам̣ вимужжамаанам̣ палагкан̣з вимужжи. саха арахад̇д̇аббад̇д̇аад̇и арахад̇д̇аббад̇д̇ияаа жа сахзва ааяасмад̇о аж̇ид̇асса жа анд̇зваасигасахассасса жа аж̇инаж̇адааваагажийрад̇ид̣̇ан̣д̣агаман̣д̣алуаад̣̇аяо анд̇арад̇хааяим̣су. саб̣б̣зва ид̣̇д̇химаяабад̇д̇ажийварад̇хараа д̣̇ван̇г̇улагзсаа зхибхигкуу худ̇ваа бхаг̇аванд̇ам̣ намассамаанаа бан̃ж̇алигаа нисийд̣̇им̣су. баал̣ияам̣ бана аж̇ид̇ад̇т̇зрова бан̃н̃ааяад̇и. д̇ад̇т̇а анвад̇т̇абадибад̇д̇ияаад̇и саяам̣ бажжаасийсид̇алад̣̇д̇хабадибад̇д̇ияаа, ниб̣б̣ааналад̣̇д̇хабхаавзнаад̇и ад̇т̇о. сзсам̣ саб̣б̣ад̇т̇а баагадамзва. звам̣ бхаг̇аваа арахад̇д̇анигуудзна д̣̇зсанам̣ нидтаабзсийд̇и.
Dhammacakkhunti idha sotāpattimaggo adhippeto. Aññattha heṭṭhāmaggattayaṃ. Tassa uppattikāraṇadassanatthaṃ ‘‘yaṃ kiñci samudayadhammaṃ, sabbaṃ taṃ nirodhadhamma’’nti āha. Tañhi nirodhaṃ ārammaṇaṃ katvā kiccavasena evaṃ sabbasaṅkhataṃ paṭivijjhantaṃ uppajjati. Tassa brāhmaṇassa anupādāya āsavehi cittaṃ vimuccīti tassa ca ajitabrāhmaṇassa antevāsikasahassānañca taṇhādīhi aggahetvā kāmāsavādīhi maggakkhaṇe cittaṃ vimuccamānaṃ phalakkhaṇe vimucci. Saha arahattappattāti arahattappattiyā ca saheva āyasmato ajitassa ca antevāsikasahassassa ca ajinajaṭāvākacīratidaṇḍakamaṇḍaluādayo antaradhāyiṃsu. Sabbeva iddhimayapattacīvaradharā dvaṅgulakesā ehibhikkhū hutvā bhagavantaṃ namassamānā pañjalikā nisīdiṃsu. Pāḷiyaṃ pana ajitattherova paññāyati. Tattha anvatthapaṭipattiyāti sayaṃ paccāsīsitaladdhapaṭipattiyā, nibbānaladdhabhāvenāti attho. Sesaṃ sabbattha pākaṭameva. Evaṃ bhagavā arahattanikūṭena desanaṃ niṭṭhāpesīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
аж̇ид̇амаан̣авасуд̇д̇анид̣̇д̣̇зсаван̣н̣анаа нидтид̇аа.
Ajitamāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
1. аж̇ид̇амаан̣авабужчаа • 1. Ajitamāṇavapucchā
1. аж̇ид̇амаан̣авабужчаанид̣̇д̣̇зсо • 1. Ajitamāṇavapucchāniddeso
