| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. ஆஜீவகஸுத்தவண்ணனா
2. Ājīvakasuttavaṇṇanā
73. து³தியே தேன ஹி க³ஹபதீதி தே²ரோ கிர சிந்தேஸி – ‘‘அயங் இத⁴ ஆக³ச்ச²ந்தோ ந அஞ்ஞாதுகாமோ ஹுத்வா ஆக³மி, பரிக்³க³ண்ஹனத்த²ங் பன ஆக³தோ. இமினா புச்சி²தபஞ்ஹங் இமினாவ கதா²பெஸ்ஸாமீ’’தி. இதி தங்யேவ கத²ங் கதா²பேதுகாமோ தேன ஹீதிஆதி³மாஹ. தத்த² தேன ஹீதி காரணாபதே³ஸோ. யஸ்மா த்வங் ஏவங் புச்ச²ஸி, தஸ்மா தஞ்ஞேவெத்த² படிபுச்சா²மீதி. கேஸங் நோதி கதமேஸங் நு. ஸத⁴ம்முக்கங்ஸனாதி அத்தனோ லத்³தி⁴யா உக்கி²பித்வா ட²பனா. பரத⁴ம்மாபஸாத³னாதி பரேஸங் லத்³தி⁴யா க⁴ட்டனா வம்ப⁴னா அவக்கி²பனா. ஆயதனேவ த⁴ம்மதே³ஸனாதி காரணஸ்மிங்யேவ த⁴ம்மதே³ஸனா. அத்தோ² ச வுத்தோதி மயா புச்சி²தபஞ்ஹாய அத்தோ² ச பகாஸிதோ . அத்தா ச அனுபனீதோதி அம்ஹே ஏவரூபாதி ஏவங் அத்தா ச ந உபனீதோ. நுபனீதோதிபி பாடோ².
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. ஆஜீவகஸுத்தங் • 2. Ājīvakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2. ஆஜீவகஸுத்தவண்ணனா • 2. Ājīvakasuttavaṇṇanā
