| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
২. আজীৰকসুত্তৰণ্ণনা
2. Ājīvakasuttavaṇṇanā
৭৩. দুতিযে তেন হি গহপতীতি থেরো কির চিন্তেসি – ‘‘অযং ইধ আগচ্ছন্তো ন অঞ্ঞাতুকামো হুত্ৰা আগমি, পরিগ্গণ্হনত্থং পন আগতো। ইমিনা পুচ্ছিতপঞ্হং ইমিনাৰ কথাপেস্সামী’’তি। ইতি তংযেৰ কথং কথাপেতুকামো তেন হীতিআদিমাহ। তত্থ তেন হীতি কারণাপদেসো। যস্মা ত্ৰং এৰং পুচ্ছসি, তস্মা তঞ্ঞেৰেত্থ পটিপুচ্ছামীতি। কেসং নোতি কতমেসং নু। সধম্মুক্কংসনাতি অত্তনো লদ্ধিযা উক্খিপিত্ৰা ঠপনা। পরধম্মাপসাদনাতি পরেসং লদ্ধিযা ঘট্টনা ৰম্ভনা অৰক্খিপনা। আযতনেৰ ধম্মদেসনাতি কারণস্মিংযেৰ ধম্মদেসনা। অত্থো চ ৰুত্তোতি মযা পুচ্ছিতপঞ্হায অত্থো চ পকাসিতো । অত্তা চ অনুপনীতোতি অম্হে এৰরূপাতি এৰং অত্তা চ ন উপনীতো। নুপনীতোতিপি পাঠো।
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ২. আজীৰকসুত্তং • 2. Ājīvakasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ২. আজীৰকসুত্তৰণ্ণনা • 2. Ājīvakasuttavaṇṇanā
