| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒. อาชีวกสุตฺตวณฺณนา
2. Ājīvakasuttavaṇṇanā
๗๓. ทุติเย เตน หิ คหปตีติ เถโร กิร จิเนฺตสิ – ‘‘อยํ อิธ อาคจฺฉโนฺต น อญฺญาตุกาโม หุตฺวา อาคมิ, ปริคฺคณฺหนตฺถํ ปน อาคโตฯ อิมินา ปุจฺฉิตปญฺหํ อิมินาว กถาเปสฺสามี’’ติฯ อิติ ตํเยว กถํ กถาเปตุกาโม เตน หีติอาทิมาหฯ ตตฺถ เตน หีติ การณาปเทโสฯ ยสฺมา ตฺวํ เอวํ ปุจฺฉสิ, ตสฺมา ตเญฺญเวตฺถ ปฎิปุจฺฉามีติฯ เกสํ โนติ กตเมสํ นุฯ สธมฺมุกฺกํสนาติ อตฺตโน ลทฺธิยา อุกฺขิปิตฺวา ฐปนาฯ ปรธมฺมาปสาทนาติ ปเรสํ ลทฺธิยา ฆฎฺฎนา วมฺภนา อวกฺขิปนาฯ อายตเนว ธมฺมเทสนาติ การณสฺมิํเยว ธมฺมเทสนาฯ อโตฺถ จ วุโตฺตติ มยา ปุจฺฉิตปญฺหาย อโตฺถ จ ปกาสิโต ฯ อตฺตา จ อนุปนีโตติ อเมฺห เอวรูปาติ เอวํ อตฺตา จ น อุปนีโตฯ นุปนีโตติปิ ปาโฐฯ
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒. อาชีวกสุตฺตํ • 2. Ājīvakasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒. อาชีวกสุตฺตวณฺณนา • 2. Ājīvakasuttavaṇṇanā
