| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. အာဇီဝကသုတ္တဝဏ္ဏနာ
2. Ājīvakasuttavaṇṇanā
၇၃. ဒုတိယေ တေန ဟိ ဂဟပတီတိ ထေရော ကိရ စိန္တေသိ – ‘‘အယံ ဣဓ အာဂစ္ဆန္တော န အညာတုကာမော ဟုတ္ဝာ အာဂမိ, ပရိဂ္ဂဏ္ဟနတ္ထံ ပန အာဂတော။ ဣမိနာ ပုစ္ဆိတပဉ္ဟံ ဣမိနာဝ ကထာပေသ္သာမီ’’တိ။ ဣတိ တံယေဝ ကထံ ကထာပေတုကာမော တေန ဟီတိအာဒိမာဟ။ တတ္ထ တေန ဟီတိ ကာရဏာပဒေသော။ ယသ္မာ တ္ဝံ ဧဝံ ပုစ္ဆသိ, တသ္မာ တညေဝေတ္ထ ပဋိပုစ္ဆာမီတိ။ ကေသံ နောတိ ကတမေသံ နု။ သဓမ္မုက္ကံသနာတိ အတ္တနော လဒ္ဓိယာ ဥက္ခိပိတ္ဝာ ဌပနာ။ ပရဓမ္မာပသာဒနာတိ ပရေသံ လဒ္ဓိယာ ဃဋ္ဋနာ ဝမ္ဘနာ အဝက္ခိပနာ။ အာယတနေဝ ဓမ္မဒေသနာတိ ကာရဏသ္မိံယေဝ ဓမ္မဒေသနာ။ အတ္ထော စ ဝုတ္တောတိ မယာ ပုစ္ဆိတပဉ္ဟာယ အတ္ထော စ ပကာသိတော ။ အတ္တာ စ အနုပနီတောတိ အမ္ဟေ ဧဝရူပာတိ ဧဝံ အတ္တာ စ န ဥပနီတော။ နုပနီတောတိပိ ပာဌော။
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. အာဇီဝကသုတ္တံ • 2. Ājīvakasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၂. အာဇီဝကသုတ္တဝဏ္ဏနာ • 2. Ājīvakasuttavaṇṇanā
