| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2. ආජීවකසුත්‌තවණ්‌ණනා
2. Ājīvakasuttavaṇṇanā
73. දුතියෙ තෙන හි ගහපතීති ථෙරො කිර චින්‌තෙසි – ‘‘අයං ඉධ ආගච්‌ඡන්‌තො න අඤ්‌ඤාතුකාමො හුත්‌වා ආගමි, පරිග්‌ගණ්‌හනත්‌ථං පන ආගතො. ඉමිනා පුච්‌ඡිතපඤ්‌හං ඉමිනාව කථාපෙස්‌සාමී’’ති. ඉති තංයෙව කථං කථාපෙතුකාමො තෙන හීතිආදිමාහ. තත්‌ථ තෙන හීති කාරණාපදෙසො. යස්‌මා ත්‌වං එවං පුච්‌ඡසි, තස්‌මා තඤ්‌ඤෙවෙත්‌ථ පටිපුච්‌ඡාමීති. කෙසං නොති කතමෙසං නු. සධම්‌මුක්‌කංසනාති අත්‌තනො ලද්‌ධියා උක්‌ඛිපිත්‌වා ඨපනා. පරධම්‌මාපසාදනාති පරෙසං ලද්‌ධියා ඝට්‌ටනා වම්‌භනා අවක්‌ඛිපනා. ආයතනෙව ධම්‌මදෙසනාති කාරණස්‌මිංයෙව ධම්‌මදෙසනා. අත්‌ථො ච වුත්‌තොති මයා පුච්‌ඡිතපඤ්‌හාය අත්‌ථො ච පකාසිතො . අත්‌තා ච අනුපනීතොති අම්‌හෙ එවරූපාති එවං අත්‌තා ච න උපනීතො. නුපනීතොතිපි පාඨො.
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. ආජීවකසුත්‌තං • 2. Ājīvakasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 2. ආජීවකසුත්‌තවණ්‌ණනා • 2. Ājīvakasuttavaṇṇanā
