| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༢. ཨཱཛཱིཝཀསུཏྟཝཎྞནཱ
2. Ājīvakasuttavaṇṇanā
༧༣. དུཏིཡེ ཏེན ཧི གཧཔཏཱིཏི ཐེརོ ཀིར ཙིནྟེསི – ‘‘ཨཡཾ ཨིདྷ ཨཱགཙྪནྟོ ན ཨཉྙཱཏུཀཱམོ ཧུཏྭཱ ཨཱགམི, པརིགྒཎྷནཏྠཾ པན ཨཱགཏོ། ཨིམིནཱ པུཙྪིཏཔཉྷཾ ཨིམིནཱཝ ཀཐཱཔེསྶཱམཱི’’ཏི། ཨིཏི ཏཾཡེཝ ཀཐཾ ཀཐཱཔེཏུཀཱམོ ཏེན ཧཱིཏིཨཱདིམཱཧ། ཏཏྠ ཏེན ཧཱིཏི ཀཱརཎཱཔདེསོ། ཡསྨཱ ཏྭཾ ཨེཝཾ པུཙྪསི, ཏསྨཱ ཏཉྙེཝེཏྠ པཊིཔུཙྪཱམཱིཏི། ཀེསཾ ནོཏི ཀཏམེསཾ ནུ། སདྷམྨུཀྐཾསནཱཏི ཨཏྟནོ ལདྡྷིཡཱ ཨུཀྑིཔིཏྭཱ ཋཔནཱ། པརདྷམྨཱཔསཱདནཱཏི པརེསཾ ལདྡྷིཡཱ གྷཊྚནཱ ཝམྦྷནཱ ཨཝཀྑིཔནཱ། ཨཱཡཏནེཝ དྷམྨདེསནཱཏི ཀཱརཎསྨིཾཡེཝ དྷམྨདེསནཱ། ཨཏྠོ ཙ ཝུཏྟོཏི མཡཱ པུཙྪིཏཔཉྷཱཡ ཨཏྠོ ཙ པཀཱསིཏོ ། ཨཏྟཱ ཙ ཨནུཔནཱིཏོཏི ཨམྷེ ཨེཝརཱུཔཱཏི ཨེཝཾ ཨཏྟཱ ཙ ན ཨུཔནཱིཏོ། ནུཔནཱིཏོཏིཔི པཱཋོ།
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. ཨཱཛཱིཝཀསུཏྟཾ • 2. Ājīvakasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༢. ཨཱཛཱིཝཀསུཏྟཝཎྞནཱ • 2. Ājīvakasuttavaṇṇanā
