| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൨. ആജീവകസുത്തവണ്ണനാ
2. Ājīvakasuttavaṇṇanā
൭൩. ദുതിയേ തേന ഹി ഗഹപതീതി ഥേരോ കിര ചിന്തേസി – ‘‘അയം ഇധ ആഗച്ഛന്തോ ന അഞ്ഞാതുകാമോ ഹുത്വാ ആഗമി, പരിഗ്ഗണ്ഹനത്ഥം പന ആഗതോ. ഇമിനാ പുച്ഛിതപഞ്ഹം ഇമിനാവ കഥാപേസ്സാമീ’’തി. ഇതി തംയേവ കഥം കഥാപേതുകാമോ തേന ഹീതിആദിമാഹ. തത്ഥ തേന ഹീതി കാരണാപദേസോ. യസ്മാ ത്വം ഏവം പുച്ഛസി, തസ്മാ തഞ്ഞേവേത്ഥ പടിപുച്ഛാമീതി. കേസം നോതി കതമേസം നു. സധമ്മുക്കംസനാതി അത്തനോ ലദ്ധിയാ ഉക്ഖിപിത്വാ ഠപനാ. പരധമ്മാപസാദനാതി പരേസം ലദ്ധിയാ ഘട്ടനാ വമ്ഭനാ അവക്ഖിപനാ. ആയതനേവ ധമ്മദേസനാതി കാരണസ്മിംയേവ ധമ്മദേസനാ. അത്ഥോ ച വുത്തോതി മയാ പുച്ഛിതപഞ്ഹായ അത്ഥോ ച പകാസിതോ . അത്താ ച അനുപനീതോതി അമ്ഹേ ഏവരൂപാതി ഏവം അത്താ ച ന ഉപനീതോ. നുപനീതോതിപി പാഠോ.
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൨. ആജീവകസുത്തം • 2. Ājīvakasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൨. ആജീവകസുത്തവണ്ണനാ • 2. Ājīvakasuttavaṇṇanā
