| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
151. அஜ்ஜா²ராமே உபாஹனபடிக்கே²பகதா²
151. Ajjhārāme upāhanapaṭikkhepakathā
248. ‘‘யேன ஸிப்பேனா’’திஆதி³னா அபி⁴ அதி⁴கங் ஜீவந்தி அனேனாதி அபி⁴ஜீவனங், கிங்தங்? ஸிப்பந்தி அத்த²ங் த³ஸ்ஸேதி. தஸ்ஸாதி ஸிப்பஸ்ஸ . இதா⁴தி இமஸ்மிங் ஸாஸனே. யங்ஸத்³தோ³ வசனவிபல்லாஸோதி ஆஹ ‘‘யே தும்ஹே’’தி. ஹீதி ஸச்சங். யங்னிபாதோதி யங்இதி நிபாதோ யதி³ஸத்³த³ஸ்ஸ அத்தே² பவத்ததீதி யோஜனா. ஆசரியா ஏவாதி ஏவஸத்³தே³ன ஆசரியமத்தபா⁴வங் படிக்கி²பதி. ஹீதி ஸச்சங். ஸோதி அவஸ்ஸிகோ. தந்தி ச²ப்³ப³ஸ்ஸங். நிஸ்ஸாய வச்ச²தீதி அவஸ்ஸிகஸ்ஸ சதுவஸ்ஸகாலே ச²ப்³ப³ஸ்ஸஸ்ஸ த³ஸவஸ்ஸிகத்தா தங் நிஸ்ஸாய வஸதி. உபஜ்ஜா²யமத்தங் த³ஸ்ஸெந்தோ ஆஹ ‘‘உபஜ்ஜா²யஸ்ஸா’’திஆதி³. மஹந்ததராதி அத்தனோ வுட்³ட⁴தரா. உபஜ்ஜா²யஸ்ஸ மத்தங் பமாணமேதேஸந்தி உபஜ்ஜா²யமத்தா.
248. ‘‘Yena sippenā’’tiādinā abhi adhikaṃ jīvanti anenāti abhijīvanaṃ, kiṃtaṃ? Sippanti atthaṃ dasseti. Tassāti sippassa . Idhāti imasmiṃ sāsane. Yaṃsaddo vacanavipallāsoti āha ‘‘ye tumhe’’ti. Hīti saccaṃ. Yaṃnipātoti yaṃiti nipāto yadisaddassa atthe pavattatīti yojanā. Ācariyā evāti evasaddena ācariyamattabhāvaṃ paṭikkhipati. Hīti saccaṃ. Soti avassiko. Tanti chabbassaṃ. Nissāya vacchatīti avassikassa catuvassakāle chabbassassa dasavassikattā taṃ nissāya vasati. Upajjhāyamattaṃ dassento āha ‘‘upajjhāyassā’’tiādi. Mahantatarāti attano vuḍḍhatarā. Upajjhāyassa mattaṃ pamāṇametesanti upajjhāyamattā.
249. பாத³தோ நிக்க²ந்தேன கீ²லஸதி³ஸேன மங்ஸேன பவத்தோ ஆபா³தோ⁴ பாத³கீ²லாபா³தோ⁴தி வசனத்த²ங் த³ஸ்ஸெந்தோ ஆஹ ‘‘பாத³தோ’’திஆதி³. பாத³தோ நிக்க²ந்தந்தி ஸம்ப³ந்தோ⁴.
249. Pādato nikkhantena khīlasadisena maṃsena pavatto ābādho pādakhīlābādhoti vacanatthaṃ dassento āha ‘‘pādato’’tiādi. Pādato nikkhantanti sambandho.
251. திணபாது³காதிஆதீ³ஸு திணேன கதா பாது³கா திணபாது³காதி வசனத்தா²தி³ங் த³ஸ்ஸெந்தோ ஆஹ ‘‘யேன கேனசி திணேனா’’திஆதி³. தங் ஸுவிஞ்ஞெய்யமேவ. ‘‘பூ⁴மியங் ஸுப்பதிட்டி²தாதி’’ஆதி³னா ந ஸங்கமிதப்³பா³தி அஸங்கமனீயாதி அத்த²ங் த³ஸ்ஸேதி.
251.Tiṇapādukātiādīsu tiṇena katā pādukā tiṇapādukāti vacanatthādiṃ dassento āha ‘‘yena kenaci tiṇenā’’tiādi. Taṃ suviññeyyameva. ‘‘Bhūmiyaṃ suppatiṭṭhitāti’’ādinā na saṅkamitabbāti asaṅkamanīyāti atthaṃ dasseti.
252. அங்க³ஜாதேனேவாதி அத்தனோ அங்க³ஜாதேன ஏவ. அங்க³ஜாதந்தி கா³வீனங் அங்க³ஜாதங். ஓகா³ஹெத்வாதி எத்த² ஒத்யூபஸக்³கோ³ த³ள்ஹத்தோ²தி ஆஹ ‘‘த³ள்ஹங் க³ஹெத்வா’’தி.
252.Aṅgajātenevāti attano aṅgajātena eva. Aṅgajātanti gāvīnaṃ aṅgajātaṃ. Ogāhetvāti ettha otyūpasaggo daḷhatthoti āha ‘‘daḷhaṃ gahetvā’’ti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
151. அஜ்ஜா²ராமே உபாஹனபடிக்கே²போ • 151. Ajjhārāme upāhanapaṭikkhepo
152. கட்ட²பாது³காதி³படிக்கே²போ • 152. Kaṭṭhapādukādipaṭikkhepo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அஜ்ஜா²ராமேஉபாஹனபடிக்கே²பகதா² • Ajjhārāmeupāhanapaṭikkhepakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
அஜ்ஜா²ராமே உபாஹனபடிக்கே²பகதா²வண்ணனா • Ajjhārāme upāhanapaṭikkhepakathāvaṇṇanā
கட்ட²பாது³காதி³படிக்கே²பகதா²வண்ணனா • Kaṭṭhapādukādipaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அஜ்ஜா²ராமேஉபாஹனபடிக்கே²பகதா²தி³வண்ணனா • Ajjhārāmeupāhanapaṭikkhepakathādivaṇṇanā
