| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১৫১. অজ্ঝারামে উপাহনপটিক্খেপকথা
151. Ajjhārāme upāhanapaṭikkhepakathā
২৪৮. ‘‘যেন সিপ্পেনা’’তিআদিনা অভি অধিকং জীৰন্তি অনেনাতি অভিজীৰনং, কিংতং? সিপ্পন্তি অত্থং দস্সেতি। তস্সাতি সিপ্পস্স । ইধাতি ইমস্মিং সাসনে। যংসদ্দো ৰচনৰিপল্লাসোতি আহ ‘‘যে তুম্হে’’তি। হীতি সচ্চং। যংনিপাতোতি যংইতি নিপাতো যদিসদ্দস্স অত্থে পৰত্ততীতি যোজনা। আচরিযা এৰাতি এৰসদ্দেন আচরিযমত্তভাৰং পটিক্খিপতি। হীতি সচ্চং। সোতি অৰস্সিকো। তন্তি ছব্বস্সং। নিস্সায ৰচ্ছতীতি অৰস্সিকস্স চতুৰস্সকালে ছব্বস্সস্স দসৰস্সিকত্তা তং নিস্সায ৰসতি। উপজ্ঝাযমত্তং দস্সেন্তো আহ ‘‘উপজ্ঝাযস্সা’’তিআদি। মহন্ততরাতি অত্তনো ৰুড্ঢতরা। উপজ্ঝাযস্স মত্তং পমাণমেতেসন্তি উপজ্ঝাযমত্তা।
248. ‘‘Yena sippenā’’tiādinā abhi adhikaṃ jīvanti anenāti abhijīvanaṃ, kiṃtaṃ? Sippanti atthaṃ dasseti. Tassāti sippassa . Idhāti imasmiṃ sāsane. Yaṃsaddo vacanavipallāsoti āha ‘‘ye tumhe’’ti. Hīti saccaṃ. Yaṃnipātoti yaṃiti nipāto yadisaddassa atthe pavattatīti yojanā. Ācariyā evāti evasaddena ācariyamattabhāvaṃ paṭikkhipati. Hīti saccaṃ. Soti avassiko. Tanti chabbassaṃ. Nissāya vacchatīti avassikassa catuvassakāle chabbassassa dasavassikattā taṃ nissāya vasati. Upajjhāyamattaṃ dassento āha ‘‘upajjhāyassā’’tiādi. Mahantatarāti attano vuḍḍhatarā. Upajjhāyassa mattaṃ pamāṇametesanti upajjhāyamattā.
২৪৯. পাদতো নিক্খন্তেন খীলসদিসেন মংসেন পৰত্তো আবাধো পাদখীলাবাধোতি ৰচনত্থং দস্সেন্তো আহ ‘‘পাদতো’’তিআদি। পাদতো নিক্খন্তন্তি সম্বন্ধো।
249. Pādato nikkhantena khīlasadisena maṃsena pavatto ābādho pādakhīlābādhoti vacanatthaṃ dassento āha ‘‘pādato’’tiādi. Pādato nikkhantanti sambandho.
২৫১. তিণপাদুকাতিআদীসু তিণেন কতা পাদুকা তিণপাদুকাতি ৰচনত্থাদিং দস্সেন্তো আহ ‘‘যেন কেনচি তিণেনা’’তিআদি। তং সুৰিঞ্ঞেয্যমেৰ। ‘‘ভূমিযং সুপ্পতিট্ঠিতাতি’’আদিনা ন সঙ্কমিতব্বাতি অসঙ্কমনীযাতি অত্থং দস্সেতি।
251.Tiṇapādukātiādīsu tiṇena katā pādukā tiṇapādukāti vacanatthādiṃ dassento āha ‘‘yena kenaci tiṇenā’’tiādi. Taṃ suviññeyyameva. ‘‘Bhūmiyaṃ suppatiṭṭhitāti’’ādinā na saṅkamitabbāti asaṅkamanīyāti atthaṃ dasseti.
২৫২. অঙ্গজাতেনেৰাতি অত্তনো অঙ্গজাতেন এৰ। অঙ্গজাতন্তি গাৰীনং অঙ্গজাতং। ওগাহেত্ৰাতি এত্থ ওত্যূপসগ্গো দল়্হত্থোতি আহ ‘‘দল়্হং গহেত্ৰা’’তি।
252.Aṅgajātenevāti attano aṅgajātena eva. Aṅgajātanti gāvīnaṃ aṅgajātaṃ. Ogāhetvāti ettha otyūpasaggo daḷhatthoti āha ‘‘daḷhaṃ gahetvā’’ti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৫১. অজ্ঝারামে উপাহনপটিক্খেপো • 151. Ajjhārāme upāhanapaṭikkhepo
১৫২. কট্ঠপাদুকাদিপটিক্খেপো • 152. Kaṭṭhapādukādipaṭikkhepo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অজ্ঝারামেউপাহনপটিক্খেপকথা • Ajjhārāmeupāhanapaṭikkhepakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
অজ্ঝারামে উপাহনপটিক্খেপকথাৰণ্ণনা • Ajjhārāme upāhanapaṭikkhepakathāvaṇṇanā
কট্ঠপাদুকাদিপটিক্খেপকথাৰণ্ণনা • Kaṭṭhapādukādipaṭikkhepakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অজ্ঝারামেউপাহনপটিক্খেপকথাদিৰণ্ণনা • Ajjhārāmeupāhanapaṭikkhepakathādivaṇṇanā
