| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೧೫೧. ಅಜ್ಝಾರಾಮೇ ಉಪಾಹನಪಟಿಕ್ಖೇಪಕಥಾ
151. Ajjhārāme upāhanapaṭikkhepakathā
೨೪೮. ‘‘ಯೇನ ಸಿಪ್ಪೇನಾ’’ತಿಆದಿನಾ ಅಭಿ ಅಧಿಕಂ ಜೀವನ್ತಿ ಅನೇನಾತಿ ಅಭಿಜೀವನಂ, ಕಿಂತಂ? ಸಿಪ್ಪನ್ತಿ ಅತ್ಥಂ ದಸ್ಸೇತಿ। ತಸ್ಸಾತಿ ಸಿಪ್ಪಸ್ಸ । ಇಧಾತಿ ಇಮಸ್ಮಿಂ ಸಾಸನೇ। ಯಂಸದ್ದೋ ವಚನವಿಪಲ್ಲಾಸೋತಿ ಆಹ ‘‘ಯೇ ತುಮ್ಹೇ’’ತಿ। ಹೀತಿ ಸಚ್ಚಂ। ಯಂನಿಪಾತೋತಿ ಯಂಇತಿ ನಿಪಾತೋ ಯದಿಸದ್ದಸ್ಸ ಅತ್ಥೇ ಪವತ್ತತೀತಿ ಯೋಜನಾ। ಆಚರಿಯಾ ಏವಾತಿ ಏವಸದ್ದೇನ ಆಚರಿಯಮತ್ತಭಾವಂ ಪಟಿಕ್ಖಿಪತಿ। ಹೀತಿ ಸಚ್ಚಂ। ಸೋತಿ ಅವಸ್ಸಿಕೋ। ತನ್ತಿ ಛಬ್ಬಸ್ಸಂ। ನಿಸ್ಸಾಯ ವಚ್ಛತೀತಿ ಅವಸ್ಸಿಕಸ್ಸ ಚತುವಸ್ಸಕಾಲೇ ಛಬ್ಬಸ್ಸಸ್ಸ ದಸವಸ್ಸಿಕತ್ತಾ ತಂ ನಿಸ್ಸಾಯ ವಸತಿ। ಉಪಜ್ಝಾಯಮತ್ತಂ ದಸ್ಸೇನ್ತೋ ಆಹ ‘‘ಉಪಜ್ಝಾಯಸ್ಸಾ’’ತಿಆದಿ। ಮಹನ್ತತರಾತಿ ಅತ್ತನೋ ವುಡ್ಢತರಾ। ಉಪಜ್ಝಾಯಸ್ಸ ಮತ್ತಂ ಪಮಾಣಮೇತೇಸನ್ತಿ ಉಪಜ್ಝಾಯಮತ್ತಾ।
248. ‘‘Yena sippenā’’tiādinā abhi adhikaṃ jīvanti anenāti abhijīvanaṃ, kiṃtaṃ? Sippanti atthaṃ dasseti. Tassāti sippassa . Idhāti imasmiṃ sāsane. Yaṃsaddo vacanavipallāsoti āha ‘‘ye tumhe’’ti. Hīti saccaṃ. Yaṃnipātoti yaṃiti nipāto yadisaddassa atthe pavattatīti yojanā. Ācariyā evāti evasaddena ācariyamattabhāvaṃ paṭikkhipati. Hīti saccaṃ. Soti avassiko. Tanti chabbassaṃ. Nissāya vacchatīti avassikassa catuvassakāle chabbassassa dasavassikattā taṃ nissāya vasati. Upajjhāyamattaṃ dassento āha ‘‘upajjhāyassā’’tiādi. Mahantatarāti attano vuḍḍhatarā. Upajjhāyassa mattaṃ pamāṇametesanti upajjhāyamattā.
೨೪೯. ಪಾದತೋ ನಿಕ್ಖನ್ತೇನ ಖೀಲಸದಿಸೇನ ಮಂಸೇನ ಪವತ್ತೋ ಆಬಾಧೋ ಪಾದಖೀಲಾಬಾಧೋತಿ ವಚನತ್ಥಂ ದಸ್ಸೇನ್ತೋ ಆಹ ‘‘ಪಾದತೋ’’ತಿಆದಿ। ಪಾದತೋ ನಿಕ್ಖನ್ತನ್ತಿ ಸಮ್ಬನ್ಧೋ।
249. Pādato nikkhantena khīlasadisena maṃsena pavatto ābādho pādakhīlābādhoti vacanatthaṃ dassento āha ‘‘pādato’’tiādi. Pādato nikkhantanti sambandho.
೨೫೧. ತಿಣಪಾದುಕಾತಿಆದೀಸು ತಿಣೇನ ಕತಾ ಪಾದುಕಾ ತಿಣಪಾದುಕಾತಿ ವಚನತ್ಥಾದಿಂ ದಸ್ಸೇನ್ತೋ ಆಹ ‘‘ಯೇನ ಕೇನಚಿ ತಿಣೇನಾ’’ತಿಆದಿ। ತಂ ಸುವಿಞ್ಞೇಯ್ಯಮೇವ। ‘‘ಭೂಮಿಯಂ ಸುಪ್ಪತಿಟ್ಠಿತಾತಿ’’ಆದಿನಾ ನ ಸಙ್ಕಮಿತಬ್ಬಾತಿ ಅಸಙ್ಕಮನೀಯಾತಿ ಅತ್ಥಂ ದಸ್ಸೇತಿ।
251.Tiṇapādukātiādīsu tiṇena katā pādukā tiṇapādukāti vacanatthādiṃ dassento āha ‘‘yena kenaci tiṇenā’’tiādi. Taṃ suviññeyyameva. ‘‘Bhūmiyaṃ suppatiṭṭhitāti’’ādinā na saṅkamitabbāti asaṅkamanīyāti atthaṃ dasseti.
೨೫೨. ಅಙ್ಗಜಾತೇನೇವಾತಿ ಅತ್ತನೋ ಅಙ್ಗಜಾತೇನ ಏವ। ಅಙ್ಗಜಾತನ್ತಿ ಗಾವೀನಂ ಅಙ್ಗಜಾತಂ। ಓಗಾಹೇತ್ವಾತಿ ಏತ್ಥ ಓತ್ಯೂಪಸಗ್ಗೋ ದಳ್ಹತ್ಥೋತಿ ಆಹ ‘‘ದಳ್ಹಂ ಗಹೇತ್ವಾ’’ತಿ।
252.Aṅgajātenevāti attano aṅgajātena eva. Aṅgajātanti gāvīnaṃ aṅgajātaṃ. Ogāhetvāti ettha otyūpasaggo daḷhatthoti āha ‘‘daḷhaṃ gahetvā’’ti.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೧೫೧. ಅಜ್ಝಾರಾಮೇ ಉಪಾಹನಪಟಿಕ್ಖೇಪೋ • 151. Ajjhārāme upāhanapaṭikkhepo
೧೫೨. ಕಟ್ಠಪಾದುಕಾದಿಪಟಿಕ್ಖೇಪೋ • 152. Kaṭṭhapādukādipaṭikkhepo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಅಜ್ಝಾರಾಮೇಉಪಾಹನಪಟಿಕ್ಖೇಪಕಥಾ • Ajjhārāmeupāhanapaṭikkhepakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ಅಜ್ಝಾರಾಮೇ ಉಪಾಹನಪಟಿಕ್ಖೇಪಕಥಾವಣ್ಣನಾ • Ajjhārāme upāhanapaṭikkhepakathāvaṇṇanā
ಕಟ್ಠಪಾದುಕಾದಿಪಟಿಕ್ಖೇಪಕಥಾವಣ್ಣನಾ • Kaṭṭhapādukādipaṭikkhepakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಅಜ್ಝಾರಾಮೇಉಪಾಹನಪಟಿಕ್ಖೇಪಕಥಾದಿವಣ್ಣನಾ • Ajjhārāmeupāhanapaṭikkhepakathādivaṇṇanā
