| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
151. අජ්‌ඣාරාමෙ උපාහනපටික්‌ඛෙපකථා
151. Ajjhārāme upāhanapaṭikkhepakathā
248. ‘‘යෙන සිප්‌පෙනා’’තිආදිනා අභි අධිකං ජීවන්‌ති අනෙනාති අභිජීවනං, කිංතං? සිප්‌පන්‌ති අත්‌ථං දස්‌සෙති. තස්‌සාති සිප්‌පස්‌ස . ඉධාති ඉමස්‌මිං සාසනෙ. යංසද්‌දො වචනවිපල්‌ලාසොති ආහ ‘‘යෙ තුම්‌හෙ’’ති. හීති සච්‌චං. යංනිපාතොති යංඉති නිපාතො යදිසද්‌දස්‌ස අත්‌ථෙ පවත්‌තතීති යොජනා. ආචරියා එවාති එවසද්‌දෙන ආචරියමත්‌තභාවං පටික්‌ඛිපති. හීති සච්‌චං. සොති අවස්‌සිකො. තන්‌ති ඡබ්‌බස්‌සං. නිස්‌සාය වච්‌ඡතීති අවස්‌සිකස්‌ස චතුවස්‌සකාලෙ ඡබ්‌බස්‌සස්‌ස දසවස්‌සිකත්‌තා තං නිස්‌සාය වසති. උපජ්‌ඣායමත්‌තං දස්‌සෙන්‌තො ආහ ‘‘උපජ්‌ඣායස්‌සා’’තිආදි. මහන්‌තතරාති අත්‌තනො වුඩ්‌ඪතරා. උපජ්‌ඣායස්‌ස මත්‌තං පමාණමෙතෙසන්‌ති උපජ්‌ඣායමත්‌තා.
248. ‘‘Yena sippenā’’tiādinā abhi adhikaṃ jīvanti anenāti abhijīvanaṃ, kiṃtaṃ? Sippanti atthaṃ dasseti. Tassāti sippassa . Idhāti imasmiṃ sāsane. Yaṃsaddo vacanavipallāsoti āha ‘‘ye tumhe’’ti. Hīti saccaṃ. Yaṃnipātoti yaṃiti nipāto yadisaddassa atthe pavattatīti yojanā. Ācariyā evāti evasaddena ācariyamattabhāvaṃ paṭikkhipati. Hīti saccaṃ. Soti avassiko. Tanti chabbassaṃ. Nissāya vacchatīti avassikassa catuvassakāle chabbassassa dasavassikattā taṃ nissāya vasati. Upajjhāyamattaṃ dassento āha ‘‘upajjhāyassā’’tiādi. Mahantatarāti attano vuḍḍhatarā. Upajjhāyassa mattaṃ pamāṇametesanti upajjhāyamattā.
249. පාදතො නික්‌ඛන්‌තෙන ඛීලසදිසෙන මංසෙන පවත්‌තො ආබාධො පාදඛීලාබාධොති වචනත්‌ථං දස්‌සෙන්‌තො ආහ ‘‘පාදතො’’තිආදි. පාදතො නික්‌ඛන්‌තන්‌ති සම්‌බන්‌ධො.
249. Pādato nikkhantena khīlasadisena maṃsena pavatto ābādho pādakhīlābādhoti vacanatthaṃ dassento āha ‘‘pādato’’tiādi. Pādato nikkhantanti sambandho.
251. තිණපාදුකාතිආදීසු තිණෙන කතා පාදුකා තිණපාදුකාති වචනත්‌ථාදිං දස්‌සෙන්‌තො ආහ ‘‘යෙන කෙනචි තිණෙනා’’තිආදි. තං සුවිඤ්‌ඤෙය්‍යමෙව. ‘‘භූමියං සුප්‌පතිට්‌ඨිතාති’’ආදිනා න සඞ්‌කමිතබ්‌බාති අසඞ්‌කමනීයාති අත්‌ථං දස්‌සෙති.
251.Tiṇapādukātiādīsu tiṇena katā pādukā tiṇapādukāti vacanatthādiṃ dassento āha ‘‘yena kenaci tiṇenā’’tiādi. Taṃ suviññeyyameva. ‘‘Bhūmiyaṃ suppatiṭṭhitāti’’ādinā na saṅkamitabbāti asaṅkamanīyāti atthaṃ dasseti.
252. අඞ්‌ගජාතෙනෙවාති අත්‌තනො අඞ්‌ගජාතෙන එව. අඞ්‌ගජාතන්‌ති ගාවීනං අඞ්‌ගජාතං. ඔගාහෙත්‌වාති එත්‌ථ ඔත්‍යූපසග්‌ගො දළ්‌හත්‌ථොති ආහ ‘‘දළ්‌හං ගහෙත්‌වා’’ති.
252.Aṅgajātenevāti attano aṅgajātena eva. Aṅgajātanti gāvīnaṃ aṅgajātaṃ. Ogāhetvāti ettha otyūpasaggo daḷhatthoti āha ‘‘daḷhaṃ gahetvā’’ti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
151. අජ්‌ඣාරාමෙ උපාහනපටික්‌ඛෙපො • 151. Ajjhārāme upāhanapaṭikkhepo
152. කට්‌ඨපාදුකාදිපටික්‌ඛෙපො • 152. Kaṭṭhapādukādipaṭikkhepo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අජ්‌ඣාරාමෙඋපාහනපටික්‌ඛෙපකථා • Ajjhārāmeupāhanapaṭikkhepakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā
අජ්‌ඣාරාමෙ උපාහනපටික්‌ඛෙපකථාවණ්‌ණනා • Ajjhārāme upāhanapaṭikkhepakathāvaṇṇanā
කට්‌ඨපාදුකාදිපටික්‌ඛෙපකථාවණ්‌ණනා • Kaṭṭhapādukādipaṭikkhepakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අජ්‌ඣාරාමෙඋපාහනපටික්‌ඛෙපකථාදිවණ්‌ණනා • Ajjhārāmeupāhanapaṭikkhepakathādivaṇṇanā
