| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੫੧. ਅਜ੍ਝਾਰਾਮੇ ਉਪਾਹਨਪਟਿਕ੍ਖੇਪਕਥਾ
151. Ajjhārāme upāhanapaṭikkhepakathā
੨੪੮. ‘‘ਯੇਨ ਸਿਪ੍ਪੇਨਾ’’ਤਿਆਦਿਨਾ ਅਭਿ ਅਧਿਕਂ ਜੀવਨ੍ਤਿ ਅਨੇਨਾਤਿ ਅਭਿਜੀવਨਂ, ਕਿਂਤਂ? ਸਿਪ੍ਪਨ੍ਤਿ ਅਤ੍ਥਂ ਦਸ੍ਸੇਤਿ। ਤਸ੍ਸਾਤਿ ਸਿਪ੍ਪਸ੍ਸ । ਇਧਾਤਿ ਇਮਸ੍ਮਿਂ ਸਾਸਨੇ। ਯਂਸਦ੍ਦੋ વਚਨવਿਪਲ੍ਲਾਸੋਤਿ ਆਹ ‘‘ਯੇ ਤੁਮ੍ਹੇ’’ਤਿ। ਹੀਤਿ ਸਚ੍ਚਂ। ਯਂਨਿਪਾਤੋਤਿ ਯਂਇਤਿ ਨਿਪਾਤੋ ਯਦਿਸਦ੍ਦਸ੍ਸ ਅਤ੍ਥੇ ਪવਤ੍ਤਤੀਤਿ ਯੋਜਨਾ। ਆਚਰਿਯਾ ਏવਾਤਿ ਏવਸਦ੍ਦੇਨ ਆਚਰਿਯਮਤ੍ਤਭਾવਂ ਪਟਿਕ੍ਖਿਪਤਿ। ਹੀਤਿ ਸਚ੍ਚਂ। ਸੋਤਿ ਅવਸ੍ਸਿਕੋ। ਤਨ੍ਤਿ ਛਬ੍ਬਸ੍ਸਂ। ਨਿਸ੍ਸਾਯ વਚ੍ਛਤੀਤਿ ਅવਸ੍ਸਿਕਸ੍ਸ ਚਤੁવਸ੍ਸਕਾਲੇ ਛਬ੍ਬਸ੍ਸਸ੍ਸ ਦਸવਸ੍ਸਿਕਤ੍ਤਾ ਤਂ ਨਿਸ੍ਸਾਯ વਸਤਿ। ਉਪਜ੍ਝਾਯਮਤ੍ਤਂ ਦਸ੍ਸੇਨ੍ਤੋ ਆਹ ‘‘ਉਪਜ੍ਝਾਯਸ੍ਸਾ’’ਤਿਆਦਿ। ਮਹਨ੍ਤਤਰਾਤਿ ਅਤ੍ਤਨੋ વੁਡ੍ਢਤਰਾ। ਉਪਜ੍ਝਾਯਸ੍ਸ ਮਤ੍ਤਂ ਪਮਾਣਮੇਤੇਸਨ੍ਤਿ ਉਪਜ੍ਝਾਯਮਤ੍ਤਾ।
248. ‘‘Yena sippenā’’tiādinā abhi adhikaṃ jīvanti anenāti abhijīvanaṃ, kiṃtaṃ? Sippanti atthaṃ dasseti. Tassāti sippassa . Idhāti imasmiṃ sāsane. Yaṃsaddo vacanavipallāsoti āha ‘‘ye tumhe’’ti. Hīti saccaṃ. Yaṃnipātoti yaṃiti nipāto yadisaddassa atthe pavattatīti yojanā. Ācariyā evāti evasaddena ācariyamattabhāvaṃ paṭikkhipati. Hīti saccaṃ. Soti avassiko. Tanti chabbassaṃ. Nissāya vacchatīti avassikassa catuvassakāle chabbassassa dasavassikattā taṃ nissāya vasati. Upajjhāyamattaṃ dassento āha ‘‘upajjhāyassā’’tiādi. Mahantatarāti attano vuḍḍhatarā. Upajjhāyassa mattaṃ pamāṇametesanti upajjhāyamattā.
੨੪੯. ਪਾਦਤੋ ਨਿਕ੍ਖਨ੍ਤੇਨ ਖੀਲਸਦਿਸੇਨ ਮਂਸੇਨ ਪવਤ੍ਤੋ ਆਬਾਧੋ ਪਾਦਖੀਲਾਬਾਧੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਪਾਦਤੋ’’ਤਿਆਦਿ। ਪਾਦਤੋ ਨਿਕ੍ਖਨ੍ਤਨ੍ਤਿ ਸਮ੍ਬਨ੍ਧੋ।
249. Pādato nikkhantena khīlasadisena maṃsena pavatto ābādho pādakhīlābādhoti vacanatthaṃ dassento āha ‘‘pādato’’tiādi. Pādato nikkhantanti sambandho.
੨੫੧. ਤਿਣਪਾਦੁਕਾਤਿਆਦੀਸੁ ਤਿਣੇਨ ਕਤਾ ਪਾਦੁਕਾ ਤਿਣਪਾਦੁਕਾਤਿ વਚਨਤ੍ਥਾਦਿਂ ਦਸ੍ਸੇਨ੍ਤੋ ਆਹ ‘‘ਯੇਨ ਕੇਨਚਿ ਤਿਣੇਨਾ’’ਤਿਆਦਿ। ਤਂ ਸੁવਿਞ੍ਞੇਯ੍ਯਮੇવ। ‘‘ਭੂਮਿਯਂ ਸੁਪ੍ਪਤਿਟ੍ਠਿਤਾਤਿ’’ਆਦਿਨਾ ਨ ਸਙ੍ਕਮਿਤਬ੍ਬਾਤਿ ਅਸਙ੍ਕਮਨੀਯਾਤਿ ਅਤ੍ਥਂ ਦਸ੍ਸੇਤਿ।
251.Tiṇapādukātiādīsu tiṇena katā pādukā tiṇapādukāti vacanatthādiṃ dassento āha ‘‘yena kenaci tiṇenā’’tiādi. Taṃ suviññeyyameva. ‘‘Bhūmiyaṃ suppatiṭṭhitāti’’ādinā na saṅkamitabbāti asaṅkamanīyāti atthaṃ dasseti.
੨੫੨. ਅਙ੍ਗਜਾਤੇਨੇવਾਤਿ ਅਤ੍ਤਨੋ ਅਙ੍ਗਜਾਤੇਨ ਏવ। ਅਙ੍ਗਜਾਤਨ੍ਤਿ ਗਾવੀਨਂ ਅਙ੍ਗਜਾਤਂ। ਓਗਾਹੇਤ੍વਾਤਿ ਏਤ੍ਥ ਓਤ੍ਯੂਪਸਗ੍ਗੋ ਦਲ਼੍ਹਤ੍ਥੋਤਿ ਆਹ ‘‘ਦਲ਼੍ਹਂ ਗਹੇਤ੍વਾ’’ਤਿ।
252.Aṅgajātenevāti attano aṅgajātena eva. Aṅgajātanti gāvīnaṃ aṅgajātaṃ. Ogāhetvāti ettha otyūpasaggo daḷhatthoti āha ‘‘daḷhaṃ gahetvā’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੫੧. ਅਜ੍ਝਾਰਾਮੇ ਉਪਾਹਨਪਟਿਕ੍ਖੇਪੋ • 151. Ajjhārāme upāhanapaṭikkhepo
੧੫੨. ਕਟ੍ਠਪਾਦੁਕਾਦਿਪਟਿਕ੍ਖੇਪੋ • 152. Kaṭṭhapādukādipaṭikkhepo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਜ੍ਝਾਰਾਮੇਉਪਾਹਨਪਟਿਕ੍ਖੇਪਕਥਾ • Ajjhārāmeupāhanapaṭikkhepakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਅਜ੍ਝਾਰਾਮੇ ਉਪਾਹਨਪਟਿਕ੍ਖੇਪਕਥਾવਣ੍ਣਨਾ • Ajjhārāme upāhanapaṭikkhepakathāvaṇṇanā
ਕਟ੍ਠਪਾਦੁਕਾਦਿਪਟਿਕ੍ਖੇਪਕਥਾવਣ੍ਣਨਾ • Kaṭṭhapādukādipaṭikkhepakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਜ੍ਝਾਰਾਮੇਉਪਾਹਨਪਟਿਕ੍ਖੇਪਕਥਾਦਿવਣ੍ਣਨਾ • Ajjhārāmeupāhanapaṭikkhepakathādivaṇṇanā
