| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
অজ্ঝারামেউপাহনপটিক্খেপকথা
Ajjhārāmeupāhanapaṭikkhepakathā
২৪৮. অভিজীৰনিকস্সাতি যেন সিপ্পেন অভিজীৰন্তি, জীৰিকং কপ্পেন্তি, তস্স কারণাতি অত্থো। ইধ খো তং ভিক্খৰেতি এত্থ তন্তি নিপাতমত্তং, ইধ খো ভিক্খৰে সোভেয্যাথাতি অত্থো। যং তুম্হেতি যে তুম্হে। অথ ৰা যদি তুম্হেতি ৰুত্তং হোতি। যদিসদ্দস্স হি অত্থে অযং নিপাতো। আচরিযেসূতিআদিম্হি পব্বজ্জাচরিযো, উপসম্পদাচরিযো, নিস্সযাচারিযো, উদ্দেসাচরিযোতি ইমে চত্তারোপি ইধ আচরিযা এৰ। অৰস্সিকস্স ছব্বস্সো আচরিযমত্তো। সো হি চতুৰস্সকালে তং নিস্সায ৰচ্ছতি; এৰং একৰস্সস্স সত্তৰস্সো, দুৰস্সস্স অট্ঠৰস্সো, তিৰস্সস্স নৰৰস্সো, চতুৰস্সস্স দসৰস্সো। ইমেপি আচরিযমত্তা এৰ । উপজ্ঝাযস্স সন্দিট্ঠসম্ভত্তা পন সহাযভিক্খূ, যে ৰা পন কেচি দসহি ৰস্সেহি মহন্ততরা তে সব্বেপি উপজ্ঝাযমত্তা নাম। এত্তকেসু ভিক্খূসু অনুপাহনেসু চঙ্কমন্তেসু সউপাহনস্স চঙ্কমতো আপত্তি।
248.Abhijīvanikassāti yena sippena abhijīvanti, jīvikaṃ kappenti, tassa kāraṇāti attho. Idha kho taṃ bhikkhaveti ettha tanti nipātamattaṃ, idha kho bhikkhave sobheyyāthāti attho. Yaṃ tumheti ye tumhe. Atha vā yadi tumheti vuttaṃ hoti. Yadisaddassa hi atthe ayaṃ nipāto. Ācariyesūtiādimhi pabbajjācariyo, upasampadācariyo, nissayācāriyo, uddesācariyoti ime cattāropi idha ācariyā eva. Avassikassa chabbasso ācariyamatto. So hi catuvassakāle taṃ nissāya vacchati; evaṃ ekavassassa sattavasso, duvassassa aṭṭhavasso, tivassassa navavasso, catuvassassa dasavasso. Imepi ācariyamattā eva . Upajjhāyassa sandiṭṭhasambhattā pana sahāyabhikkhū, ye vā pana keci dasahi vassehi mahantatarā te sabbepi upajjhāyamattā nāma. Ettakesu bhikkhūsu anupāhanesu caṅkamantesu saupāhanassa caṅkamato āpatti.
২৪৯. পাদখীলাবাধো নাম পাদতো খীলসদিসং মংসং নিক্খন্তং হোতি।
249.Pādakhīlābādho nāma pādato khīlasadisaṃ maṃsaṃ nikkhantaṃ hoti.
২৫১. তিণপাদুকাতি যেন কেনচি তিণেন কতপাদুকা। হিন্তালপাদুকাতি খজ্জূরীপত্তেহি কতপাদুকা; হিন্তালপত্তেহিপি ন ৰট্টতিযেৰ। কমলপাদুকাতি কমলতিণং নাম অত্থি, তেন কতপাদুকা; উসীরপাদুকাতিপি ৰদন্তি। কম্বলপাদুকাতি উণ্ণাহি কতপাদুকা। অসঙ্কমনীযাতি ভূমিযং সুপ্পতিট্ঠিতা নিচ্চলা অসংহারিযা।
251.Tiṇapādukāti yena kenaci tiṇena katapādukā. Hintālapādukāti khajjūrīpattehi katapādukā; hintālapattehipi na vaṭṭatiyeva. Kamalapādukāti kamalatiṇaṃ nāma atthi, tena katapādukā; usīrapādukātipi vadanti. Kambalapādukāti uṇṇāhi katapādukā. Asaṅkamanīyāti bhūmiyaṃ suppatiṭṭhitā niccalā asaṃhāriyā.
২৫২. অঙ্গজাতং ছুপন্তীতি অঙ্গজাতেনেৰ অঙ্গজাতং ছুপন্তি। ওগাহেত্ৰা মারেন্তীতি অন্তো উদকে দল়্হং গহেত্ৰা মারেন্তি।
252.Aṅgajātaṃ chupantīti aṅgajāteneva aṅgajātaṃ chupanti. Ogāhetvā mārentīti anto udake daḷhaṃ gahetvā mārenti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৫১. অজ্ঝারামে উপাহনপটিক্খেপো • 151. Ajjhārāme upāhanapaṭikkhepo
১৫২. কট্ঠপাদুকাদিপটিক্খেপো • 152. Kaṭṭhapādukādipaṭikkhepo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
অজ্ঝারামে উপাহনপটিক্খেপকথাৰণ্ণনা • Ajjhārāme upāhanapaṭikkhepakathāvaṇṇanā
কট্ঠপাদুকাদিপটিক্খেপকথাৰণ্ণনা • Kaṭṭhapādukādipaṭikkhepakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অজ্ঝারামেউপাহনপটিক্খেপকথাদিৰণ্ণনা • Ajjhārāmeupāhanapaṭikkhepakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১৫১. অজ্ঝারামে উপাহনপটিক্খেপকথা • 151. Ajjhārāme upāhanapaṭikkhepakathā
