| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
аж̇жхаараамзубааханабадигкзбагат̇аа
Ajjhārāmeupāhanapaṭikkhepakathā
248. абхиж̇ийванигассаад̇и язна сиббзна абхиж̇ийванд̇и, ж̇ийвигам̣ габбзнд̇и, д̇асса гааран̣аад̇и ад̇т̇о. ид̇ха ко д̇ам̣ бхигкавзд̇и зд̇т̇а д̇анд̇и нибаад̇амад̇д̇ам̣, ид̇ха ко бхигкавз собхзяяаат̇аад̇и ад̇т̇о. яам̣ д̇умхзд̇и яз д̇умхз. ат̇а ваа яад̣̇и д̇умхзд̇и вуд̇д̇ам̣ ход̇и. яад̣̇исад̣̇д̣̇асса хи ад̇т̇з аяам̣ нибаад̇о. аажариязсууд̇иаад̣̇имхи баб̣б̣аж̇ж̇аажарияо, убасамбад̣̇аажарияо, ниссаяаажаарияо, уд̣̇д̣̇зсаажарияод̇и имз жад̇д̇аароби ид̇ха аажарияаа зва. авассигасса чаб̣б̣ассо аажарияамад̇д̇о. со хи жад̇увассагаалз д̇ам̣ ниссааяа важчад̇и; звам̣ згавассасса сад̇д̇авассо, д̣̇увассасса адтавассо, д̇ивассасса нававассо, жад̇увассасса д̣̇асавассо. имзби аажарияамад̇д̇аа зва . убаж̇жхааяасса санд̣̇идтасамбхад̇д̇аа бана сахааяабхигкуу, яз ваа бана гзжи д̣̇асахи вассзхи маханд̇ад̇араа д̇з саб̣б̣зби убаж̇жхааяамад̇д̇аа наама. зд̇д̇агзсу бхигкуусу анубааханзсу жан̇гаманд̇зсу саубааханасса жан̇гамад̇о аабад̇д̇и.
248.Abhijīvanikassāti yena sippena abhijīvanti, jīvikaṃ kappenti, tassa kāraṇāti attho. Idha kho taṃ bhikkhaveti ettha tanti nipātamattaṃ, idha kho bhikkhave sobheyyāthāti attho. Yaṃ tumheti ye tumhe. Atha vā yadi tumheti vuttaṃ hoti. Yadisaddassa hi atthe ayaṃ nipāto. Ācariyesūtiādimhi pabbajjācariyo, upasampadācariyo, nissayācāriyo, uddesācariyoti ime cattāropi idha ācariyā eva. Avassikassa chabbasso ācariyamatto. So hi catuvassakāle taṃ nissāya vacchati; evaṃ ekavassassa sattavasso, duvassassa aṭṭhavasso, tivassassa navavasso, catuvassassa dasavasso. Imepi ācariyamattā eva . Upajjhāyassa sandiṭṭhasambhattā pana sahāyabhikkhū, ye vā pana keci dasahi vassehi mahantatarā te sabbepi upajjhāyamattā nāma. Ettakesu bhikkhūsu anupāhanesu caṅkamantesu saupāhanassa caṅkamato āpatti.
249. баад̣̇акийлааб̣аад̇хо наама баад̣̇ад̇о кийласад̣̇исам̣ мам̣сам̣ нигканд̇ам̣ ход̇и.
249.Pādakhīlābādho nāma pādato khīlasadisaṃ maṃsaṃ nikkhantaṃ hoti.
251. д̇ин̣абаад̣̇угаад̇и язна гзнажи д̇ин̣зна гад̇абаад̣̇угаа. хинд̇аалабаад̣̇угаад̇и каж̇ж̇уурийбад̇д̇зхи гад̇абаад̣̇угаа; хинд̇аалабад̇д̇зхиби на ваддад̇иязва. гамалабаад̣̇угаад̇и гамалад̇ин̣ам̣ наама ад̇т̇и, д̇зна гад̇абаад̣̇угаа; усийрабаад̣̇угаад̇иби вад̣̇анд̇и. гамб̣алабаад̣̇угаад̇и ун̣н̣аахи гад̇абаад̣̇угаа. асан̇гаманийяаад̇и бхуумияам̣ суббад̇идтид̇аа нижжалаа асам̣хаарияаа.
251.Tiṇapādukāti yena kenaci tiṇena katapādukā. Hintālapādukāti khajjūrīpattehi katapādukā; hintālapattehipi na vaṭṭatiyeva. Kamalapādukāti kamalatiṇaṃ nāma atthi, tena katapādukā; usīrapādukātipi vadanti. Kambalapādukāti uṇṇāhi katapādukā. Asaṅkamanīyāti bhūmiyaṃ suppatiṭṭhitā niccalā asaṃhāriyā.
252. ан̇г̇аж̇аад̇ам̣ чубанд̇ийд̇и ан̇г̇аж̇аад̇знзва ан̇г̇аж̇аад̇ам̣ чубанд̇и. ог̇аахзд̇ваа маарзнд̇ийд̇и анд̇о уд̣̇агз д̣̇ал̣хам̣ г̇ахзд̇ваа маарзнд̇и.
252.Aṅgajātaṃ chupantīti aṅgajāteneva aṅgajātaṃ chupanti. Ogāhetvā mārentīti anto udake daḷhaṃ gahetvā mārenti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
151. аж̇жхаараамз убааханабадигкзбо • 151. Ajjhārāme upāhanapaṭikkhepo
152. гадтабаад̣̇угаад̣̇ибадигкзбо • 152. Kaṭṭhapādukādipaṭikkhepo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
аж̇жхаараамз убааханабадигкзбагат̇ааван̣н̣анаа • Ajjhārāme upāhanapaṭikkhepakathāvaṇṇanā
гадтабаад̣̇угаад̣̇ибадигкзбагат̇ааван̣н̣анаа • Kaṭṭhapādukādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇жхаараамзубааханабадигкзбагат̇аад̣̇иван̣н̣анаа • Ajjhārāmeupāhanapaṭikkhepakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 151. аж̇жхаараамз убааханабадигкзбагат̇аа • 151. Ajjhārāme upāhanapaṭikkhepakathā
