| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
อชฺฌาราเมอุปาหนปฎิเกฺขปกถา
Ajjhārāmeupāhanapaṭikkhepakathā
๒๔๘. อภิชีวนิกสฺสาติ เยน สิเปฺปน อภิชีวนฺติ, ชีวิกํ กเปฺปนฺติ, ตสฺส การณาติ อโตฺถฯ อิธ โข ตํ ภิกฺขเวติ เอตฺถ ตนฺติ นิปาตมตฺตํ, อิธ โข ภิกฺขเว โสเภยฺยาถาติ อโตฺถฯ ยํ ตุเมฺหติ เย ตุเมฺหฯ อถ วา ยทิ ตุเมฺหติ วุตฺตํ โหติฯ ยทิสทฺทสฺส หิ อเตฺถ อยํ นิปาโตฯ อาจริเยสูติอาทิมฺหิ ปพฺพชฺชาจริโย, อุปสมฺปทาจริโย, นิสฺสยาจาริโย, อุเทฺทสาจริโยติ อิเม จตฺตาโรปิ อิธ อาจริยา เอวฯ อวสฺสิกสฺส ฉพฺพโสฺส อาจริยมโตฺตฯ โส หิ จตุวสฺสกาเล ตํ นิสฺสาย วจฺฉติ; เอวํ เอกวสฺสสฺส สตฺตวโสฺส, ทุวสฺสสฺส อฎฺฐวโสฺส, ติวสฺสสฺส นววโสฺส, จตุวสฺสสฺส ทสวโสฺสฯ อิเมปิ อาจริยมตฺตา เอว ฯ อุปชฺฌายสฺส สนฺทิฎฺฐสมฺภตฺตา ปน สหายภิกฺขู, เย วา ปน เกจิ ทสหิ วเสฺสหิ มหนฺตตรา เต สเพฺพปิ อุปชฺฌายมตฺตา นามฯ เอตฺตเกสุ ภิกฺขูสุ อนุปาหเนสุ จงฺกมเนฺตสุ สอุปาหนสฺส จงฺกมโต อาปตฺติฯ
248.Abhijīvanikassāti yena sippena abhijīvanti, jīvikaṃ kappenti, tassa kāraṇāti attho. Idha kho taṃ bhikkhaveti ettha tanti nipātamattaṃ, idha kho bhikkhave sobheyyāthāti attho. Yaṃ tumheti ye tumhe. Atha vā yadi tumheti vuttaṃ hoti. Yadisaddassa hi atthe ayaṃ nipāto. Ācariyesūtiādimhi pabbajjācariyo, upasampadācariyo, nissayācāriyo, uddesācariyoti ime cattāropi idha ācariyā eva. Avassikassa chabbasso ācariyamatto. So hi catuvassakāle taṃ nissāya vacchati; evaṃ ekavassassa sattavasso, duvassassa aṭṭhavasso, tivassassa navavasso, catuvassassa dasavasso. Imepi ācariyamattā eva . Upajjhāyassa sandiṭṭhasambhattā pana sahāyabhikkhū, ye vā pana keci dasahi vassehi mahantatarā te sabbepi upajjhāyamattā nāma. Ettakesu bhikkhūsu anupāhanesu caṅkamantesu saupāhanassa caṅkamato āpatti.
๒๔๙. ปาทขีลาพาโธ นาม ปาทโต ขีลสทิสํ มํสํ นิกฺขนฺตํ โหติฯ
249.Pādakhīlābādho nāma pādato khīlasadisaṃ maṃsaṃ nikkhantaṃ hoti.
๒๕๑. ติณปาทุกาติ เยน เกนจิ ติเณน กตปาทุกาฯ หินฺตาลปาทุกาติ ขชฺชูรีปเตฺตหิ กตปาทุกา; หินฺตาลปเตฺตหิปิ น วฎฺฎติเยวฯ กมลปาทุกาติ กมลติณํ นาม อตฺถิ, เตน กตปาทุกา; อุสีรปาทุกาติปิ วทนฺติฯ กมฺพลปาทุกาติ อุณฺณาหิ กตปาทุกาฯ อสงฺกมนียาติ ภูมิยํ สุปฺปติฎฺฐิตา นิจฺจลา อสํหาริยาฯ
251.Tiṇapādukāti yena kenaci tiṇena katapādukā. Hintālapādukāti khajjūrīpattehi katapādukā; hintālapattehipi na vaṭṭatiyeva. Kamalapādukāti kamalatiṇaṃ nāma atthi, tena katapādukā; usīrapādukātipi vadanti. Kambalapādukāti uṇṇāhi katapādukā. Asaṅkamanīyāti bhūmiyaṃ suppatiṭṭhitā niccalā asaṃhāriyā.
๒๕๒. องฺคชาตํ ฉุปนฺตีติ องฺคชาเตเนว องฺคชาตํ ฉุปนฺติฯ โอคาเหตฺวา มาเรนฺตีติ อโนฺต อุทเก ทฬฺหํ คเหตฺวา มาเรนฺติฯ
252.Aṅgajātaṃ chupantīti aṅgajāteneva aṅgajātaṃ chupanti. Ogāhetvā mārentīti anto udake daḷhaṃ gahetvā mārenti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๕๑. อชฺฌาราเม อุปาหนปฎิเกฺขโป • 151. Ajjhārāme upāhanapaṭikkhepo
๑๕๒. กฎฺฐปาทุกาทิปฎิเกฺขโป • 152. Kaṭṭhapādukādipaṭikkhepo
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
อชฺฌาราเม อุปาหนปฎิเกฺขปกถาวณฺณนา • Ajjhārāme upāhanapaṭikkhepakathāvaṇṇanā
กฎฺฐปาทุกาทิปฎิเกฺขปกถาวณฺณนา • Kaṭṭhapādukādipaṭikkhepakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อชฺฌาราเมอุปาหนปฎิเกฺขปกถาทิวณฺณนา • Ajjhārāmeupāhanapaṭikkhepakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๕๑. อชฺฌาราเม อุปาหนปฎิเกฺขปกถา • 151. Ajjhārāme upāhanapaṭikkhepakathā
