| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਅਜ੍ਝਾਰਾਮੇਉਪਾਹਨਪਟਿਕ੍ਖੇਪਕਥਾ
Ajjhārāmeupāhanapaṭikkhepakathā
੨੪੮. ਅਭਿਜੀવਨਿਕਸ੍ਸਾਤਿ ਯੇਨ ਸਿਪ੍ਪੇਨ ਅਭਿਜੀવਨ੍ਤਿ, ਜੀવਿਕਂ ਕਪ੍ਪੇਨ੍ਤਿ, ਤਸ੍ਸ ਕਾਰਣਾਤਿ ਅਤ੍ਥੋ। ਇਧ ਖੋ ਤਂ ਭਿਕ੍ਖવੇਤਿ ਏਤ੍ਥ ਤਨ੍ਤਿ ਨਿਪਾਤਮਤ੍ਤਂ, ਇਧ ਖੋ ਭਿਕ੍ਖવੇ ਸੋਭੇਯ੍ਯਾਥਾਤਿ ਅਤ੍ਥੋ। ਯਂ ਤੁਮ੍ਹੇਤਿ ਯੇ ਤੁਮ੍ਹੇ। ਅਥ વਾ ਯਦਿ ਤੁਮ੍ਹੇਤਿ વੁਤ੍ਤਂ ਹੋਤਿ। ਯਦਿਸਦ੍ਦਸ੍ਸ ਹਿ ਅਤ੍ਥੇ ਅਯਂ ਨਿਪਾਤੋ। ਆਚਰਿਯੇਸੂਤਿਆਦਿਮ੍ਹਿ ਪਬ੍ਬਜ੍ਜਾਚਰਿਯੋ, ਉਪਸਮ੍ਪਦਾਚਰਿਯੋ, ਨਿਸ੍ਸਯਾਚਾਰਿਯੋ, ਉਦ੍ਦੇਸਾਚਰਿਯੋਤਿ ਇਮੇ ਚਤ੍ਤਾਰੋਪਿ ਇਧ ਆਚਰਿਯਾ ਏવ। ਅવਸ੍ਸਿਕਸ੍ਸ ਛਬ੍ਬਸ੍ਸੋ ਆਚਰਿਯਮਤ੍ਤੋ। ਸੋ ਹਿ ਚਤੁવਸ੍ਸਕਾਲੇ ਤਂ ਨਿਸ੍ਸਾਯ વਚ੍ਛਤਿ; ਏવਂ ਏਕવਸ੍ਸਸ੍ਸ ਸਤ੍ਤવਸ੍ਸੋ, ਦੁવਸ੍ਸਸ੍ਸ ਅਟ੍ਠવਸ੍ਸੋ, ਤਿવਸ੍ਸਸ੍ਸ ਨવવਸ੍ਸੋ, ਚਤੁવਸ੍ਸਸ੍ਸ ਦਸવਸ੍ਸੋ। ਇਮੇਪਿ ਆਚਰਿਯਮਤ੍ਤਾ ਏવ । ਉਪਜ੍ਝਾਯਸ੍ਸ ਸਨ੍ਦਿਟ੍ਠਸਮ੍ਭਤ੍ਤਾ ਪਨ ਸਹਾਯਭਿਕ੍ਖੂ, ਯੇ વਾ ਪਨ ਕੇਚਿ ਦਸਹਿ વਸ੍ਸੇਹਿ ਮਹਨ੍ਤਤਰਾ ਤੇ ਸਬ੍ਬੇਪਿ ਉਪਜ੍ਝਾਯਮਤ੍ਤਾ ਨਾਮ। ਏਤ੍ਤਕੇਸੁ ਭਿਕ੍ਖੂਸੁ ਅਨੁਪਾਹਨੇਸੁ ਚਙ੍ਕਮਨ੍ਤੇਸੁ ਸਉਪਾਹਨਸ੍ਸ ਚਙ੍ਕਮਤੋ ਆਪਤ੍ਤਿ।
248.Abhijīvanikassāti yena sippena abhijīvanti, jīvikaṃ kappenti, tassa kāraṇāti attho. Idha kho taṃ bhikkhaveti ettha tanti nipātamattaṃ, idha kho bhikkhave sobheyyāthāti attho. Yaṃ tumheti ye tumhe. Atha vā yadi tumheti vuttaṃ hoti. Yadisaddassa hi atthe ayaṃ nipāto. Ācariyesūtiādimhi pabbajjācariyo, upasampadācariyo, nissayācāriyo, uddesācariyoti ime cattāropi idha ācariyā eva. Avassikassa chabbasso ācariyamatto. So hi catuvassakāle taṃ nissāya vacchati; evaṃ ekavassassa sattavasso, duvassassa aṭṭhavasso, tivassassa navavasso, catuvassassa dasavasso. Imepi ācariyamattā eva . Upajjhāyassa sandiṭṭhasambhattā pana sahāyabhikkhū, ye vā pana keci dasahi vassehi mahantatarā te sabbepi upajjhāyamattā nāma. Ettakesu bhikkhūsu anupāhanesu caṅkamantesu saupāhanassa caṅkamato āpatti.
੨੪੯. ਪਾਦਖੀਲਾਬਾਧੋ ਨਾਮ ਪਾਦਤੋ ਖੀਲਸਦਿਸਂ ਮਂਸਂ ਨਿਕ੍ਖਨ੍ਤਂ ਹੋਤਿ।
249.Pādakhīlābādho nāma pādato khīlasadisaṃ maṃsaṃ nikkhantaṃ hoti.
੨੫੧. ਤਿਣਪਾਦੁਕਾਤਿ ਯੇਨ ਕੇਨਚਿ ਤਿਣੇਨ ਕਤਪਾਦੁਕਾ। ਹਿਨ੍ਤਾਲਪਾਦੁਕਾਤਿ ਖਜ੍ਜੂਰੀਪਤ੍ਤੇਹਿ ਕਤਪਾਦੁਕਾ; ਹਿਨ੍ਤਾਲਪਤ੍ਤੇਹਿਪਿ ਨ વਟ੍ਟਤਿਯੇવ। ਕਮਲਪਾਦੁਕਾਤਿ ਕਮਲਤਿਣਂ ਨਾਮ ਅਤ੍ਥਿ, ਤੇਨ ਕਤਪਾਦੁਕਾ; ਉਸੀਰਪਾਦੁਕਾਤਿਪਿ વਦਨ੍ਤਿ। ਕਮ੍ਬਲਪਾਦੁਕਾਤਿ ਉਣ੍ਣਾਹਿ ਕਤਪਾਦੁਕਾ। ਅਸਙ੍ਕਮਨੀਯਾਤਿ ਭੂਮਿਯਂ ਸੁਪ੍ਪਤਿਟ੍ਠਿਤਾ ਨਿਚ੍ਚਲਾ ਅਸਂਹਾਰਿਯਾ।
251.Tiṇapādukāti yena kenaci tiṇena katapādukā. Hintālapādukāti khajjūrīpattehi katapādukā; hintālapattehipi na vaṭṭatiyeva. Kamalapādukāti kamalatiṇaṃ nāma atthi, tena katapādukā; usīrapādukātipi vadanti. Kambalapādukāti uṇṇāhi katapādukā. Asaṅkamanīyāti bhūmiyaṃ suppatiṭṭhitā niccalā asaṃhāriyā.
੨੫੨. ਅਙ੍ਗਜਾਤਂ ਛੁਪਨ੍ਤੀਤਿ ਅਙ੍ਗਜਾਤੇਨੇવ ਅਙ੍ਗਜਾਤਂ ਛੁਪਨ੍ਤਿ। ਓਗਾਹੇਤ੍વਾ ਮਾਰੇਨ੍ਤੀਤਿ ਅਨ੍ਤੋ ਉਦਕੇ ਦਲ਼੍ਹਂ ਗਹੇਤ੍વਾ ਮਾਰੇਨ੍ਤਿ।
252.Aṅgajātaṃ chupantīti aṅgajāteneva aṅgajātaṃ chupanti. Ogāhetvā mārentīti anto udake daḷhaṃ gahetvā mārenti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੫੧. ਅਜ੍ਝਾਰਾਮੇ ਉਪਾਹਨਪਟਿਕ੍ਖੇਪੋ • 151. Ajjhārāme upāhanapaṭikkhepo
੧੫੨. ਕਟ੍ਠਪਾਦੁਕਾਦਿਪਟਿਕ੍ਖੇਪੋ • 152. Kaṭṭhapādukādipaṭikkhepo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਅਜ੍ਝਾਰਾਮੇ ਉਪਾਹਨਪਟਿਕ੍ਖੇਪਕਥਾવਣ੍ਣਨਾ • Ajjhārāme upāhanapaṭikkhepakathāvaṇṇanā
ਕਟ੍ਠਪਾਦੁਕਾਦਿਪਟਿਕ੍ਖੇਪਕਥਾવਣ੍ਣਨਾ • Kaṭṭhapādukādipaṭikkhepakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਜ੍ਝਾਰਾਮੇਉਪਾਹਨਪਟਿਕ੍ਖੇਪਕਥਾਦਿવਣ੍ਣਨਾ • Ajjhārāmeupāhanapaṭikkhepakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੫੧. ਅਜ੍ਝਾਰਾਮੇ ਉਪਾਹਨਪਟਿਕ੍ਖੇਪਕਥਾ • 151. Ajjhārāme upāhanapaṭikkhepakathā
