| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
அஜ்ஜா²ராமேஉபாஹனபடிக்கே²பகதா²தி³வண்ணனா
Ajjhārāmeupāhanapaṭikkhepakathādivaṇṇanā
251. உண்ணாஹி கதபாது³காதி எத்த² உண்ணாமயகம்ப³லேஹி கதா பாது³கா ஸங்க³ய்ஹந்தி.
251.Uṇṇāhikatapādukāti ettha uṇṇāmayakambalehi katā pādukā saṅgayhanti.
253. க³ங்கா³மஹகீளிகாயாதி க³ங்கா³மஹே கீளிகாய. தத்த² ஹி இத்தி²புரிஸா யானேஹி உத³ககீளங் க³ச்ச²ந்தி. பீட²கஸிவிகந்தி ப²லகாதி³னா கதங் பீட²கயானங். படபோதலிகங் அந்தோ³லிகா. ஸப்³ப³ம்பி யானங் உபாஹனேனபி க³ந்துங் அஸமத்த²ஸ்ஸ கி³லானஸ்ஸ அனுஞ்ஞாதங்.
253.Gaṅgāmahakīḷikāyāti gaṅgāmahe kīḷikāya. Tattha hi itthipurisā yānehi udakakīḷaṃ gacchanti. Pīṭhakasivikanti phalakādinā kataṃ pīṭhakayānaṃ. Paṭapotalikaṃ andolikā. Sabbampi yānaṃ upāhanenapi gantuṃ asamatthassa gilānassa anuññātaṃ.
254. வாளரூபானீதி ஆஹரிமானி வாளரூபானி. சதுரங்கு³லாதி⁴கானீதி உத்³த³லோமீஏகந்தலோமீஹி விஸேஸத³ஸ்ஸனங். சதுரங்கு³லதோ ஹி ஊனானி கிர உத்³த³லோமீஆதீ³ஸு பவிஸந்தி. வானசித்ரோ உண்ணாமயத்த²ரணோதி நானாவண்ணேஹி உண்ணாமயஸுத்தேஹி பி⁴த்திச்சே²தா³தி³வஸேன வாயித்வா கதசித்தத்த²ரணோ. க⁴னபுப்ப²கோதி ப³ஹலராகோ³. பகதிதூலிகாதி தூலபுண்ணா பி⁴ஸி. விகதிகாதி ஸீஹரூபாதி³வஸேன வானசித்ராவ க³ய்ஹதி. உத்³த³லோமீதி ‘‘உப⁴தோத³ஸங் உண்ணாமயத்த²ரண’’ந்தி தீ³க⁴னிகாயட்ட²கதா²யங் வுத்தங். கோஸெய்யகட்டிஸ்ஸமயந்தி கோஸியஸுத்தானங் அந்தரா ஸுவண்ணமயஸுத்தானி பவேஸெத்வா வீதங். ஸுவண்ணஸுத்தங் கிர ‘‘கட்டிஸ்ஸங், கஸட’’ந்தி ச வுச்சதி. தேனேவ ‘‘கோஸெய்யகஸடமய’’ந்தி ஆசரிய-த⁴ம்மபாலத்தே²ரேன வுத்தந்தி வத³ந்தி. ரதனபரிஸிப்³பி³தந்தி ஸுவண்ணலித்தங். ஸுத்³த⁴கோஸெய்யந்தி ரதனபரிஸிப்³ப³னரஹிதங்.
254.Vāḷarūpānīti āharimāni vāḷarūpāni. Caturaṅgulādhikānīti uddalomīekantalomīhi visesadassanaṃ. Caturaṅgulato hi ūnāni kira uddalomīādīsu pavisanti. Vānacitro uṇṇāmayattharaṇoti nānāvaṇṇehi uṇṇāmayasuttehi bhitticchedādivasena vāyitvā katacittattharaṇo. Ghanapupphakoti bahalarāgo. Pakatitūlikāti tūlapuṇṇā bhisi. Vikatikāti sīharūpādivasena vānacitrāva gayhati. Uddalomīti ‘‘ubhatodasaṃ uṇṇāmayattharaṇa’’nti dīghanikāyaṭṭhakathāyaṃ vuttaṃ. Koseyyakaṭṭissamayanti kosiyasuttānaṃ antarā suvaṇṇamayasuttāni pavesetvā vītaṃ. Suvaṇṇasuttaṃ kira ‘‘kaṭṭissaṃ, kasaṭa’’nti ca vuccati. Teneva ‘‘koseyyakasaṭamaya’’nti ācariya-dhammapālattherena vuttanti vadanti. Ratanaparisibbitanti suvaṇṇalittaṃ. Suddhakoseyyanti ratanaparisibbanarahitaṃ.
அஜினமிக³சம்மானங் அதிஸுகு²மத்தா து³பட்டதிபட்டானி கத்வா ஸிப்³ப³ந்தீதி வுத்தங் ‘‘அஜினப்பவேணீ’’தி. ரத்தவிதானேனாதி ஸப்³ப³ரத்தேன விதானேன. யங் பன நானாவண்ணங் வானசித்தங் வா லேபசித்தங் வா, தங் வட்டதி. உப⁴தோலோஹிதகூபதா⁴னேபி ஏஸேவ நயோ. ‘‘சித்ரங் வா’’தி இத³ங் பன ஸப்³ப³தா² கப்பியத்தா வுத்தங், ந பன உப⁴தோஉபதா⁴னேஸு அகப்பியத்தா. ந ஹி லோஹிதக-ஸத்³தோ³ சித்தே வத்ததி, படலிக்³க³ஹணேனேவ சித்தகஸ்ஸபி அத்த²ரணஸ்ஸ ஸங்க³ஹேதப்³ப³ப்பஸங்க³தோ, காஸாவங் பன லோஹிதகவோஹாரங் ந க³ச்ச²தி. தஸ்மா விதானேபி உப⁴தோஉபதா⁴னேபி வட்டதி. ஸசே பமாணயுத்தந்திஆதி³ அஞ்ஞப்பமாணாதிக்கந்தஸ்ஸ பி³ப்³போ³ஹனஸ்ஸ படிக்கி²த்தபா⁴வத³ஸ்ஸனத்த²ங் வுத்தங், ந பன உச்சாஸயனமஹாஸயனபா⁴வத³ஸ்ஸனத்த²ங் ததா² அவுத்தத்தா. தங் பன உபதா⁴னங் உபோஸதி²கானங் க³ஹட்டா²னங் வட்டதி. உச்சாஸயனமஹாஸயனமேவ ஹி ததா³ தேஸங் ந வட்டதி. தீ³க⁴னிகாயட்ட²கதா²தீ³ஸு கிஞ்சாபி ‘‘ட²பெத்வா தூலிகங் ஸப்³பா³னேவ கோ³னகாதீ³னி ரதனபரிஸிப்³பி³தானி வட்டந்தீ’’திஆதி³ வுத்தங், வினயட்ட²கதா²யேவ கப்பியாகப்பியபா⁴வே பமாணந்தி க³ஹேதப்³ப³ங்.
Ajinamigacammānaṃ atisukhumattā dupaṭṭatipaṭṭāni katvā sibbantīti vuttaṃ ‘‘ajinappaveṇī’’ti. Rattavitānenāti sabbarattena vitānena. Yaṃ pana nānāvaṇṇaṃ vānacittaṃ vā lepacittaṃ vā, taṃ vaṭṭati. Ubhatolohitakūpadhānepi eseva nayo. ‘‘Citraṃ vā’’ti idaṃ pana sabbathā kappiyattā vuttaṃ, na pana ubhatoupadhānesu akappiyattā. Na hi lohitaka-saddo citte vattati, paṭaliggahaṇeneva cittakassapi attharaṇassa saṅgahetabbappasaṅgato, kāsāvaṃ pana lohitakavohāraṃ na gacchati. Tasmā vitānepi ubhatoupadhānepi vaṭṭati. Sace pamāṇayuttantiādi aññappamāṇātikkantassa bibbohanassa paṭikkhittabhāvadassanatthaṃ vuttaṃ, na pana uccāsayanamahāsayanabhāvadassanatthaṃ tathā avuttattā. Taṃ pana upadhānaṃ uposathikānaṃ gahaṭṭhānaṃ vaṭṭati. Uccāsayanamahāsayanameva hi tadā tesaṃ na vaṭṭati. Dīghanikāyaṭṭhakathādīsu kiñcāpi ‘‘ṭhapetvā tūlikaṃ sabbāneva gonakādīni ratanaparisibbitāni vaṭṭantī’’tiādi vuttaṃ, vinayaṭṭhakathāyeva kappiyākappiyabhāve pamāṇanti gahetabbaṃ.
அஜ்ஜா²ராமேஉபாஹனபடிக்கே²பகதா²தி³வண்ணனா நிட்டி²தா.
Ajjhārāmeupāhanapaṭikkhepakathādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
152. கட்ட²பாது³காதி³படிக்கே²போ • 152. Kaṭṭhapādukādipaṭikkhepo
153. யானாதி³படிக்கே²போ • 153. Yānādipaṭikkhepo
154. உச்சாஸயனமஹாஸயனபடிக்கே²போ • 154. Uccāsayanamahāsayanapaṭikkhepo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā
அஜ்ஜா²ராமேஉபாஹனபடிக்கே²பகதா² • Ajjhārāmeupāhanapaṭikkhepakathā
யானாதி³படிக்கே²பகதா² • Yānādipaṭikkhepakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
கட்ட²பாது³காதி³படிக்கே²பகதா²வண்ணனா • Kaṭṭhapādukādipaṭikkhepakathāvaṇṇanā
யானாதி³படிக்கே²பகதா²வண்ணனா • Yānādipaṭikkhepakathāvaṇṇanā
உச்சாஸயனமஹாஸயனபடிக்கே²பகதா²வண்ணனா • Uccāsayanamahāsayanapaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / யானாதி³படிக்கே²பகதா²வண்ணனா • Yānādipaṭikkhepakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
151. அஜ்ஜா²ராமே உபாஹனபடிக்கே²பகதா² • 151. Ajjhārāme upāhanapaṭikkhepakathā
153. யானாதி³படிக்கே²பகதா² • 153. Yānādipaṭikkhepakathā
154. உச்சாஸயனமஹாஸயனபடிக்கே²பகதா² • 154. Uccāsayanamahāsayanapaṭikkhepakathā
