| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. அஜ்ஜ²த்தஅனிச்சனந்தி³க்க²யஸுத்தங்
3. Ajjhattaaniccanandikkhayasuttaṃ
158. ‘‘சக்கு²ங், பி⁴க்க²வே, யோனிஸோ மனஸி கரோத²; சக்கா²னிச்சதஞ்ச யதா²பூ⁴தங் ஸமனுபஸ்ஸத². சக்கு²ங், பி⁴க்க²வே, பி⁴க்கு² யோனிஸோ மனஸிகரொந்தோ, சக்கா²னிச்சதஞ்ச யதா²பூ⁴தங் ஸமனுபஸ்ஸந்தோ சக்கு²ஸ்மிம்பி நிப்³பி³ந்த³தி. நந்தி³க்க²யா ராக³க்க²யோ; ராக³க்க²யா நந்தி³க்க²யோ. நந்தி³ராக³க்க²யா சித்தங் ஸுவிமுத்தந்தி வுச்சதி. ஸோதங் , பி⁴க்க²வே, யோனிஸோ மனஸி கரோத²… கா⁴னங்… ஜிவ்ஹங், பி⁴க்க²வே, யோனிஸோ மனஸி கரோத²; ஜிவ்ஹானிச்சதஞ்ச யதா²பூ⁴தங் ஸமனுபஸ்ஸத². ஜிவ்ஹங், பி⁴க்க²வே, பி⁴க்கு² யோனிஸோ மனஸிகரொந்தோ, ஜிவ்ஹானிச்சதஞ்ச யதா²பூ⁴தங் ஸமனுபஸ்ஸந்தோ ஜிவ்ஹாயபி நிப்³பி³ந்த³தி. நந்தி³க்க²யா ராக³க்க²யோ; ராக³க்க²யா நந்தி³க்க²யோ. நந்தி³ராக³க்க²யா சித்தங் ஸுவிமுத்தந்தி வுச்சதி. காயங்… மனங், பி⁴க்க²வே, யோனிஸோ மனஸி கரோத²; மனானிச்சதஞ்ச யதா²பூ⁴தங் ஸமனுபஸ்ஸத². மனங், பி⁴க்க²வே, பி⁴க்கு² யோனிஸோ மனஸிகரொந்தோ , மனானிச்சதஞ்ச யதா²பூ⁴தங் ஸமனுபஸ்ஸந்தோ மனஸ்மிம்பி நிப்³பி³ந்த³தி. நந்தி³க்க²யா ராக³க்க²யோ; ராக³க்க²யா நந்தி³க்க²யோ. நந்தி³ராக³க்க²யா சித்தங் ஸுவிமுத்தந்தி வுச்சதீ’’தி. ததியங்.
158. ‘‘Cakkhuṃ, bhikkhave, yoniso manasi karotha; cakkhāniccatañca yathābhūtaṃ samanupassatha. Cakkhuṃ, bhikkhave, bhikkhu yoniso manasikaronto, cakkhāniccatañca yathābhūtaṃ samanupassanto cakkhusmimpi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Sotaṃ , bhikkhave, yoniso manasi karotha… ghānaṃ… jivhaṃ, bhikkhave, yoniso manasi karotha; jivhāniccatañca yathābhūtaṃ samanupassatha. Jivhaṃ, bhikkhave, bhikkhu yoniso manasikaronto, jivhāniccatañca yathābhūtaṃ samanupassanto jivhāyapi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Kāyaṃ… manaṃ, bhikkhave, yoniso manasi karotha; manāniccatañca yathābhūtaṃ samanupassatha. Manaṃ, bhikkhave, bhikkhu yoniso manasikaronto , manāniccatañca yathābhūtaṃ samanupassanto manasmimpi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-4. அஜ்ஜ²த்தனந்தி³க்க²யஸுத்தாதி³வண்ணனா • 1-4. Ajjhattanandikkhayasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-4. அஜ்ஜ²த்தனந்தி³க்க²யஸுத்தாதி³வண்ணனா • 1-4. Ajjhattanandikkhayasuttādivaṇṇanā
