| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. অজ্ঝত্তঅনিচ্চনন্দিক্খযসুত্তং
3. Ajjhattaaniccanandikkhayasuttaṃ
১৫৮. ‘‘চক্খুং, ভিক্খৰে, যোনিসো মনসি করোথ; চক্খানিচ্চতঞ্চ যথাভূতং সমনুপস্সথ। চক্খুং, ভিক্খৰে, ভিক্খু যোনিসো মনসিকরোন্তো, চক্খানিচ্চতঞ্চ যথাভূতং সমনুপস্সন্তো চক্খুস্মিম্পি নিব্বিন্দতি। নন্দিক্খযা রাগক্খযো; রাগক্খযা নন্দিক্খযো। নন্দিরাগক্খযা চিত্তং সুৰিমুত্তন্তি ৰুচ্চতি। সোতং , ভিক্খৰে, যোনিসো মনসি করোথ… ঘানং… জিৰ্হং, ভিক্খৰে, যোনিসো মনসি করোথ; জিৰ্হানিচ্চতঞ্চ যথাভূতং সমনুপস্সথ। জিৰ্হং, ভিক্খৰে, ভিক্খু যোনিসো মনসিকরোন্তো, জিৰ্হানিচ্চতঞ্চ যথাভূতং সমনুপস্সন্তো জিৰ্হাযপি নিব্বিন্দতি। নন্দিক্খযা রাগক্খযো; রাগক্খযা নন্দিক্খযো। নন্দিরাগক্খযা চিত্তং সুৰিমুত্তন্তি ৰুচ্চতি। কাযং… মনং, ভিক্খৰে, যোনিসো মনসি করোথ; মনানিচ্চতঞ্চ যথাভূতং সমনুপস্সথ। মনং, ভিক্খৰে, ভিক্খু যোনিসো মনসিকরোন্তো , মনানিচ্চতঞ্চ যথাভূতং সমনুপস্সন্তো মনস্মিম্পি নিব্বিন্দতি। নন্দিক্খযা রাগক্খযো; রাগক্খযা নন্দিক্খযো। নন্দিরাগক্খযা চিত্তং সুৰিমুত্তন্তি ৰুচ্চতী’’তি। ততিযং।
158. ‘‘Cakkhuṃ, bhikkhave, yoniso manasi karotha; cakkhāniccatañca yathābhūtaṃ samanupassatha. Cakkhuṃ, bhikkhave, bhikkhu yoniso manasikaronto, cakkhāniccatañca yathābhūtaṃ samanupassanto cakkhusmimpi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Sotaṃ , bhikkhave, yoniso manasi karotha… ghānaṃ… jivhaṃ, bhikkhave, yoniso manasi karotha; jivhāniccatañca yathābhūtaṃ samanupassatha. Jivhaṃ, bhikkhave, bhikkhu yoniso manasikaronto, jivhāniccatañca yathābhūtaṃ samanupassanto jivhāyapi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Kāyaṃ… manaṃ, bhikkhave, yoniso manasi karotha; manāniccatañca yathābhūtaṃ samanupassatha. Manaṃ, bhikkhave, bhikkhu yoniso manasikaronto , manāniccatañca yathābhūtaṃ samanupassanto manasmimpi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-৪. অজ্ঝত্তনন্দিক্খযসুত্তাদিৰণ্ণনা • 1-4. Ajjhattanandikkhayasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-৪. অজ্ঝত্তনন্দিক্খযসুত্তাদিৰণ্ণনা • 1-4. Ajjhattanandikkhayasuttādivaṇṇanā
