| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. аж̇жхад̇д̇аанижжананд̣̇игкаяасуд̇д̇ам̣
3. Ajjhattaaniccanandikkhayasuttaṃ
158. ‘‘жагкум̣, бхигкавз, яонисо манаси гарот̇а; жагкаанижжад̇ан̃жа яат̇аабхууд̇ам̣ саманубассат̇а. жагкум̣, бхигкавз, бхигку яонисо манасигаронд̇о, жагкаанижжад̇ан̃жа яат̇аабхууд̇ам̣ саманубассанд̇о жагкусмимби ниб̣б̣инд̣̇ад̇и. нанд̣̇игкаяаа рааг̇агкаяо; рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ сувимуд̇д̇анд̇и вужжад̇и. сод̇ам̣ , бхигкавз, яонисо манаси гарот̇а… гхаанам̣… ж̇ивхам̣, бхигкавз, яонисо манаси гарот̇а; ж̇ивхаанижжад̇ан̃жа яат̇аабхууд̇ам̣ саманубассат̇а. ж̇ивхам̣, бхигкавз, бхигку яонисо манасигаронд̇о, ж̇ивхаанижжад̇ан̃жа яат̇аабхууд̇ам̣ саманубассанд̇о ж̇ивхааяаби ниб̣б̣инд̣̇ад̇и. нанд̣̇игкаяаа рааг̇агкаяо; рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ сувимуд̇д̇анд̇и вужжад̇и. гааяам̣… манам̣, бхигкавз, яонисо манаси гарот̇а; манаанижжад̇ан̃жа яат̇аабхууд̇ам̣ саманубассат̇а. манам̣, бхигкавз, бхигку яонисо манасигаронд̇о , манаанижжад̇ан̃жа яат̇аабхууд̇ам̣ саманубассанд̇о манасмимби ниб̣б̣инд̣̇ад̇и. нанд̣̇игкаяаа рааг̇агкаяо; рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ сувимуд̇д̇анд̇и вужжад̇ий’’д̇и. д̇ад̇ияам̣.
158. ‘‘Cakkhuṃ, bhikkhave, yoniso manasi karotha; cakkhāniccatañca yathābhūtaṃ samanupassatha. Cakkhuṃ, bhikkhave, bhikkhu yoniso manasikaronto, cakkhāniccatañca yathābhūtaṃ samanupassanto cakkhusmimpi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Sotaṃ , bhikkhave, yoniso manasi karotha… ghānaṃ… jivhaṃ, bhikkhave, yoniso manasi karotha; jivhāniccatañca yathābhūtaṃ samanupassatha. Jivhaṃ, bhikkhave, bhikkhu yoniso manasikaronto, jivhāniccatañca yathābhūtaṃ samanupassanto jivhāyapi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati. Kāyaṃ… manaṃ, bhikkhave, yoniso manasi karotha; manāniccatañca yathābhūtaṃ samanupassatha. Manaṃ, bhikkhave, bhikkhu yoniso manasikaronto , manāniccatañca yathābhūtaṃ samanupassanto manasmimpi nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-4. аж̇жхад̇д̇ананд̣̇игкаяасуд̇д̇аад̣̇иван̣н̣анаа • 1-4. Ajjhattanandikkhayasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-4. аж̇жхад̇д̇ананд̣̇игкаяасуд̇д̇аад̣̇иван̣н̣анаа • 1-4. Ajjhattanandikkhayasuttādivaṇṇanā
