| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. அஜ்ஜ²த்தது³க்கா²தீதானாக³தஸுத்தங்
8. Ajjhattadukkhātītānāgatasuttaṃ
8. ‘‘சக்கு²ங் , பி⁴க்க²வே, து³க்க²ங் அதீதானாக³தங்; கோ பன வாதோ³ பச்சுப்பன்னஸ்ஸ! ஏவங் பஸ்ஸங், பி⁴க்க²வே, ஸுதவா அரியஸாவகோ அதீதஸ்மிங் சக்கு²ஸ்மிங் அனபெக்கோ² ஹோதி; அனாக³தங் சக்கு²ங் நாபி⁴னந்த³தி; பச்சுப்பன்னஸ்ஸ சக்கு²ஸ்ஸ நிப்³பி³தா³ய விராகா³ய நிரோதா⁴ய படிபன்னோ ஹோதி. ஸோதங் து³க்க²ங்…பே॰… கா⁴னங் து³க்க²ங்…பே॰… ஜிவ்ஹா து³க்கா² அதீதானாக³தா; கோ பன வாதோ³ பச்சுப்பன்னாய! ஏவங் பஸ்ஸங், பி⁴க்க²வே, ஸுதவா அரியஸாவகோ அதீதாய ஜிவ்ஹாய அனபெக்கோ² ஹோதி; அனாக³தங் ஜிவ்ஹங் நாபி⁴னந்த³தி; பச்சுப்பன்னாய ஜிவ்ஹாய நிப்³பி³தா³ய விராகா³ய நிரோதா⁴ய படிபன்னோ ஹோதி. காயோ து³க்கோ²…பே॰… மனோ து³க்கோ² அதீதானாக³தோ; கோ பன வாதோ³ பச்சுப்பன்னஸ்ஸ! ஏவங் பஸ்ஸங், பி⁴க்க²வே, ஸுதவா அரியஸாவகோ அதீதஸ்மிங் மனஸ்மிங் அனபெக்கோ² ஹோதி; அனாக³தங் மனங் நாபி⁴னந்த³தி; பச்சுப்பன்னஸ்ஸ மனஸ்ஸ நிப்³பி³தா³ய விராகா³ய நிரோதா⁴ய படிபன்னோ ஹோதீ’’தி. அட்ட²மங்.
8. ‘‘Cakkhuṃ , bhikkhave, dukkhaṃ atītānāgataṃ; ko pana vādo paccuppannassa! Evaṃ passaṃ, bhikkhave, sutavā ariyasāvako atītasmiṃ cakkhusmiṃ anapekkho hoti; anāgataṃ cakkhuṃ nābhinandati; paccuppannassa cakkhussa nibbidāya virāgāya nirodhāya paṭipanno hoti. Sotaṃ dukkhaṃ…pe… ghānaṃ dukkhaṃ…pe… jivhā dukkhā atītānāgatā; ko pana vādo paccuppannāya! Evaṃ passaṃ, bhikkhave, sutavā ariyasāvako atītāya jivhāya anapekkho hoti; anāgataṃ jivhaṃ nābhinandati; paccuppannāya jivhāya nibbidāya virāgāya nirodhāya paṭipanno hoti. Kāyo dukkho…pe… mano dukkho atītānāgato; ko pana vādo paccuppannassa! Evaṃ passaṃ, bhikkhave, sutavā ariyasāvako atītasmiṃ manasmiṃ anapekkho hoti; anāgataṃ manaṃ nābhinandati; paccuppannassa manassa nibbidāya virāgāya nirodhāya paṭipanno hotī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7-12. அஜ்ஜ²த்தானிச்சாதீதானாக³தஸுத்தாதி³வண்ணனா • 7-12. Ajjhattāniccātītānāgatasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7-12. அஜ்ஜ²த்தானிச்சாதீதானாக³தஸுத்தாதி³வண்ணனா • 7-12. Ajjhattāniccātītānāgatasuttādivaṇṇanā
