| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౬. నన్దిక్ఖయవగ్గో
16. Nandikkhayavaggo
౧. అజ్ఝత్తనన్దిక్ఖయసుత్తం
1. Ajjhattanandikkhayasuttaṃ
౧౫౬. ‘‘అనిచ్చంయేవ , భిక్ఖవే, భిక్ఖు చక్ఖుం అనిచ్చన్తి పస్సతి, సాస్స 1 హోతి సమ్మాదిట్ఠి . సమ్మా పస్సం నిబ్బిన్దతి. నన్దిక్ఖయా రాగక్ఖయో; రాగక్ఖయా నన్దిక్ఖయో. నన్దిరాగక్ఖయా చిత్తం సువిముత్తన్తి వుచ్చతి…పే॰… అనిచ్చంయేవ, భిక్ఖవే, భిక్ఖు జివ్హం అనిచ్చన్తి పస్సతి, సాస్స హోతి సమ్మాదిట్ఠి. సమ్మా పస్సం నిబ్బిన్దతి. నన్దిక్ఖయా రాగక్ఖయో; రాగక్ఖయా…పే॰… చిత్తం సువిముత్తన్తి వుచ్చతి…పే॰… అనిచ్చంయేవ, భిక్ఖవే, భిక్ఖు మనం అనిచ్చన్తి పస్సతి, సాస్స హోతి సమ్మాదిట్ఠి. సమ్మా పస్సం నిబ్బిన్దతి. నన్దిక్ఖయా రాగక్ఖయో; రాగక్ఖయా నన్దిక్ఖయో. నన్దిరాగక్ఖయా చిత్తం సువిముత్తన్తి వుచ్చతీ’’తి. పఠమం.
156. ‘‘Aniccaṃyeva , bhikkhave, bhikkhu cakkhuṃ aniccanti passati, sāssa 2 hoti sammādiṭṭhi . Sammā passaṃ nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati…pe… aniccaṃyeva, bhikkhave, bhikkhu jivhaṃ aniccanti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā…pe… cittaṃ suvimuttanti vuccati…pe… aniccaṃyeva, bhikkhave, bhikkhu manaṃ aniccanti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī’’ti. Paṭhamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧-౪. అజ్ఝత్తనన్దిక్ఖయసుత్తాదివణ్ణనా • 1-4. Ajjhattanandikkhayasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧-౪. అజ్ఝత్తనన్దిక్ఖయసుత్తాదివణ్ణనా • 1-4. Ajjhattanandikkhayasuttādivaṇṇanā
