| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၆. နန္ဒိက္ခယဝဂ္ဂော
16. Nandikkhayavaggo
၁. အဇ္ဈတ္တနန္ဒိက္ခယသုတ္တံ
1. Ajjhattanandikkhayasuttaṃ
၁၅၆. ‘‘အနိစ္စံယေဝ , ဘိက္ခဝေ, ဘိက္ခု စက္ခုံ အနိစ္စန္တိ ပသ္သတိ, သာသ္သ 1 ဟောတိ သမ္မာဒိဋ္ဌိ ။ သမ္မာ ပသ္သံ နိဗ္ဗိန္ဒတိ။ နန္ဒိက္ခယာ ရာဂက္ခယော; ရာဂက္ခယာ နန္ဒိက္ခယော။ နန္ဒိရာဂက္ခယာ စိတ္တံ သုဝိမုတ္တန္တိ ဝုစ္စတိ။ပေ.။ အနိစ္စံယေဝ, ဘိက္ခဝေ, ဘိက္ခု ဇိဝ္ဟံ အနိစ္စန္တိ ပသ္သတိ, သာသ္သ ဟောတိ သမ္မာဒိဋ္ဌိ။ သမ္မာ ပသ္သံ နိဗ္ဗိန္ဒတိ။ နန္ဒိက္ခယာ ရာဂက္ခယော; ရာဂက္ခယာ။ပေ.။ စိတ္တံ သုဝိမုတ္တန္တိ ဝုစ္စတိ။ပေ.။ အနိစ္စံယေဝ, ဘိက္ခဝေ, ဘိက္ခု မနံ အနိစ္စန္တိ ပသ္သတိ, သာသ္သ ဟောတိ သမ္မာဒိဋ္ဌိ။ သမ္မာ ပသ္သံ နိဗ္ဗိန္ဒတိ။ နန္ဒိက္ခယာ ရာဂက္ခယော; ရာဂက္ခယာ နန္ဒိက္ခယော။ နန္ဒိရာဂက္ခယာ စိတ္တံ သုဝိမုတ္တန္တိ ဝုစ္စတီ’’တိ။ ပဌမံ။
156. ‘‘Aniccaṃyeva , bhikkhave, bhikkhu cakkhuṃ aniccanti passati, sāssa 2 hoti sammādiṭṭhi . Sammā passaṃ nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccati…pe… aniccaṃyeva, bhikkhave, bhikkhu jivhaṃ aniccanti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā…pe… cittaṃ suvimuttanti vuccati…pe… aniccaṃyeva, bhikkhave, bhikkhu manaṃ aniccanti passati, sāssa hoti sammādiṭṭhi. Sammā passaṃ nibbindati. Nandikkhayā rāgakkhayo; rāgakkhayā nandikkhayo. Nandirāgakkhayā cittaṃ suvimuttanti vuccatī’’ti. Paṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၄. အဇ္ဈတ္တနန္ဒိက္ခယသုတ္တာဒိဝဏ္ဏနာ • 1-4. Ajjhattanandikkhayasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁-၄. အဇ္ဈတ္တနန္ဒိက္ခယသုတ္တာဒိဝဏ္ဏနာ • 1-4. Ajjhattanandikkhayasuttādivaṇṇanā
