| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. அஜ்ஜ²த்தானத்தஹேதுஸுத்தங்
9. Ajjhattānattahetusuttaṃ
142. ‘‘சக்கு²ங் , பி⁴க்க²வே, அனத்தா. யோபி ஹேது, யோபி பச்சயோ சக்கு²ஸ்ஸ உப்பாதா³ய, ஸோபி அனத்தா. அனத்தஸம்பூ⁴தங், பி⁴க்க²வே, சக்கு² குதோ அத்தா ப⁴விஸ்ஸதி…பே॰… ஜிவ்ஹா அனத்தா. யோபி ஹேது யோபி பச்சயோ ஜிவ்ஹாய உப்பாதா³ய, ஸோபி அனத்தா. அனத்தஸம்பூ⁴தா, பி⁴க்க²வே, ஜிவ்ஹா குதோ அத்தா ப⁴விஸ்ஸதி…பே॰… மனோ அனத்தா. யோபி ஹேது யோபி பச்சயோ மனஸ்ஸ உப்பாதா³ய , ஸோபி அனத்தா. அனத்தஸம்பூ⁴தோ, பி⁴க்க²வே, மனோ குதோ அத்தா ப⁴விஸ்ஸதி! ஏவங் பஸ்ஸங்…பே॰… ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி. நவமங்.
142. ‘‘Cakkhuṃ , bhikkhave, anattā. Yopi hetu, yopi paccayo cakkhussa uppādāya, sopi anattā. Anattasambhūtaṃ, bhikkhave, cakkhu kuto attā bhavissati…pe… jivhā anattā. Yopi hetu yopi paccayo jivhāya uppādāya, sopi anattā. Anattasambhūtā, bhikkhave, jivhā kuto attā bhavissati…pe… mano anattā. Yopi hetu yopi paccayo manassa uppādāya , sopi anattā. Anattasambhūto, bhikkhave, mano kuto attā bhavissati! Evaṃ passaṃ…pe… ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-12. து³தியரூபாராமஸுத்தாதி³வண்ணனா • 4-12. Dutiyarūpārāmasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-12. து³தியரூபாராமஸுத்தாதி³வண்ணனா • 4-12. Dutiyarūpārāmasuttādivaṇṇanā
