| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. অজ্ঝত্তানত্তহেতুসুত্তং
9. Ajjhattānattahetusuttaṃ
১৪২. ‘‘চক্খুং , ভিক্খৰে, অনত্তা। যোপি হেতু, যোপি পচ্চযো চক্খুস্স উপ্পাদায, সোপি অনত্তা। অনত্তসম্ভূতং, ভিক্খৰে, চক্খু কুতো অত্তা ভৰিস্সতি…পে॰… জিৰ্হা অনত্তা। যোপি হেতু যোপি পচ্চযো জিৰ্হায উপ্পাদায, সোপি অনত্তা। অনত্তসম্ভূতা, ভিক্খৰে, জিৰ্হা কুতো অত্তা ভৰিস্সতি…পে॰… মনো অনত্তা। যোপি হেতু যোপি পচ্চযো মনস্স উপ্পাদায , সোপি অনত্তা। অনত্তসম্ভূতো, ভিক্খৰে, মনো কুতো অত্তা ভৰিস্সতি! এৰং পস্সং…পে॰… ‘খীণা জাতি, ৰুসিতং ব্রহ্মচরিযং, কতং করণীযং, নাপরং ইত্থত্তাযা’তি পজানাতী’’তি। নৰমং।
142. ‘‘Cakkhuṃ , bhikkhave, anattā. Yopi hetu, yopi paccayo cakkhussa uppādāya, sopi anattā. Anattasambhūtaṃ, bhikkhave, cakkhu kuto attā bhavissati…pe… jivhā anattā. Yopi hetu yopi paccayo jivhāya uppādāya, sopi anattā. Anattasambhūtā, bhikkhave, jivhā kuto attā bhavissati…pe… mano anattā. Yopi hetu yopi paccayo manassa uppādāya , sopi anattā. Anattasambhūto, bhikkhave, mano kuto attā bhavissati! Evaṃ passaṃ…pe… ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪-১২. দুতিযরূপারামসুত্তাদিৰণ্ণনা • 4-12. Dutiyarūpārāmasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪-১২. দুতিযরূপারামসুত্তাদিৰণ্ণনা • 4-12. Dutiyarūpārāmasuttādivaṇṇanā
