| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. အဇ္ဈတ္တာနတ္တဟေတုသုတ္တံ
9. Ajjhattānattahetusuttaṃ
၁၄၂. ‘‘စက္ခုံ , ဘိက္ခဝေ, အနတ္တာ။ ယောပိ ဟေတု, ယောပိ ပစ္စယော စက္ခုသ္သ ဥပ္ပာဒာယ, သောပိ အနတ္တာ။ အနတ္တသမ္ဘူတံ, ဘိက္ခဝေ, စက္ခု ကုတော အတ္တာ ဘဝိသ္သတိ။ပေ.။ ဇိဝ္ဟာ အနတ္တာ။ ယောပိ ဟေတု ယောပိ ပစ္စယော ဇိဝ္ဟာယ ဥပ္ပာဒာယ, သောပိ အနတ္တာ။ အနတ္တသမ္ဘူတာ, ဘိက္ခဝေ, ဇိဝ္ဟာ ကုတော အတ္တာ ဘဝိသ္သတိ။ပေ.။ မနော အနတ္တာ။ ယောပိ ဟေတု ယောပိ ပစ္စယော မနသ္သ ဥပ္ပာဒာယ , သောပိ အနတ္တာ။ အနတ္တသမ္ဘူတော, ဘိက္ခဝေ, မနော ကုတော အတ္တာ ဘဝိသ္သတိ! ဧဝံ ပသ္သံ။ပေ.။ ‘ခီဏာ ဇာတိ, ဝုသိတံ ဗ္ရဟ္မစရိယံ, ကတံ ကရဏီယံ, နာပရံ ဣတ္ထတ္တာယာ’တိ ပဇာနာတီ’’တိ။ နဝမံ။
142. ‘‘Cakkhuṃ , bhikkhave, anattā. Yopi hetu, yopi paccayo cakkhussa uppādāya, sopi anattā. Anattasambhūtaṃ, bhikkhave, cakkhu kuto attā bhavissati…pe… jivhā anattā. Yopi hetu yopi paccayo jivhāya uppādāya, sopi anattā. Anattasambhūtā, bhikkhave, jivhā kuto attā bhavissati…pe… mano anattā. Yopi hetu yopi paccayo manassa uppādāya , sopi anattā. Anattasambhūto, bhikkhave, mano kuto attā bhavissati! Evaṃ passaṃ…pe… ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄-၁၂. ဒုတိယရူပာရာမသုတ္တာဒိဝဏ္ဏနာ • 4-12. Dutiyarūpārāmasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄-၁၂. ဒုတိယရူပာရာမသုတ္တာဒိဝဏ္ဏနာ • 4-12. Dutiyarūpārāmasuttādivaṇṇanā
