| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. අජ්‌ඣත්‌තානත්‌තහෙතුසුත්‌තං
9. Ajjhattānattahetusuttaṃ
142. ‘‘චක්‌ඛුං , භික්‌ඛවෙ, අනත්‌තා. යොපි හෙතු, යොපි පච්‌චයො චක්‌ඛුස්‌ස උප්‌පාදාය, සොපි අනත්‌තා. අනත්‌තසම්‌භූතං, භික්‌ඛවෙ, චක්‌ඛු කුතො අත්‌තා භවිස්‌සති…පෙ.… ජිව්‌හා අනත්‌තා. යොපි හෙතු යොපි පච්‌චයො ජිව්‌හාය උප්‌පාදාය, සොපි අනත්‌තා. අනත්‌තසම්‌භූතා, භික්‌ඛවෙ, ජිව්‌හා කුතො අත්‌තා භවිස්‌සති…පෙ.… මනො අනත්‌තා. යොපි හෙතු යොපි පච්‌චයො මනස්‌ස උප්‌පාදාය , සොපි අනත්‌තා. අනත්‌තසම්‌භූතො, භික්‌ඛවෙ, මනො කුතො අත්‌තා භවිස්‌සති! එවං පස්‌සං…පෙ.… ‘ඛීණා ජාති, වුසිතං බ්‍රහ්‌මචරියං, කතං කරණීයං, නාපරං ඉත්‌ථත්‌තායා’ති පජානාතී’’ති. නවමං.
142. ‘‘Cakkhuṃ , bhikkhave, anattā. Yopi hetu, yopi paccayo cakkhussa uppādāya, sopi anattā. Anattasambhūtaṃ, bhikkhave, cakkhu kuto attā bhavissati…pe… jivhā anattā. Yopi hetu yopi paccayo jivhāya uppādāya, sopi anattā. Anattasambhūtā, bhikkhave, jivhā kuto attā bhavissati…pe… mano anattā. Yopi hetu yopi paccayo manassa uppādāya , sopi anattā. Anattasambhūto, bhikkhave, mano kuto attā bhavissati! Evaṃ passaṃ…pe… ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4-12. දුතියරූපාරාමසුත්‌තාදිවණ්‌ණනා • 4-12. Dutiyarūpārāmasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4-12. දුතියරූපාරාමසුත්‌තාදිවණ්‌ණනා • 4-12. Dutiyarūpārāmasuttādivaṇṇanā
