| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. অজ্ঝত্তানত্তাতীতানাগতসুত্তং
9. Ajjhattānattātītānāgatasuttaṃ
৯. ‘‘চক্খুং , ভিক্খৰে, অনত্তা অতীতানাগতং; কো পন ৰাদো পচ্চুপ্পন্নস্স! এৰং পস্সং, ভিক্খৰে, সুতৰা অরিযসাৰকো অতীতস্মিং চক্খুস্মিং অনপেক্খো হোতি; অনাগতং চক্খুং নাভিনন্দতি; পচ্চুপ্পন্নস্স চক্খুস্স নিব্বিদায ৰিরাগায নিরোধায পটিপন্নো হোতি। সোতং অনত্তা…পে॰… ঘানং অনত্তা…পে॰… জিৰ্হা অনত্তা অতীতানাগতা; কো পন ৰাদো পচ্চুপ্পন্নায! এৰং পস্সং, ভিক্খৰে, সুতৰা অরিযসাৰকো অতীতায জিৰ্হায অনপেক্খো হোতি; অনাগতং জিৰ্হং নাভিনন্দতি; পচ্চুপ্পন্নায জিৰ্হায নিব্বিদায ৰিরাগায নিরোধায পটিপন্নো হোতি। কাযো অনত্তা…পে॰… মনো অনত্তা অতীতানাগতো; কো পন ৰাদো পচ্চুপ্পন্নস্স! এৰং পস্সং, ভিক্খৰে, সুতৰা অরিযসাৰকো অতীতস্মিং মনস্মিং অনপেক্খো হোতি; অনাগতং মনং নাভিনন্দতি; পচ্চুপ্পন্নস্স মনস্স নিব্বিদায ৰিরাগায নিরোধায পটিপন্নো হোতী’’তি। নৰমং।
9. ‘‘Cakkhuṃ , bhikkhave, anattā atītānāgataṃ; ko pana vādo paccuppannassa! Evaṃ passaṃ, bhikkhave, sutavā ariyasāvako atītasmiṃ cakkhusmiṃ anapekkho hoti; anāgataṃ cakkhuṃ nābhinandati; paccuppannassa cakkhussa nibbidāya virāgāya nirodhāya paṭipanno hoti. Sotaṃ anattā…pe… ghānaṃ anattā…pe… jivhā anattā atītānāgatā; ko pana vādo paccuppannāya! Evaṃ passaṃ, bhikkhave, sutavā ariyasāvako atītāya jivhāya anapekkho hoti; anāgataṃ jivhaṃ nābhinandati; paccuppannāya jivhāya nibbidāya virāgāya nirodhāya paṭipanno hoti. Kāyo anattā…pe… mano anattā atītānāgato; ko pana vādo paccuppannassa! Evaṃ passaṃ, bhikkhave, sutavā ariyasāvako atītasmiṃ manasmiṃ anapekkho hoti; anāgataṃ manaṃ nābhinandati; paccuppannassa manassa nibbidāya virāgāya nirodhāya paṭipanno hotī’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭-১২. অজ্ঝত্তানিচ্চাতীতানাগতসুত্তাদিৰণ্ণনা • 7-12. Ajjhattāniccātītānāgatasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭-১২. অজ্ঝত্তানিচ্চাতীতানাগতসুত্তাদিৰণ্ণনা • 7-12. Ajjhattāniccātītānāgatasuttādivaṇṇanā
