| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. அஜ்ஜ²த்தானிச்சஹேதுஸுத்தங்
7. Ajjhattāniccahetusuttaṃ
140. ‘‘சக்கு²ங், பி⁴க்க²வே, அனிச்சங். யோபி ஹேது, யோபி பச்சயோ சக்கு²ஸ்ஸ உப்பாதா³ய, ஸோபி அனிச்சோ. அனிச்சஸம்பூ⁴தங், பி⁴க்க²வே, சக்கு² குதோ நிச்சங் ப⁴விஸ்ஸதி…பே॰… ஜிவ்ஹா அனிச்சா. யோபி ஹேது, யோபி பச்சயோ ஜிவ்ஹாய உப்பாதா³ய ஸோபி அனிச்சோ. அனிச்சஸம்பூ⁴தா, பி⁴க்க²வே, ஜிவ்ஹா குதோ நிச்சா ப⁴விஸ்ஸதி…பே॰… மனோ அனிச்சோ. யோபி, பி⁴க்க²வே, ஹேது யோபி பச்சயோ மனஸ்ஸ உப்பாதா³ய, ஸோபி அனிச்சோ. அனிச்சஸம்பூ⁴தோ, பி⁴க்க²வே, மனோ குதோ நிச்சோ ப⁴விஸ்ஸதி! ஏவங் பஸ்ஸங், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி…பே॰… ஜிவ்ஹாயபி நிப்³பி³ந்த³தி…பே॰… நிப்³பி³ந்த³ங் விரஜ்ஜதி; விராகா³ விமுச்சதி; விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி. ஸத்தமங்.
140. ‘‘Cakkhuṃ, bhikkhave, aniccaṃ. Yopi hetu, yopi paccayo cakkhussa uppādāya, sopi anicco. Aniccasambhūtaṃ, bhikkhave, cakkhu kuto niccaṃ bhavissati…pe… jivhā aniccā. Yopi hetu, yopi paccayo jivhāya uppādāya sopi anicco. Aniccasambhūtā, bhikkhave, jivhā kuto niccā bhavissati…pe… mano anicco. Yopi, bhikkhave, hetu yopi paccayo manassa uppādāya, sopi anicco. Aniccasambhūto, bhikkhave, mano kuto nicco bhavissati! Evaṃ passaṃ, bhikkhave, sutavā ariyasāvako cakkhusmimpi nibbindati…pe… jivhāyapi nibbindati…pe… nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-12. து³தியரூபாராமஸுத்தாதி³வண்ணனா • 4-12. Dutiyarūpārāmasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-12. து³தியரூபாராமஸுத்தாதி³வண்ணனா • 4-12. Dutiyarūpārāmasuttādivaṇṇanā
