| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
сам̣яуд̇д̇анигааяз
Saṃyuttanikāye
сал̣ааяад̇анаваг̇г̇адийгаа
Saḷāyatanavaggaṭīkā
1. сал̣ааяад̇анасам̣яуд̇д̇ам̣
1. Saḷāyatanasaṃyuttaṃ
1. анижжаваг̇г̇о
1. Aniccavaggo
1. аж̇жхад̇д̇аанижжасуд̇д̇аван̣н̣анаа
1. Ajjhattāniccasuttavaṇṇanā
1. жагкад̇ийд̇и жагку, н̃аан̣ам̣, яат̇аасабхаавад̇о аарамман̣асса ж̇аананзна самависамам̣ аажигканд̇ам̣ вияа бавад̇д̇ад̇ийд̇и ад̇т̇о. д̇ат̇аа мам̣сажагку. д̇амби хи руубад̣̇ассанз жагкад̇ийд̇и жагку. б̣уд̣̇д̇хаанам̣язва жагкууд̇и б̣уд̣̇д̇хажагку, асаад̇хааран̣ад̇о хи сад̇д̇асанд̇аанзсу сассад̇ужчзд̣̇ад̣̇идти ануломиган̃аан̣аяат̇аабхууд̇ан̃аан̣аанан̃жзва гаамарааг̇аанусаяаад̣̇ийнан̃жа яаат̇аавад̇о вибхаавид̇ан̃аан̣ам̣ аасаяаанусаяан̃аан̣ам̣ инд̣̇рияабаробарияад̇д̇ан̃аан̣ан̃жа. хздтимаа д̇аяо маг̇г̇аа жад̇усажжад̇хаммзсу вуд̇д̇аагаарзна бавад̇д̇ияаа д̇хаммз жагкууд̇и д̇хаммажагку, д̇ат̇аа д̇зсам̣ палаани д̇ам̣д̇ам̣бадибагкзсу бадиббассад̣̇д̇хибахаанавасзна бавад̇д̇анад̇о. саманд̇ад̇о саб̣б̣ад̇хаммзсу жагкугижжасаад̇ханад̇о саманд̇ажагку, саб̣б̣ан̃н̃уд̇ан̃н̃аан̣ам̣. д̣̇иб̣б̣авихаарасанниссаязна лад̣̇д̇хаб̣б̣ад̇о д̣̇зваанам̣ д̣̇иб̣б̣ажагку вияаад̇и д̇ам̣ д̣̇иб̣б̣ажагку, абхин̃н̃аависзсо. аалогам̣ вад̣дхзд̇ваа руубад̣̇ассанад̇о ‘‘аалогапаран̣знаа’’д̇и вуд̇д̇ам̣. ‘‘ид̣̇ам̣ д̣̇угкам̣ арияасажжанд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇ий’’д̇иаад̣̇инаа (сам̣. ни. 5.1081; махаава. 15) наязна ааг̇ад̇ад̇д̇аа жад̇усажжабарижчзд̣̇аган̃аан̣ам̣ ‘‘бан̃н̃аажагкуу’’д̇и вуд̇д̇ам̣. д̇ад̣̇ид̣̇ам̣ ‘‘вибассанаан̃аан̣а’’нд̇и вад̣̇анд̇и, ‘‘вибассанаамаг̇г̇апалабажжавзгкан̣ан̃аан̣ааний’’д̇и абарз.
1. Cakkhatīti cakkhu, ñāṇaṃ, yathāsabhāvato ārammaṇassa jānanena samavisamaṃ ācikkhantaṃ viya pavattatīti attho. Tathā maṃsacakkhu. Tampi hi rūpadassane cakkhatīti cakkhu. Buddhānaṃyeva cakkhūti buddhacakkhu, asādhāraṇato hi sattasantānesu sassatucchedadiṭṭhi anulomikañāṇayathābhūtañāṇānañceva kāmarāgānusayādīnañca yāthāvato vibhāvitañāṇaṃ āsayānusayañāṇaṃ indriyaparopariyattañāṇañca. Heṭṭhimā tayo maggā catusaccadhammesu vuttākārena pavattiyā dhamme cakkhūti dhammacakkhu, tathā tesaṃ phalāni taṃtaṃpaṭipakkhesu paṭippassaddhipahānavasena pavattanato. Samantato sabbadhammesu cakkhukiccasādhanato samantacakkhu, sabbaññutaññāṇaṃ. Dibbavihārasannissayena laddhabbato devānaṃ dibbacakkhu viyāti taṃ dibbacakkhu, abhiññāviseso. Ālokaṃ vaḍḍhetvā rūpadassanato ‘‘ālokapharaṇenā’’ti vuttaṃ. ‘‘Idaṃ dukkhaṃ ariyasaccanti me, bhikkhave, pubbe ananussutesu dhammesu cakkhuṃ udapādī’’tiādinā (saṃ. ni. 5.1081; mahāva. 15) nayena āgatattā catusaccaparicchedakañāṇaṃ ‘‘paññācakkhū’’ti vuttaṃ. Tadidaṃ ‘‘vipassanāñāṇa’’nti vadanti, ‘‘vipassanāmaggaphalapaccavekkhaṇañāṇānī’’ti apare.
бажжаяабхууд̇зхи зд̇зхи абхисамбхарийяанд̇ийд̇и самбхаараа, убад̇т̇амбхабхууд̇аа жад̇усамудтаанигаруубаа. саха самбхаарзхийд̇и сасамбхаарам̣. махаабхууд̇аанам̣ убаад̣̇ааяа басийд̣̇ад̇ийд̇и басаад̣̇о. агкигуубагз агкибадалзхийд̇и убхохи агкид̣̇алзхи. самбхавод̇и аабод̇хаад̇умзва самбхавабхууд̇амааха. ид̇ха ‘‘д̇зраса самбхаараа’’д̇и вуд̇д̇ам̣. адтасаалинияам̣ (д̇ха. са. адта. 596) бана сан̣таанзна сад̣̇д̇хим̣ ‘‘жуд̣̇д̣̇аса самбхаараа’’д̇и ааг̇ад̇ам̣. д̇ад̇т̇а сан̣таананд̇и ван̣н̣ааяад̇анамзва бариман̣д̣алаад̣̇исан̣таанабхууд̇ам̣. висум̣ важанам̣ бана нзсам̣ д̇ат̇аабхууд̇аанам̣ ад̇ат̇аабхууд̇аанан̃жа аабод̇хаад̇уван̣н̣ааяад̇анаанам̣ яат̇аавуд̇д̇з мам̣сабин̣д̣з виж̇ж̇амаанад̇д̇аа. самбхавасса жад̇уд̇хаад̇униссид̇зхи саха вуд̇д̇асса д̇хаад̇уд̇д̇аяаниссид̇ад̇аа яож̇зд̇аб̣б̣аа. д̣̇идтиман̣д̣алзд̇и абхимукам̣ тид̇аанам̣ бадиб̣имб̣абан̃н̃ааяанадтаанабхууд̇з жагкусан̃н̃ид̇ааяа д̣̇идтияаа бавад̇д̇идтаанабхууд̇з ман̣д̣алз. саннивидтанд̇и зд̇зна жагкубасаад̣̇асса анзгагалаабаг̇ад̇абхааво д̣̇ассид̇о. д̇ат̇аа хи со сад̇д̇а агкибадалаани абхиб̣яаабзд̇ваа вад̇д̇ад̇и. яасмаа со сад̇д̇а агкибадалаани б̣яаабзд̇ваа тид̇зхи ад̇д̇ано ниссаяабхууд̇зхи гад̇уубагаарам̣ д̇ам̣ниссид̇зхзва ааяуван̣н̣аад̣̇ийхи анубаалид̇абариваарид̇ам̣ д̇исанд̇ад̇ируубасамудтаабагзхи уд̇ужид̇д̇аахаарзхи убад̇т̇амбхияамаанам̣ худ̇ваа д̇идтад̇и. руубад̣̇ассанасамад̇т̇анд̇и ад̇д̇аанам̣ ниссааяа бавад̇д̇авин̃н̃аан̣асса васзна руубааяад̇анад̣̇ассанасамад̇т̇ам̣. вид̇т̇аарагат̇аад̇и д̇асса жагкуно сод̇аад̣̇ийнан̃жа хзд̇убажжаяаад̣̇ивасзна жзва лагкан̣аад̣̇ивасзна жа вид̇т̇аарагат̇аа.
Paccayabhūtehi etehi abhisambharīyantīti sambhārā, upatthambhabhūtā catusamuṭṭhānikarūpā. Saha sambhārehīti sasambhāraṃ. Mahābhūtānaṃ upādāya pasīdatīti pasādo. Akkhikūpake akkhipaṭalehīti ubhohi akkhidalehi. Sambhavoti āpodhātumeva sambhavabhūtamāha. Idha ‘‘terasa sambhārā’’ti vuttaṃ. Aṭṭhasāliniyaṃ (dha. sa. aṭṭha. 596) pana saṇṭhānena saddhiṃ ‘‘cuddasa sambhārā’’ti āgataṃ. Tattha saṇṭhānanti vaṇṇāyatanameva parimaṇḍalādisaṇṭhānabhūtaṃ. Visuṃ vacanaṃ pana nesaṃ tathābhūtānaṃ atathābhūtānañca āpodhātuvaṇṇāyatanānaṃ yathāvutte maṃsapiṇḍe vijjamānattā. Sambhavassa catudhātunissitehi saha vuttassa dhātuttayanissitatā yojetabbā. Diṭṭhimaṇḍaleti abhimukhaṃ ṭhitānaṃ paṭibimbapaññāyanaṭṭhānabhūte cakkhusaññitāya diṭṭhiyā pavattiṭṭhānabhūte maṇḍale. Sanniviṭṭhanti etena cakkhupasādassa anekakalāpagatabhāvo dassito. Tathā hi so satta akkhipaṭalāni abhibyāpetvā vattati. Yasmā so satta akkhipaṭalāni byāpetvā ṭhitehi attano nissayabhūtehi katūpakāraṃ taṃnissiteheva āyuvaṇṇādīhi anupālitaparivāritaṃ tisantatirūpasamuṭṭhāpakehi utucittāhārehi upatthambhiyamānaṃ hutvā tiṭṭhati. Rūpadassanasamatthanti attānaṃ nissāya pavattaviññāṇassa vasena rūpāyatanadassanasamatthaṃ. Vitthārakathāti tassa cakkhuno sotādīnañca hetupaccayādivasena ceva lakkhaṇādivasena ca vitthārakathā.
саммасанажааражид̇д̇анд̇и вибассанааяа бавад̇д̇идтаанабхууд̇ам̣ вибассид̇аб̣б̣ам̣ жид̇д̇ам̣. гзжи ‘‘вибассанубаг̇ад̇агирияамаяажид̇д̇а’’нд̇и вад̣̇анд̇и, д̇ам̣ д̇зсам̣ мад̇имад̇д̇ам̣. д̇ийн̣и лагкан̣аани д̣̇ассзд̇ваа вибассанам̣ уссуггаабзд̇ваа арахад̇д̇асса баабанавасзна д̣̇зсанааяа бавад̇д̇ад̇д̇аа.
Sammasanacāracittanti vipassanāya pavattiṭṭhānabhūtaṃ vipassitabbaṃ cittaṃ. Keci ‘‘vipassanupagatakiriyamayacitta’’nti vadanti, taṃ tesaṃ matimattaṃ. Tīṇi lakkhaṇāni dassetvā vipassanaṃ ussukkāpetvā arahattassa pāpanavasena desanāya pavattattā.
аж̇жхад̇д̇аанижжасуд̇д̇аван̣н̣анаа нидтид̇аа.
Ajjhattāniccasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. аж̇жхад̇д̇аанижжасуд̇д̇ам̣ • 1. Ajjhattāniccasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. аж̇жхад̇д̇аанижжасуд̇д̇аван̣н̣анаа • 1. Ajjhattāniccasuttavaṇṇanā
