| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
15. தி³ட்டி²வக்³கோ³
15. Diṭṭhivaggo
1. அஜ்ஜ²த்தஸுத்தங்
1. Ajjhattasuttaṃ
150. ஸாவத்தி²னிதா³னங் . ‘‘கிஸ்மிங் நு கோ², பி⁴க்க²வே, ஸதி, கிங் உபாதா³ய உப்பஜ்ஜதி அஜ்ஜ²த்தங் ஸுக²து³க்க²’’ந்தி? ப⁴க³வங்மூலகா நோ, ப⁴ந்தே, த⁴ம்மா…பே॰… ‘‘ரூபே கோ², பி⁴க்க²வே, ஸதி ரூபங் உபாதா³ய உப்பஜ்ஜதி அஜ்ஜ²த்தங் ஸுக²து³க்க²ங். வேத³னாய ஸதி…பே॰… ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி விஞ்ஞாணங் உபாதா³ய உப்பஜ்ஜதி அஜ்ஜ²த்தங் ஸுக²து³க்க²ங். தங் கிங் மஞ்ஞத², பி⁴க்க²வே, ரூபங் நிச்சங் வா அனிச்சங் வா’’தி? ‘‘அனிச்சங், ப⁴ந்தே’’. ‘‘யங் பனானிச்சங் து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங், அபி நு தங் அனுபாதா³ய உப்பஜ்ஜெய்ய அஜ்ஜ²த்தங் ஸுக²து³க்க²’’ந்தி? ‘‘நோ ஹேதங், ப⁴ந்தே’’. ‘‘வேத³னா…பே॰… ஸஞ்ஞா… ஸங்கா²ரா… விஞ்ஞாணங் நிச்சங் வா அனிச்சங் வா’’தி? ‘‘அனிச்சங், ப⁴ந்தே’’. ‘‘யங் பனானிச்சங், து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங், அபி நு தங் அனுபாதா³ய உப்பஜ்ஜெய்ய அஜ்ஜ²த்தங் ஸுக²து³க்க²’’ந்தி? ‘‘நோ ஹேதங், ப⁴ந்தே’’. ‘‘ஏவங் பஸ்ஸங்…பே॰… நாபரங் இத்த²த்தாயாதி பஜானாதீ’’தி. பட²மங்.
150. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya uppajjati ajjhattaṃ sukhadukkha’’nti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati rūpaṃ upādāya uppajjati ajjhattaṃ sukhadukkhaṃ. Vedanāya sati…pe… saññāya sati… saṅkhāresu sati… viññāṇe sati viññāṇaṃ upādāya uppajjati ajjhattaṃ sukhadukkhaṃ. Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, api nu taṃ anupādāya uppajjeyya ajjhattaṃ sukhadukkha’’nti? ‘‘No hetaṃ, bhante’’. ‘‘Vedanā…pe… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ, dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, api nu taṃ anupādāya uppajjeyya ajjhattaṃ sukhadukkha’’nti? ‘‘No hetaṃ, bhante’’. ‘‘Evaṃ passaṃ…pe… nāparaṃ itthattāyāti pajānātī’’ti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-9. அஜ்ஜ²த்தஸுத்தாதி³வண்ணனா • 1-9. Ajjhattasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-9. அஜ்ஜ²த்தஸுத்தாதி³வண்ணனா • 1-9. Ajjhattasuttādivaṇṇanā
