| Library / Tipiṭaka / তিপিটক • Tipiṭaka / পট্ঠানপাল়ি • Paṭṭhānapāḷi |
২০. অজ্ঝত্তত্তিকং
20. Ajjhattattikaṃ
১. পটিচ্চৰারো
1. Paṭiccavāro
১. পচ্চযানুলোমং
1. Paccayānulomaṃ
১. ৰিভঙ্গৰারো
1. Vibhaṅgavāro
হেতুপচ্চযো
Hetupaccayo
১. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি হেতুপচ্চযা – অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা কটত্তা চ রূপং…পে॰… দ্ৰে খন্ধে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। একং মহাভূতং পটিচ্চ তযো মহাভূতা…পে॰… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং। (১)
1. Ajjhattaṃ dhammaṃ paṭicca ajjhatto dhammo uppajjati hetupaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি হেতুপচ্চযা – বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে বহিদ্ধা একং খন্ধং পটিচ্চ তযো খন্ধা কটত্তা চ রূপং…পে॰… দ্ৰে খন্ধে পটিচ্চ দ্ৰে খন্ধা…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। একং মহাভূতং পটিচ্চ তযো মহাভূতা…পে॰… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং। (১)
Bahiddhā dhammaṃ paṭicca bahiddhā dhammo uppajjati hetupaccayā – bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe bahiddhā ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
আরম্মণপচ্চযো
Ārammaṇapaccayo
২. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি আরম্মণপচ্চযা – অজ্ঝত্তং একং খন্ধং পটিচ্চ তযো খন্ধা…পে॰… দ্ৰে খন্ধে পটিচ্চ…পে॰… পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা…পে॰… ৰত্থুং পটিচ্চ খন্ধা। (১)
2. Ajjhattaṃ dhammaṃ paṭicca ajjhatto dhammo uppajjati ārammaṇapaccayā – ajjhattaṃ ekaṃ khandhaṃ paṭicca tayo khandhā…pe… dve khandhe paṭicca…pe… paṭisandhikkhaṇe ajjhattaṃ ekaṃ khandhaṃ paṭicca tayo khandhā…pe… vatthuṃ paṭicca khandhā. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি আরম্মণপচ্চযা – বহিদ্ধা একং খন্ধং পটিচ্চ তযো খন্ধা…পে॰… দ্ৰে খন্ধে…পে॰… পটিসন্ধিক্খণে…পে॰… ৰত্থুং পটিচ্চ খন্ধা। (১)
Bahiddhā dhammaṃ paṭicca bahiddhā dhammo uppajjati ārammaṇapaccayā – bahiddhā ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1)
অধিপতিপচ্চযো
Adhipatipaccayo
৩. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি অধিপতিপচ্চযা – অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… একং মহাভূতং পটিচ্চ…পে॰… মহাভূতে পটিচ্চ চিত্তসমুট্ঠানং রূপং উপাদারূপং। (১)
3. Ajjhattaṃ dhammaṃ paṭicca ajjhatto dhammo uppajjati adhipatipaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি অধিপতিপচ্চযা – বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… একং মহাভূতং পটিচ্চ…পে॰… মহাভূতে পটিচ্চ চিত্তসমুট্ঠানং রূপং উপাদারূপং। (১)
Bahiddhā dhammaṃ paṭicca bahiddhā dhammo uppajjati adhipatipaccayā – bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)
অনন্তরপচ্চযাদি
Anantarapaccayādi
৪. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি অনন্তরপচ্চযা , সমনন্তরপচ্চযা, সহজাতপচ্চযা – অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা কটত্তা চ রূপং…পে॰… দ্ৰে খন্ধে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। একং মহাভূতং পটিচ্চ তযো মহাভূতা…পে॰… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং। আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে॰… মহাভূতে পটিচ্চ কটত্তারূপং উপাদারূপং। (১)
4. Ajjhattaṃ dhammaṃ paṭicca ajjhatto dhammo uppajjati anantarapaccayā , samanantarapaccayā, sahajātapaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. Āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca…pe… mahābhūte paṭicca kaṭattārūpaṃ upādārūpaṃ. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি সহজাতপচ্চযা – বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে বহিদ্ধা একং খন্ধং পটিচ্চ তযো খন্ধা কটত্তা চ রূপং…পে॰… দ্ৰে খন্ধে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। একং মহাভূতং পটিচ্চ…পে॰… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং। বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে॰… মহাভূতে পটিচ্চ কটত্তারূপং উপাদারূপং। (১)
Bahiddhā dhammaṃ paṭicca bahiddhā dhammo uppajjati sahajātapaccayā – bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe bahiddhā ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca…pe… mahābhūte paṭicca kaṭattārūpaṃ upādārūpaṃ. (1)
অঞ্ঞমঞ্ঞপচ্চযাদি
Aññamaññapaccayādi
৫. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা (পুরেজাতেপি আসেৰনেপি পটিসন্ধি নত্থি)… কম্মপচ্চযা… ৰিপাকপচ্চযা… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা।
5. Ajjhattaṃ dhammaṃ paṭicca ajjhatto dhammo uppajjati aññamaññapaccayā… nissayapaccayā… upanissayapaccayā… purejātapaccayā… āsevanapaccayā (purejātepi āsevanepi paṭisandhi natthi)… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.
১. পচ্চযানুলোমং
1. Paccayānulomaṃ
২. সঙ্খ্যাৰারো
2. Saṅkhyāvāro
৬. হেতুযা দ্ৰে, আরম্মণে দ্ৰে…পে॰… অৰিগতে দ্ৰে।
6. Hetuyā dve, ārammaṇe dve…pe… avigate dve.
অনুলোমং।
Anulomaṃ.
২. পচ্চযপচ্চনীযং
2. Paccayapaccanīyaṃ
১. ৰিভঙ্গৰারো
1. Vibhaṅgavāro
নহেতুপচ্চযো
Nahetupaccayo
৭. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নহেতুপচ্চযা – অহেতুকং অজ্ঝত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… অহেতুকপটিসন্ধিক্খণে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। একং মহাভূতং…পে॰… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে॰… মহাভূতে পটিচ্চ কটত্তারূপং উপাদারূপং। ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো। (১)
7. Ajjhattaṃ dhammaṃ paṭicca ajjhatto dhammo uppajjati nahetupaccayā – ahetukaṃ ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ…pe… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… mahābhūte paṭicca kaṭattārūpaṃ upādārūpaṃ. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নহেতুপচ্চযা – অহেতুকং বহিদ্ধা একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… অহেতুকপটিসন্ধিক্খণে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। একং মহাভূতং পটিচ্চ…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে॰… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো। (১)
Bahiddhā dhammaṃ paṭicca bahiddhā dhammo uppajjati nahetupaccayā – ahetukaṃ bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
নআরম্মণপচ্চযো
Naārammaṇapaccayo
৮. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নআরম্মণপচ্চযা – অজ্ঝত্তে খন্ধে পটিচ্চ চিত্তসমুট্ঠানং রূপং। পটিসন্ধিক্খণে অজ্ঝত্তে খন্ধে পটিচ্চ কটত্তারূপং। খন্ধে পটিচ্চ ৰত্থু…পে॰… একং মহাভূতং পটিচ্চ…পে॰… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে॰…। (১)
8. Ajjhattaṃ dhammaṃ paṭicca ajjhatto dhammo uppajjati naārammaṇapaccayā – ajjhatte khandhe paṭicca cittasamuṭṭhānaṃ rūpaṃ. Paṭisandhikkhaṇe ajjhatte khandhe paṭicca kaṭattārūpaṃ. Khandhe paṭicca vatthu…pe… ekaṃ mahābhūtaṃ paṭicca…pe… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca…pe…. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নআরম্মণপচ্চযা – বহিদ্ধা খন্ধে পটিচ্চ চিত্তসমুট্ঠানং রূপং। পটিসন্ধিক্খণে বহিদ্ধা খন্ধে পটিচ্চ কটত্তারূপং। খন্ধে পটিচ্চ ৰত্থু…পে॰… একং মহাভূতং…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে॰…। (১)
Bahiddhā dhammaṃ paṭicca bahiddhā dhammo uppajjati naārammaṇapaccayā – bahiddhā khandhe paṭicca cittasamuṭṭhānaṃ rūpaṃ. Paṭisandhikkhaṇe bahiddhā khandhe paṭicca kaṭattārūpaṃ. Khandhe paṭicca vatthu…pe… ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
নঅধিপতিপচ্চযাদি
Naadhipatipaccayādi
৯. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নঅধিপতিপচ্চযা…পে॰… (অনুলোমসহজাতসদিসং, নিন্নানাকরণং) নঅনন্তরপচ্চযা… নসমনন্তরপচ্চযা … নঅঞ্ঞমঞ্ঞপচ্চযা … নউপনিস্সযপচ্চযা, নপুরেজাতপচ্চযা – অরূপে অজ্ঝত্তং একং খন্ধং পটিচ্চ…পে॰… অজ্ঝত্তে খন্ধে পটিচ্চ চিত্তসমুট্ঠানং রূপং। পটিসন্ধিক্খণে অজ্ঝত্তং একং খন্ধং পটিচ্চ তযো খন্ধা কটত্তা চ রূপং…পে॰… দ্ৰে খন্ধে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা। একং মহাভূতং পটিচ্চ…পে॰… আহারসমুট্ঠানং… উতুসমুট্ঠানং… অসঞ্ঞসত্তানং…পে॰…।
9. Ajjhattaṃ dhammaṃ paṭicca ajjhatto dhammo uppajjati naadhipatipaccayā…pe… (anulomasahajātasadisaṃ, ninnānākaraṇaṃ) naanantarapaccayā… nasamanantarapaccayā … naaññamaññapaccayā … naupanissayapaccayā, napurejātapaccayā – arūpe ajjhattaṃ ekaṃ khandhaṃ paṭicca…pe… ajjhatte khandhe paṭicca cittasamuṭṭhānaṃ rūpaṃ. Paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca…pe… āhārasamuṭṭhānaṃ… utusamuṭṭhānaṃ… asaññasattānaṃ…pe….
১০. বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নপুরেজাতপচ্চযা – অরূপে বহিদ্ধা একং খন্ধং পটিচ্চ…পে॰… দ্ৰে খন্ধে…পে॰… বহিদ্ধা খন্ধে পটিচ্চ চিত্তসমুট্ঠানং রূপং। পটিসন্ধিক্খণে (পরিপুণ্ণং) একং মহাভূতং…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে॰…।
10. Bahiddhā dhammaṃ paṭicca bahiddhā dhammo uppajjati napurejātapaccayā – arūpe bahiddhā ekaṃ khandhaṃ paṭicca…pe… dve khandhe…pe… bahiddhā khandhe paṭicca cittasamuṭṭhānaṃ rūpaṃ. Paṭisandhikkhaṇe (paripuṇṇaṃ) ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe….
নপচ্ছাজাতপচ্চযাদি
Napacchājātapaccayādi
১১. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নপচ্ছাজাতপচ্চযা, নআসেৰনপচ্চযা, নকম্মপচ্চযা – অজ্ঝত্তে খন্ধে পটিচ্চ অজ্ঝত্তা চেতনা। আহারসমুট্ঠানং… উতুসমুট্ঠানং…পে॰…। (১)
11. Ajjhattaṃ dhammaṃ paṭicca ajjhatto dhammo uppajjati napacchājātapaccayā, naāsevanapaccayā, nakammapaccayā – ajjhatte khandhe paṭicca ajjhattā cetanā. Āhārasamuṭṭhānaṃ… utusamuṭṭhānaṃ…pe…. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নকম্মপচ্চযা – বহিদ্ধা খন্ধে পটিচ্চ বহিদ্ধা চেতনা। বাহিরং… আহারসমুট্ঠানং… উতুসমুট্ঠানং…। (১)
Bahiddhā dhammaṃ paṭicca bahiddhā dhammo uppajjati nakammapaccayā – bahiddhā khandhe paṭicca bahiddhā cetanā. Bāhiraṃ… āhārasamuṭṭhānaṃ… utusamuṭṭhānaṃ…. (1)
নৰিপাকপচ্চযাদি
Navipākapaccayādi
১২. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নৰিপাকপচ্চযা (পটিসন্ধি নত্থি), নআহারপচ্চযা – উতুসমুট্ঠানং… অসঞ্ঞসত্তানং…পে॰…। (১)
12. Ajjhattaṃ dhammaṃ paṭicca ajjhatto dhammo uppajjati navipākapaccayā (paṭisandhi natthi), naāhārapaccayā – utusamuṭṭhānaṃ… asaññasattānaṃ…pe…. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নআহারপচ্চযা – বাহিরং… উতুসমুট্ঠানং… অসঞ্ঞসত্তানং…পে॰…। (১)
Bahiddhā dhammaṃ paṭicca bahiddhā dhammo uppajjati naāhārapaccayā – bāhiraṃ… utusamuṭṭhānaṃ… asaññasattānaṃ…pe…. (1)
অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নইন্দ্রিযপচ্চযা – আহারসমুট্ঠানং… উতুসমুট্ঠানং… অসঞ্ঞসত্তানং… মহাভূতে পটিচ্চ রূপজীৰিতিন্দ্রিযং। (১)
Ajjhattaṃ dhammaṃ paṭicca ajjhatto dhammo uppajjati naindriyapaccayā – āhārasamuṭṭhānaṃ… utusamuṭṭhānaṃ… asaññasattānaṃ… mahābhūte paṭicca rūpajīvitindriyaṃ. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং… মহাভূতে পটিচ্চ রূপজীৰিতিন্দ্রিযং। (১)
Bahiddhā dhammaṃ paṭicca bahiddhā dhammo uppajjati naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ… mahābhūte paṭicca rūpajīvitindriyaṃ. (1)
নঝানপচ্চযো
Najhānapaccayo
১৩. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং…পে॰… আহারসমুট্ঠানং… উতুসমুট্ঠানং… অসঞ্ঞসত্তানং…পে॰…। (১)
13. Ajjhattaṃ dhammaṃ paṭicca ajjhatto dhammo uppajjati najhānapaccayā – pañcaviññāṇasahagataṃ…pe… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে॰…। (১)
Bahiddhā dhammaṃ paṭicca bahiddhā dhammo uppajjati najhānapaccayā – pañcaviññāṇasahagataṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
নমগ্গপচ্চযাদি
Namaggapaccayādi
১৪. অজ্ঝত্তং ধম্মং পটিচ্চ অজ্ঝত্তো ধম্মো উপ্পজ্জতি নমগ্গপচ্চযা… (নহেতুসদিসং। মোহো নত্থি) নসম্পযুত্তপচ্চযা… নৰিপ্পযুত্তপচ্চযা – অরূপে…পে॰… আহারসমুট্ঠানং… উতুসমুট্ঠানং… অসঞ্ঞসত্তানং…পে॰…। (১)
14. Ajjhattaṃ dhammaṃ paṭicca ajjhatto dhammo uppajjati namaggapaccayā… (nahetusadisaṃ. Moho natthi) nasampayuttapaccayā… navippayuttapaccayā – arūpe…pe… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
বহিদ্ধা ধম্মং পটিচ্চ বহিদ্ধা ধম্মো উপ্পজ্জতি নৰিপ্পযুত্তপচ্চযা – অরূপে…পে॰… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং…পে॰… নোনত্থিপচ্চযা, নোৰিগতপচ্চযা।
Bahiddhā dhammaṃ paṭicca bahiddhā dhammo uppajjati navippayuttapaccayā – arūpe…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… nonatthipaccayā, novigatapaccayā.
২. পচ্চযপচ্চনীযং
2. Paccayapaccanīyaṃ
২. সঙ্খ্যাৰারো
2. Saṅkhyāvāro
১৫. নহেতুযা দ্ৰে, নআরম্মণে দ্ৰে, নঅধিপতিযা দ্ৰে, নঅনন্তরে দ্ৰে, নসমনন্তরে দ্ৰে (সংখিত্তং, সব্বত্থ দ্ৰে), নোৰিগতে দ্ৰে (এৰং গণেতব্বং)।
15. Nahetuyā dve, naārammaṇe dve, naadhipatiyā dve, naanantare dve, nasamanantare dve (saṃkhittaṃ, sabbattha dve), novigate dve (evaṃ gaṇetabbaṃ).
পচ্চনীযং।
Paccanīyaṃ.
৩. পচ্চযানুলোমপচ্চনীযং
3. Paccayānulomapaccanīyaṃ
১৬. হেতুপচ্চযা নআরম্মণে দ্ৰে…পে॰… নৰিপাকে নসম্পযুত্তে নৰিপ্পযুত্তে নোনত্থিযা নোৰিগতে দ্ৰে (এৰং গণেতব্বং)।
16. Hetupaccayā naārammaṇe dve…pe… navipāke nasampayutte navippayutte nonatthiyā novigate dve (evaṃ gaṇetabbaṃ).
অনুলোমপচ্চনীযং।
Anulomapaccanīyaṃ.
৪. পচ্চযপচ্চনীযানুলোমং
4. Paccayapaccanīyānulomaṃ
১৭. নহেতুপচ্চযা আরম্মণে দ্ৰে, অনন্তরে দ্ৰে…পে॰… মগ্গে দ্ৰে…পে॰… অৰিগতে দ্ৰে (এৰং গণেতব্বং)।
17. Nahetupaccayā ārammaṇe dve, anantare dve…pe… magge dve…pe… avigate dve (evaṃ gaṇetabbaṃ).
পচ্চনীযানুলোমং।
Paccanīyānulomaṃ.
পটিচ্চৰারো।
Paṭiccavāro.
২. সহজাতৰারো
2. Sahajātavāro
(সহজাতৰারো পটিচ্চৰারসদিসো।)
(Sahajātavāro paṭiccavārasadiso.)
৩. পচ্চযৰারো
3. Paccayavāro
১. পচ্চযানুলোমং
1. Paccayānulomaṃ
১. ৰিভঙ্গৰারো
1. Vibhaṅgavāro
হেতুপচ্চযো
Hetupaccayo
১৮. অজ্ঝত্তং ধম্মং পচ্চযা অজ্ঝত্তো ধম্মো উপ্পজ্জতি হেতুপচ্চযা – অজ্ঝত্তং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে (পরিপুণ্ণং)। একং মহাভূতং…পে॰… ৰত্থুং পচ্চযা অজ্ঝত্তা খন্ধা। (১)
18. Ajjhattaṃ dhammaṃ paccayā ajjhatto dhammo uppajjati hetupaccayā – ajjhattaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe (paripuṇṇaṃ). Ekaṃ mahābhūtaṃ…pe… vatthuṃ paccayā ajjhattā khandhā. (1)
বহিদ্ধা ধম্মং পচ্চযা বহিদ্ধা ধম্মো উপ্পজ্জতি হেতুপচ্চযা – বহিদ্ধা একং খন্ধং পচ্চযা তযো খন্ধা…পে॰… পটিসন্ধিক্খণে…পে॰… একং মহাভূতং…পে॰… ৰত্থুং পচ্চযা বহিদ্ধা খন্ধা। (১)
Bahiddhā dhammaṃ paccayā bahiddhā dhammo uppajjati hetupaccayā – bahiddhā ekaṃ khandhaṃ paccayā tayo khandhā…pe… paṭisandhikkhaṇe…pe… ekaṃ mahābhūtaṃ…pe… vatthuṃ paccayā bahiddhā khandhā. (1)
আরম্মণপচ্চযো
Ārammaṇapaccayo
১৯. অজ্ঝত্তং ধম্মং পচ্চযা অজ্ঝত্তো ধম্মো উপ্পজ্জতি আরম্মণপচ্চযা (পটিচ্চৰারসদিসং), চক্খাযতনং পচ্চযা চক্খুৰিঞ্ঞাণং…পে॰… কাযাযতনং পচ্চযা কাযৰিঞ্ঞাণং…পে॰… ৰত্থুং পচ্চযা অজ্ঝত্তা খন্ধা। (১)
19. Ajjhattaṃ dhammaṃ paccayā ajjhatto dhammo uppajjati ārammaṇapaccayā (paṭiccavārasadisaṃ), cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ…pe… vatthuṃ paccayā ajjhattā khandhā. (1)
বহিদ্ধা ধম্মং পচ্চযা বহিদ্ধা ধম্মো উপ্পজ্জতি আরম্মণপচ্চযা (পটিচ্চৰারসদিসং), চক্খাযতনং…পে॰… কাযাযতনং…পে॰… ৰত্থুং পচ্চযা বহিদ্ধা খন্ধা। (১)
Bahiddhā dhammaṃ paccayā bahiddhā dhammo uppajjati ārammaṇapaccayā (paṭiccavārasadisaṃ), cakkhāyatanaṃ…pe… kāyāyatanaṃ…pe… vatthuṃ paccayā bahiddhā khandhā. (1)
অধিপতিপচ্চযাদি
Adhipatipaccayādi
২০. অজ্ঝত্তং ধম্মং পচ্চযা অজ্ঝত্তো ধম্মো উপ্পজ্জতি অধিপতিপচ্চযা… (ৰত্থুং অতিরেকং, পটিচ্চৰারসদিসং) অনন্তরপচ্চযা… সমনন্তরপচ্চযা… সহজাতপচ্চযা… (সহজাতৰারে পরিপুণ্ণা) মহাভূতে পচ্চযা…পে॰… (মহাভূতানং খন্ধানঞ্চ পচ্ছা পঞ্চাযতনানি চ ৰত্থু চ কাতব্বা) অঞ্ঞমঞ্ঞপচ্চযা… নিস্সযপচ্চযা…পে॰… অৰিগতপচ্চযা।
20. Ajjhattaṃ dhammaṃ paccayā ajjhatto dhammo uppajjati adhipatipaccayā… (vatthuṃ atirekaṃ, paṭiccavārasadisaṃ) anantarapaccayā… samanantarapaccayā… sahajātapaccayā… (sahajātavāre paripuṇṇā) mahābhūte paccayā…pe… (mahābhūtānaṃ khandhānañca pacchā pañcāyatanāni ca vatthu ca kātabbā) aññamaññapaccayā… nissayapaccayā…pe… avigatapaccayā.
১. পচ্চযানুলোমং
1. Paccayānulomaṃ
২. সঙ্খ্যাৰারো
2. Saṅkhyāvāro
২১. হেতুযা দ্ৰে, আরম্মণে…পে॰… অৰিগতে দ্ৰে।
21. Hetuyā dve, ārammaṇe…pe… avigate dve.
অনুলোমং।
Anulomaṃ.
২. পচ্চযপচ্চনীযং
2. Paccayapaccanīyaṃ
১. ৰিভঙ্গৰারো
1. Vibhaṅgavāro
নহেতুপচ্চযো
Nahetupaccayo
২২. অজ্ঝত্তং ধম্মং পচ্চযা অজ্ঝত্তো ধম্মো উপ্পজ্জতি নহেতুপচ্চযা – অহেতুকং অজ্ঝত্তং একং খন্ধং পচ্চযা তযো খন্ধা…পে॰… অহেতুকপটিসন্ধিক্খণে…পে॰… খন্ধে পচ্চযা ৰত্থু, ৰত্থুং পচ্চযা খন্ধা। একং মহাভূতং…পে॰… আহারসমুট্ঠানং… উতুসমুট্ঠানং… অসঞ্ঞসত্তানং…পে॰… চক্খাযতনং…পে॰… কাযাযতনং…পে॰… ৰত্থুং পচ্চযা অহেতুকা অজ্ঝত্তা খন্ধা। ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো। (১)
22. Ajjhattaṃ dhammaṃ paccayā ajjhatto dhammo uppajjati nahetupaccayā – ahetukaṃ ajjhattaṃ ekaṃ khandhaṃ paccayā tayo khandhā…pe… ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā. Ekaṃ mahābhūtaṃ…pe… āhārasamuṭṭhānaṃ… utusamuṭṭhānaṃ… asaññasattānaṃ…pe… cakkhāyatanaṃ…pe… kāyāyatanaṃ…pe… vatthuṃ paccayā ahetukā ajjhattā khandhā. Vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)
বহিদ্ধা ধম্মং পচ্চযা বহিদ্ধা ধম্মো উপ্পজ্জতি নহেতুপচ্চযা (পৰত্তিপটিসন্ধিপি মহাভূতাপি কাতব্বা) – চক্খাযতনং…পে॰… কাযাযতনং…পে॰… ৰত্থুং পচ্চযা অহেতুকা বহিদ্ধা খন্ধা। ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো। (১)
Bahiddhā dhammaṃ paccayā bahiddhā dhammo uppajjati nahetupaccayā (pavattipaṭisandhipi mahābhūtāpi kātabbā) – cakkhāyatanaṃ…pe… kāyāyatanaṃ…pe… vatthuṃ paccayā ahetukā bahiddhā khandhā. Vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)
নআরম্মণপচ্চযাদি
Naārammaṇapaccayādi
২৩. নআরম্মণপচ্চযা… নঅধিপতিপচ্চযা (সহজাতসদিসং)… নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা… নপুরেজাতপচ্চযা (পটিচ্চৰারসদিসং)… নপচ্ছাজাতপচ্চযা… নআসেৰনপচ্চযা… নকম্মপচ্চযা…পে॰… নৰিপ্পযুত্তপচ্চযা (পটিচ্চৰারপচ্চনীযে ৰিপ্পযুত্তসদিসং)… নোনত্থিপচ্চযা… নোৰিগতপচ্চযা…।
23. Naārammaṇapaccayā… naadhipatipaccayā (sahajātasadisaṃ)… naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā (paṭiccavārasadisaṃ)… napacchājātapaccayā… naāsevanapaccayā… nakammapaccayā…pe… navippayuttapaccayā (paṭiccavārapaccanīye vippayuttasadisaṃ)… nonatthipaccayā… novigatapaccayā….
২. পচ্চযপচ্চনীযং
2. Paccayapaccanīyaṃ
২. সঙ্খ্যাৰারো
2. Saṅkhyāvāro
২৪. নহেতুযা দ্ৰে, নআরম্মণে দ্ৰে…পে॰… নোৰিগতে দ্ৰে।
24. Nahetuyā dve, naārammaṇe dve…pe… novigate dve.
পচ্চনীযং।
Paccanīyaṃ.
৩. পচ্চযানুলোমপচ্চনীযং
3. Paccayānulomapaccanīyaṃ
২৫. হেতুপচ্চযা নআরম্মণে দ্ৰে, নঅধিপতিযা দ্ৰে…পে॰… নৰিপাকে নসম্পযুত্তে নৰিপ্পযুত্তে নোনত্থিযা নোৰিগতে দ্ৰে।
25. Hetupaccayā naārammaṇe dve, naadhipatiyā dve…pe… navipāke nasampayutte navippayutte nonatthiyā novigate dve.
অনুলোমপচ্চনীযং।
Anulomapaccanīyaṃ.
৪. পচ্চযপচ্চনীযানুলোমং
4. Paccayapaccanīyānulomaṃ
২৬. নহেতুপচ্চযা আরম্মণে দ্ৰে…পে॰… অৰিগতে দ্ৰে।
26. Nahetupaccayā ārammaṇe dve…pe… avigate dve.
পচ্চনীযানুলোমং।
Paccanīyānulomaṃ.
পচ্চযৰারো
Paccayavāro
৪-৬. নিস্সয-সংসট্ঠ-সম্পযুত্তৰারো
4-6. Nissaya-saṃsaṭṭha-sampayuttavāro
(নিস্সযৰারো পচ্চযৰারসদিসো। সংসট্ঠৰারোপি সম্পযুত্তৰারোপি ৰিত্থারেতব্বো।)
(Nissayavāro paccayavārasadiso. Saṃsaṭṭhavāropi sampayuttavāropi vitthāretabbo.)
৭. পঞ্হাৰারো
7. Pañhāvāro
১. পচ্চযানুলোমং
1. Paccayānulomaṃ
১. ৰিভঙ্গৰারো
1. Vibhaṅgavāro
হেতুপচ্চযো
Hetupaccayo
২৭. অজ্ঝত্তো ধম্মো অজ্ঝত্তস্স ধম্মস্স হেতুপচ্চযেন পচ্চযো – অজ্ঝত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো। পটিসন্ধিক্খণে…পে॰…। (১)
27. Ajjhatto dhammo ajjhattassa dhammassa hetupaccayena paccayo – ajjhattā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)
বহিদ্ধা ধম্মো বহিদ্ধা ধম্মস্স হেতুপচ্চযেন পচ্চযো – বহিদ্ধা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো। পটিসন্ধিক্খণে…পে॰…। (১)
Bahiddhā dhammo bahiddhā dhammassa hetupaccayena paccayo – bahiddhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)
আরম্মণপচ্চযো
Ārammaṇapaccayo
২৮. অজ্ঝত্তো ধম্মো অজ্ঝত্তস্স ধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে॰… ঝানা ৰুট্ঠহিত্ৰা…পে॰… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি। অজ্ঝত্তং চক্খুং…পে॰… কাযং… রূপে…পে॰… ফোট্ঠব্বে… ৰত্থুং… অজ্ঝত্তে খন্ধে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি…পে॰… দোমনস্সং উপ্পজ্জতি। দিব্বেন চক্খুনা রূপং পস্সতি, দিব্বায সোতুধাতুযা সদ্দং সুণাতি, আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো। আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো। রূপাযতনং…পে॰… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো। অজ্ঝত্তা খন্ধা ইদ্ধিৰিধঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)
28. Ajjhatto dhammo ajjhattassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni…pe… jhānā vuṭṭhahitvā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Ajjhattaṃ cakkhuṃ…pe… kāyaṃ… rūpe…pe… phoṭṭhabbe… vatthuṃ… ajjhatte khandhe aniccato dukkhato anattato vipassati, assādeti abhinandati, taṃ ārabbha rāgo uppajjati…pe… domanassaṃ uppajjati. Dibbena cakkhunā rūpaṃ passati, dibbāya sotudhātuyā saddaṃ suṇāti, ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ…pe… phoṭṭhabbāyatanaṃ kāyaviññāṇassa ārammaṇapaccayena paccayo. Ajjhattā khandhā iddhividhañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
অজ্ঝত্তো ধম্মো বহিদ্ধা ধম্মস্স আরম্মণপচ্চযেন পচ্চযো – পরো অজ্ঝত্তং চক্খুং…পে॰… ৰত্থুং… অজ্ঝত্তে খন্ধে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি, তং আরব্ভ রাগো উপ্পজ্জতি…পে॰… দোমনস্সং উপ্পজ্জতি। দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। চেতোপরিযঞাণেন অজ্ঝত্তচিত্তসমঙ্গিস্স চিত্তং জানাতি। অজ্ঝত্তং রূপাযতনং বহিদ্ধা চক্খুৰিঞ্ঞাণস্স…পে॰… অজ্ঝত্তং ফোট্ঠব্বাযতনং বহিদ্ধা কাযৰিঞ্ঞাণস্স আরম্মণপচ্চযেন পচ্চযো। অজ্ঝত্তা খন্ধা ইদ্ধিৰিধঞাণস্স, চেতোপরিযঞাণস্স , পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (২)
Ajjhatto dhammo bahiddhā dhammassa ārammaṇapaccayena paccayo – paro ajjhattaṃ cakkhuṃ…pe… vatthuṃ… ajjhatte khandhe aniccato dukkhato anattato vipassati, assādeti abhinandati, taṃ ārabbha rāgo uppajjati…pe… domanassaṃ uppajjati. Dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena ajjhattacittasamaṅgissa cittaṃ jānāti. Ajjhattaṃ rūpāyatanaṃ bahiddhā cakkhuviññāṇassa…pe… ajjhattaṃ phoṭṭhabbāyatanaṃ bahiddhā kāyaviññāṇassa ārammaṇapaccayena paccayo. Ajjhattā khandhā iddhividhañāṇassa, cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
২৯. বহিদ্ধা ধম্মো বহিদ্ধা ধম্মস্স আরম্মণপচ্চযেন পচ্চযো – পরো দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা…পে॰… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি… নিব্বানং পচ্চৰেক্খন্তি। নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো। অরিযা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে…পে॰… পরো বহিদ্ধা চক্খুং…পে॰… ৰত্থুং… বহিদ্ধা খন্ধে অনিচ্চতো…পে॰… দোমনস্সং উপ্পজ্জতি। দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। চেতোপরিযঞাণেন বহিদ্ধা চিত্তসমঙ্গিস্স…পে॰… আকাসানঞ্চাযতনং ৰিঞ্ঞাণঞ্চাযতনস্স আরম্মণপচ্চযেন পচ্চযো। আকিঞ্চঞ্ঞাযতনং নেৰসঞ্ঞানাসঞ্ঞাযতনস্স আরম্মণপচ্চযেন পচ্চযো। বহিদ্ধা রূপাযতনং বহিদ্ধা চক্খুৰিঞ্ঞাণস্স…পে॰… বহিদ্ধা ফোট্ঠব্বাযতনং বহিদ্ধা কাযৰিঞ্ঞাণস্স…পে॰… বহিদ্ধা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (১)
29. Bahiddhā dhammo bahiddhā dhammassa ārammaṇapaccayena paccayo – paro dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, jhānā vuṭṭhahitvā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti… nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe…pe… paro bahiddhā cakkhuṃ…pe… vatthuṃ… bahiddhā khandhe aniccato…pe… domanassaṃ uppajjati. Dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena bahiddhā cittasamaṅgissa…pe… ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa ārammaṇapaccayena paccayo. Bahiddhā rūpāyatanaṃ bahiddhā cakkhuviññāṇassa…pe… bahiddhā phoṭṭhabbāyatanaṃ bahiddhā kāyaviññāṇassa…pe… bahiddhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
বহিদ্ধা ধম্মো অজ্ঝত্তস্স ধম্মস্স আরম্মণপচ্চযেন পচ্চযো – অরিযা নিব্বানং পচ্চৰেক্খন্তি। নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো। বহিদ্ধা চক্খুং…পে॰… ৰত্থুং… বহিদ্ধা খন্ধে অনিচ্চতো…পে॰… দোমনস্সং উপ্পজ্জতি। দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। চেতোপরিযঞাণেন বহিদ্ধা চিত্তসমঙ্গিস্স চিত্তং জানাতি। বহিদ্ধা রূপাযতনং অজ্ঝত্তং চক্খুৰিঞ্ঞাণস্স…পে॰… বহিদ্ধা ফোট্ঠব্বাযতনং অজ্ঝত্তং কাযৰিঞ্ঞাণস্স…পে॰… বহিদ্ধা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো। (২)
Bahiddhā dhammo ajjhattassa dhammassa ārammaṇapaccayena paccayo – ariyā nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Bahiddhā cakkhuṃ…pe… vatthuṃ… bahiddhā khandhe aniccato…pe… domanassaṃ uppajjati. Dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena bahiddhā cittasamaṅgissa cittaṃ jānāti. Bahiddhā rūpāyatanaṃ ajjhattaṃ cakkhuviññāṇassa…pe… bahiddhā phoṭṭhabbāyatanaṃ ajjhattaṃ kāyaviññāṇassa…pe… bahiddhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
অধিপতিপচ্চযো
Adhipatipaccayo
৩০. অজ্ঝত্তো ধম্মো অজ্ঝত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা, তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা…পে॰… ঝানা ৰুট্ঠহিত্ৰা ঝানং গরুং কত্ৰা…পে॰… অরিযা মগ্গা ৰুট্ঠহিত্ৰা মগ্গং গরুং কত্ৰা…পে॰… ফলং গরুং কত্ৰা পচ্চৰেক্খন্তি। অজ্ঝত্তং চক্খুং…পে॰… ৰত্থুং… অজ্ঝত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি। সহজাতাধিপতি – অজ্ঝত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো। (১)
30. Ajjhatto dhammo ajjhattassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā, taṃ garuṃ katvā paccavekkhati, pubbe suciṇṇāni garuṃ katvā…pe… jhānā vuṭṭhahitvā jhānaṃ garuṃ katvā…pe… ariyā maggā vuṭṭhahitvā maggaṃ garuṃ katvā…pe… phalaṃ garuṃ katvā paccavekkhanti. Ajjhattaṃ cakkhuṃ…pe… vatthuṃ… ajjhatte khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – ajjhattādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
অজ্ঝত্তো ধম্মো বহিদ্ধা ধম্মস্স অধিপতিপচ্চযেন পচ্চযো। আরম্মণাধিপতি – পরো অজ্ঝত্তং চক্খুং…পে॰… ৰত্থুং… অজ্ঝত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি। (২)
Ajjhatto dhammo bahiddhā dhammassa adhipatipaccayena paccayo. Ārammaṇādhipati – paro ajjhattaṃ cakkhuṃ…pe… vatthuṃ… ajjhatte khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)
৩১. বহিদ্ধা ধম্মো বহিদ্ধা ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি। আরম্মণাধিপতি – পরো দানং দত্ৰা সীলং সমাদিযিত্ৰা উপোসথকম্মং কত্ৰা, তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা…পে॰… ঝানা ৰুট্ঠহিত্ৰা…পে॰… অরিযা মগ্গা ৰুট্ঠহিত্ৰা মগ্গং গরুং কত্ৰা…পে॰… ফলং গরুং কত্ৰা…পে॰… নিব্বানং গরুং কত্ৰা পচ্চৰেক্খন্তি। নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো। বহিদ্ধা চক্খুং…পে॰… ৰত্থুং… বহিদ্ধা খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি। সহজাতাধিপতি – বহিদ্ধাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো। (১)
31. Bahiddhā dhammo bahiddhā dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – paro dānaṃ datvā sīlaṃ samādiyitvā uposathakammaṃ katvā, taṃ garuṃ katvā paccavekkhati, pubbe suciṇṇāni garuṃ katvā…pe… jhānā vuṭṭhahitvā…pe… ariyā maggā vuṭṭhahitvā maggaṃ garuṃ katvā…pe… phalaṃ garuṃ katvā…pe… nibbānaṃ garuṃ katvā paccavekkhanti. Nibbānaṃ gotrabhussa, vodānassa, maggassa, phalassa adhipatipaccayena paccayo. Bahiddhā cakkhuṃ…pe… vatthuṃ… bahiddhā khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – bahiddhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
বহিদ্ধা ধম্মো অজ্ঝত্তস্স ধম্মস্স অধিপতিপচ্চযেন পচ্চযো। আরম্মণাধিপতি – অরিযা নিব্বানং গরুং কত্ৰা পচ্চৰেক্খন্তি। নিব্বানং গোত্রভুস্স, ৰোদানস্স, মগ্গস্স, ফলস্স, অধিপতিপচ্চযেন পচ্চযো। বহিদ্ধা চক্খুং…পে॰… ৰত্থুং… বহিদ্ধা খন্ধে গরুং কত্ৰা অস্সাদেতি, অভিনন্দতি, তং গরুং কত্ৰা রাগো…পে॰… দিট্ঠি উপ্পজ্জতি। (২)
Bahiddhā dhammo ajjhattassa dhammassa adhipatipaccayena paccayo. Ārammaṇādhipati – ariyā nibbānaṃ garuṃ katvā paccavekkhanti. Nibbānaṃ gotrabhussa, vodānassa, maggassa, phalassa, adhipatipaccayena paccayo. Bahiddhā cakkhuṃ…pe… vatthuṃ… bahiddhā khandhe garuṃ katvā assādeti, abhinandati, taṃ garuṃ katvā rāgo…pe… diṭṭhi uppajjati. (2)
অনন্তরপচ্চযো
Anantarapaccayo
৩২. অজ্ঝত্তো ধম্মো অজ্ঝত্তস্স ধম্মস্স অনন্তরপচ্চযেন পচ্চযো – পুরিমা পুরিমা অজ্ঝত্তা খন্ধা পচ্ছিমানং পচ্ছিমানং অজ্ঝত্তানং খন্ধানং অনন্তরপচ্চযেন পচ্চযো। অনুলোমং গোত্রভুস্স, অনুলোমং ৰোদানস্স, গোত্রভু মগ্গস্স, ৰোদানং মগ্গস্স, মগ্গো ফলস্স, ফলং ফলস্স, অনুলোমং ফলসমাপত্তিযা, নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো। (১)
32. Ajjhatto dhammo ajjhattassa dhammassa anantarapaccayena paccayo – purimā purimā ajjhattā khandhā pacchimānaṃ pacchimānaṃ ajjhattānaṃ khandhānaṃ anantarapaccayena paccayo. Anulomaṃ gotrabhussa, anulomaṃ vodānassa, gotrabhu maggassa, vodānaṃ maggassa, maggo phalassa, phalaṃ phalassa, anulomaṃ phalasamāpattiyā, nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (1)
বহিদ্ধা ধম্মো বহিদ্ধা ধম্মস্স অনন্তরপচ্চযেন পচ্চযো (পুরিমা পুরিমা বহিদ্ধাতি নানাকরণং, তংযেৰ গমনং)। (১)
Bahiddhā dhammo bahiddhā dhammassa anantarapaccayena paccayo (purimā purimā bahiddhāti nānākaraṇaṃ, taṃyeva gamanaṃ). (1)
সমনন্তরপচ্চযাদি
Samanantarapaccayādi
৩৩. অজ্ঝত্তো ধম্মো অজ্ঝত্তস্স ধম্মস্স সমনন্তরপচ্চযেন পচ্চযো…পে॰… (অনন্তরসদিসং)… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো।
33. Ajjhatto dhammo ajjhattassa dhammassa samanantarapaccayena paccayo…pe… (anantarasadisaṃ)… sahajātapaccayena paccayo… aññamaññapaccayena paccayo… nissayapaccayena paccayo.
উপনিস্সযপচ্চযো
Upanissayapaccayo
৩৪. অজ্ঝত্তো ধম্মো অজ্ঝত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – অজ্ঝত্তং সদ্ধং উপনিস্সায দানং দেতি, সীলং সমাদিযতি, উপোসথকম্মং…পে॰… ঝানং…পে॰… ৰিপস্সনং…পে॰… মগ্গং…পে॰… অভিঞ্ঞং…পে॰… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি। অজ্ঝত্তং সীলং…পে॰… পঞ্ঞং… রাগং…পে॰… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে॰… সমাপত্তিং উপ্পাদেতি, পাণং হনতি…পে॰… সঙ্ঘং ভিন্দতি। অজ্ঝত্তা সদ্ধা…পে॰… পঞ্ঞা, রাগো…পে॰… পত্থনা, কাযিকং সুখং… কাযিকং দুক্খং… সেনাসনং অজ্ঝত্তায সদ্ধায…পে॰… পঞ্ঞায, রাগস্স…পে॰… পত্থনায, কাযিকস্স সুখস্স, কাযিকস্স দুক্খস্স, মগ্গস্স ফলসমাপত্তিযা উপনিস্সযপচ্চযেন পচ্চযো। (১)
34. Ajjhatto dhammo ajjhattassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ajjhattaṃ saddhaṃ upanissāya dānaṃ deti, sīlaṃ samādiyati, uposathakammaṃ…pe… jhānaṃ…pe… vipassanaṃ…pe… maggaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Ajjhattaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati. Ajjhattā saddhā…pe… paññā, rāgo…pe… patthanā, kāyikaṃ sukhaṃ… kāyikaṃ dukkhaṃ… senāsanaṃ ajjhattāya saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa, maggassa phalasamāpattiyā upanissayapaccayena paccayo. (1)
অজ্ঝত্তো ধম্মো বহিদ্ধা ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে॰…। পকতূপনিস্সযো – পরো অজ্ঝত্তং সদ্ধং উপনিস্সায দানং দেতি…পে॰… মানং জপ্পেতি, দিট্ঠিং গণ্হাতি । পরো অজ্ঝত্তং সীলং…পে॰… সেনাসনং উপনিস্সায দানং দেতি, পাণং হনতি…পে॰… সঙ্ঘং ভিন্দতি। অজ্ঝত্তা সদ্ধা…পে॰… সেনাসনং বহিদ্ধা সদ্ধায…পে॰… মগ্গস্স ফলসমাপত্তিযা উপনিস্সযপচ্চযেন পচ্চযো। (২)
Ajjhatto dhammo bahiddhā dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – paro ajjhattaṃ saddhaṃ upanissāya dānaṃ deti…pe… mānaṃ jappeti, diṭṭhiṃ gaṇhāti . Paro ajjhattaṃ sīlaṃ…pe… senāsanaṃ upanissāya dānaṃ deti, pāṇaṃ hanati…pe… saṅghaṃ bhindati. Ajjhattā saddhā…pe… senāsanaṃ bahiddhā saddhāya…pe… maggassa phalasamāpattiyā upanissayapaccayena paccayo. (2)
৩৫. বহিদ্ধা ধম্মো বহিদ্ধা ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে॰…। পকতূপনিস্সযো – পরো বহিদ্ধা সদ্ধং…পে॰… পত্থনং, কাযিকং সুখং…পে॰… সেনাসনং উপনিস্সায দানং দেতি…পে॰… সঙ্ঘং ভিন্দতি বহিদ্ধা সদ্ধা…পে॰… সেনাসনং বহিদ্ধা সদ্ধায…পে॰… ফলসমাপত্তিযা উপনিস্সযপচ্চযেন পচ্চযো। (১)
35. Bahiddhā dhammo bahiddhā dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paro bahiddhā saddhaṃ…pe… patthanaṃ, kāyikaṃ sukhaṃ…pe… senāsanaṃ upanissāya dānaṃ deti…pe… saṅghaṃ bhindati bahiddhā saddhā…pe… senāsanaṃ bahiddhā saddhāya…pe… phalasamāpattiyā upanissayapaccayena paccayo. (1)
বহিদ্ধা ধম্মো অজ্ঝত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে॰…। পকতূপনিস্সযো – বহিদ্ধা সদ্ধং…পে॰… সেনাসনং উপনিস্সায দানং দেতি…পে॰… সঙ্ঘং ভিন্দতি। বহিদ্ধা সদ্ধা…পে॰… সেনাসনং অজ্ঝত্তায সদ্ধায…পে॰… ফলসমাপত্তিযা উপনিস্সযপচ্চযেন পচ্চযো। (২)
Bahiddhā dhammo ajjhattassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – bahiddhā saddhaṃ…pe… senāsanaṃ upanissāya dānaṃ deti…pe… saṅghaṃ bhindati. Bahiddhā saddhā…pe… senāsanaṃ ajjhattāya saddhāya…pe… phalasamāpattiyā upanissayapaccayena paccayo. (2)
পুরেজাতপচ্চযো
Purejātapaccayo
৩৬. অজ্ঝত্তো ধম্মো অজ্ঝত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – অজ্ঝত্তং চক্খুং…পে॰… ৰত্থুং অনিচ্চতো দুক্খতো অনত্ততো ৰিপস্সতি…পে॰… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে॰… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো। ৰত্থুপুরেজাতং – চক্খাযতনং চক্খুৰিঞ্ঞাণস্স…পে॰… কাযাযতনং কাযৰিঞ্ঞাণস্স…পে॰… ৰত্থু অজ্ঝত্তানং খন্ধানং পুরেজাতপচ্চযেন পচ্চযো। (১)
36. Ajjhatto dhammo ajjhattassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – ajjhattaṃ cakkhuṃ…pe… vatthuṃ aniccato dukkhato anattato vipassati…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu ajjhattānaṃ khandhānaṃ purejātapaccayena paccayo. (1)
অজ্ঝত্তো ধম্মো বহিদ্ধা ধম্মস্স পুরেজাতপচ্চযেন পচ্চযো। আরম্মণপুরেজাতং – পরো অজ্ঝত্তং চক্খুং…পে॰… ৰত্থুং অনিচ্চতো…পে॰… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। অজ্ঝত্তং রূপাযতনং বহিদ্ধা চক্খুৰিঞ্ঞাণস্স…পে॰… অজ্ঝত্তং ফোট্ঠব্বাযতনং বহিদ্ধা কাযৰিঞ্ঞাণস্স পুরেজাতপচ্চযেন পচ্চযো। (২)
Ajjhatto dhammo bahiddhā dhammassa purejātapaccayena paccayo. Ārammaṇapurejātaṃ – paro ajjhattaṃ cakkhuṃ…pe… vatthuṃ aniccato…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti. Ajjhattaṃ rūpāyatanaṃ bahiddhā cakkhuviññāṇassa…pe… ajjhattaṃ phoṭṭhabbāyatanaṃ bahiddhā kāyaviññāṇassa purejātapaccayena paccayo. (2)
৩৭. বহিদ্ধা ধম্মো বহিদ্ধা ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। আরম্মণপুরেজাতং – পরো বহিদ্ধা চক্খুং…পে॰… ৰত্থুং অনিচ্চতো…পে॰… দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। বহিদ্ধা রূপাযতনং বহিদ্ধা চক্খুৰিঞ্ঞাণস্স…পে॰… বহিদ্ধা ফোট্ঠব্বাযতনং বহিদ্ধা কাযৰিঞ্ঞাণস্স…পে॰…। ৰত্থুপুরেজাতং – বহিদ্ধা চক্খাযতনং…পে॰… কাযাযতনং…পে॰… ৰত্থু বহিদ্ধা খন্ধানং পুরেজাতপচ্চযেন পচ্চযো। (১)
37. Bahiddhā dhammo bahiddhā dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – paro bahiddhā cakkhuṃ…pe… vatthuṃ aniccato…pe… dibbena cakkhunā rūpaṃ passati, dibbāya sotadhātuyā saddaṃ suṇāti. Bahiddhā rūpāyatanaṃ bahiddhā cakkhuviññāṇassa…pe… bahiddhā phoṭṭhabbāyatanaṃ bahiddhā kāyaviññāṇassa…pe…. Vatthupurejātaṃ – bahiddhā cakkhāyatanaṃ…pe… kāyāyatanaṃ…pe… vatthu bahiddhā khandhānaṃ purejātapaccayena paccayo. (1)
বহিদ্ধা ধম্মো অজ্ঝত্তস্স ধম্মস্স পুরেজাতপচ্চযেন পচ্চযো। আরম্মণপুরেজাতং – বহিদ্ধা চক্খুং…পে॰… ৰত্থুং অনিচ্চতো…পে॰… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি। বহিদ্ধা রূপাযতনং অজ্ঝত্তস্স চক্খুৰিঞ্ঞাণস্স…পে॰… বহিদ্ধা ফোট্ঠব্বাযতনং অজ্ঝত্তস্স কাযৰিঞ্ঞাণস্স পুরেজাতপচ্চযেন পচ্চযো। (২)
Bahiddhā dhammo ajjhattassa dhammassa purejātapaccayena paccayo. Ārammaṇapurejātaṃ – bahiddhā cakkhuṃ…pe… vatthuṃ aniccato…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti. Bahiddhā rūpāyatanaṃ ajjhattassa cakkhuviññāṇassa…pe… bahiddhā phoṭṭhabbāyatanaṃ ajjhattassa kāyaviññāṇassa purejātapaccayena paccayo. (2)
৩৮. অজ্ঝত্তো চ বহিদ্ধা চ ধম্মা অজ্ঝত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। বহিদ্ধা রূপাযতনঞ্চ অজ্ঝত্তং চক্খাযতনঞ্চ অজ্ঝত্তস্স চক্খুৰিঞ্ঞাণস্স পুরেজাতপচ্চযেন পচ্চযো…পে॰… বহিদ্ধা ফোট্ঠব্বাযতনঞ্চ অজ্ঝত্তং কাযাযতনঞ্চ অজ্ঝত্তস্স কাযৰিঞ্ঞাণস্স…পে॰… বহিদ্ধা রূপাযতনঞ্চ অজ্ঝত্তং ৰত্থু চ…পে॰… বহিদ্ধা ফোট্ঠব্বাযতনঞ্চ অজ্ঝত্তং ৰত্থু চ অজ্ঝত্তানং খন্ধানং পুরেজাতপচ্চযেন পচ্চযো। (১)
38. Ajjhatto ca bahiddhā ca dhammā ajjhattassa dhammassa purejātapaccayena paccayo – ārammaṇapurejātaṃ, vatthupurejātaṃ. Bahiddhā rūpāyatanañca ajjhattaṃ cakkhāyatanañca ajjhattassa cakkhuviññāṇassa purejātapaccayena paccayo…pe… bahiddhā phoṭṭhabbāyatanañca ajjhattaṃ kāyāyatanañca ajjhattassa kāyaviññāṇassa…pe… bahiddhā rūpāyatanañca ajjhattaṃ vatthu ca…pe… bahiddhā phoṭṭhabbāyatanañca ajjhattaṃ vatthu ca ajjhattānaṃ khandhānaṃ purejātapaccayena paccayo. (1)
অজ্ঝত্তো চ বহিদ্ধা চ ধম্মা বহিদ্ধা ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং। অজ্ঝত্তং রূপাযতনঞ্চ বহিদ্ধা চক্খাযতনঞ্চ বহিদ্ধা চক্খুৰিঞ্ঞাণস্স পুরেজাতপচ্চযেন পচ্চযো…পে॰… অজ্ঝত্তং ফোট্ঠব্বাযতনঞ্চ বহিদ্ধা কাযাযতনঞ্চ বহিদ্ধা কাযৰিঞ্ঞাণস্স পুরেজাতপচ্চযেন পচ্চযো। অজ্ঝত্তং রূপাযতনঞ্চ বহিদ্ধা ৰত্থু চ…পে॰… অজ্ঝত্তং ফোট্ঠব্বাযতনঞ্চ বহিদ্ধা ৰত্থু চ বহিদ্ধা খন্ধানং পুরেজাতপচ্চযেন পচ্চযো। (২)
Ajjhatto ca bahiddhā ca dhammā bahiddhā dhammassa purejātapaccayena paccayo – ārammaṇapurejātaṃ, vatthupurejātaṃ. Ajjhattaṃ rūpāyatanañca bahiddhā cakkhāyatanañca bahiddhā cakkhuviññāṇassa purejātapaccayena paccayo…pe… ajjhattaṃ phoṭṭhabbāyatanañca bahiddhā kāyāyatanañca bahiddhā kāyaviññāṇassa purejātapaccayena paccayo. Ajjhattaṃ rūpāyatanañca bahiddhā vatthu ca…pe… ajjhattaṃ phoṭṭhabbāyatanañca bahiddhā vatthu ca bahiddhā khandhānaṃ purejātapaccayena paccayo. (2)
পচ্ছাজাতপচ্চযো
Pacchājātapaccayo
৩৯. অজ্ঝত্তো ধম্মো অজ্ঝত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা অজ্ঝত্তা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো। (১)
39. Ajjhatto dhammo ajjhattassa dhammassa pacchājātapaccayena paccayo – pacchājātā ajjhattā khandhā purejātassa imassa kāyassa pacchājātapaccayena paccayo. (1)
বহিদ্ধা ধম্মো বহিদ্ধা ধম্মস্স পচ্ছাজাতপচ্চযেন পচ্চযো – পচ্ছাজাতা বহিদ্ধা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো। (১)
Bahiddhā dhammo bahiddhā dhammassa pacchājātapaccayena paccayo – pacchājātā bahiddhā khandhā purejātassa imassa kāyassa pacchājātapaccayena paccayo. (1)
আসেৰনপচ্চযো
Āsevanapaccayo
৪০. অজ্ঝত্তো ধম্মো অজ্ঝত্তস্স ধম্মস্স আসেৰনপচ্চযেন পচ্চযো – পুরিমা পুরিমা অজ্ঝত্তা খন্ধা পচ্ছিমানং পচ্ছিমানং অজ্ঝত্তানং খন্ধানং আসেৰনপচ্চযেন পচ্চযো। অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো। (১)
40. Ajjhatto dhammo ajjhattassa dhammassa āsevanapaccayena paccayo – purimā purimā ajjhattā khandhā pacchimānaṃ pacchimānaṃ ajjhattānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)
বহিদ্ধা ধম্মো বহিদ্ধা ধম্মস্স আসেৰনপচ্চযেন পচ্চযো – পুরিমা পুরিমা…পে॰… (অজ্ঝত্তসদিসংযেৰ)।
Bahiddhā dhammo bahiddhā dhammassa āsevanapaccayena paccayo – purimā purimā…pe… (ajjhattasadisaṃyeva).
কম্মপচ্চযো
Kammapaccayo
৪১. অজ্ঝত্তো ধম্মো অজ্ঝত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – অজ্ঝত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো। নানাক্খণিকা – অজ্ঝত্তা চেতনা ৰিপাকানং অজ্ঝত্তানং খন্ধানং কটত্তা চ রূপানং কম্মপচ্চযেন পচ্চযো। (১)
41. Ajjhatto dhammo ajjhattassa dhammassa kammapaccayena paccayo – sahajātā, nānākkhaṇikā. Sahajātā – ajjhattā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Nānākkhaṇikā – ajjhattā cetanā vipākānaṃ ajjhattānaṃ khandhānaṃ kaṭattā ca rūpānaṃ kammapaccayena paccayo. (1)
বহিদ্ধা ধম্মো বহিদ্ধা ধম্মস্স কম্মপচ্চযেন পচ্চযো – সহজাতা, নানাক্খণিকা। সহজাতা – বহিদ্ধা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো। নানাক্খণিকা – বহিদ্ধা চেতনা ৰিপাকানং বহিদ্ধা খন্ধানং কটত্তা চ রূপানং কম্মপচ্চযেন পচ্চযো। (১)
Bahiddhā dhammo bahiddhā dhammassa kammapaccayena paccayo – sahajātā, nānākkhaṇikā. Sahajātā – bahiddhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Nānākkhaṇikā – bahiddhā cetanā vipākānaṃ bahiddhā khandhānaṃ kaṭattā ca rūpānaṃ kammapaccayena paccayo. (1)
ৰিপাকপচ্চযো
Vipākapaccayo
৪২. অজ্ঝত্তো ধম্মো অজ্ঝত্তস্স ধম্মস্স ৰিপাকপচ্চযেন পচ্চযো…পে॰… (পরিপুণ্ণং, পটিচ্চৰারসদিসং)।
42. Ajjhatto dhammo ajjhattassa dhammassa vipākapaccayena paccayo…pe… (paripuṇṇaṃ, paṭiccavārasadisaṃ).
আহারপচ্চযো
Āhārapaccayo
৪৩. অজ্ঝত্তো ধম্মো অজ্ঝত্তস্স ধম্মস্স আহারপচ্চযেন পচ্চযো – অজ্ঝত্তা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো। পটিসন্ধিক্খণে…পে॰… অজ্ঝত্তো কবল়ীকারো আহারো অজ্ঝত্তস্স কাযস্স আহারপচ্চযেন পচ্চযো। (১)
43. Ajjhatto dhammo ajjhattassa dhammassa āhārapaccayena paccayo – ajjhattā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Paṭisandhikkhaṇe…pe… ajjhatto kabaḷīkāro āhāro ajjhattassa kāyassa āhārapaccayena paccayo. (1)
অজ্ঝত্তো ধম্মো বহিদ্ধা ধম্মস্স আহারপচ্চযেন পচ্চযো – অজ্ঝত্তো কবল়ীকারো আহারো বহিদ্ধা কাযস্স আহারপচ্চযেন পচ্চযো। (২)
Ajjhatto dhammo bahiddhā dhammassa āhārapaccayena paccayo – ajjhatto kabaḷīkāro āhāro bahiddhā kāyassa āhārapaccayena paccayo. (2)
বহিদ্ধা ধম্মো বহিদ্ধা ধম্মস্স আহারপচ্চযেন পচ্চযো (পৰত্তিপটিসন্ধি) বহিদ্ধা কবল়ীকারো আহারো বহিদ্ধা কাযস্স আহারপচ্চযেন পচ্চযো। (১)
Bahiddhā dhammo bahiddhā dhammassa āhārapaccayena paccayo (pavattipaṭisandhi) bahiddhā kabaḷīkāro āhāro bahiddhā kāyassa āhārapaccayena paccayo. (1)
বহিদ্ধা ধম্মো অজ্ঝত্তস্স ধম্মস্স আহারপচ্চযেন পচ্চযো – বহিদ্ধা কবল়ীকারো আহারো অজ্ঝত্তস্স কাযস্স আহারপচ্চযেন পচ্চযো। (২)
Bahiddhā dhammo ajjhattassa dhammassa āhārapaccayena paccayo – bahiddhā kabaḷīkāro āhāro ajjhattassa kāyassa āhārapaccayena paccayo. (2)
৪৪. অজ্ঝত্তো ধম্মো চ বহিদ্ধা ধম্মো চ অজ্ঝত্তস্স ধম্মস্স আহারপচ্চযেন পচ্চযো – অজ্ঝত্তো কবল়ীকারো আহারো চ বহিদ্ধা কবল়ীকারো আহারো চ অজ্ঝত্তস্স কাযস্স আহারপচ্চযেন পচ্চযো। (১)
44. Ajjhatto dhammo ca bahiddhā dhammo ca ajjhattassa dhammassa āhārapaccayena paccayo – ajjhatto kabaḷīkāro āhāro ca bahiddhā kabaḷīkāro āhāro ca ajjhattassa kāyassa āhārapaccayena paccayo. (1)
অজ্ঝত্তো ধম্মো চ বহিদ্ধা ধম্মো চ বহিদ্ধা ধম্মস্স আহারপচ্চযেন পচ্চযো – অজ্ঝত্তো কবল়ীকারো আহারো চ বহিদ্ধা কবল়ীকারো আহারো চ বহিদ্ধা কাযস্স আহারপচ্চযেন পচ্চযো। (২)
Ajjhatto dhammo ca bahiddhā dhammo ca bahiddhā dhammassa āhārapaccayena paccayo – ajjhatto kabaḷīkāro āhāro ca bahiddhā kabaḷīkāro āhāro ca bahiddhā kāyassa āhārapaccayena paccayo. (2)
ইন্দ্রিযপচ্চযাদি
Indriyapaccayādi
৪৫. অজ্ঝত্তো ধম্মো অজ্ঝত্তস্স ধম্মস্স ইন্দ্রিযপচ্চযেন পচ্চযো, অজ্ঝত্তিকা ইন্দ্রিযা (রূপজীৰিতিন্দ্রিযম্পি ৰিত্থারেতব্বং)… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (মাতিকাপদানি অনুমজ্জন্তেন ৰিত্থারেতব্বানি)।
45. Ajjhatto dhammo ajjhattassa dhammassa indriyapaccayena paccayo, ajjhattikā indriyā (rūpajīvitindriyampi vitthāretabbaṃ)… jhānapaccayena paccayo… maggapaccayena paccayo… sampayuttapaccayena paccayo… vippayuttapaccayena paccayo – sahajātaṃ, purejātaṃ, pacchājātaṃ (mātikāpadāni anumajjantena vitthāretabbāni).
বহিদ্ধা ধম্মো বহিদ্ধা ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং)।
Bahiddhā dhammo bahiddhā dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ).
অত্থিপচ্চযো
Atthipaccayo
৪৬. অজ্ঝত্তো ধম্মো অজ্ঝত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং। সহজাতো – অজ্ঝত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং…পে॰… দ্ৰে খন্ধে…পে॰… পটিসন্ধিক্খণে…পে॰… খন্ধা ৰত্থুস্স …পে॰… ৰত্থু খন্ধানং…পে॰… একং মহাভূতং…পে॰… অসঞ্ঞসত্তানং একং মহাভূতং তিণ্ণন্নং মহাভূতানং…পে॰…। পুরেজাতং – চক্খুং…পে॰… ৰত্থুং (পুরেজাতসদিসং), ৰত্থু অজ্ঝত্তানং খন্ধানং অত্থিপচ্চযেন পচ্চযো। পচ্ছাজাতা – অজ্ঝত্তা খন্ধা পুরেজাতস্স ইমস্স কাযস্স অত্থিপচ্চযেন পচ্চযো। অজ্ঝত্তো কবল়ীকারো আহারো অজ্ঝত্তস্স কাযস্স…পে॰… রূপজীৰিতিন্দ্রিযং কটত্তারূপানং…পে॰…। (১)
46. Ajjhatto dhammo ajjhattassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – ajjhatto eko khandho tiṇṇannaṃ khandhānaṃ cittasamuṭṭhānānañca rūpānaṃ…pe… dve khandhe…pe… paṭisandhikkhaṇe…pe… khandhā vatthussa …pe… vatthu khandhānaṃ…pe… ekaṃ mahābhūtaṃ…pe… asaññasattānaṃ ekaṃ mahābhūtaṃ tiṇṇannaṃ mahābhūtānaṃ…pe…. Purejātaṃ – cakkhuṃ…pe… vatthuṃ (purejātasadisaṃ), vatthu ajjhattānaṃ khandhānaṃ atthipaccayena paccayo. Pacchājātā – ajjhattā khandhā purejātassa imassa kāyassa atthipaccayena paccayo. Ajjhatto kabaḷīkāro āhāro ajjhattassa kāyassa…pe… rūpajīvitindriyaṃ kaṭattārūpānaṃ…pe…. (1)
অজ্ঝত্তো ধম্মো বহিদ্ধা ধম্মস্স অত্থিপচ্চযেন পচ্চযো – পুরেজাতং, আহারং। পুরেজাতং – পরো অজ্ঝত্তং চক্খুং…পে॰… ৰত্থুং অনিচ্চতো…পে॰… ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, অজ্ঝত্তং রূপাযতনং…পে॰… ফোট্ঠব্বাযতনং বহিদ্ধা কাযৰিঞ্ঞাণস্স অত্থিপচ্চযেন পচ্চযো। অজ্ঝত্তো কবল়ীকারো আহারো বহিদ্ধা কাযস্স অত্থিপচ্চযেন পচ্চযো। (২)
Ajjhatto dhammo bahiddhā dhammassa atthipaccayena paccayo – purejātaṃ, āhāraṃ. Purejātaṃ – paro ajjhattaṃ cakkhuṃ…pe… vatthuṃ aniccato…pe… vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, ajjhattaṃ rūpāyatanaṃ…pe… phoṭṭhabbāyatanaṃ bahiddhā kāyaviññāṇassa atthipaccayena paccayo. Ajjhatto kabaḷīkāro āhāro bahiddhā kāyassa atthipaccayena paccayo. (2)
৪৭. বহিদ্ধা ধম্মো বহিদ্ধা ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (বহিদ্ধা নিন্নানাকরণং, মাতিকাপদানি ৰিত্থারেতব্বানি)। (১)
47. Bahiddhā dhammo bahiddhā dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (bahiddhā ninnānākaraṇaṃ, mātikāpadāni vitthāretabbāni). (1)
বহিদ্ধা ধম্মো অজ্ঝত্তস্স ধম্মস্স অত্থিপচ্চযেন পচ্চযো – পুরেজাতং, আহারং। পুরেজাতং – বহিদ্ধা চক্খুং…পে॰… ৰত্থুং…পে॰… দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, বহিদ্ধা রূপাযতনং…পে॰… ফোট্ঠব্বাযতনং অজ্ঝত্তস্স কাযৰিঞ্ঞাণস্স অত্থিপচ্চযেন পচ্চযো। বহিদ্ধা কবল়ীকারো আহারো অজ্ঝত্তস্স কাযস্স অত্থিপচ্চযেন পচ্চযো। (২)
Bahiddhā dhammo ajjhattassa dhammassa atthipaccayena paccayo – purejātaṃ, āhāraṃ. Purejātaṃ – bahiddhā cakkhuṃ…pe… vatthuṃ…pe… dibbena cakkhunā rūpaṃ passati, dibbāya sotadhātuyā saddaṃ suṇāti, bahiddhā rūpāyatanaṃ…pe… phoṭṭhabbāyatanaṃ ajjhattassa kāyaviññāṇassa atthipaccayena paccayo. Bahiddhā kabaḷīkāro āhāro ajjhattassa kāyassa atthipaccayena paccayo. (2)
৪৮. অজ্ঝত্তো ধম্মো চ বহিদ্ধা ধম্মো চ অজ্ঝত্তস্স ধম্মস্স অত্থিপচ্চযেন পচ্চযো – পুরেজাতং, আহারং। পুরেজাতং – বহিদ্ধা রূপাযতনঞ্চ অজ্ঝত্তং চক্খু চ অজ্ঝত্তস্স চক্খুৰিঞ্ঞাণস্স…পে॰… বহিদ্ধা ফোট্ঠব্বাযতনঞ্চ অজ্ঝত্তং কাযাযতনঞ্চ অজ্ঝত্তস্স কাযৰিঞ্ঞাণস্স অত্থিপচ্চযেন পচ্চযো। বহিদ্ধা রূপাযতনঞ্চ অজ্ঝত্তং ৰত্থু চ…পে॰… বহিদ্ধা ফোট্ঠব্বাযতনঞ্চ অজ্ঝত্তং ৰত্থু চ অজ্ঝত্তানং খন্ধানং অত্থিপচ্চযেন পচ্চযো। আহারং – অজ্ঝত্তো কবল়ীকারো আহারো চ বহিদ্ধা কবল়ীকারো আহারো চ অজ্ঝত্তস্স কাযস্স অত্থিপচ্চযেন পচ্চযো। (১)
48. Ajjhatto dhammo ca bahiddhā dhammo ca ajjhattassa dhammassa atthipaccayena paccayo – purejātaṃ, āhāraṃ. Purejātaṃ – bahiddhā rūpāyatanañca ajjhattaṃ cakkhu ca ajjhattassa cakkhuviññāṇassa…pe… bahiddhā phoṭṭhabbāyatanañca ajjhattaṃ kāyāyatanañca ajjhattassa kāyaviññāṇassa atthipaccayena paccayo. Bahiddhā rūpāyatanañca ajjhattaṃ vatthu ca…pe… bahiddhā phoṭṭhabbāyatanañca ajjhattaṃ vatthu ca ajjhattānaṃ khandhānaṃ atthipaccayena paccayo. Āhāraṃ – ajjhatto kabaḷīkāro āhāro ca bahiddhā kabaḷīkāro āhāro ca ajjhattassa kāyassa atthipaccayena paccayo. (1)
অজ্ঝত্তো ধম্মো চ বহিদ্ধা ধম্মো চ বহিদ্ধা ধম্মস্স অত্থিপচ্চযেন পচ্চযো – পুরেজাতং, আহারং। পুরেজাতং – অজ্ঝত্তং রূপাযতনঞ্চ বহিদ্ধা চক্খাযতনঞ্চ বহিদ্ধা চক্খুৰিঞ্ঞাণস্স অত্থিপচ্চযেন পচ্চযো…পে॰… অজ্ঝত্তং ফোট্ঠব্বাযতনঞ্চ বহিদ্ধা কাযাযতনঞ্চ বহিদ্ধা কাযৰিঞ্ঞাণস্স অত্থিপচ্চযেন পচ্চযো। অজ্ঝত্তং রূপাযতনঞ্চ বহিদ্ধা ৰত্থু চ বহিদ্ধা খন্ধানং অত্থিপচ্চযেন পচ্চযো…পে॰… অজ্ঝত্তং ফোট্ঠব্বাযতনঞ্চ বহিদ্ধা ৰত্থু চ বহিদ্ধা খন্ধানং অত্থিপচ্চযেন পচ্চযো। আহারং – অজ্ঝত্তো কবল়ীকারো আহারো চ বহিদ্ধা কবল়ীকারো আহারো চ বহিদ্ধা কাযস্স অত্থিপচ্চযেন পচ্চযো। (২)
Ajjhatto dhammo ca bahiddhā dhammo ca bahiddhā dhammassa atthipaccayena paccayo – purejātaṃ, āhāraṃ. Purejātaṃ – ajjhattaṃ rūpāyatanañca bahiddhā cakkhāyatanañca bahiddhā cakkhuviññāṇassa atthipaccayena paccayo…pe… ajjhattaṃ phoṭṭhabbāyatanañca bahiddhā kāyāyatanañca bahiddhā kāyaviññāṇassa atthipaccayena paccayo. Ajjhattaṃ rūpāyatanañca bahiddhā vatthu ca bahiddhā khandhānaṃ atthipaccayena paccayo…pe… ajjhattaṃ phoṭṭhabbāyatanañca bahiddhā vatthu ca bahiddhā khandhānaṃ atthipaccayena paccayo. Āhāraṃ – ajjhatto kabaḷīkāro āhāro ca bahiddhā kabaḷīkāro āhāro ca bahiddhā kāyassa atthipaccayena paccayo. (2)
নত্থিৰিগতাৰিগতপচ্চযা
Natthivigatāvigatapaccayā
৪৯. অজ্ঝত্তো ধম্মো অজ্ঝত্তস্স ধম্মস্স নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো।
49. Ajjhatto dhammo ajjhattassa dhammassa natthipaccayena paccayo… vigatapaccayena paccayo… avigatapaccayena paccayo.
১. পচ্চযানুলোমং
1. Paccayānulomaṃ
২. সঙ্খ্যাৰারো
2. Saṅkhyāvāro
সুদ্ধং
Suddhaṃ
৫০. হেতুযা দ্ৰে, আরম্মণে চত্তারি, অধিপতিযা চত্তারি, অনন্তরে দ্ৰে, সমনন্তরে দ্ৰে, সহজাতে অঞ্ঞমঞ্ঞে নিস্সযে দ্ৰে, উপনিস্সযে চত্তারি, পুরেজাতে ছ, পচ্ছাজাতে আসেৰনে কম্মে ৰিপাকে দ্ৰে, আহারে ছ, ইন্দ্রিযে দ্ৰে, ঝানে মগ্গে সম্পযুত্তে ৰিপ্পযুত্তে দ্ৰে, অত্থিযা ছ, নত্থিযা দ্ৰে, ৰিগতে দ্ৰে, অৰিগতে ছ (এৰং গণেতব্বং)।
50. Hetuyā dve, ārammaṇe cattāri, adhipatiyā cattāri, anantare dve, samanantare dve, sahajāte aññamaññe nissaye dve, upanissaye cattāri, purejāte cha, pacchājāte āsevane kamme vipāke dve, āhāre cha, indriye dve, jhāne magge sampayutte vippayutte dve, atthiyā cha, natthiyā dve, vigate dve, avigate cha (evaṃ gaṇetabbaṃ).
অনুলোমং।
Anulomaṃ.
পচ্চনীযুদ্ধারো
Paccanīyuddhāro
৫১. অজ্ঝত্তো ধম্মো অজ্ঝত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (১)
51. Ajjhatto dhammo ajjhattassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
অজ্ঝত্তো ধম্মো বহিদ্ধা ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… আহারপচ্চযেন পচ্চযো। (২)
Ajjhatto dhammo bahiddhā dhammassa ārammaṇapaccayena paccayo… upanissayapaccayena paccayo… purejātapaccayena paccayo… āhārapaccayena paccayo. (2)
৫২. বহিদ্ধা ধম্মো বহিদ্ধা ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো। (১)
52. Bahiddhā dhammo bahiddhā dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
বহিদ্ধা ধম্মো অজ্ঝত্তস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… আহারপচ্চযেন পচ্চযো। (২)
Bahiddhā dhammo ajjhattassa dhammassa ārammaṇapaccayena paccayo… upanissayapaccayena paccayo… purejātapaccayena paccayo… āhārapaccayena paccayo. (2)
৫৩. অজ্ঝত্তো ধম্মো চ বহিদ্ধা ধম্মো চ অজ্ঝত্তস্স ধম্মস্স পুরেজাতং, আহারং। (১)
53. Ajjhatto dhammo ca bahiddhā dhammo ca ajjhattassa dhammassa purejātaṃ, āhāraṃ. (1)
অজ্ঝত্তো ধম্মো চ বহিদ্ধা ধম্মো চ বহিদ্ধা ধম্মস্স পুরেজাতং, আহারং। (২)
Ajjhatto dhammo ca bahiddhā dhammo ca bahiddhā dhammassa purejātaṃ, āhāraṃ. (2)
২. পচ্চযপচ্চনীযং
2. Paccayapaccanīyaṃ
২. সঙ্খ্যাৰারো
2. Saṅkhyāvāro
৫৪. নহেতুযা ছ, নআরম্মণে ছ, নঅধিপতিযা ছ (সংখিত্তং, সব্বত্থ ছ কাতব্বা), নৰিপ্পযুত্তে ছ, নোঅত্থিযা চত্তারি, নোনত্থিযা ছ, নোৰিগতে ছ, নোঅৰিগতে চত্তারি (এৰং গণেতব্বং)
54. Nahetuyā cha, naārammaṇe cha, naadhipatiyā cha (saṃkhittaṃ, sabbattha cha kātabbā), navippayutte cha, noatthiyā cattāri, nonatthiyā cha, novigate cha, noavigate cattāri (evaṃ gaṇetabbaṃ)
পচ্চনীযং।
Paccanīyaṃ.
৩. পচ্চযানুলোমপচ্চনীযং
3. Paccayānulomapaccanīyaṃ
হেতুদুকং
Hetudukaṃ
৫৫. হেতুপচ্চযা নআরম্মণে দ্ৰে, নঅধিপতিযা নঅনন্তরে নসমনন্তরে নঅঞ্ঞমঞ্ঞে নউপনিস্সযে দ্ৰে (সংখিত্তং, সব্বত্থ দ্ৰে), নসম্পযুত্তে নৰিপ্পযুত্তে নোনত্থিযা নোৰিগতে দ্ৰে (এৰং গণেতব্বং)।
55. Hetupaccayā naārammaṇe dve, naadhipatiyā naanantare nasamanantare naaññamaññe naupanissaye dve (saṃkhittaṃ, sabbattha dve), nasampayutte navippayutte nonatthiyā novigate dve (evaṃ gaṇetabbaṃ).
অনুলোমপচ্চনীযং।
Anulomapaccanīyaṃ.
৪. পচ্চযপচ্চনীযানুলোমং
4. Paccayapaccanīyānulomaṃ
৫৬. নহেতুপচ্চযা আরম্মণে চত্তারি, অধিপতিযা চত্তারি (অনুলোমপদানি গণেতব্বানি), অৰিগতে ছ (এৰং গণেতব্বং)।
56. Nahetupaccayā ārammaṇe cattāri, adhipatiyā cattāri (anulomapadāni gaṇetabbāni), avigate cha (evaṃ gaṇetabbaṃ).
পচ্চনীযানুলোমং।
Paccanīyānulomaṃ.
পঞ্হাৰারো।
Pañhāvāro.
অজ্ঝত্তত্তিকং নিট্ঠিতং।
Ajjhattattikaṃ niṭṭhitaṃ.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫-২২. সঙ্কিলিট্ঠত্তিকাদিৰণ্ণনা • 5-22. Saṅkiliṭṭhattikādivaṇṇanā
