| Library / Tipiṭaka / तिपिटक • Tipiṭaka / पट्ठानपाळि • Paṭṭhānapāḷi |
२०. अज्झत्तत्तिकं
20. Ajjhattattikaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१. अज्झत्तं धम्मं पटिच्च अज्झत्तो धम्मो उप्पज्जति हेतुपच्चया – अज्झत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे अज्झत्तं एकं खन्धं पटिच्च तयो खन्धा कटत्ता च रूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा। एकं महाभूतं पटिच्च तयो महाभूता…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं। (१)
1. Ajjhattaṃ dhammaṃ paṭicca ajjhatto dhammo uppajjati hetupaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
बहिद्धा धम्मं पटिच्च बहिद्धा धम्मो उप्पज्जति हेतुपच्चया – बहिद्धा एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे बहिद्धा एकं खन्धं पटिच्च तयो खन्धा कटत्ता च रूपं…पे॰… द्वे खन्धे पटिच्च द्वे खन्धा…पे॰… खन्धे पटिच्च वत्थु, वत्थुं पटिच्च खन्धा। एकं महाभूतं पटिच्च तयो महाभूता…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं। (१)
Bahiddhā dhammaṃ paṭicca bahiddhā dhammo uppajjati hetupaccayā – bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe bahiddhā ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe paṭicca dve khandhā…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
आरम्मणपच्चयो
Ārammaṇapaccayo
२. अज्झत्तं धम्मं पटिच्च अज्झत्तो धम्मो उप्पज्जति आरम्मणपच्चया – अज्झत्तं एकं खन्धं पटिच्च तयो खन्धा…पे॰… द्वे खन्धे पटिच्च…पे॰… पटिसन्धिक्खणे अज्झत्तं एकं खन्धं पटिच्च तयो खन्धा…पे॰… वत्थुं पटिच्च खन्धा। (१)
2. Ajjhattaṃ dhammaṃ paṭicca ajjhatto dhammo uppajjati ārammaṇapaccayā – ajjhattaṃ ekaṃ khandhaṃ paṭicca tayo khandhā…pe… dve khandhe paṭicca…pe… paṭisandhikkhaṇe ajjhattaṃ ekaṃ khandhaṃ paṭicca tayo khandhā…pe… vatthuṃ paṭicca khandhā. (1)
बहिद्धा धम्मं पटिच्च बहिद्धा धम्मो उप्पज्जति आरम्मणपच्चया – बहिद्धा एकं खन्धं पटिच्च तयो खन्धा…पे॰… द्वे खन्धे…पे॰… पटिसन्धिक्खणे…पे॰… वत्थुं पटिच्च खन्धा। (१)
Bahiddhā dhammaṃ paṭicca bahiddhā dhammo uppajjati ārammaṇapaccayā – bahiddhā ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1)
अधिपतिपच्चयो
Adhipatipaccayo
३. अज्झत्तं धम्मं पटिच्च अज्झत्तो धम्मो उप्पज्जति अधिपतिपच्चया – अज्झत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… एकं महाभूतं पटिच्च…पे॰… महाभूते पटिच्च चित्तसमुट्ठानं रूपं उपादारूपं। (१)
3. Ajjhattaṃ dhammaṃ paṭicca ajjhatto dhammo uppajjati adhipatipaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)
बहिद्धा धम्मं पटिच्च बहिद्धा धम्मो उप्पज्जति अधिपतिपच्चया – बहिद्धा एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… एकं महाभूतं पटिच्च…पे॰… महाभूते पटिच्च चित्तसमुट्ठानं रूपं उपादारूपं। (१)
Bahiddhā dhammaṃ paṭicca bahiddhā dhammo uppajjati adhipatipaccayā – bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)
अनन्तरपच्चयादि
Anantarapaccayādi
४. अज्झत्तं धम्मं पटिच्च अज्झत्तो धम्मो उप्पज्जति अनन्तरपच्चया , समनन्तरपच्चया, सहजातपच्चया – अज्झत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे अज्झत्तं एकं खन्धं पटिच्च तयो खन्धा कटत्ता च रूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा। एकं महाभूतं पटिच्च तयो महाभूता…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं। आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च…पे॰… महाभूते पटिच्च कटत्तारूपं उपादारूपं। (१)
4. Ajjhattaṃ dhammaṃ paṭicca ajjhatto dhammo uppajjati anantarapaccayā , samanantarapaccayā, sahajātapaccayā – ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. Āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca…pe… mahābhūte paṭicca kaṭattārūpaṃ upādārūpaṃ. (1)
बहिद्धा धम्मं पटिच्च बहिद्धा धम्मो उप्पज्जति सहजातपच्चया – बहिद्धा एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे बहिद्धा एकं खन्धं पटिच्च तयो खन्धा कटत्ता च रूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा। एकं महाभूतं पटिच्च…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं। बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च…पे॰… महाभूते पटिच्च कटत्तारूपं उपादारूपं। (१)
Bahiddhā dhammaṃ paṭicca bahiddhā dhammo uppajjati sahajātapaccayā – bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe bahiddhā ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. Bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca…pe… mahābhūte paṭicca kaṭattārūpaṃ upādārūpaṃ. (1)
अञ्ञमञ्ञपच्चयादि
Aññamaññapaccayādi
५. अज्झत्तं धम्मं पटिच्च अज्झत्तो धम्मो उप्पज्जति अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया (पुरेजातेपि आसेवनेपि पटिसन्धि नत्थि)… कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया।
5. Ajjhattaṃ dhammaṃ paṭicca ajjhatto dhammo uppajjati aññamaññapaccayā… nissayapaccayā… upanissayapaccayā… purejātapaccayā… āsevanapaccayā (purejātepi āsevanepi paṭisandhi natthi)… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
६. हेतुया द्वे, आरम्मणे द्वे…पे॰… अविगते द्वे।
6. Hetuyā dve, ārammaṇe dve…pe… avigate dve.
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
७. अज्झत्तं धम्मं पटिच्च अज्झत्तो धम्मो उप्पज्जति नहेतुपच्चया – अहेतुकं अज्झत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा। एकं महाभूतं…पे॰… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे॰… महाभूते पटिच्च कटत्तारूपं उपादारूपं। विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
7. Ajjhattaṃ dhammaṃ paṭicca ajjhatto dhammo uppajjati nahetupaccayā – ahetukaṃ ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ…pe… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe… mahābhūte paṭicca kaṭattārūpaṃ upādārūpaṃ. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
बहिद्धा धम्मं पटिच्च बहिद्धा धम्मो उप्पज्जति नहेतुपच्चया – अहेतुकं बहिद्धा एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा। एकं महाभूतं पटिच्च…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च…पे॰… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
Bahiddhā dhammaṃ paṭicca bahiddhā dhammo uppajjati nahetupaccayā – ahetukaṃ bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
नआरम्मणपच्चयो
Naārammaṇapaccayo
८. अज्झत्तं धम्मं पटिच्च अज्झत्तो धम्मो उप्पज्जति नआरम्मणपच्चया – अज्झत्ते खन्धे पटिच्च चित्तसमुट्ठानं रूपं। पटिसन्धिक्खणे अज्झत्ते खन्धे पटिच्च कटत्तारूपं। खन्धे पटिच्च वत्थु…पे॰… एकं महाभूतं पटिच्च…पे॰… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च…पे॰…। (१)
8. Ajjhattaṃ dhammaṃ paṭicca ajjhatto dhammo uppajjati naārammaṇapaccayā – ajjhatte khandhe paṭicca cittasamuṭṭhānaṃ rūpaṃ. Paṭisandhikkhaṇe ajjhatte khandhe paṭicca kaṭattārūpaṃ. Khandhe paṭicca vatthu…pe… ekaṃ mahābhūtaṃ paṭicca…pe… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ paṭicca…pe…. (1)
बहिद्धा धम्मं पटिच्च बहिद्धा धम्मो उप्पज्जति नआरम्मणपच्चया – बहिद्धा खन्धे पटिच्च चित्तसमुट्ठानं रूपं। पटिसन्धिक्खणे बहिद्धा खन्धे पटिच्च कटत्तारूपं। खन्धे पटिच्च वत्थु…पे॰… एकं महाभूतं…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰…। (१)
Bahiddhā dhammaṃ paṭicca bahiddhā dhammo uppajjati naārammaṇapaccayā – bahiddhā khandhe paṭicca cittasamuṭṭhānaṃ rūpaṃ. Paṭisandhikkhaṇe bahiddhā khandhe paṭicca kaṭattārūpaṃ. Khandhe paṭicca vatthu…pe… ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
नअधिपतिपच्चयादि
Naadhipatipaccayādi
९. अज्झत्तं धम्मं पटिच्च अज्झत्तो धम्मो उप्पज्जति नअधिपतिपच्चया…पे॰… (अनुलोमसहजातसदिसं, निन्नानाकरणं) नअनन्तरपच्चया… नसमनन्तरपच्चया … नअञ्ञमञ्ञपच्चया … नउपनिस्सयपच्चया, नपुरेजातपच्चया – अरूपे अज्झत्तं एकं खन्धं पटिच्च…पे॰… अज्झत्ते खन्धे पटिच्च चित्तसमुट्ठानं रूपं। पटिसन्धिक्खणे अज्झत्तं एकं खन्धं पटिच्च तयो खन्धा कटत्ता च रूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा। एकं महाभूतं पटिच्च…पे॰… आहारसमुट्ठानं… उतुसमुट्ठानं… असञ्ञसत्तानं…पे॰…।
9. Ajjhattaṃ dhammaṃ paṭicca ajjhatto dhammo uppajjati naadhipatipaccayā…pe… (anulomasahajātasadisaṃ, ninnānākaraṇaṃ) naanantarapaccayā… nasamanantarapaccayā … naaññamaññapaccayā … naupanissayapaccayā, napurejātapaccayā – arūpe ajjhattaṃ ekaṃ khandhaṃ paṭicca…pe… ajjhatte khandhe paṭicca cittasamuṭṭhānaṃ rūpaṃ. Paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā. Ekaṃ mahābhūtaṃ paṭicca…pe… āhārasamuṭṭhānaṃ… utusamuṭṭhānaṃ… asaññasattānaṃ…pe….
१०. बहिद्धा धम्मं पटिच्च बहिद्धा धम्मो उप्पज्जति नपुरेजातपच्चया – अरूपे बहिद्धा एकं खन्धं पटिच्च…पे॰… द्वे खन्धे…पे॰… बहिद्धा खन्धे पटिच्च चित्तसमुट्ठानं रूपं। पटिसन्धिक्खणे (परिपुण्णं) एकं महाभूतं…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰…।
10. Bahiddhā dhammaṃ paṭicca bahiddhā dhammo uppajjati napurejātapaccayā – arūpe bahiddhā ekaṃ khandhaṃ paṭicca…pe… dve khandhe…pe… bahiddhā khandhe paṭicca cittasamuṭṭhānaṃ rūpaṃ. Paṭisandhikkhaṇe (paripuṇṇaṃ) ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe….
नपच्छाजातपच्चयादि
Napacchājātapaccayādi
११. अज्झत्तं धम्मं पटिच्च अज्झत्तो धम्मो उप्पज्जति नपच्छाजातपच्चया, नआसेवनपच्चया, नकम्मपच्चया – अज्झत्ते खन्धे पटिच्च अज्झत्ता चेतना। आहारसमुट्ठानं… उतुसमुट्ठानं…पे॰…। (१)
11. Ajjhattaṃ dhammaṃ paṭicca ajjhatto dhammo uppajjati napacchājātapaccayā, naāsevanapaccayā, nakammapaccayā – ajjhatte khandhe paṭicca ajjhattā cetanā. Āhārasamuṭṭhānaṃ… utusamuṭṭhānaṃ…pe…. (1)
बहिद्धा धम्मं पटिच्च बहिद्धा धम्मो उप्पज्जति नकम्मपच्चया – बहिद्धा खन्धे पटिच्च बहिद्धा चेतना। बाहिरं… आहारसमुट्ठानं… उतुसमुट्ठानं…। (१)
Bahiddhā dhammaṃ paṭicca bahiddhā dhammo uppajjati nakammapaccayā – bahiddhā khandhe paṭicca bahiddhā cetanā. Bāhiraṃ… āhārasamuṭṭhānaṃ… utusamuṭṭhānaṃ…. (1)
नविपाकपच्चयादि
Navipākapaccayādi
१२. अज्झत्तं धम्मं पटिच्च अज्झत्तो धम्मो उप्पज्जति नविपाकपच्चया (पटिसन्धि नत्थि), नआहारपच्चया – उतुसमुट्ठानं… असञ्ञसत्तानं…पे॰…। (१)
12. Ajjhattaṃ dhammaṃ paṭicca ajjhatto dhammo uppajjati navipākapaccayā (paṭisandhi natthi), naāhārapaccayā – utusamuṭṭhānaṃ… asaññasattānaṃ…pe…. (1)
बहिद्धा धम्मं पटिच्च बहिद्धा धम्मो उप्पज्जति नआहारपच्चया – बाहिरं… उतुसमुट्ठानं… असञ्ञसत्तानं…पे॰…। (१)
Bahiddhā dhammaṃ paṭicca bahiddhā dhammo uppajjati naāhārapaccayā – bāhiraṃ… utusamuṭṭhānaṃ… asaññasattānaṃ…pe…. (1)
अज्झत्तं धम्मं पटिच्च अज्झत्तो धम्मो उप्पज्जति नइन्द्रियपच्चया – आहारसमुट्ठानं… उतुसमुट्ठानं… असञ्ञसत्तानं… महाभूते पटिच्च रूपजीवितिन्द्रियं। (१)
Ajjhattaṃ dhammaṃ paṭicca ajjhatto dhammo uppajjati naindriyapaccayā – āhārasamuṭṭhānaṃ… utusamuṭṭhānaṃ… asaññasattānaṃ… mahābhūte paṭicca rūpajīvitindriyaṃ. (1)
बहिद्धा धम्मं पटिच्च बहिद्धा धम्मो उप्पज्जति नइन्द्रियपच्चया – बाहिरं… आहारसमुट्ठानं… उतुसमुट्ठानं… असञ्ञसत्तानं… महाभूते पटिच्च रूपजीवितिन्द्रियं। (१)
Bahiddhā dhammaṃ paṭicca bahiddhā dhammo uppajjati naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ… mahābhūte paṭicca rūpajīvitindriyaṃ. (1)
नझानपच्चयो
Najhānapaccayo
१३. अज्झत्तं धम्मं पटिच्च अज्झत्तो धम्मो उप्पज्जति नझानपच्चया – पञ्चविञ्ञाणसहगतं…पे॰… आहारसमुट्ठानं… उतुसमुट्ठानं… असञ्ञसत्तानं…पे॰…। (१)
13. Ajjhattaṃ dhammaṃ paṭicca ajjhatto dhammo uppajjati najhānapaccayā – pañcaviññāṇasahagataṃ…pe… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
बहिद्धा धम्मं पटिच्च बहिद्धा धम्मो उप्पज्जति नझानपच्चया – पञ्चविञ्ञाणसहगतं…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰…। (१)
Bahiddhā dhammaṃ paṭicca bahiddhā dhammo uppajjati najhānapaccayā – pañcaviññāṇasahagataṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
नमग्गपच्चयादि
Namaggapaccayādi
१४. अज्झत्तं धम्मं पटिच्च अज्झत्तो धम्मो उप्पज्जति नमग्गपच्चया… (नहेतुसदिसं। मोहो नत्थि) नसम्पयुत्तपच्चया… नविप्पयुत्तपच्चया – अरूपे…पे॰… आहारसमुट्ठानं… उतुसमुट्ठानं… असञ्ञसत्तानं…पे॰…। (१)
14. Ajjhattaṃ dhammaṃ paṭicca ajjhatto dhammo uppajjati namaggapaccayā… (nahetusadisaṃ. Moho natthi) nasampayuttapaccayā… navippayuttapaccayā – arūpe…pe… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
बहिद्धा धम्मं पटिच्च बहिद्धा धम्मो उप्पज्जति नविप्पयुत्तपच्चया – अरूपे…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰… नोनत्थिपच्चया, नोविगतपच्चया।
Bahiddhā dhammaṃ paṭicca bahiddhā dhammo uppajjati navippayuttapaccayā – arūpe…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… nonatthipaccayā, novigatapaccayā.
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
१५. नहेतुया द्वे, नआरम्मणे द्वे, नअधिपतिया द्वे, नअनन्तरे द्वे, नसमनन्तरे द्वे (संखित्तं, सब्बत्थ द्वे), नोविगते द्वे (एवं गणेतब्बं)।
15. Nahetuyā dve, naārammaṇe dve, naadhipatiyā dve, naanantare dve, nasamanantare dve (saṃkhittaṃ, sabbattha dve), novigate dve (evaṃ gaṇetabbaṃ).
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
१६. हेतुपच्चया नआरम्मणे द्वे…पे॰… नविपाके नसम्पयुत्ते नविप्पयुत्ते नोनत्थिया नोविगते द्वे (एवं गणेतब्बं)।
16. Hetupaccayā naārammaṇe dve…pe… navipāke nasampayutte navippayutte nonatthiyā novigate dve (evaṃ gaṇetabbaṃ).
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
१७. नहेतुपच्चया आरम्मणे द्वे, अनन्तरे द्वे…पे॰… मग्गे द्वे…पे॰… अविगते द्वे (एवं गणेतब्बं)।
17. Nahetupaccayā ārammaṇe dve, anantare dve…pe… magge dve…pe… avigate dve (evaṃ gaṇetabbaṃ).
पच्चनीयानुलोमं।
Paccanīyānulomaṃ.
पटिच्चवारो।
Paṭiccavāro.
२. सहजातवारो
2. Sahajātavāro
(सहजातवारो पटिच्चवारसदिसो।)
(Sahajātavāro paṭiccavārasadiso.)
३. पच्चयवारो
3. Paccayavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१८. अज्झत्तं धम्मं पच्चया अज्झत्तो धम्मो उप्पज्जति हेतुपच्चया – अज्झत्तं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे (परिपुण्णं)। एकं महाभूतं…पे॰… वत्थुं पच्चया अज्झत्ता खन्धा। (१)
18. Ajjhattaṃ dhammaṃ paccayā ajjhatto dhammo uppajjati hetupaccayā – ajjhattaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe (paripuṇṇaṃ). Ekaṃ mahābhūtaṃ…pe… vatthuṃ paccayā ajjhattā khandhā. (1)
बहिद्धा धम्मं पच्चया बहिद्धा धम्मो उप्पज्जति हेतुपच्चया – बहिद्धा एकं खन्धं पच्चया तयो खन्धा…पे॰… पटिसन्धिक्खणे…पे॰… एकं महाभूतं…पे॰… वत्थुं पच्चया बहिद्धा खन्धा। (१)
Bahiddhā dhammaṃ paccayā bahiddhā dhammo uppajjati hetupaccayā – bahiddhā ekaṃ khandhaṃ paccayā tayo khandhā…pe… paṭisandhikkhaṇe…pe… ekaṃ mahābhūtaṃ…pe… vatthuṃ paccayā bahiddhā khandhā. (1)
आरम्मणपच्चयो
Ārammaṇapaccayo
१९. अज्झत्तं धम्मं पच्चया अज्झत्तो धम्मो उप्पज्जति आरम्मणपच्चया (पटिच्चवारसदिसं), चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं…पे॰… वत्थुं पच्चया अज्झत्ता खन्धा। (१)
19. Ajjhattaṃ dhammaṃ paccayā ajjhatto dhammo uppajjati ārammaṇapaccayā (paṭiccavārasadisaṃ), cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ…pe… vatthuṃ paccayā ajjhattā khandhā. (1)
बहिद्धा धम्मं पच्चया बहिद्धा धम्मो उप्पज्जति आरम्मणपच्चया (पटिच्चवारसदिसं), चक्खायतनं…पे॰… कायायतनं…पे॰… वत्थुं पच्चया बहिद्धा खन्धा। (१)
Bahiddhā dhammaṃ paccayā bahiddhā dhammo uppajjati ārammaṇapaccayā (paṭiccavārasadisaṃ), cakkhāyatanaṃ…pe… kāyāyatanaṃ…pe… vatthuṃ paccayā bahiddhā khandhā. (1)
अधिपतिपच्चयादि
Adhipatipaccayādi
२०. अज्झत्तं धम्मं पच्चया अज्झत्तो धम्मो उप्पज्जति अधिपतिपच्चया… (वत्थुं अतिरेकं, पटिच्चवारसदिसं) अनन्तरपच्चया… समनन्तरपच्चया… सहजातपच्चया… (सहजातवारे परिपुण्णा) महाभूते पच्चया…पे॰… (महाभूतानं खन्धानञ्च पच्छा पञ्चायतनानि च वत्थु च कातब्बा) अञ्ञमञ्ञपच्चया… निस्सयपच्चया…पे॰… अविगतपच्चया।
20. Ajjhattaṃ dhammaṃ paccayā ajjhatto dhammo uppajjati adhipatipaccayā… (vatthuṃ atirekaṃ, paṭiccavārasadisaṃ) anantarapaccayā… samanantarapaccayā… sahajātapaccayā… (sahajātavāre paripuṇṇā) mahābhūte paccayā…pe… (mahābhūtānaṃ khandhānañca pacchā pañcāyatanāni ca vatthu ca kātabbā) aññamaññapaccayā… nissayapaccayā…pe… avigatapaccayā.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
२१. हेतुया द्वे, आरम्मणे…पे॰… अविगते द्वे।
21. Hetuyā dve, ārammaṇe…pe… avigate dve.
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
२२. अज्झत्तं धम्मं पच्चया अज्झत्तो धम्मो उप्पज्जति नहेतुपच्चया – अहेतुकं अज्झत्तं एकं खन्धं पच्चया तयो खन्धा…पे॰… अहेतुकपटिसन्धिक्खणे…पे॰… खन्धे पच्चया वत्थु, वत्थुं पच्चया खन्धा। एकं महाभूतं…पे॰… आहारसमुट्ठानं… उतुसमुट्ठानं… असञ्ञसत्तानं…पे॰… चक्खायतनं…पे॰… कायायतनं…पे॰… वत्थुं पच्चया अहेतुका अज्झत्ता खन्धा। विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो। (१)
22. Ajjhattaṃ dhammaṃ paccayā ajjhatto dhammo uppajjati nahetupaccayā – ahetukaṃ ajjhattaṃ ekaṃ khandhaṃ paccayā tayo khandhā…pe… ahetukapaṭisandhikkhaṇe…pe… khandhe paccayā vatthu, vatthuṃ paccayā khandhā. Ekaṃ mahābhūtaṃ…pe… āhārasamuṭṭhānaṃ… utusamuṭṭhānaṃ… asaññasattānaṃ…pe… cakkhāyatanaṃ…pe… kāyāyatanaṃ…pe… vatthuṃ paccayā ahetukā ajjhattā khandhā. Vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)
बहिद्धा धम्मं पच्चया बहिद्धा धम्मो उप्पज्जति नहेतुपच्चया (पवत्तिपटिसन्धिपि महाभूतापि कातब्बा) – चक्खायतनं…पे॰… कायायतनं…पे॰… वत्थुं पच्चया अहेतुका बहिद्धा खन्धा। विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो। (१)
Bahiddhā dhammaṃ paccayā bahiddhā dhammo uppajjati nahetupaccayā (pavattipaṭisandhipi mahābhūtāpi kātabbā) – cakkhāyatanaṃ…pe… kāyāyatanaṃ…pe… vatthuṃ paccayā ahetukā bahiddhā khandhā. Vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)
नआरम्मणपच्चयादि
Naārammaṇapaccayādi
२३. नआरम्मणपच्चया… नअधिपतिपच्चया (सहजातसदिसं)… नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया… नपुरेजातपच्चया (पटिच्चवारसदिसं)… नपच्छाजातपच्चया… नआसेवनपच्चया… नकम्मपच्चया…पे॰… नविप्पयुत्तपच्चया (पटिच्चवारपच्चनीये विप्पयुत्तसदिसं)… नोनत्थिपच्चया… नोविगतपच्चया…।
23. Naārammaṇapaccayā… naadhipatipaccayā (sahajātasadisaṃ)… naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā (paṭiccavārasadisaṃ)… napacchājātapaccayā… naāsevanapaccayā… nakammapaccayā…pe… navippayuttapaccayā (paṭiccavārapaccanīye vippayuttasadisaṃ)… nonatthipaccayā… novigatapaccayā….
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
२४. नहेतुया द्वे, नआरम्मणे द्वे…पे॰… नोविगते द्वे।
24. Nahetuyā dve, naārammaṇe dve…pe… novigate dve.
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
२५. हेतुपच्चया नआरम्मणे द्वे, नअधिपतिया द्वे…पे॰… नविपाके नसम्पयुत्ते नविप्पयुत्ते नोनत्थिया नोविगते द्वे।
25. Hetupaccayā naārammaṇe dve, naadhipatiyā dve…pe… navipāke nasampayutte navippayutte nonatthiyā novigate dve.
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
२६. नहेतुपच्चया आरम्मणे द्वे…पे॰… अविगते द्वे।
26. Nahetupaccayā ārammaṇe dve…pe… avigate dve.
पच्चनीयानुलोमं।
Paccanīyānulomaṃ.
पच्चयवारो
Paccayavāro
४-६. निस्सय-संसट्ठ-सम्पयुत्तवारो
4-6. Nissaya-saṃsaṭṭha-sampayuttavāro
(निस्सयवारो पच्चयवारसदिसो। संसट्ठवारोपि सम्पयुत्तवारोपि वित्थारेतब्बो।)
(Nissayavāro paccayavārasadiso. Saṃsaṭṭhavāropi sampayuttavāropi vitthāretabbo.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
२७. अज्झत्तो धम्मो अज्झत्तस्स धम्मस्स हेतुपच्चयेन पच्चयो – अज्झत्ता हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। पटिसन्धिक्खणे…पे॰…। (१)
27. Ajjhatto dhammo ajjhattassa dhammassa hetupaccayena paccayo – ajjhattā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)
बहिद्धा धम्मो बहिद्धा धम्मस्स हेतुपच्चयेन पच्चयो – बहिद्धा हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। पटिसन्धिक्खणे…पे॰…। (१)
Bahiddhā dhammo bahiddhā dhammassa hetupaccayena paccayo – bahiddhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe…pe…. (1)
आरम्मणपच्चयो
Ārammaṇapaccayo
२८. अज्झत्तो धम्मो अज्झत्तस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं पच्चवेक्खति, पुब्बे सुचिण्णानि…पे॰… झाना वुट्ठहित्वा…पे॰… अरिया मग्गा वुट्ठहित्वा मग्गं पच्चवेक्खन्ति, फलं पच्चवेक्खन्ति, पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। अज्झत्तं चक्खुं…पे॰… कायं… रूपे…पे॰… फोट्ठब्बे… वत्थुं… अज्झत्ते खन्धे अनिच्चतो दुक्खतो अनत्ततो विपस्सति, अस्सादेति अभिनन्दति, तं आरब्भ रागो उप्पज्जति…पे॰… दोमनस्सं उप्पज्जति। दिब्बेन चक्खुना रूपं पस्सति, दिब्बाय सोतुधातुया सद्दं सुणाति, आकासानञ्चायतनं विञ्ञाणञ्चायतनस्स आरम्मणपच्चयेन पच्चयो। आकिञ्चञ्ञायतनं नेवसञ्ञानासञ्ञायतनस्स आरम्मणपच्चयेन पच्चयो। रूपायतनं…पे॰… फोट्ठब्बायतनं कायविञ्ञाणस्स आरम्मणपच्चयेन पच्चयो। अज्झत्ता खन्धा इद्धिविधञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
28. Ajjhatto dhammo ajjhattassa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni…pe… jhānā vuṭṭhahitvā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Ajjhattaṃ cakkhuṃ…pe… kāyaṃ… rūpe…pe… phoṭṭhabbe… vatthuṃ… ajjhatte khandhe aniccato dukkhato anattato vipassati, assādeti abhinandati, taṃ ārabbha rāgo uppajjati…pe… domanassaṃ uppajjati. Dibbena cakkhunā rūpaṃ passati, dibbāya sotudhātuyā saddaṃ suṇāti, ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa ārammaṇapaccayena paccayo. Rūpāyatanaṃ…pe… phoṭṭhabbāyatanaṃ kāyaviññāṇassa ārammaṇapaccayena paccayo. Ajjhattā khandhā iddhividhañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
अज्झत्तो धम्मो बहिद्धा धम्मस्स आरम्मणपच्चयेन पच्चयो – परो अज्झत्तं चक्खुं…पे॰… वत्थुं… अज्झत्ते खन्धे अनिच्चतो दुक्खतो अनत्ततो विपस्सति, अस्सादेति अभिनन्दति, तं आरब्भ रागो उप्पज्जति…पे॰… दोमनस्सं उप्पज्जति। दिब्बेन चक्खुना रूपं पस्सति, दिब्बाय सोतधातुया सद्दं सुणाति। चेतोपरियञाणेन अज्झत्तचित्तसमङ्गिस्स चित्तं जानाति। अज्झत्तं रूपायतनं बहिद्धा चक्खुविञ्ञाणस्स…पे॰… अज्झत्तं फोट्ठब्बायतनं बहिद्धा कायविञ्ञाणस्स आरम्मणपच्चयेन पच्चयो। अज्झत्ता खन्धा इद्धिविधञाणस्स, चेतोपरियञाणस्स , पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (२)
Ajjhatto dhammo bahiddhā dhammassa ārammaṇapaccayena paccayo – paro ajjhattaṃ cakkhuṃ…pe… vatthuṃ… ajjhatte khandhe aniccato dukkhato anattato vipassati, assādeti abhinandati, taṃ ārabbha rāgo uppajjati…pe… domanassaṃ uppajjati. Dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena ajjhattacittasamaṅgissa cittaṃ jānāti. Ajjhattaṃ rūpāyatanaṃ bahiddhā cakkhuviññāṇassa…pe… ajjhattaṃ phoṭṭhabbāyatanaṃ bahiddhā kāyaviññāṇassa ārammaṇapaccayena paccayo. Ajjhattā khandhā iddhividhañāṇassa, cetopariyañāṇassa , pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
२९. बहिद्धा धम्मो बहिद्धा धम्मस्स आरम्मणपच्चयेन पच्चयो – परो दानं दत्वा सीलं समादियित्वा उपोसथकम्मं कत्वा तं पच्चवेक्खति, पुब्बे सुचिण्णानि पच्चवेक्खति, झाना वुट्ठहित्वा…पे॰… अरिया मग्गा वुट्ठहित्वा मग्गं पच्चवेक्खन्ति, फलं पच्चवेक्खन्ति… निब्बानं पच्चवेक्खन्ति। निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो। अरिया पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे…पे॰… परो बहिद्धा चक्खुं…पे॰… वत्थुं… बहिद्धा खन्धे अनिच्चतो…पे॰… दोमनस्सं उप्पज्जति। दिब्बेन चक्खुना रूपं पस्सति, दिब्बाय सोतधातुया सद्दं सुणाति। चेतोपरियञाणेन बहिद्धा चित्तसमङ्गिस्स…पे॰… आकासानञ्चायतनं विञ्ञाणञ्चायतनस्स आरम्मणपच्चयेन पच्चयो। आकिञ्चञ्ञायतनं नेवसञ्ञानासञ्ञायतनस्स आरम्मणपच्चयेन पच्चयो। बहिद्धा रूपायतनं बहिद्धा चक्खुविञ्ञाणस्स…पे॰… बहिद्धा फोट्ठब्बायतनं बहिद्धा कायविञ्ञाणस्स…पे॰… बहिद्धा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
29. Bahiddhā dhammo bahiddhā dhammassa ārammaṇapaccayena paccayo – paro dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, jhānā vuṭṭhahitvā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti… nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā pahīne kilese paccavekkhanti, vikkhambhite kilese paccavekkhanti, pubbe samudāciṇṇe…pe… paro bahiddhā cakkhuṃ…pe… vatthuṃ… bahiddhā khandhe aniccato…pe… domanassaṃ uppajjati. Dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena bahiddhā cittasamaṅgissa…pe… ākāsānañcāyatanaṃ viññāṇañcāyatanassa ārammaṇapaccayena paccayo. Ākiñcaññāyatanaṃ nevasaññānāsaññāyatanassa ārammaṇapaccayena paccayo. Bahiddhā rūpāyatanaṃ bahiddhā cakkhuviññāṇassa…pe… bahiddhā phoṭṭhabbāyatanaṃ bahiddhā kāyaviññāṇassa…pe… bahiddhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
बहिद्धा धम्मो अज्झत्तस्स धम्मस्स आरम्मणपच्चयेन पच्चयो – अरिया निब्बानं पच्चवेक्खन्ति। निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो। बहिद्धा चक्खुं…पे॰… वत्थुं… बहिद्धा खन्धे अनिच्चतो…पे॰… दोमनस्सं उप्पज्जति। दिब्बेन चक्खुना रूपं पस्सति, दिब्बाय सोतधातुया सद्दं सुणाति। चेतोपरियञाणेन बहिद्धा चित्तसमङ्गिस्स चित्तं जानाति। बहिद्धा रूपायतनं अज्झत्तं चक्खुविञ्ञाणस्स…पे॰… बहिद्धा फोट्ठब्बायतनं अज्झत्तं कायविञ्ञाणस्स…पे॰… बहिद्धा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (२)
Bahiddhā dhammo ajjhattassa dhammassa ārammaṇapaccayena paccayo – ariyā nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Bahiddhā cakkhuṃ…pe… vatthuṃ… bahiddhā khandhe aniccato…pe… domanassaṃ uppajjati. Dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena bahiddhā cittasamaṅgissa cittaṃ jānāti. Bahiddhā rūpāyatanaṃ ajjhattaṃ cakkhuviññāṇassa…pe… bahiddhā phoṭṭhabbāyatanaṃ ajjhattaṃ kāyaviññāṇassa…pe… bahiddhā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
अधिपतिपच्चयो
Adhipatipaccayo
३०. अज्झत्तो धम्मो अज्झत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं दत्वा सीलं समादियित्वा उपोसथकम्मं कत्वा, तं गरुं कत्वा पच्चवेक्खति, पुब्बे सुचिण्णानि गरुं कत्वा…पे॰… झाना वुट्ठहित्वा झानं गरुं कत्वा…पे॰… अरिया मग्गा वुट्ठहित्वा मग्गं गरुं कत्वा…पे॰… फलं गरुं कत्वा पच्चवेक्खन्ति। अज्झत्तं चक्खुं…पे॰… वत्थुं… अज्झत्ते खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। सहजाताधिपति – अज्झत्ताधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (१)
30. Ajjhatto dhammo ajjhattassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā, taṃ garuṃ katvā paccavekkhati, pubbe suciṇṇāni garuṃ katvā…pe… jhānā vuṭṭhahitvā jhānaṃ garuṃ katvā…pe… ariyā maggā vuṭṭhahitvā maggaṃ garuṃ katvā…pe… phalaṃ garuṃ katvā paccavekkhanti. Ajjhattaṃ cakkhuṃ…pe… vatthuṃ… ajjhatte khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – ajjhattādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
अज्झत्तो धम्मो बहिद्धा धम्मस्स अधिपतिपच्चयेन पच्चयो। आरम्मणाधिपति – परो अज्झत्तं चक्खुं…पे॰… वत्थुं… अज्झत्ते खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। (२)
Ajjhatto dhammo bahiddhā dhammassa adhipatipaccayena paccayo. Ārammaṇādhipati – paro ajjhattaṃ cakkhuṃ…pe… vatthuṃ… ajjhatte khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)
३१. बहिद्धा धम्मो बहिद्धा धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – परो दानं दत्वा सीलं समादियित्वा उपोसथकम्मं कत्वा, तं गरुं कत्वा पच्चवेक्खति, पुब्बे सुचिण्णानि गरुं कत्वा…पे॰… झाना वुट्ठहित्वा…पे॰… अरिया मग्गा वुट्ठहित्वा मग्गं गरुं कत्वा…पे॰… फलं गरुं कत्वा…पे॰… निब्बानं गरुं कत्वा पच्चवेक्खन्ति। निब्बानं गोत्रभुस्स, वोदानस्स, मग्गस्स, फलस्स अधिपतिपच्चयेन पच्चयो। बहिद्धा चक्खुं…पे॰… वत्थुं… बहिद्धा खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। सहजाताधिपति – बहिद्धाधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (१)
31. Bahiddhā dhammo bahiddhā dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – paro dānaṃ datvā sīlaṃ samādiyitvā uposathakammaṃ katvā, taṃ garuṃ katvā paccavekkhati, pubbe suciṇṇāni garuṃ katvā…pe… jhānā vuṭṭhahitvā…pe… ariyā maggā vuṭṭhahitvā maggaṃ garuṃ katvā…pe… phalaṃ garuṃ katvā…pe… nibbānaṃ garuṃ katvā paccavekkhanti. Nibbānaṃ gotrabhussa, vodānassa, maggassa, phalassa adhipatipaccayena paccayo. Bahiddhā cakkhuṃ…pe… vatthuṃ… bahiddhā khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – bahiddhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
बहिद्धा धम्मो अज्झत्तस्स धम्मस्स अधिपतिपच्चयेन पच्चयो। आरम्मणाधिपति – अरिया निब्बानं गरुं कत्वा पच्चवेक्खन्ति। निब्बानं गोत्रभुस्स, वोदानस्स, मग्गस्स, फलस्स, अधिपतिपच्चयेन पच्चयो। बहिद्धा चक्खुं…पे॰… वत्थुं… बहिद्धा खन्धे गरुं कत्वा अस्सादेति, अभिनन्दति, तं गरुं कत्वा रागो…पे॰… दिट्ठि उप्पज्जति। (२)
Bahiddhā dhammo ajjhattassa dhammassa adhipatipaccayena paccayo. Ārammaṇādhipati – ariyā nibbānaṃ garuṃ katvā paccavekkhanti. Nibbānaṃ gotrabhussa, vodānassa, maggassa, phalassa, adhipatipaccayena paccayo. Bahiddhā cakkhuṃ…pe… vatthuṃ… bahiddhā khandhe garuṃ katvā assādeti, abhinandati, taṃ garuṃ katvā rāgo…pe… diṭṭhi uppajjati. (2)
अनन्तरपच्चयो
Anantarapaccayo
३२. अज्झत्तो धम्मो अज्झत्तस्स धम्मस्स अनन्तरपच्चयेन पच्चयो – पुरिमा पुरिमा अज्झत्ता खन्धा पच्छिमानं पच्छिमानं अज्झत्तानं खन्धानं अनन्तरपच्चयेन पच्चयो। अनुलोमं गोत्रभुस्स, अनुलोमं वोदानस्स, गोत्रभु मग्गस्स, वोदानं मग्गस्स, मग्गो फलस्स, फलं फलस्स, अनुलोमं फलसमापत्तिया, निरोधा वुट्ठहन्तस्स नेवसञ्ञानासञ्ञायतनं फलसमापत्तिया अनन्तरपच्चयेन पच्चयो। (१)
32. Ajjhatto dhammo ajjhattassa dhammassa anantarapaccayena paccayo – purimā purimā ajjhattā khandhā pacchimānaṃ pacchimānaṃ ajjhattānaṃ khandhānaṃ anantarapaccayena paccayo. Anulomaṃ gotrabhussa, anulomaṃ vodānassa, gotrabhu maggassa, vodānaṃ maggassa, maggo phalassa, phalaṃ phalassa, anulomaṃ phalasamāpattiyā, nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. (1)
बहिद्धा धम्मो बहिद्धा धम्मस्स अनन्तरपच्चयेन पच्चयो (पुरिमा पुरिमा बहिद्धाति नानाकरणं, तंयेव गमनं)। (१)
Bahiddhā dhammo bahiddhā dhammassa anantarapaccayena paccayo (purimā purimā bahiddhāti nānākaraṇaṃ, taṃyeva gamanaṃ). (1)
समनन्तरपच्चयादि
Samanantarapaccayādi
३३. अज्झत्तो धम्मो अज्झत्तस्स धम्मस्स समनन्तरपच्चयेन पच्चयो…पे॰… (अनन्तरसदिसं)… सहजातपच्चयेन पच्चयो… अञ्ञमञ्ञपच्चयेन पच्चयो… निस्सयपच्चयेन पच्चयो।
33. Ajjhatto dhammo ajjhattassa dhammassa samanantarapaccayena paccayo…pe… (anantarasadisaṃ)… sahajātapaccayena paccayo… aññamaññapaccayena paccayo… nissayapaccayena paccayo.
उपनिस्सयपच्चयो
Upanissayapaccayo
३४. अज्झत्तो धम्मो अज्झत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – अज्झत्तं सद्धं उपनिस्साय दानं देति, सीलं समादियति, उपोसथकम्मं…पे॰… झानं…पे॰… विपस्सनं…पे॰… मग्गं…पे॰… अभिञ्ञं…पे॰… समापत्तिं उप्पादेति, मानं जप्पेति, दिट्ठिं गण्हाति। अज्झत्तं सीलं…पे॰… पञ्ञं… रागं…पे॰… पत्थनं… कायिकं सुखं… कायिकं दुक्खं… उतुं… भोजनं… सेनासनं उपनिस्साय दानं देति…पे॰… समापत्तिं उप्पादेति, पाणं हनति…पे॰… सङ्घं भिन्दति। अज्झत्ता सद्धा…पे॰… पञ्ञा, रागो…पे॰… पत्थना, कायिकं सुखं… कायिकं दुक्खं… सेनासनं अज्झत्ताय सद्धाय…पे॰… पञ्ञाय, रागस्स…पे॰… पत्थनाय, कायिकस्स सुखस्स, कायिकस्स दुक्खस्स, मग्गस्स फलसमापत्तिया उपनिस्सयपच्चयेन पच्चयो। (१)
34. Ajjhatto dhammo ajjhattassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ajjhattaṃ saddhaṃ upanissāya dānaṃ deti, sīlaṃ samādiyati, uposathakammaṃ…pe… jhānaṃ…pe… vipassanaṃ…pe… maggaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti. Ajjhattaṃ sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati. Ajjhattā saddhā…pe… paññā, rāgo…pe… patthanā, kāyikaṃ sukhaṃ… kāyikaṃ dukkhaṃ… senāsanaṃ ajjhattāya saddhāya…pe… paññāya, rāgassa…pe… patthanāya, kāyikassa sukhassa, kāyikassa dukkhassa, maggassa phalasamāpattiyā upanissayapaccayena paccayo. (1)
अज्झत्तो धम्मो बहिद्धा धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे॰…। पकतूपनिस्सयो – परो अज्झत्तं सद्धं उपनिस्साय दानं देति…पे॰… मानं जप्पेति, दिट्ठिं गण्हाति । परो अज्झत्तं सीलं…पे॰… सेनासनं उपनिस्साय दानं देति, पाणं हनति…पे॰… सङ्घं भिन्दति। अज्झत्ता सद्धा…पे॰… सेनासनं बहिद्धा सद्धाय…पे॰… मग्गस्स फलसमापत्तिया उपनिस्सयपच्चयेन पच्चयो। (२)
Ajjhatto dhammo bahiddhā dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – paro ajjhattaṃ saddhaṃ upanissāya dānaṃ deti…pe… mānaṃ jappeti, diṭṭhiṃ gaṇhāti . Paro ajjhattaṃ sīlaṃ…pe… senāsanaṃ upanissāya dānaṃ deti, pāṇaṃ hanati…pe… saṅghaṃ bhindati. Ajjhattā saddhā…pe… senāsanaṃ bahiddhā saddhāya…pe… maggassa phalasamāpattiyā upanissayapaccayena paccayo. (2)
३५. बहिद्धा धम्मो बहिद्धा धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – परो बहिद्धा सद्धं…पे॰… पत्थनं, कायिकं सुखं…पे॰… सेनासनं उपनिस्साय दानं देति…पे॰… सङ्घं भिन्दति बहिद्धा सद्धा…पे॰… सेनासनं बहिद्धा सद्धाय…पे॰… फलसमापत्तिया उपनिस्सयपच्चयेन पच्चयो। (१)
35. Bahiddhā dhammo bahiddhā dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paro bahiddhā saddhaṃ…pe… patthanaṃ, kāyikaṃ sukhaṃ…pe… senāsanaṃ upanissāya dānaṃ deti…pe… saṅghaṃ bhindati bahiddhā saddhā…pe… senāsanaṃ bahiddhā saddhāya…pe… phalasamāpattiyā upanissayapaccayena paccayo. (1)
बहिद्धा धम्मो अज्झत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे॰…। पकतूपनिस्सयो – बहिद्धा सद्धं…पे॰… सेनासनं उपनिस्साय दानं देति…पे॰… सङ्घं भिन्दति। बहिद्धा सद्धा…पे॰… सेनासनं अज्झत्ताय सद्धाय…पे॰… फलसमापत्तिया उपनिस्सयपच्चयेन पच्चयो। (२)
Bahiddhā dhammo ajjhattassa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – bahiddhā saddhaṃ…pe… senāsanaṃ upanissāya dānaṃ deti…pe… saṅghaṃ bhindati. Bahiddhā saddhā…pe… senāsanaṃ ajjhattāya saddhāya…pe… phalasamāpattiyā upanissayapaccayena paccayo. (2)
पुरेजातपच्चयो
Purejātapaccayo
३६. अज्झत्तो धम्मो अज्झत्तस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – अज्झत्तं चक्खुं…पे॰… वत्थुं अनिच्चतो दुक्खतो अनत्ततो विपस्सति…पे॰… दोमनस्सं उप्पज्जति, दिब्बेन चक्खुना रूपं पस्सति, दिब्बाय सोतधातुया सद्दं सुणाति, रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स पुरेजातपच्चयेन पच्चयो। वत्थुपुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु अज्झत्तानं खन्धानं पुरेजातपच्चयेन पच्चयो। (१)
36. Ajjhatto dhammo ajjhattassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – ajjhattaṃ cakkhuṃ…pe… vatthuṃ aniccato dukkhato anattato vipassati…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu ajjhattānaṃ khandhānaṃ purejātapaccayena paccayo. (1)
अज्झत्तो धम्मो बहिद्धा धम्मस्स पुरेजातपच्चयेन पच्चयो। आरम्मणपुरेजातं – परो अज्झत्तं चक्खुं…पे॰… वत्थुं अनिच्चतो…पे॰… दोमनस्सं उप्पज्जति, दिब्बेन चक्खुना रूपं पस्सति, दिब्बाय सोतधातुया सद्दं सुणाति। अज्झत्तं रूपायतनं बहिद्धा चक्खुविञ्ञाणस्स…पे॰… अज्झत्तं फोट्ठब्बायतनं बहिद्धा कायविञ्ञाणस्स पुरेजातपच्चयेन पच्चयो। (२)
Ajjhatto dhammo bahiddhā dhammassa purejātapaccayena paccayo. Ārammaṇapurejātaṃ – paro ajjhattaṃ cakkhuṃ…pe… vatthuṃ aniccato…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti. Ajjhattaṃ rūpāyatanaṃ bahiddhā cakkhuviññāṇassa…pe… ajjhattaṃ phoṭṭhabbāyatanaṃ bahiddhā kāyaviññāṇassa purejātapaccayena paccayo. (2)
३७. बहिद्धा धम्मो बहिद्धा धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – परो बहिद्धा चक्खुं…पे॰… वत्थुं अनिच्चतो…पे॰… दिब्बेन चक्खुना रूपं पस्सति, दिब्बाय सोतधातुया सद्दं सुणाति। बहिद्धा रूपायतनं बहिद्धा चक्खुविञ्ञाणस्स…पे॰… बहिद्धा फोट्ठब्बायतनं बहिद्धा कायविञ्ञाणस्स…पे॰…। वत्थुपुरेजातं – बहिद्धा चक्खायतनं…पे॰… कायायतनं…पे॰… वत्थु बहिद्धा खन्धानं पुरेजातपच्चयेन पच्चयो। (१)
37. Bahiddhā dhammo bahiddhā dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – paro bahiddhā cakkhuṃ…pe… vatthuṃ aniccato…pe… dibbena cakkhunā rūpaṃ passati, dibbāya sotadhātuyā saddaṃ suṇāti. Bahiddhā rūpāyatanaṃ bahiddhā cakkhuviññāṇassa…pe… bahiddhā phoṭṭhabbāyatanaṃ bahiddhā kāyaviññāṇassa…pe…. Vatthupurejātaṃ – bahiddhā cakkhāyatanaṃ…pe… kāyāyatanaṃ…pe… vatthu bahiddhā khandhānaṃ purejātapaccayena paccayo. (1)
बहिद्धा धम्मो अज्झत्तस्स धम्मस्स पुरेजातपच्चयेन पच्चयो। आरम्मणपुरेजातं – बहिद्धा चक्खुं…पे॰… वत्थुं अनिच्चतो…पे॰… दोमनस्सं उप्पज्जति, दिब्बेन चक्खुना रूपं पस्सति, दिब्बाय सोतधातुया सद्दं सुणाति। बहिद्धा रूपायतनं अज्झत्तस्स चक्खुविञ्ञाणस्स…पे॰… बहिद्धा फोट्ठब्बायतनं अज्झत्तस्स कायविञ्ञाणस्स पुरेजातपच्चयेन पच्चयो। (२)
Bahiddhā dhammo ajjhattassa dhammassa purejātapaccayena paccayo. Ārammaṇapurejātaṃ – bahiddhā cakkhuṃ…pe… vatthuṃ aniccato…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti. Bahiddhā rūpāyatanaṃ ajjhattassa cakkhuviññāṇassa…pe… bahiddhā phoṭṭhabbāyatanaṃ ajjhattassa kāyaviññāṇassa purejātapaccayena paccayo. (2)
३८. अज्झत्तो च बहिद्धा च धम्मा अज्झत्तस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। बहिद्धा रूपायतनञ्च अज्झत्तं चक्खायतनञ्च अज्झत्तस्स चक्खुविञ्ञाणस्स पुरेजातपच्चयेन पच्चयो…पे॰… बहिद्धा फोट्ठब्बायतनञ्च अज्झत्तं कायायतनञ्च अज्झत्तस्स कायविञ्ञाणस्स…पे॰… बहिद्धा रूपायतनञ्च अज्झत्तं वत्थु च…पे॰… बहिद्धा फोट्ठब्बायतनञ्च अज्झत्तं वत्थु च अज्झत्तानं खन्धानं पुरेजातपच्चयेन पच्चयो। (१)
38. Ajjhatto ca bahiddhā ca dhammā ajjhattassa dhammassa purejātapaccayena paccayo – ārammaṇapurejātaṃ, vatthupurejātaṃ. Bahiddhā rūpāyatanañca ajjhattaṃ cakkhāyatanañca ajjhattassa cakkhuviññāṇassa purejātapaccayena paccayo…pe… bahiddhā phoṭṭhabbāyatanañca ajjhattaṃ kāyāyatanañca ajjhattassa kāyaviññāṇassa…pe… bahiddhā rūpāyatanañca ajjhattaṃ vatthu ca…pe… bahiddhā phoṭṭhabbāyatanañca ajjhattaṃ vatthu ca ajjhattānaṃ khandhānaṃ purejātapaccayena paccayo. (1)
अज्झत्तो च बहिद्धा च धम्मा बहिद्धा धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। अज्झत्तं रूपायतनञ्च बहिद्धा चक्खायतनञ्च बहिद्धा चक्खुविञ्ञाणस्स पुरेजातपच्चयेन पच्चयो…पे॰… अज्झत्तं फोट्ठब्बायतनञ्च बहिद्धा कायायतनञ्च बहिद्धा कायविञ्ञाणस्स पुरेजातपच्चयेन पच्चयो। अज्झत्तं रूपायतनञ्च बहिद्धा वत्थु च…पे॰… अज्झत्तं फोट्ठब्बायतनञ्च बहिद्धा वत्थु च बहिद्धा खन्धानं पुरेजातपच्चयेन पच्चयो। (२)
Ajjhatto ca bahiddhā ca dhammā bahiddhā dhammassa purejātapaccayena paccayo – ārammaṇapurejātaṃ, vatthupurejātaṃ. Ajjhattaṃ rūpāyatanañca bahiddhā cakkhāyatanañca bahiddhā cakkhuviññāṇassa purejātapaccayena paccayo…pe… ajjhattaṃ phoṭṭhabbāyatanañca bahiddhā kāyāyatanañca bahiddhā kāyaviññāṇassa purejātapaccayena paccayo. Ajjhattaṃ rūpāyatanañca bahiddhā vatthu ca…pe… ajjhattaṃ phoṭṭhabbāyatanañca bahiddhā vatthu ca bahiddhā khandhānaṃ purejātapaccayena paccayo. (2)
पच्छाजातपच्चयो
Pacchājātapaccayo
३९. अज्झत्तो धम्मो अज्झत्तस्स धम्मस्स पच्छाजातपच्चयेन पच्चयो – पच्छाजाता अज्झत्ता खन्धा पुरेजातस्स इमस्स कायस्स पच्छाजातपच्चयेन पच्चयो। (१)
39. Ajjhatto dhammo ajjhattassa dhammassa pacchājātapaccayena paccayo – pacchājātā ajjhattā khandhā purejātassa imassa kāyassa pacchājātapaccayena paccayo. (1)
बहिद्धा धम्मो बहिद्धा धम्मस्स पच्छाजातपच्चयेन पच्चयो – पच्छाजाता बहिद्धा खन्धा पुरेजातस्स इमस्स कायस्स पच्छाजातपच्चयेन पच्चयो। (१)
Bahiddhā dhammo bahiddhā dhammassa pacchājātapaccayena paccayo – pacchājātā bahiddhā khandhā purejātassa imassa kāyassa pacchājātapaccayena paccayo. (1)
आसेवनपच्चयो
Āsevanapaccayo
४०. अज्झत्तो धम्मो अज्झत्तस्स धम्मस्स आसेवनपच्चयेन पच्चयो – पुरिमा पुरिमा अज्झत्ता खन्धा पच्छिमानं पच्छिमानं अज्झत्तानं खन्धानं आसेवनपच्चयेन पच्चयो। अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो। (१)
40. Ajjhatto dhammo ajjhattassa dhammassa āsevanapaccayena paccayo – purimā purimā ajjhattā khandhā pacchimānaṃ pacchimānaṃ ajjhattānaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)
बहिद्धा धम्मो बहिद्धा धम्मस्स आसेवनपच्चयेन पच्चयो – पुरिमा पुरिमा…पे॰… (अज्झत्तसदिसंयेव)।
Bahiddhā dhammo bahiddhā dhammassa āsevanapaccayena paccayo – purimā purimā…pe… (ajjhattasadisaṃyeva).
कम्मपच्चयो
Kammapaccayo
४१. अज्झत्तो धम्मो अज्झत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – अज्झत्ता चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो। नानाक्खणिका – अज्झत्ता चेतना विपाकानं अज्झत्तानं खन्धानं कटत्ता च रूपानं कम्मपच्चयेन पच्चयो। (१)
41. Ajjhatto dhammo ajjhattassa dhammassa kammapaccayena paccayo – sahajātā, nānākkhaṇikā. Sahajātā – ajjhattā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Nānākkhaṇikā – ajjhattā cetanā vipākānaṃ ajjhattānaṃ khandhānaṃ kaṭattā ca rūpānaṃ kammapaccayena paccayo. (1)
बहिद्धा धम्मो बहिद्धा धम्मस्स कम्मपच्चयेन पच्चयो – सहजाता, नानाक्खणिका। सहजाता – बहिद्धा चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो। नानाक्खणिका – बहिद्धा चेतना विपाकानं बहिद्धा खन्धानं कटत्ता च रूपानं कम्मपच्चयेन पच्चयो। (१)
Bahiddhā dhammo bahiddhā dhammassa kammapaccayena paccayo – sahajātā, nānākkhaṇikā. Sahajātā – bahiddhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Nānākkhaṇikā – bahiddhā cetanā vipākānaṃ bahiddhā khandhānaṃ kaṭattā ca rūpānaṃ kammapaccayena paccayo. (1)
विपाकपच्चयो
Vipākapaccayo
४२. अज्झत्तो धम्मो अज्झत्तस्स धम्मस्स विपाकपच्चयेन पच्चयो…पे॰… (परिपुण्णं, पटिच्चवारसदिसं)।
42. Ajjhatto dhammo ajjhattassa dhammassa vipākapaccayena paccayo…pe… (paripuṇṇaṃ, paṭiccavārasadisaṃ).
आहारपच्चयो
Āhārapaccayo
४३. अज्झत्तो धम्मो अज्झत्तस्स धम्मस्स आहारपच्चयेन पच्चयो – अज्झत्ता आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो। पटिसन्धिक्खणे…पे॰… अज्झत्तो कबळीकारो आहारो अज्झत्तस्स कायस्स आहारपच्चयेन पच्चयो। (१)
43. Ajjhatto dhammo ajjhattassa dhammassa āhārapaccayena paccayo – ajjhattā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo. Paṭisandhikkhaṇe…pe… ajjhatto kabaḷīkāro āhāro ajjhattassa kāyassa āhārapaccayena paccayo. (1)
अज्झत्तो धम्मो बहिद्धा धम्मस्स आहारपच्चयेन पच्चयो – अज्झत्तो कबळीकारो आहारो बहिद्धा कायस्स आहारपच्चयेन पच्चयो। (२)
Ajjhatto dhammo bahiddhā dhammassa āhārapaccayena paccayo – ajjhatto kabaḷīkāro āhāro bahiddhā kāyassa āhārapaccayena paccayo. (2)
बहिद्धा धम्मो बहिद्धा धम्मस्स आहारपच्चयेन पच्चयो (पवत्तिपटिसन्धि) बहिद्धा कबळीकारो आहारो बहिद्धा कायस्स आहारपच्चयेन पच्चयो। (१)
Bahiddhā dhammo bahiddhā dhammassa āhārapaccayena paccayo (pavattipaṭisandhi) bahiddhā kabaḷīkāro āhāro bahiddhā kāyassa āhārapaccayena paccayo. (1)
बहिद्धा धम्मो अज्झत्तस्स धम्मस्स आहारपच्चयेन पच्चयो – बहिद्धा कबळीकारो आहारो अज्झत्तस्स कायस्स आहारपच्चयेन पच्चयो। (२)
Bahiddhā dhammo ajjhattassa dhammassa āhārapaccayena paccayo – bahiddhā kabaḷīkāro āhāro ajjhattassa kāyassa āhārapaccayena paccayo. (2)
४४. अज्झत्तो धम्मो च बहिद्धा धम्मो च अज्झत्तस्स धम्मस्स आहारपच्चयेन पच्चयो – अज्झत्तो कबळीकारो आहारो च बहिद्धा कबळीकारो आहारो च अज्झत्तस्स कायस्स आहारपच्चयेन पच्चयो। (१)
44. Ajjhatto dhammo ca bahiddhā dhammo ca ajjhattassa dhammassa āhārapaccayena paccayo – ajjhatto kabaḷīkāro āhāro ca bahiddhā kabaḷīkāro āhāro ca ajjhattassa kāyassa āhārapaccayena paccayo. (1)
अज्झत्तो धम्मो च बहिद्धा धम्मो च बहिद्धा धम्मस्स आहारपच्चयेन पच्चयो – अज्झत्तो कबळीकारो आहारो च बहिद्धा कबळीकारो आहारो च बहिद्धा कायस्स आहारपच्चयेन पच्चयो। (२)
Ajjhatto dhammo ca bahiddhā dhammo ca bahiddhā dhammassa āhārapaccayena paccayo – ajjhatto kabaḷīkāro āhāro ca bahiddhā kabaḷīkāro āhāro ca bahiddhā kāyassa āhārapaccayena paccayo. (2)
इन्द्रियपच्चयादि
Indriyapaccayādi
४५. अज्झत्तो धम्मो अज्झत्तस्स धम्मस्स इन्द्रियपच्चयेन पच्चयो, अज्झत्तिका इन्द्रिया (रूपजीवितिन्द्रियम्पि वित्थारेतब्बं)… झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चयो… विप्पयुत्तपच्चयेन पच्चयो – सहजातं, पुरेजातं, पच्छाजातं (मातिकापदानि अनुमज्जन्तेन वित्थारेतब्बानि)।
45. Ajjhatto dhammo ajjhattassa dhammassa indriyapaccayena paccayo, ajjhattikā indriyā (rūpajīvitindriyampi vitthāretabbaṃ)… jhānapaccayena paccayo… maggapaccayena paccayo… sampayuttapaccayena paccayo… vippayuttapaccayena paccayo – sahajātaṃ, purejātaṃ, pacchājātaṃ (mātikāpadāni anumajjantena vitthāretabbāni).
बहिद्धा धम्मो बहिद्धा धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं (संखित्तं)।
Bahiddhā dhammo bahiddhā dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ).
अत्थिपच्चयो
Atthipaccayo
४६. अज्झत्तो धम्मो अज्झत्तस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं। सहजातो – अज्झत्तो एको खन्धो तिण्णन्नं खन्धानं चित्तसमुट्ठानानञ्च रूपानं…पे॰… द्वे खन्धे…पे॰… पटिसन्धिक्खणे…पे॰… खन्धा वत्थुस्स …पे॰… वत्थु खन्धानं…पे॰… एकं महाभूतं…पे॰… असञ्ञसत्तानं एकं महाभूतं तिण्णन्नं महाभूतानं…पे॰…। पुरेजातं – चक्खुं…पे॰… वत्थुं (पुरेजातसदिसं), वत्थु अज्झत्तानं खन्धानं अत्थिपच्चयेन पच्चयो। पच्छाजाता – अज्झत्ता खन्धा पुरेजातस्स इमस्स कायस्स अत्थिपच्चयेन पच्चयो। अज्झत्तो कबळीकारो आहारो अज्झत्तस्स कायस्स…पे॰… रूपजीवितिन्द्रियं कटत्तारूपानं…पे॰…। (१)
46. Ajjhatto dhammo ajjhattassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – ajjhatto eko khandho tiṇṇannaṃ khandhānaṃ cittasamuṭṭhānānañca rūpānaṃ…pe… dve khandhe…pe… paṭisandhikkhaṇe…pe… khandhā vatthussa …pe… vatthu khandhānaṃ…pe… ekaṃ mahābhūtaṃ…pe… asaññasattānaṃ ekaṃ mahābhūtaṃ tiṇṇannaṃ mahābhūtānaṃ…pe…. Purejātaṃ – cakkhuṃ…pe… vatthuṃ (purejātasadisaṃ), vatthu ajjhattānaṃ khandhānaṃ atthipaccayena paccayo. Pacchājātā – ajjhattā khandhā purejātassa imassa kāyassa atthipaccayena paccayo. Ajjhatto kabaḷīkāro āhāro ajjhattassa kāyassa…pe… rūpajīvitindriyaṃ kaṭattārūpānaṃ…pe…. (1)
अज्झत्तो धम्मो बहिद्धा धम्मस्स अत्थिपच्चयेन पच्चयो – पुरेजातं, आहारं। पुरेजातं – परो अज्झत्तं चक्खुं…पे॰… वत्थुं अनिच्चतो…पे॰… विपस्सति, दिब्बेन चक्खुना रूपं पस्सति, दिब्बाय सोतधातुया सद्दं सुणाति, अज्झत्तं रूपायतनं…पे॰… फोट्ठब्बायतनं बहिद्धा कायविञ्ञाणस्स अत्थिपच्चयेन पच्चयो। अज्झत्तो कबळीकारो आहारो बहिद्धा कायस्स अत्थिपच्चयेन पच्चयो। (२)
Ajjhatto dhammo bahiddhā dhammassa atthipaccayena paccayo – purejātaṃ, āhāraṃ. Purejātaṃ – paro ajjhattaṃ cakkhuṃ…pe… vatthuṃ aniccato…pe… vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, ajjhattaṃ rūpāyatanaṃ…pe… phoṭṭhabbāyatanaṃ bahiddhā kāyaviññāṇassa atthipaccayena paccayo. Ajjhatto kabaḷīkāro āhāro bahiddhā kāyassa atthipaccayena paccayo. (2)
४७. बहिद्धा धम्मो बहिद्धा धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं (बहिद्धा निन्नानाकरणं, मातिकापदानि वित्थारेतब्बानि)। (१)
47. Bahiddhā dhammo bahiddhā dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (bahiddhā ninnānākaraṇaṃ, mātikāpadāni vitthāretabbāni). (1)
बहिद्धा धम्मो अज्झत्तस्स धम्मस्स अत्थिपच्चयेन पच्चयो – पुरेजातं, आहारं। पुरेजातं – बहिद्धा चक्खुं…पे॰… वत्थुं…पे॰… दिब्बेन चक्खुना रूपं पस्सति, दिब्बाय सोतधातुया सद्दं सुणाति, बहिद्धा रूपायतनं…पे॰… फोट्ठब्बायतनं अज्झत्तस्स कायविञ्ञाणस्स अत्थिपच्चयेन पच्चयो। बहिद्धा कबळीकारो आहारो अज्झत्तस्स कायस्स अत्थिपच्चयेन पच्चयो। (२)
Bahiddhā dhammo ajjhattassa dhammassa atthipaccayena paccayo – purejātaṃ, āhāraṃ. Purejātaṃ – bahiddhā cakkhuṃ…pe… vatthuṃ…pe… dibbena cakkhunā rūpaṃ passati, dibbāya sotadhātuyā saddaṃ suṇāti, bahiddhā rūpāyatanaṃ…pe… phoṭṭhabbāyatanaṃ ajjhattassa kāyaviññāṇassa atthipaccayena paccayo. Bahiddhā kabaḷīkāro āhāro ajjhattassa kāyassa atthipaccayena paccayo. (2)
४८. अज्झत्तो धम्मो च बहिद्धा धम्मो च अज्झत्तस्स धम्मस्स अत्थिपच्चयेन पच्चयो – पुरेजातं, आहारं। पुरेजातं – बहिद्धा रूपायतनञ्च अज्झत्तं चक्खु च अज्झत्तस्स चक्खुविञ्ञाणस्स…पे॰… बहिद्धा फोट्ठब्बायतनञ्च अज्झत्तं कायायतनञ्च अज्झत्तस्स कायविञ्ञाणस्स अत्थिपच्चयेन पच्चयो। बहिद्धा रूपायतनञ्च अज्झत्तं वत्थु च…पे॰… बहिद्धा फोट्ठब्बायतनञ्च अज्झत्तं वत्थु च अज्झत्तानं खन्धानं अत्थिपच्चयेन पच्चयो। आहारं – अज्झत्तो कबळीकारो आहारो च बहिद्धा कबळीकारो आहारो च अज्झत्तस्स कायस्स अत्थिपच्चयेन पच्चयो। (१)
48. Ajjhatto dhammo ca bahiddhā dhammo ca ajjhattassa dhammassa atthipaccayena paccayo – purejātaṃ, āhāraṃ. Purejātaṃ – bahiddhā rūpāyatanañca ajjhattaṃ cakkhu ca ajjhattassa cakkhuviññāṇassa…pe… bahiddhā phoṭṭhabbāyatanañca ajjhattaṃ kāyāyatanañca ajjhattassa kāyaviññāṇassa atthipaccayena paccayo. Bahiddhā rūpāyatanañca ajjhattaṃ vatthu ca…pe… bahiddhā phoṭṭhabbāyatanañca ajjhattaṃ vatthu ca ajjhattānaṃ khandhānaṃ atthipaccayena paccayo. Āhāraṃ – ajjhatto kabaḷīkāro āhāro ca bahiddhā kabaḷīkāro āhāro ca ajjhattassa kāyassa atthipaccayena paccayo. (1)
अज्झत्तो धम्मो च बहिद्धा धम्मो च बहिद्धा धम्मस्स अत्थिपच्चयेन पच्चयो – पुरेजातं, आहारं। पुरेजातं – अज्झत्तं रूपायतनञ्च बहिद्धा चक्खायतनञ्च बहिद्धा चक्खुविञ्ञाणस्स अत्थिपच्चयेन पच्चयो…पे॰… अज्झत्तं फोट्ठब्बायतनञ्च बहिद्धा कायायतनञ्च बहिद्धा कायविञ्ञाणस्स अत्थिपच्चयेन पच्चयो। अज्झत्तं रूपायतनञ्च बहिद्धा वत्थु च बहिद्धा खन्धानं अत्थिपच्चयेन पच्चयो…पे॰… अज्झत्तं फोट्ठब्बायतनञ्च बहिद्धा वत्थु च बहिद्धा खन्धानं अत्थिपच्चयेन पच्चयो। आहारं – अज्झत्तो कबळीकारो आहारो च बहिद्धा कबळीकारो आहारो च बहिद्धा कायस्स अत्थिपच्चयेन पच्चयो। (२)
Ajjhatto dhammo ca bahiddhā dhammo ca bahiddhā dhammassa atthipaccayena paccayo – purejātaṃ, āhāraṃ. Purejātaṃ – ajjhattaṃ rūpāyatanañca bahiddhā cakkhāyatanañca bahiddhā cakkhuviññāṇassa atthipaccayena paccayo…pe… ajjhattaṃ phoṭṭhabbāyatanañca bahiddhā kāyāyatanañca bahiddhā kāyaviññāṇassa atthipaccayena paccayo. Ajjhattaṃ rūpāyatanañca bahiddhā vatthu ca bahiddhā khandhānaṃ atthipaccayena paccayo…pe… ajjhattaṃ phoṭṭhabbāyatanañca bahiddhā vatthu ca bahiddhā khandhānaṃ atthipaccayena paccayo. Āhāraṃ – ajjhatto kabaḷīkāro āhāro ca bahiddhā kabaḷīkāro āhāro ca bahiddhā kāyassa atthipaccayena paccayo. (2)
नत्थिविगताविगतपच्चया
Natthivigatāvigatapaccayā
४९. अज्झत्तो धम्मो अज्झत्तस्स धम्मस्स नत्थिपच्चयेन पच्चयो… विगतपच्चयेन पच्चयो… अविगतपच्चयेन पच्चयो।
49. Ajjhatto dhammo ajjhattassa dhammassa natthipaccayena paccayo… vigatapaccayena paccayo… avigatapaccayena paccayo.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
५०. हेतुया द्वे, आरम्मणे चत्तारि, अधिपतिया चत्तारि, अनन्तरे द्वे, समनन्तरे द्वे, सहजाते अञ्ञमञ्ञे निस्सये द्वे, उपनिस्सये चत्तारि, पुरेजाते छ, पच्छाजाते आसेवने कम्मे विपाके द्वे, आहारे छ, इन्द्रिये द्वे, झाने मग्गे सम्पयुत्ते विप्पयुत्ते द्वे, अत्थिया छ, नत्थिया द्वे, विगते द्वे, अविगते छ (एवं गणेतब्बं)।
50. Hetuyā dve, ārammaṇe cattāri, adhipatiyā cattāri, anantare dve, samanantare dve, sahajāte aññamaññe nissaye dve, upanissaye cattāri, purejāte cha, pacchājāte āsevane kamme vipāke dve, āhāre cha, indriye dve, jhāne magge sampayutte vippayutte dve, atthiyā cha, natthiyā dve, vigate dve, avigate cha (evaṃ gaṇetabbaṃ).
अनुलोमं।
Anulomaṃ.
पच्चनीयुद्धारो
Paccanīyuddhāro
५१. अज्झत्तो धम्मो अज्झत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
51. Ajjhatto dhammo ajjhattassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
अज्झत्तो धम्मो बहिद्धा धम्मस्स आरम्मणपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… आहारपच्चयेन पच्चयो। (२)
Ajjhatto dhammo bahiddhā dhammassa ārammaṇapaccayena paccayo… upanissayapaccayena paccayo… purejātapaccayena paccayo… āhārapaccayena paccayo. (2)
५२. बहिद्धा धम्मो बहिद्धा धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
52. Bahiddhā dhammo bahiddhā dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
बहिद्धा धम्मो अज्झत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… आहारपच्चयेन पच्चयो। (२)
Bahiddhā dhammo ajjhattassa dhammassa ārammaṇapaccayena paccayo… upanissayapaccayena paccayo… purejātapaccayena paccayo… āhārapaccayena paccayo. (2)
५३. अज्झत्तो धम्मो च बहिद्धा धम्मो च अज्झत्तस्स धम्मस्स पुरेजातं, आहारं। (१)
53. Ajjhatto dhammo ca bahiddhā dhammo ca ajjhattassa dhammassa purejātaṃ, āhāraṃ. (1)
अज्झत्तो धम्मो च बहिद्धा धम्मो च बहिद्धा धम्मस्स पुरेजातं, आहारं। (२)
Ajjhatto dhammo ca bahiddhā dhammo ca bahiddhā dhammassa purejātaṃ, āhāraṃ. (2)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
५४. नहेतुया छ, नआरम्मणे छ, नअधिपतिया छ (संखित्तं, सब्बत्थ छ कातब्बा), नविप्पयुत्ते छ, नोअत्थिया चत्तारि, नोनत्थिया छ, नोविगते छ, नोअविगते चत्तारि (एवं गणेतब्बं)
54. Nahetuyā cha, naārammaṇe cha, naadhipatiyā cha (saṃkhittaṃ, sabbattha cha kātabbā), navippayutte cha, noatthiyā cattāri, nonatthiyā cha, novigate cha, noavigate cattāri (evaṃ gaṇetabbaṃ)
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
५५. हेतुपच्चया नआरम्मणे द्वे, नअधिपतिया नअनन्तरे नसमनन्तरे नअञ्ञमञ्ञे नउपनिस्सये द्वे (संखित्तं, सब्बत्थ द्वे), नसम्पयुत्ते नविप्पयुत्ते नोनत्थिया नोविगते द्वे (एवं गणेतब्बं)।
55. Hetupaccayā naārammaṇe dve, naadhipatiyā naanantare nasamanantare naaññamaññe naupanissaye dve (saṃkhittaṃ, sabbattha dve), nasampayutte navippayutte nonatthiyā novigate dve (evaṃ gaṇetabbaṃ).
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
५६. नहेतुपच्चया आरम्मणे चत्तारि, अधिपतिया चत्तारि (अनुलोमपदानि गणेतब्बानि), अविगते छ (एवं गणेतब्बं)।
56. Nahetupaccayā ārammaṇe cattāri, adhipatiyā cattāri (anulomapadāni gaṇetabbāni), avigate cha (evaṃ gaṇetabbaṃ).
पच्चनीयानुलोमं।
Paccanīyānulomaṃ.
पञ्हावारो।
Pañhāvāro.
अज्झत्तत्तिकं निट्ठितं।
Ajjhattattikaṃ niṭṭhitaṃ.
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ५-२२. सङ्किलिट्ठत्तिकादिवण्णना • 5-22. Saṅkiliṭṭhattikādivaṇṇanā
