| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
8. අජ්‌ඣත්‌තිකායතනපරිජානනසුත්‌තං
8. Ajjhattikāyatanaparijānanasuttaṃ
111. ‘‘චක්‌ඛුං, භික්‌ඛවෙ, අනභිජානං අපරිජානං අවිරාජයං අප්‌පජහං අභබ්‌බො දුක්‌ඛක්‌ඛයාය. සොතං… ඝානං… ජිව්‌හං… කායං… මනං අනභිජානං අපරිජානං අවිරාජයං අප්‌පජහං අභබ්‌බො දුක්‌ඛක්‌ඛයාය. චක්‌ඛුඤ්‌ච ඛො, භික්‌ඛවෙ, අභිජානං පරිජානං විරාජයං පජහං භබ්‌බො දුක්‌ඛක්‌ඛයාය…පෙ.… ජිව්‌හං… කායං… මනං අභිජානං පරිජානං විරාජයං පජහං භබ්‌බො දුක්‌ඛක්‌ඛයායා’’ති. අට්‌ඨමං.
111. ‘‘Cakkhuṃ, bhikkhave, anabhijānaṃ aparijānaṃ avirājayaṃ appajahaṃ abhabbo dukkhakkhayāya. Sotaṃ… ghānaṃ… jivhaṃ… kāyaṃ… manaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya. Cakkhuñca kho, bhikkhave, abhijānaṃ parijānaṃ virājayaṃ pajahaṃ bhabbo dukkhakkhayāya…pe… jivhaṃ… kāyaṃ… manaṃ abhijānaṃ parijānaṃ virājayaṃ pajahaṃ bhabbo dukkhakkhayāyā’’ti. Aṭṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-10. උපාදායසුත්‌තාදිවණ්‌ණනා • 2-10. Upādāyasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-10. උපාදායසුත්‌තාදිවණ්‌ණනා • 2-10. Upādāyasuttādivaṇṇanā
