| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
২. অকালচীৰরসিক্খাপদৰণ্ণনা
2. Akālacīvarasikkhāpadavaṇṇanā
যং অত্তনা লদ্ধং, তং নিস্সগ্গিযং হোতীতি যং চীৰরং ভাজাপিতায অত্তনা লদ্ধং, তমেৰ নিস্সগ্গিযং হোতি, তং ৰিনযকম্মং কত্ৰাপি অত্তনা ন লব্ভতি। তেনাহ ‘‘নিস্সট্ঠ’’ন্তিআদি। তত্থ নিস্সট্ঠং পটিলভিত্ৰাপীতি ‘‘অয্যায, দম্মী’’তি এৰং নিস্সট্ঠং পটিলভিত্ৰাপি। যথাদানেযেৰ উপনেতব্বন্তি যথা দাযকেহি দিন্নং, তথেৰ উপনেতব্বং, অকালচীৰরপক্খেযেৰ ঠপেতব্বন্তি ৰুত্তং হোতি।
Yaṃ attanā laddhaṃ, taṃ nissaggiyaṃ hotīti yaṃ cīvaraṃ bhājāpitāya attanā laddhaṃ, tameva nissaggiyaṃ hoti, taṃ vinayakammaṃ katvāpi attanā na labbhati. Tenāha ‘‘nissaṭṭha’’ntiādi. Tattha nissaṭṭhaṃ paṭilabhitvāpīti ‘‘ayyāya, dammī’’ti evaṃ nissaṭṭhaṃ paṭilabhitvāpi. Yathādāneyeva upanetabbanti yathā dāyakehi dinnaṃ, tatheva upanetabbaṃ, akālacīvarapakkheyeva ṭhapetabbanti vuttaṃ hoti.
অকালচীৰরসিক্খাপদৰণ্ণনা নিট্ঠিতা।
Akālacīvarasikkhāpadavaṇṇanā niṭṭhitā.
