| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. агаалажийварасигкаабад̣̇аван̣н̣анаа
3. Akālacīvarasikkhāpadavaṇṇanā
буримасигкаабад̣̇з вияа зд̇т̇ааби бхигкунаад̇и саамиад̇т̇з гаран̣аважананд̇и ааха ‘‘нидтид̇ажийварасмим̣ бхигкунаа’’д̇иаад̣̇и. ‘‘агаалажийварам̣ наама анад̇т̇ад̇з гат̇инз згаад̣̇асамаасз уббаннам̣, ад̇т̇ад̇з гат̇инз сад̇д̇амаасз уббаннам̣, гаалзби аад̣̇исса д̣̇иннам̣, зд̇ам̣ агаалажийварам̣ наамаа’’д̇и (баараа. 500) бад̣̇абхааж̇анияам̣ вуд̇д̇ад̇д̇аа ‘‘явааяам̣ анад̇т̇ад̇з гат̇инз’’д̇иаад̣̇имааха. явааяам̣ жийварагаало вуд̇д̇од̇и самб̣анд̇хо. вассаанассаад̇и вассаанасан̇каад̇асса уд̇уно. бажчимо маасо наама жийварамаасо. д̇асмин̃хи анад̇т̇ад̇зби гат̇инз уббаннам̣ жийварам̣ анад̇хидтид̇ам̣, авигаббид̇ам̣ табзд̇ум̣ ваддад̇и. бан̃жа маасаад̇и бажчимагад̇д̇игамаасо, хзманд̇игаа жад̇д̇ааро жаад̇и бан̃жа маасаа. ан̃н̃ад̣̇аад̇и анад̇т̇ад̇з гат̇инз згаад̣̇асамаасз, ад̇т̇ад̇з гат̇инз сад̇д̇амаасз. гаалзбийд̇и ‘‘анад̇т̇ад̇з гат̇инз жийварамаасо, ад̇т̇ад̇з гат̇инз бан̃жа маасаа’’д̇и яат̇аавуд̇д̇ажийварагаалзби. ‘‘аад̣̇инаа наязнаа’’д̇и иминаа ‘‘д̣̇ад̣̇аами д̣̇аж̇ж̇аамий’’д̇иаад̣̇ийнам̣ (баараа. адта. 2.469) сан̇г̇ахо. гин̃жааби жзд̇аани саб̣б̣аани ‘‘агаалажийвара’’нд̇и вуд̇д̇аани, д̇ат̇ааби бидтисамаязязва уббаннаани ‘‘агаалажийвара’’нд̇и ид̇хаад̇хиббзд̇аани.
Purimasikkhāpade viya etthāpi bhikkhunāti sāmiatthe karaṇavacananti āha ‘‘niṭṭhitacīvarasmiṃ bhikkhunā’’tiādi. ‘‘Akālacīvaraṃ nāma anatthate kathine ekādasamāse uppannaṃ, atthate kathine sattamāse uppannaṃ, kālepi ādissa dinnaṃ, etaṃ akālacīvaraṃ nāmā’’ti (pārā. 500) padabhājaniyaṃ vuttattā ‘‘yvāyaṃ anatthate kathine’’tiādimāha. Yvāyaṃ cīvarakālo vuttoti sambandho. Vassānassāti vassānasaṅkhātassa utuno. Pacchimo māso nāma cīvaramāso. Tasmiñhi anatthatepi kathine uppannaṃ cīvaraṃ anadhiṭṭhitaṃ, avikappitaṃ ṭhapetuṃ vaṭṭati. Pañca māsāti pacchimakattikamāso, hemantikā cattāro cāti pañca māsā. Aññadāti anatthate kathine ekādasamāse, atthate kathine sattamāse. Kālepīti ‘‘anatthate kathine cīvaramāso, atthate kathine pañca māsā’’ti yathāvuttacīvarakālepi. ‘‘Ādinā nayenā’’ti iminā ‘‘dadāmi dajjāmī’’tiādīnaṃ (pārā. aṭṭha. 2.469) saṅgaho. Kiñcāpi cetāni sabbāni ‘‘akālacīvara’’nti vuttāni, tathāpi piṭṭhisamayeyeva uppannāni ‘‘akālacīvara’’nti idhādhippetāni.
‘‘гаалз сан̇гхасса ид̣̇ам̣ агаалажийвара’’нд̇и д̣̇иннам̣ бана агаалажийварасааман̃н̃ад̇о ад̇т̇уд̣̇д̇хааравасзна вуд̇д̇ам̣. яат̇аа бидтисамаяз уббаннам̣ жийварам̣ вудтавассзхи, сзсзхи жа саммукийбхууд̇зхи бхааж̇зд̇ум̣ лаб̣бхад̇ийд̇и агаалажийварам̣ наама ж̇аад̇ам̣, д̇ат̇звид̣̇амбийд̇и д̇ад̣̇ид̣̇ам̣ агаалажийварасааман̃н̃ам̣. яад̣̇и звам̣ ‘‘буг̇г̇аласса ваа ид̣̇ам̣ д̇уяхам̣ ‘д̣̇аммий’д̇иаад̣̇инаа наязна д̣̇инна’’нд̇и гасмаа вуд̇д̇ам̣, на хи буг̇г̇аласса аад̣̇исса д̣̇иннам̣ гзнажи бхааж̇анийяам̣ ход̇ийд̇и? нааяам̣ вирод̇хо, аад̣̇исса д̣̇аанасааман̃н̃ад̇о лаб̣бхамаанамад̇т̇ам̣ д̣̇ассзд̇ум̣ д̇ат̇аа вуд̇д̇анд̇и. ад̇д̇ано ваа д̇ханзнаад̇и ад̇д̇ано габбаасасуд̇д̇аад̣̇инаа д̇ханзна. имасса ‘‘уббаж̇ж̇зяяаа’’д̇и иминаа самб̣анд̇хо взд̣̇ид̇аб̣б̣о. ‘‘сиймааяа д̣̇зд̇ий’’д̇иаад̣̇и буг̇г̇алаад̇хидтаананаязна вуд̇д̇ам̣. зд̇т̇а бана сиймааяа д̣̇аанам̣ згаа маад̇игаа, гад̇игааяа д̣̇аанам̣ д̣̇уд̇ияаа…бз… буг̇г̇аласса д̣̇аанам̣ адтамаа.
‘‘Kāle saṅghassa idaṃ akālacīvara’’nti dinnaṃ pana akālacīvarasāmaññato atthuddhāravasena vuttaṃ. Yathā piṭṭhisamaye uppannaṃ cīvaraṃ vuṭṭhavassehi, sesehi ca sammukhībhūtehi bhājetuṃ labbhatīti akālacīvaraṃ nāma jātaṃ, tathevidampīti tadidaṃ akālacīvarasāmaññaṃ. Yadi evaṃ ‘‘puggalassa vā idaṃ tuyhaṃ ‘dammī’tiādinā nayena dinna’’nti kasmā vuttaṃ, na hi puggalassa ādissa dinnaṃ kenaci bhājanīyaṃ hotīti? Nāyaṃ virodho, ādissa dānasāmaññato labbhamānamatthaṃ dassetuṃ tathā vuttanti. Attano vā dhanenāti attano kappāsasuttādinā dhanena. Imassa ‘‘uppajjeyyā’’ti iminā sambandho veditabbo. ‘‘Sīmāya detī’’tiādi puggalādhiṭṭhānanayena vuttaṃ. Ettha pana sīmāya dānaṃ ekā mātikā, katikāya dānaṃ dutiyā…pe… puggalassa dānaṃ aṭṭhamā.
‘‘баригкзбаарахадтаанзнаа’’д̇и иминаа абаригкид̇д̇асса вихаарасса д̇хувасаннибаад̇адтаанаад̣̇ид̇о батамалзд̣д̣убаад̇асса анд̇о убажаарасиймаад̇и д̣̇ассзд̇и. ид̣̇аани д̣̇уд̇ияалзд̣д̣убаад̇ассаби анд̇о убажаарасиймааязваад̇и д̣̇ассзд̇ум̣ ‘‘абижаа’’д̇иаад̣̇и аарад̣̇д̇хам̣. д̇хувасаннибаад̇адтаанамби сиймаабарияанд̇аг̇ад̇амзва взд̣̇ид̇аб̣б̣ам̣. ааваасз вад̣дханд̇з вад̣дхад̇ийд̇и сажз убажаарад̇о аб̣ахибхууд̇о худ̇ваа ааваасо вад̣дхад̇ийд̇и ад̇хиббааяо. махаабажжарияам̣ бана ‘‘бхигкуусуби вад̣дханд̇зсу вад̣дхад̇ий’’д̇и вуд̇д̇ам̣. ‘‘сажз вихаарз саннибад̇ид̇абхигкуухи сад̣̇д̇хим̣ згааб̣ад̣̇д̇хаа худ̇ваа яож̇анасад̇амби буурзд̇ваа нисийд̣̇анд̇и, яож̇анасад̇амби убажаарасиймаава ход̇и, саб̣б̣зсам̣ лаабхо баабун̣аад̇ий’’д̇и (махаава. адта. 379) саманд̇абаасаад̣̇игааяам̣ вуд̇д̇ам̣. бхигкунийнам̣ аараамабавзсанасзнаасанаабужчанаанийд̇и ааг̇анд̇угаг̇амигаанам̣ бхигкунийнам̣ аараамабавзсанаабужчанам̣, сзнаасанаабужчанан̃жаад̇и ад̇т̇о. д̇ат̇аа хи ааг̇анд̇угааяа бхигкунияаа аараамабавзсанам̣ аабужчид̇аб̣б̣ам̣, г̇амигааяа сан̇гхигам̣ д̣̇асавид̇хам̣ сзнаасанам̣. зд̇т̇а жа гин̃жааби ‘‘бхигкунийна’’нд̇и вуд̇д̇ам̣, г̇амигасса бана бхигкуссааби имиссааязва сиймааяа васзна сзнаасанаабужчанам̣ взд̣̇ид̇аб̣б̣ам̣.
‘‘Parikkhepārahaṭṭhānenā’’ti iminā aparikkhittassa vihārassa dhuvasannipātaṭṭhānādito paṭhamaleḍḍupātassa anto upacārasīmāti dasseti. Idāni dutiyaleḍḍupātassapi anto upacārasīmāyevāti dassetuṃ ‘‘apicā’’tiādi āraddhaṃ. Dhuvasannipātaṭṭhānampi sīmāpariyantagatameva veditabbaṃ. Āvāse vaḍḍhante vaḍḍhatīti sace upacārato abahibhūto hutvā āvāso vaḍḍhatīti adhippāyo. Mahāpaccariyaṃ pana ‘‘bhikkhūsupi vaḍḍhantesu vaḍḍhatī’’ti vuttaṃ. ‘‘Sace vihāre sannipatitabhikkhūhi saddhiṃ ekābaddhā hutvā yojanasatampi pūretvā nisīdanti, yojanasatampi upacārasīmāva hoti, sabbesaṃ lābho pāpuṇātī’’ti (mahāva. aṭṭha. 379) samantapāsādikāyaṃ vuttaṃ. Bhikkhunīnaṃ ārāmapavesanasenāsanāpucchanānīti āgantukagamikānaṃ bhikkhunīnaṃ ārāmapavesanāpucchanaṃ, senāsanāpucchanañcāti attho. Tathā hi āgantukāya bhikkhuniyā ārāmapavesanaṃ āpucchitabbaṃ, gamikāya saṅghikaṃ dasavidhaṃ senāsanaṃ. Ettha ca kiñcāpi ‘‘bhikkhunīna’’nti vuttaṃ, gamikassa pana bhikkhussāpi imissāyeva sīmāya vasena senāsanāpucchanaṃ veditabbaṃ.
бариваасамаанад̇д̇аарожананд̇и баариваасигамаанад̇д̇ажаарийнам̣ бариваасаарожанам̣, маанад̇д̇аарожанан̃жа. вассажчзд̣̇аниссаяасзнаасанаг̇г̇аахаад̣̇ивид̇хаананд̇и вассажчзд̣̇авид̇хаанам̣, ниссаяаг̇г̇аахавид̇хаанам̣, сзнаасанаг̇г̇аахавид̇хаананд̇и ад̇т̇о. аад̣̇исад̣̇д̣̇зна ниссаяабадиббассад̣̇д̇хи, лаабхаг̇г̇аахо ааг̇анд̇угавад̇д̇ам̣ буурзд̇ваа аараамабавзсананд̇и звамаад̣̇игам̣ сан̇г̇ан̣хаад̇и. имиссаава сиймааяа васзнаад̇и убажаарасиймааязваад̇и яат̇аасамбхавам̣ анд̇о, б̣ахи жа имасса саб̣б̣асса лаб̣бханад̇о вуд̇д̇ам̣.
Parivāsamānattārocananti pārivāsikamānattacārīnaṃ parivāsārocanaṃ, mānattārocanañca. Vassacchedanissayasenāsanaggāhādividhānanti vassacchedavidhānaṃ, nissayaggāhavidhānaṃ, senāsanaggāhavidhānanti attho. Ādisaddena nissayapaṭippassaddhi, lābhaggāho āgantukavattaṃ pūretvā ārāmapavesananti evamādikaṃ saṅgaṇhāti. Imissāva sīmāya vasenāti upacārasīmāyevāti yathāsambhavaṃ anto, bahi ca imassa sabbassa labbhanato vuttaṃ.
лаабхад̇т̇ааяа табид̇аа сиймаа лаабхасиймаа (махаава. 379), саа жа ко нзва саммаасамб̣уд̣̇д̇хзна анун̃н̃аад̇аа, на д̇хаммасан̇г̇аахагад̇т̇зрзхи табид̇аа, абижа ко лаабхад̣̇ааяагзхи. д̇знааха ‘‘яам̣ рааж̇арааж̇амахаамад̇д̇аад̣̇аяо’’д̇иаад̣̇и. саманд̇аад̇и вихаарасса саманд̇аа. яанд̇и сун̇гасассаад̣̇и. ‘‘сиймам̣ табзнд̇ий’’д̇и баатасзсо. згасса ран̃н̃о аан̣аабавад̇д̇идтаананд̇и жол̣абхог̇о гзрал̣абхог̇од̇и звам̣ згзгасса ран̃н̃о аан̣аабавад̇д̇идтаанам̣. д̣̇вид̇хаа аабо г̇ад̇о зд̇т̇аад̇и д̣̇ийбо, огхзна анаж̇жход̇т̇ад̇о бхуумибхааг̇о, сова сиймаа д̣̇ийбасиймаа. д̇знааха самуд̣̇д̣̇анд̇знаа’’д̇иаад̣̇и. жаггаваал̣асиймаа жаггаваал̣абаб̣б̣ад̇знзва барижчиннаад̇и ааха ‘‘згажаггаваал̣абаб̣б̣ад̇абаригкзбаб̣бханд̇арам̣ жаггаваал̣асиймаа’’д̇и.
Lābhatthāya ṭhapitā sīmā lābhasīmā (mahāva. 379), sā ca kho neva sammāsambuddhena anuññātā, na dhammasaṅgāhakattherehi ṭhapitā, apica kho lābhadāyakehi. Tenāha ‘‘yaṃ rājarājamahāmattādayo’’tiādi. Samantāti vihārassa samantā. Yanti suṅkasassādi. ‘‘Sīmaṃ ṭhapentī’’ti pāṭhaseso. Ekassa rañño āṇāpavattiṭṭhānanti coḷabhogo keraḷabhogoti evaṃ ekekassa rañño āṇāpavattiṭṭhānaṃ. Dvidhā āpo gato etthāti dīpo, oghena anajjhotthato bhūmibhāgo, sova sīmā dīpasīmā. Tenāha samuddantenā’’tiādi. Cakkavāḷasīmā cakkavāḷapabbateneva paricchinnāti āha ‘‘ekacakkavāḷapabbataparikkhepabbhantaraṃ cakkavāḷasīmā’’ti.
сзсаад̇и кан̣д̣асиймаад̣̇аяо. кан̣д̣асиймааяа д̣̇змаад̇и д̣̇иннанд̇и кан̣д̣асиймааяа гзнажи гаммзна саннибад̇ид̇ам̣ сан̇гхам̣ д̣̇исваа ‘‘кан̣д̣асиймааяам̣ сан̇гхасса д̣̇змаа’’д̇и д̣̇иннам̣. кан̣д̣асиймааяа тид̇з ругкз ваа баб̣б̣ад̇з ваа тид̇оби хздтаа ваа бат̇авивзмаж̇жхаг̇ад̇оби кан̣д̣асиймааязва тид̇од̇и взд̣̇ид̇аб̣б̣о. самаанасам̣ваасасиймааяа д̣̇иннанд̇и ‘‘самаанасам̣ваасасиймааяа д̣̇аммий’’д̇и д̣̇иннам̣. зса наяо сзсзсуби. кан̣д̣асиймаа сийманд̇аригадтаанам̣ на баабун̣аад̇и д̇ад̇т̇а самаанасам̣ваасасиймааяа абхаавад̇од̇и ад̇хиббааяо. самаанасам̣ваасаавиббаваасасиймаасу д̣̇иннасса ид̣̇ам̣ наанаад̇д̇ам̣ – ‘‘авиббаваасасиймааяа д̣̇аммий’’д̇и д̣̇иннам̣ г̇аамадтаанам̣ на баабун̣аад̇и. гасмаа? ‘‘табзд̇ваа г̇ааман̃жа г̇аамуубажааран̃жаа’’д̇и (махаава. 144) вуд̇д̇ад̇д̇аа . ‘‘самаанасам̣ваасасиймааяа д̣̇аммий’’д̇и д̣̇иннам̣ бана г̇аамз тид̇аанамби баабун̣аад̇ийд̇и. аб̣бханд̇арасиймаауд̣̇агугкзбасиймаасу д̣̇иннанд̇и д̇ад̇т̇а убосат̇аад̣̇иад̇т̇ааяа саннибад̇ид̇з д̣̇исваа ‘‘имиссаа аб̣бханд̇арасиймааяа д̣̇змаа’’д̇иаад̣̇инаа д̣̇иннам̣. ж̇анабад̣̇арадтараж̇ж̇ад̣̇ийбажаггаваал̣асиймаасуби г̇аамасиймаад̣̇ийсу вуд̇д̇асад̣̇исова винижчаяод̇и ааха ‘‘ж̇анабад̣̇асиймаад̣̇ийсуу’’д̇иаад̣̇и. згоби г̇анд̇ваа саб̣б̣зсам̣ сан̇г̇ан̣хид̇ум̣ лабхад̇ийд̇и згоби г̇анд̇ваа ид̇ха вассаг̇г̇зна бхааж̇зд̇ваа г̇ахзд̇ваа ааг̇анд̇ум̣ лабхад̇ийд̇и ад̇т̇о. згод̇и сабхааг̇о зго бхигку, аяамби бхааг̇амзва г̇ахзд̇ум̣ лабхад̇и. д̇знааха ‘‘сабхааг̇аанам̣ бхааг̇ам̣ г̇ан̣хаад̇ий’’д̇и.
Sesāti khaṇḍasīmādayo. Khaṇḍasīmāya demāti dinnanti khaṇḍasīmāya kenaci kammena sannipatitaṃ saṅghaṃ disvā ‘‘khaṇḍasīmāyaṃ saṅghassa demā’’ti dinnaṃ. Khaṇḍasīmāya ṭhite rukkhe vā pabbate vā ṭhitopi heṭṭhā vā pathavivemajjhagatopi khaṇḍasīmāyeva ṭhitoti veditabbo. Samānasaṃvāsasīmāya dinnanti ‘‘samānasaṃvāsasīmāya dammī’’ti dinnaṃ. Esa nayo sesesupi. Khaṇḍasīmā sīmantarikaṭṭhānaṃ na pāpuṇāti tattha samānasaṃvāsasīmāya abhāvatoti adhippāyo. Samānasaṃvāsaavippavāsasīmāsu dinnassa idaṃ nānāttaṃ – ‘‘avippavāsasīmāya dammī’’ti dinnaṃ gāmaṭṭhānaṃ na pāpuṇāti. Kasmā? ‘‘Ṭhapetvā gāmañca gāmūpacārañcā’’ti (mahāva. 144) vuttattā . ‘‘Samānasaṃvāsasīmāya dammī’’ti dinnaṃ pana gāme ṭhitānampi pāpuṇātīti. Abbhantarasīmāudakukkhepasīmāsu dinnanti tattha uposathādiatthāya sannipatite disvā ‘‘imissā abbhantarasīmāya demā’’tiādinā dinnaṃ. Janapadaraṭṭharajjadīpacakkavāḷasīmāsupi gāmasīmādīsu vuttasadisova vinicchayoti āha ‘‘janapadasīmādīsū’’tiādi. Ekopi gantvā sabbesaṃ saṅgaṇhituṃ labhatīti ekopi gantvā idha vassaggena bhājetvā gahetvā āgantuṃ labhatīti attho. Ekoti sabhāgo eko bhikkhu, ayampi bhāgameva gahetuṃ labhati. Tenāha ‘‘sabhāgānaṃ bhāgaṃ gaṇhātī’’ti.
звам̣ д̇аава яо сиймам̣ бараамасид̇ваа д̣̇зд̇и, д̇асса д̣̇аанз винижчаяам̣ вад̇ваа ид̣̇аани яо ‘‘асугасиймааяаа’’д̇и вад̇д̇ум̣ на ж̇аанаад̇и, гзвалам̣ ‘‘сиймаа’’д̇и важанамад̇д̇амзва ж̇аананд̇о вихаарам̣ ааг̇анд̇ваа ‘‘сиймааяа д̣̇аммий’’д̇и ваа ‘‘сиймадтагасан̇гхасса д̣̇аммий’’д̇и ваа бхан̣ад̇и, д̇ад̇т̇а винижчаяам̣ д̣̇ассзд̇ум̣ ‘‘яо бана вихаарам̣ бависид̇ваа’’д̇иаад̣̇имааха. гад̇аранд̇и гад̇арасиймам̣. ахамзд̇ам̣ бхзд̣̇ам̣ на ж̇аанаамийд̇и ахам̣ ‘‘асугаа сиймаа’’д̇и зд̇ам̣ вибхааг̇ам̣ на ж̇аанаами. убажаарасиймадтзхи бхааж̇зд̇аб̣б̣ам̣ лаабхасса убажаарасиймааяа барижчиннад̇д̇аад̇и ад̇хиббааяо. саад̇и самааналаабхагад̇игаа.
Evaṃ tāva yo sīmaṃ parāmasitvā deti, tassa dāne vinicchayaṃ vatvā idāni yo ‘‘asukasīmāyā’’ti vattuṃ na jānāti, kevalaṃ ‘‘sīmā’’ti vacanamattameva jānanto vihāraṃ āgantvā ‘‘sīmāya dammī’’ti vā ‘‘sīmaṭṭhakasaṅghassa dammī’’ti vā bhaṇati, tattha vinicchayaṃ dassetuṃ ‘‘yo pana vihāraṃ pavisitvā’’tiādimāha. Kataranti katarasīmaṃ. Ahametaṃ bhedaṃ na jānāmīti ahaṃ ‘‘asukā sīmā’’ti etaṃ vibhāgaṃ na jānāmi. Upacārasīmaṭṭhehi bhājetabbaṃ lābhassa upacārasīmāya paricchinnattāti adhippāyo. Sāti samānalābhakatikā.
яад̇т̇а маяхам̣ д̇хувагаараа гарийяанд̇ийд̇и (махаава. адта. 379) зд̇т̇а яасмим̣ вихаарз д̇асса жийварад̣̇ааяагасса санд̇агам̣ сан̇гхасса баагавад̇д̇ам̣ ваа вад̇д̇ад̇и. яасмим̣ вихаарз бхигкуу ад̇д̇ано бхаарам̣ гад̇ваа сад̣̇аа г̇зхз бхож̇зд̇и, яад̇т̇а ваа анзна ааваасо ваа гаарид̇о, салаагабхад̇д̇аад̣̇ийни ваа ниб̣ад̣̇д̇хаани, имз д̇хувагаараа наама. язна бана сагалоби вихааро бад̇идтаабид̇о, д̇ад̇т̇а вад̇д̇аб̣б̣амзва над̇т̇и. д̇знааха ‘‘яад̇т̇а д̇асса баагавад̇д̇ам̣ ваа вад̇д̇ад̇ий’’д̇иаад̣̇и. д̇ад̇т̇а баагавад̇д̇анд̇и д̣̇аанавад̇д̇ам̣. вад̇д̇ад̇ийд̇и бавад̇д̇ад̇и. яад̇од̇и яасмаа вихаараа. яад̇т̇аад̇и яасмим̣ вихаарз. саб̣б̣ад̇т̇аад̇и саб̣б̣зсу вихаарзсу. маад̇игам̣ ааробзд̇ваад̇и згасмим̣ вихаарз бхигкуу б̣ахуд̇араа, згасмим̣ т̇огад̇араа, зган̃жа вад̇т̇ам̣, д̇хувагаарадтаанан̃жа б̣ахугам̣, гад̇т̇а д̣̇змаад̇и бужчид̇ваа, яад̣̇и бана ман̃жо ваа бийтам̣ ваа згамзва ход̇и, д̇ам̣ бужчид̇ваа яасса ваа вихаарасса, згавихаарзби ваа яасса сзнаасанасса со вижаарзд̇и, д̇ад̇т̇а д̣̇аад̇аб̣б̣ам̣. сажзби ‘‘асугабхигку г̇ан̣хад̇уу’’д̇и вад̣̇ад̇и, ваддад̇и. ат̇а ‘‘маяхам̣ д̇хувагаарз д̣̇зт̇аа’’д̇и вад̇ваа авижаарзд̇ваава г̇ажчад̇и, сан̇гхассаби вижаарзд̇ум̣ ваддад̇и. звам̣ бана вижаарзд̇аб̣б̣ам̣ – ‘‘сан̇гхад̇т̇зрасса васанадтаанз д̣̇зт̇аа’’д̇и вад̇д̇аб̣б̣ам̣. сажз д̇ад̇т̇а сзнаасанам̣ барибун̣н̣ам̣ ход̇и, яад̇т̇а наббаход̇и, д̇ад̇т̇а д̣̇аад̇аб̣б̣ам̣. сажз зго бхигку ‘‘маяхам̣ васанадтаанз сзнаасанабарибхог̇абхан̣д̣ам̣ над̇т̇ий’’д̇и вад̣̇ад̇и, д̇ад̇т̇а д̣̇аад̇аб̣б̣ам̣.
Yattha mayhaṃ dhuvakārā karīyantīti (mahāva. aṭṭha. 379) ettha yasmiṃ vihāre tassa cīvaradāyakassa santakaṃ saṅghassa pākavattaṃ vā vattati. Yasmiṃ vihāre bhikkhū attano bhāraṃ katvā sadā gehe bhojeti, yattha vā anena āvāso vā kārito, salākabhattādīni vā nibaddhāni, ime dhuvakārā nāma. Yena pana sakalopi vihāro patiṭṭhāpito, tattha vattabbameva natthi. Tenāha ‘‘yattha tassa pākavattaṃ vā vattatī’’tiādi. Tattha pākavattanti dānavattaṃ. Vattatīti pavattati. Yatoti yasmā vihārā. Yatthāti yasmiṃ vihāre. Sabbatthāti sabbesu vihāresu. Mātikaṃ āropetvāti ekasmiṃ vihāre bhikkhū bahutarā, ekasmiṃ thokatarā, ekañca vatthaṃ, dhuvakāraṭṭhānañca bahukaṃ, kattha demāti pucchitvā, yadi pana mañco vā pīṭhaṃ vā ekameva hoti, taṃ pucchitvā yassa vā vihārassa, ekavihārepi vā yassa senāsanassa so vicāreti, tattha dātabbaṃ. Sacepi ‘‘asukabhikkhu gaṇhatū’’ti vadati, vaṭṭati. Atha ‘‘mayhaṃ dhuvakāre dethā’’ti vatvā avicāretvāva gacchati, saṅghassapi vicāretuṃ vaṭṭati. Evaṃ pana vicāretabbaṃ – ‘‘saṅghattherassa vasanaṭṭhāne dethā’’ti vattabbaṃ. Sace tattha senāsanaṃ paripuṇṇaṃ hoti, yattha nappahoti, tattha dātabbaṃ. Sace eko bhikkhu ‘‘mayhaṃ vasanaṭṭhāne senāsanaparibhogabhaṇḍaṃ natthī’’ti vadati, tattha dātabbaṃ.
сан̇гхасса д̣̇аммийд̇и д̣̇иннанд̇и ‘‘имаани жийвараани сан̇гхасса д̣̇аммий’’д̇и звам̣ д̣̇иннам̣. д̇ад̇о б̣ахид̣̇д̇хаабийд̇и убажаарасиймаад̇о б̣ахид̣̇д̇хааби. д̇зхи сад̣̇д̇хинд̇и убажаарасиймааг̇ад̇зхи сад̣̇д̇хим̣. згааб̣ад̣̇д̇хаанан̃жа баабун̣аад̇и барисаавасзна вад̣дхид̇аа сиймаа ход̇ийд̇и гад̇ваад̇и ад̇хиббааяо. д̇асмаад̇и яасмаа убажаарасиймааг̇ад̇аанам̣ баабун̣аад̇и, яасмаа жа д̇ад̇о б̣ахид̣̇д̇хааби убажаарасиймогганд̇зхи згааб̣ад̣̇д̇хаанам̣ баабун̣аад̇и, д̇асмаа. д̇зсанд̇и убажаарасиймааг̇ад̇аанам̣, д̇ад̇о б̣ахид̣̇д̇хаа д̇зхи сад̣̇д̇хим̣ згааб̣ад̣̇д̇хаанан̃жа. г̇аахад̇з сад̇ийд̇и анд̇зваасигаад̣̇игз г̇ан̣ханд̇з сад̇и. асамбад̇д̇аанамбийд̇и убажаарасиймааяам̣ тид̇зхи гхан̣дим̣ бахарид̇ваа гаалам̣ гхосзд̇ваа лаабхабхааж̇анадтаанам̣ асамбад̇д̇аанамби убажаарасиймааяа бавидтаанам̣, д̇зхи ваа сад̣̇д̇хим̣ згааб̣ад̣̇д̇хаанам̣ худ̇ваа ад̇д̇ано вихаарад̣̇ваарз ваа анд̇овихаарзязва ваа тид̇аанан̃жаад̇и ад̇т̇о. бхааг̇о д̣̇аад̇аб̣б̣од̇и сан̇гханавагасса д̣̇иннзбийд̇и ад̇хиббааяо. д̣̇уд̇ияабхааг̇з бана т̇зраасанам̣ аарул̣хз ааг̇ад̇аанам̣ батамабхааг̇о на баабун̣аад̇и. д̣̇уд̇ияабхааг̇ад̇о вассаг̇г̇зна д̣̇аад̇аб̣б̣ам̣.
Saṅghassadammīti dinnanti ‘‘imāni cīvarāni saṅghassa dammī’’ti evaṃ dinnaṃ. Tato bahiddhāpīti upacārasīmāto bahiddhāpi. Tehi saddhinti upacārasīmāgatehi saddhiṃ. Ekābaddhānañca pāpuṇāti parisāvasena vaḍḍhitā sīmā hotīti katvāti adhippāyo. Tasmāti yasmā upacārasīmāgatānaṃ pāpuṇāti, yasmā ca tato bahiddhāpi upacārasīmokkantehi ekābaddhānaṃ pāpuṇāti, tasmā. Tesanti upacārasīmāgatānaṃ, tato bahiddhā tehi saddhiṃ ekābaddhānañca. Gāhate satīti antevāsikādike gaṇhante sati. Asampattānampīti upacārasīmāyaṃ ṭhitehi ghaṇṭiṃ paharitvā kālaṃ ghosetvā lābhabhājanaṭṭhānaṃ asampattānampi upacārasīmāya paviṭṭhānaṃ, tehi vā saddhiṃ ekābaddhānaṃ hutvā attano vihāradvāre vā antovihāreyeva vā ṭhitānañcāti attho. Bhāgo dātabboti saṅghanavakassa dinnepīti adhippāyo. Dutiyabhāge pana therāsanaṃ āruḷhe āgatānaṃ paṭhamabhāgo na pāpuṇāti. Dutiyabhāgato vassaggena dātabbaṃ.
сажз бана ‘‘б̣ахиубажаарасиймааяам̣ тид̇аанам̣ д̣̇зт̇аа’’д̇и вад̣̇анд̇и, на д̣̇аад̇аб̣б̣ам̣. яад̣̇и бана вихааро махаа ход̇и, т̇зраасанад̇о бадтааяа вад̇т̇зсу д̣̇ийяамаанзсу аласаж̇аад̇игаа махаат̇зраа бажчаа ааг̇ажчанд̇и, ‘‘бханд̇з, вийсад̇ивассаанам̣ д̣̇ийяад̇и, д̇умхаагам̣ тид̇игаа ад̇игганд̇аа’’д̇и на вад̇д̇аб̣б̣аа. тид̇игам̣ табзд̇ваа д̇зсам̣ д̣̇ад̇ваа бажчаа тид̇игааяа д̣̇аад̇аб̣б̣ам̣.
Sace pana ‘‘bahiupacārasīmāyaṃ ṭhitānaṃ dethā’’ti vadanti, na dātabbaṃ. Yadi pana vihāro mahā hoti, therāsanato paṭṭhāya vatthesu dīyamānesu alasajātikā mahātherā pacchā āgacchanti, ‘‘bhante, vīsativassānaṃ dīyati, tumhākaṃ ṭhitikā atikkantā’’ti na vattabbā. Ṭhitikaṃ ṭhapetvā tesaṃ datvā pacchā ṭhitikāya dātabbaṃ.
‘‘асугавихаарз гира б̣ахужийварам̣ уббанна’’нд̇и суд̇ваа яож̇ананд̇аригавихаарад̇оби бхигкуу ааг̇ажчанд̇и, самбад̇д̇асамбад̇д̇аанам̣ тид̇адтаанад̇о бадтааяа д̣̇аад̇аб̣б̣ам̣, аяамзд̇т̇а сан̇кзбо. вид̇т̇ааро бана саманд̇абаасаад̣̇игааяа жийварагканд̇хагаван̣н̣анааяам̣ (махаава. адта. 379) вуд̇д̇анаязна взд̣̇ид̇аб̣б̣о.
‘‘Asukavihāre kira bahucīvaraṃ uppanna’’nti sutvā yojanantarikavihāratopi bhikkhū āgacchanti, sampattasampattānaṃ ṭhitaṭṭhānato paṭṭhāya dātabbaṃ, ayamettha saṅkhepo. Vitthāro pana samantapāsādikāya cīvarakkhandhakavaṇṇanāyaṃ (mahāva. aṭṭha. 379) vuttanayena veditabbo.
звам̣ вихаарам̣ бависид̇ваа ‘‘имаани жийвараани сан̇гхасса д̣̇аммий’’д̇и д̣̇иннзсу винижчаяам̣ вад̇ваа ид̣̇аани б̣ахиубажаарасиймааяам̣ бхигкум̣ д̣̇исваа ‘‘сан̇гхасса д̣̇аммий’’д̇и д̣̇иннзсу винижчаяам̣ д̣̇ассзд̇ум̣ ‘‘яам̣ банаа’’д̇иаад̣̇и вуд̇д̇ам̣. згааб̣ад̣̇д̇хабарисааяа баабун̣аад̇ийд̇и сажз яож̇анам̣ парид̇ваа барисаа тид̇аа ход̇и, згааб̣ад̣̇д̇хаа жз, саб̣б̣зсам̣ баабун̣аад̇ийд̇и ад̇т̇о. згааб̣ад̣̇д̇хад̇аа жзд̇т̇а д̣̇ваад̣̇асахад̇т̇аб̣бханд̇арад̇о барижчинд̣̇ид̇аб̣б̣аа. д̇знааха ‘‘яз банаа’’д̇иаад̣̇и.
Evaṃ vihāraṃ pavisitvā ‘‘imāni cīvarāni saṅghassa dammī’’ti dinnesu vinicchayaṃ vatvā idāni bahiupacārasīmāyaṃ bhikkhuṃ disvā ‘‘saṅghassa dammī’’ti dinnesu vinicchayaṃ dassetuṃ ‘‘yaṃ panā’’tiādi vuttaṃ. Ekābaddhaparisāya pāpuṇātīti sace yojanaṃ pharitvā parisā ṭhitā hoti, ekābaddhā ce, sabbesaṃ pāpuṇātīti attho. Ekābaddhatā cettha dvādasahatthabbhantarato paricchinditabbā. Tenāha ‘‘ye panā’’tiādi.
убхад̇осан̇гхасса д̣̇иннанд̇и (махаава. адта. 379) ‘‘убхад̇осан̇гхасса д̣̇аммий’’д̇и д̣̇иннам̣. ‘‘д̣̇взд̇хаасан̇гхасса д̣̇амми, д̣̇виннам̣ сан̇гхаанам̣ д̣̇амми, бхигкусан̇гхасса жа бхигкунисан̇гхасса жа д̣̇аммий’’д̇и вуд̇д̇зби убхад̇осан̇гхасса д̣̇иннамзва ход̇и. убад̣дхам̣ бхигкуунам̣, убад̣дхам̣ бхигкунийнам̣ д̣̇аад̇аб̣б̣анд̇и д̣̇вз бхааг̇з самз гад̇ваа зго бхааг̇о бхигкуунам̣, зго бхааг̇о бхигкунийнам̣ д̣̇аад̇аб̣б̣о. г̇ахзд̇ум̣ лабхад̇и убхад̇осан̇гхаг̇г̇ахан̣зна г̇ахид̇ад̇д̇аад̇и ад̇хиббааяо. жзд̇ияассаад̇и т̇уубаад̣̇ино. д̇ан̃хи д̇хаад̇ааяад̇анаад̣̇ибхаавзна жид̇ад̇д̇аа, логасса жид̇д̇ийгаарадтаанад̇ааяа жа ‘‘жзд̇ияа’’нд̇и вужжад̇и. на гожи висзсод̇и ааха ‘‘ид̇ха бана жзд̇ияассаа’’д̇иаад̣̇и.
Ubhatosaṅghassa dinnanti (mahāva. aṭṭha. 379) ‘‘ubhatosaṅghassa dammī’’ti dinnaṃ. ‘‘Dvedhāsaṅghassa dammi, dvinnaṃ saṅghānaṃ dammi, bhikkhusaṅghassa ca bhikkhunisaṅghassa ca dammī’’ti vuttepi ubhatosaṅghassa dinnameva hoti. Upaḍḍhaṃ bhikkhūnaṃ, upaḍḍhaṃ bhikkhunīnaṃ dātabbanti dve bhāge same katvā eko bhāgo bhikkhūnaṃ, eko bhāgo bhikkhunīnaṃ dātabbo. Gahetuṃ labhati ubhatosaṅghaggahaṇena gahitattāti adhippāyo. Cetiyassāti thūpādino. Tañhi dhātāyatanādibhāvena citattā, lokassa cittīkāraṭṭhānatāya ca ‘‘cetiya’’nti vuccati. Na koci visesoti āha ‘‘idha pana cetiyassā’’tiādi.
‘‘убхад̇осан̇гхасса жа д̇уяхан̃жа жзд̇ияасса жаа’’д̇и вуд̇д̇з бана д̣̇ваавийсад̇игодтаасз гад̇ваа д̣̇аса бхигкуунам̣, д̣̇аса бхигкунийнам̣, зго буг̇г̇аласса, зго жзд̇ияасса д̣̇аад̇аб̣б̣о. д̇ад̇т̇а буг̇г̇ало сан̇гхад̇оби ад̇д̇ано вассаг̇г̇зна буна г̇ахзд̇ум̣ лабхад̇и, жзд̇ияасса згоязва. аяам̣ бана вааро яат̇аавуд̇д̇знзва наязна н̃ааяад̇ийд̇и гад̇ваа ид̇ха на вуд̇д̇о. саманд̇абаасаад̣̇игааяам̣ (махаава. адта. 379) бана вуд̇д̇оязва.
‘‘Ubhatosaṅghassa ca tuyhañca cetiyassa cā’’ti vutte pana dvāvīsatikoṭṭhāse katvā dasa bhikkhūnaṃ, dasa bhikkhunīnaṃ, eko puggalassa, eko cetiyassa dātabbo. Tattha puggalo saṅghatopi attano vassaggena puna gahetuṃ labhati, cetiyassa ekoyeva. Ayaṃ pana vāro yathāvutteneva nayena ñāyatīti katvā idha na vutto. Samantapāsādikāyaṃ (mahāva. aṭṭha. 379) pana vuttoyeva.
на маж̇жхз бхинд̣̇ид̇ваа д̣̇аад̇аб̣б̣ам̣ ‘‘бхигкунийна’’нд̇и буг̇г̇алигавасзна вуд̇д̇ад̇д̇аа. буг̇г̇ало висум̣ на лабхад̇ийд̇и буб̣б̣з вияа висум̣ буг̇г̇алигагодтаасам̣ на лабхад̇и. баабун̣анадтаанад̇о згамзва лабхад̇ийд̇и ад̇д̇ано вассаг̇г̇зна бад̇д̇аб̣б̣адтаанад̇о згамзва годтаасам̣ лабхад̇и. гасмаа? бхигкусан̇гхаг̇г̇ахан̣зна г̇ахид̇ад̇д̇аа. ‘‘бхигкусан̇гхасса жа бхигкунийнан̃жа д̇уяхан̃жа жзд̇ияасса жаа’’д̇и вуд̇д̇зби жзд̇ияасса згабуг̇г̇алабадивийсо лаб̣бхад̇и, буг̇г̇аласса висум̣ на лаб̣бхад̇и. д̇асмаа згам̣ жзд̇ияасса д̣̇ад̇ваа авасзсам̣ бхигкуу жа бхигкунияо жа г̇ан̣зд̇ваа бхааж̇зд̇аб̣б̣ам̣. д̇знааха ‘‘жзд̇ияасса жаад̇и вуд̇д̇з банаа’’д̇иаад̣̇и.
Namajjhe bhinditvā dātabbaṃ ‘‘bhikkhunīna’’nti puggalikavasena vuttattā. Puggalo visuṃ na labhatīti pubbe viya visuṃ puggalikakoṭṭhāsaṃ na labhati. Pāpuṇanaṭṭhānato ekameva labhatīti attano vassaggena pattabbaṭṭhānato ekameva koṭṭhāsaṃ labhati. Kasmā? Bhikkhusaṅghaggahaṇena gahitattā. ‘‘Bhikkhusaṅghassa ca bhikkhunīnañca tuyhañca cetiyassa cā’’ti vuttepi cetiyassa ekapuggalapaṭivīso labbhati, puggalassa visuṃ na labbhati. Tasmā ekaṃ cetiyassa datvā avasesaṃ bhikkhū ca bhikkhuniyo ca gaṇetvā bhājetabbaṃ. Tenāha ‘‘cetiyassa cāti vutte panā’’tiādi.
д̇зхи сад̣̇д̇хим̣ буг̇г̇алажзд̇ияабараамасанам̣ ананд̇аранаяасад̣̇исамзваад̇и д̇зхи бхигкуухи бхигкунийхи сад̣̇д̇хим̣ буг̇г̇аласса жа жзд̇ияасса жа г̇ахан̣ам̣ ананд̇аранаяасад̣̇исамзваад̇и ад̇т̇о. ‘‘бхигкуунан̃жа бхигкунийнан̃жа д̇уяхан̃жа, бхигкуунан̃жа бхигкунийнан̃жа жзд̇ияасса жа, бхигкуунан̃жа бхигкунийнан̃жа д̇уяхан̃жа жзд̇ияасса жаа’’д̇и вуд̇д̇зби жзд̇ияасса згабадивийсо лаб̣бхад̇и, буг̇г̇аласса висум̣ над̇т̇и, бхигкуу жа бхигкунияо жа г̇ан̣зд̇ваава бхааж̇зд̇аб̣б̣анд̇и вуд̇д̇ам̣ ход̇и. буг̇г̇аласса висум̣ на лаб̣бхад̇ийд̇и буг̇г̇аласса висум̣ бадивийсо на лаб̣бхад̇и, вассаг̇г̇зна згова лаб̣бхад̇ийд̇и ад̇т̇о. ‘‘бхигкусан̇гхасса жа жзд̇ияасса жаа’’д̇и вуд̇д̇з бана жзд̇ияасса висум̣ бадивийсо лаб̣бхад̇ийд̇и ааха ‘‘жзд̇ияасса бана лаб̣бхад̇ий’’д̇и. ‘‘бхигкусан̇гхасса жа д̇уяхан̃жа жзд̇ияасса жаа’’д̇и вуд̇д̇зби жзд̇ияассзва висум̣ лаб̣бхад̇и, на буг̇г̇аласса. жзд̇ияасса бана лаб̣бхад̇иязваад̇и ‘‘бхигкуунан̃жа жзд̇ияасса жаа’’д̇и вуд̇д̇з бана жзд̇ияасса висум̣ бадивийсо лаб̣бхад̇ийд̇и ад̇т̇о. ‘‘бхигкуунан̃жа д̇уяхан̃жа жзд̇ияасса жаа’’д̇и вуд̇д̇зби жзд̇ияассзва висум̣ лаб̣бхад̇и, на буг̇г̇аласса. бхигкунисан̇гхам̣ аад̣̇им̣ гад̇вааби звамзва яож̇зд̇аб̣б̣ам̣.
Tehi saddhiṃ puggalacetiyaparāmasanaṃ anantaranayasadisamevāti tehi bhikkhūhi bhikkhunīhi saddhiṃ puggalassa ca cetiyassa ca gahaṇaṃ anantaranayasadisamevāti attho. ‘‘Bhikkhūnañca bhikkhunīnañca tuyhañca, bhikkhūnañca bhikkhunīnañca cetiyassa ca, bhikkhūnañca bhikkhunīnañca tuyhañca cetiyassa cā’’ti vuttepi cetiyassa ekapaṭivīso labbhati, puggalassa visuṃ natthi, bhikkhū ca bhikkhuniyo ca gaṇetvāva bhājetabbanti vuttaṃ hoti. Puggalassa visuṃ na labbhatīti puggalassa visuṃ paṭivīso na labbhati, vassaggena ekova labbhatīti attho. ‘‘Bhikkhusaṅghassa ca cetiyassa cā’’ti vutte pana cetiyassa visuṃ paṭivīso labbhatīti āha ‘‘cetiyassa pana labbhatī’’ti. ‘‘Bhikkhusaṅghassa ca tuyhañca cetiyassa cā’’ti vuttepi cetiyasseva visuṃ labbhati, na puggalassa. Cetiyassa pana labbhatiyevāti ‘‘bhikkhūnañca cetiyassa cā’’ti vutte pana cetiyassa visuṃ paṭivīso labbhatīti attho. ‘‘Bhikkhūnañca tuyhañca cetiyassa cā’’ti vuttepi cetiyasseva visuṃ labbhati, na puggalassa. Bhikkhunisaṅghaṃ ādiṃ katvāpi evameva yojetabbaṃ.
зд̇т̇ааха – яам̣ банзд̇арахи (махаава. адта. 379) бан̣д̣ид̇амануссаа сад̇хаад̇угам̣ бадимам̣ ваа жзд̇ияам̣ ваа табзд̇ваа б̣уд̣̇д̇хаббамукасса убхад̇осан̇гхасса д̣̇аанам̣ д̣̇знд̇и, бадимааяа ваа жзд̇ияасса ваа бурад̇о аад̇хаарагз бад̇д̇ам̣ табзд̇ваа д̣̇агкин̣од̣̇агам̣ д̣̇ад̇ваа ‘‘б̣уд̣̇д̇хаанам̣ д̣̇змаа’’д̇и, д̇ад̇т̇а яам̣ батамам̣ каад̣̇анийяам̣ бхож̇анийяам̣ д̣̇знд̇и, вихаарам̣ ваа аахарид̇ваа ‘‘ид̣̇ам̣ жзд̇ияасса д̣̇змаа’’д̇и бин̣д̣абаад̇ан̃жа маалааг̇анд̇хаад̣̇ийни жа д̣̇знд̇и, д̇ад̇т̇а гат̇ам̣ бадибаж̇ж̇ид̇аб̣б̣анд̇и? вужжад̇з – маалааг̇анд̇хаад̣̇ийни д̇аава жзд̇ияз ааробзд̇аб̣б̣аани, вад̇т̇зхи бадаагаа, д̇злзна бад̣̇ийбаа гаад̇аб̣б̣аа, бин̣д̣абаад̇амад̇хупаан̣ид̇аад̣̇ийни бана яо ниб̣ад̣̇д̇хажзд̇ияаж̇аг̇г̇аго ход̇и баб̣б̣аж̇ид̇о ваа г̇ахадто ваа, д̇асса д̣̇аад̇аб̣б̣аани. ниб̣ад̣̇д̇хаж̇аг̇г̇агз асад̇и аахадабхад̇д̇ам̣ табзд̇ваа вад̇д̇ам̣ гад̇ваа барибхун̃ж̇ид̇ум̣ ваддад̇и. убагадтз гаалз бхун̃ж̇ид̇ваа бажчааби вад̇д̇ам̣ гаад̇ум̣ ваддад̇иязва.
Etthāha – yaṃ panetarahi (mahāva. aṭṭha. 379) paṇḍitamanussā sadhātukaṃ paṭimaṃ vā cetiyaṃ vā ṭhapetvā buddhappamukhassa ubhatosaṅghassa dānaṃ denti, paṭimāya vā cetiyassa vā purato ādhārake pattaṃ ṭhapetvā dakkhiṇodakaṃ datvā ‘‘buddhānaṃ demā’’ti, tattha yaṃ paṭhamaṃ khādanīyaṃ bhojanīyaṃ denti, vihāraṃ vā āharitvā ‘‘idaṃ cetiyassa demā’’ti piṇḍapātañca mālāgandhādīni ca denti, tattha kathaṃ paṭipajjitabbanti? Vuccate – mālāgandhādīni tāva cetiye āropetabbāni, vatthehi paṭākā, telena padīpā kātabbā, piṇḍapātamadhuphāṇitādīni pana yo nibaddhacetiyajaggako hoti pabbajito vā gahaṭṭho vā, tassa dātabbāni. Nibaddhajaggake asati āhaṭabhattaṃ ṭhapetvā vattaṃ katvā paribhuñjituṃ vaṭṭati. Upakaṭṭhe kāle bhuñjitvā pacchāpi vattaṃ kātuṃ vaṭṭatiyeva.
маалааг̇анд̇хаад̣̇ийсу жа яам̣ гин̃жи ‘‘ид̣̇ам̣ харид̇ваа жзд̇ияабууж̇ам̣ гарот̇аа’’д̇и вуд̇д̇з д̣̇уурамби харид̇ваа бууж̇зд̇аб̣б̣ам̣. ‘‘бхигкусан̇гхасса хараа’’д̇и вуд̇д̇зби харид̇аб̣б̣ам̣. сажз бана ‘‘ахам̣ бин̣д̣ааяа жараами, аасанасаалааяам̣ бхигкуу ад̇т̇и, д̇з хариссанд̇ий’’д̇и вуд̇д̇з ‘‘бханд̇з, д̇уяхам̣язва д̣̇аммий’’д̇и вад̣̇ад̇и, бхун̃ж̇ид̇ум̣ ваддад̇и. ат̇а бана ‘‘бхигкусан̇гхасса д̣̇ассаамий’’д̇и харанд̇асса г̇ажчад̇о анд̇араава гаало убагадто ход̇и, ад̇д̇ано баабзд̇ваа бхун̃ж̇ид̇ум̣ ваддад̇и.
Mālāgandhādīsu ca yaṃ kiñci ‘‘idaṃ haritvā cetiyapūjaṃ karothā’’ti vutte dūrampi haritvā pūjetabbaṃ. ‘‘Bhikkhusaṅghassa harā’’ti vuttepi haritabbaṃ. Sace pana ‘‘ahaṃ piṇḍāya carāmi, āsanasālāyaṃ bhikkhū atthi, te harissantī’’ti vutte ‘‘bhante, tuyhaṃyeva dammī’’ti vadati, bhuñjituṃ vaṭṭati. Atha pana ‘‘bhikkhusaṅghassa dassāmī’’ti harantassa gacchato antarāva kālo upakaṭṭho hoti, attano pāpetvā bhuñjituṃ vaṭṭati.
вассам̣вудтасан̇гхасса д̣̇аммийд̇и вад̣̇ад̇ийд̇и (махаава. адта. 379) ‘‘вассам̣вудтасан̇гхасса имаани жийвараани д̣̇аммий’’д̇и вад̣̇ад̇и. д̇зсам̣ б̣ахисиймадтаанамби баабун̣аад̇ийд̇и ад̇т̇ад̇з гат̇инз б̣ахисиймадтаанамби яаава гат̇инасса уб̣бхаараа баабун̣аад̇и, д̇асмаа д̣̇исаабагганд̇ассааби сад̇и бадиг̇г̇аахагз д̣̇аад̇аб̣б̣ам̣. анад̇т̇ад̇з бана гат̇инз анд̇охзманд̇з, зван̃жа бана вад̇ваа д̣̇иннам̣ бажчимавассам̣вудтаанамби баабун̣аад̇и. яад̇т̇а гад̇т̇ажийд̇и язсу гзсужи вихаарзсу. звам̣ вад̣̇ад̇ийд̇и ‘‘вассам̣вудтасан̇гхасса д̣̇аммий’’д̇и вад̣̇ад̇и. д̇ад̇ра саммукийбхууд̇аанам̣ саб̣б̣зсам̣ баабун̣аад̇и бидтисамаяз уббаннад̇д̇аа. сажз бана ‘‘вассам̣ васанд̇аанам̣ д̣̇аммий’’д̇и вад̣̇ад̇и, анд̇овассзязва вассам̣ васанд̇аава лабханд̇и, чиннавассаа на лабханд̇и. жийварамаасз бана ‘‘вассам̣ васанд̇аанам̣ д̣̇аммий’’д̇и вуд̇д̇з бажчимигааяа вассуубаг̇ад̇аанам̣язва баабун̣аад̇и, буримигааяа вассуубаг̇ад̇аанан̃жа чиннавассаанан̃жа на баабун̣аад̇и.
Vassaṃvuṭṭhasaṅghassa dammīti vadatīti (mahāva. aṭṭha. 379) ‘‘vassaṃvuṭṭhasaṅghassa imāni cīvarāni dammī’’ti vadati. Tesaṃ bahisīmaṭṭhānampi pāpuṇātīti atthate kathine bahisīmaṭṭhānampi yāva kathinassa ubbhārā pāpuṇāti, tasmā disāpakkantassāpi sati paṭiggāhake dātabbaṃ. Anatthate pana kathine antohemante, evañca pana vatvā dinnaṃ pacchimavassaṃvuṭṭhānampi pāpuṇāti. Yattha katthacīti yesu kesuci vihāresu. Evaṃ vadatīti ‘‘vassaṃvuṭṭhasaṅghassa dammī’’ti vadati. Tatra sammukhībhūtānaṃ sabbesaṃ pāpuṇāti piṭṭhisamaye uppannattā. Sace pana ‘‘vassaṃ vasantānaṃ dammī’’ti vadati, antovasseyeva vassaṃ vasantāva labhanti, chinnavassā na labhanti. Cīvaramāse pana ‘‘vassaṃ vasantānaṃ dammī’’ti vutte pacchimikāya vassūpagatānaṃyeva pāpuṇāti, purimikāya vassūpagatānañca chinnavassānañca na pāpuṇāti.
жийварамаасад̇о бадтааяа яаава хзманд̇асса бажчимо д̣̇ивасо, д̇аава ‘‘вассааваасигам̣ д̣̇змаа’’д̇и вуд̇д̇з гат̇инам̣ ад̇т̇ад̇ам̣ ваа ход̇у, анад̇т̇ад̇ам̣ ваа, ад̇ийд̇авассам̣вудтаанам̣язва баабун̣аад̇и. г̇имхаанам̣ батамад̣̇ивасад̇о бадтааяа вуд̇д̇з бана маад̇игаа ааробзд̇аб̣б̣аа ‘‘ад̇ийд̇авассааваасасса бан̃жа маасаа ад̇игганд̇аа, анааг̇ад̇о жад̇умаасажжаязна бхависсад̇и, гад̇аравассааваасасса д̣̇зсий’’д̇и. сажз ‘‘ад̇ийд̇авассам̣вудтаанам̣ д̣̇аммий’’д̇и вад̣̇ад̇и, д̇ам̣анд̇овассам̣вудтаанамзва баабун̣аад̇и, д̣̇исаа багганд̇аанамби сабхааг̇аа г̇ан̣хид̇ум̣ лабханд̇и.
Cīvaramāsato paṭṭhāya yāva hemantassa pacchimo divaso, tāva ‘‘vassāvāsikaṃ demā’’ti vutte kathinaṃ atthataṃ vā hotu, anatthataṃ vā, atītavassaṃvuṭṭhānaṃyeva pāpuṇāti. Gimhānaṃ paṭhamadivasato paṭṭhāya vutte pana mātikā āropetabbā ‘‘atītavassāvāsassa pañca māsā atikkantā, anāgato catumāsaccayena bhavissati, kataravassāvāsassa desī’’ti. Sace ‘‘atītavassaṃvuṭṭhānaṃ dammī’’ti vadati, taṃantovassaṃvuṭṭhānameva pāpuṇāti, disā pakkantānampi sabhāgā gaṇhituṃ labhanti.
сажз ‘‘анааг̇ад̇з вассааваасигам̣ д̣̇аммий’’д̇и вад̣̇ад̇и, д̇ам̣ табзд̇ваа вассуубанааяигад̣̇ивасз г̇ахзд̇аб̣б̣ам̣. ат̇а ‘‘аг̇уд̇д̇о вихааро, жорабхаяам̣ ад̇т̇и, на саггаа табзд̇ум̣, г̇ан̣хид̇ваа ваа аахин̣д̣ид̇у’’нд̇и вуд̇д̇з ‘‘самбад̇д̇аанам̣ д̣̇аммий’’д̇и вад̣̇ад̇и, бхааж̇зд̇ваа г̇ахзд̇аб̣б̣ам̣. сажз вад̣̇ад̇и ‘‘ид̇о мз, бханд̇з, д̇ад̇ияз вассз вассааваасигам̣ на д̣̇иннам̣, д̇ам̣ д̣̇аммий’’д̇и, д̇асмим̣ анд̇овассз вудтабхигкуунам̣ баабун̣аад̇и. сажз д̇з д̣̇исаа багганд̇аа, ан̃н̃о виссаасиго г̇ан̣хаад̇и, д̣̇аад̇аб̣б̣ам̣. ат̇а згоязва авасидто, сзсаа гаалан̇гад̇аа, саб̣б̣ам̣ згассзва баабун̣аад̇и. сажз згоби над̇т̇и, сан̇гхигам̣ ход̇и, саммукийбхууд̇зхи бхааж̇ид̇аб̣б̣ам̣.
Sace ‘‘anāgate vassāvāsikaṃ dammī’’ti vadati, taṃ ṭhapetvā vassūpanāyikadivase gahetabbaṃ. Atha ‘‘agutto vihāro, corabhayaṃ atthi, na sakkā ṭhapetuṃ, gaṇhitvā vā āhiṇḍitu’’nti vutte ‘‘sampattānaṃ dammī’’ti vadati, bhājetvā gahetabbaṃ. Sace vadati ‘‘ito me, bhante, tatiye vasse vassāvāsikaṃ na dinnaṃ, taṃ dammī’’ti, tasmiṃ antovasse vuṭṭhabhikkhūnaṃ pāpuṇāti. Sace te disā pakkantā, añño vissāsiko gaṇhāti, dātabbaṃ. Atha ekoyeva avasiṭṭho, sesā kālaṅkatā, sabbaṃ ekasseva pāpuṇāti. Sace ekopi natthi, saṅghikaṃ hoti, sammukhībhūtehi bhājitabbaṃ.
язхи ниманд̇ид̇зхи яааг̇у бийд̇аад̇и (махаава. адта. 379) ниманд̇ид̇зхи язхи бхигкуухи яааг̇у бийд̇аа, язхи бана бхигкаажааравад̇д̇зна гхарад̣̇ваарзна г̇ажчанд̇зхи ваа гхарам̣ бавидтзхи ваа яааг̇у лад̣̇д̇хаа, язсам̣ ваа аасанасаалад̇о бад̇д̇ам̣ аахарид̇ваа мануссзхи нийд̇аа, язсам̣ ваа т̇зрзхи бзсид̇аа, д̇зсам̣ на баабун̣аад̇и. сажз бана ниманд̇ид̇абхигкуухи сад̣̇д̇хим̣ ан̃н̃зби б̣ахуу ааг̇анд̇ваа анд̇ог̇зхан̃жа б̣ахиг̇зхан̃жа буурзд̇ваа нисиннаа, д̣̇ааяаго жа звам̣ вад̣̇ад̇и ‘‘ниманд̇ид̇аа ваа хонд̇у, аниманд̇ид̇аа ваа, язсам̣ маяаа яааг̇у д̣̇иннаа, саб̣б̣зсам̣ имаани вад̇т̇аани хонд̇уу’’д̇и, саб̣б̣зсам̣ баабун̣аад̇и. язхи бана т̇зраанам̣ хад̇т̇ад̇о яааг̇у лад̣̇д̇хаа, д̇зсам̣ на баабун̣аад̇и. ат̇а со ‘‘язхи маяхам̣ яааг̇у бийд̇аа, саб̣б̣зсам̣ ход̇уу’’д̇и вад̣̇ад̇и, саб̣б̣зсам̣ баабун̣аад̇и. бхад̇д̇акаж̇ж̇агаад̣̇ийхийд̇и зд̇т̇а аад̣̇исад̣̇д̣̇знаби жийварасзнаасанабхзсаж̇ж̇аанам̣ г̇ахан̣ам̣.
Yehi nimantitehi yāgu pītāti (mahāva. aṭṭha. 379) nimantitehi yehi bhikkhūhi yāgu pītā, yehi pana bhikkhācāravattena gharadvārena gacchantehi vā gharaṃ paviṭṭhehi vā yāgu laddhā, yesaṃ vā āsanasālato pattaṃ āharitvā manussehi nītā, yesaṃ vā therehi pesitā, tesaṃ na pāpuṇāti. Sace pana nimantitabhikkhūhi saddhiṃ aññepi bahū āgantvā antogehañca bahigehañca pūretvā nisinnā, dāyako ca evaṃ vadati ‘‘nimantitā vā hontu, animantitā vā, yesaṃ mayā yāgu dinnā, sabbesaṃ imāni vatthāni hontū’’ti, sabbesaṃ pāpuṇāti. Yehi pana therānaṃ hatthato yāgu laddhā, tesaṃ na pāpuṇāti. Atha so ‘‘yehi mayhaṃ yāgu pītā, sabbesaṃ hotū’’ti vadati, sabbesaṃ pāpuṇāti. Bhattakhajjakādīhīti ettha ādisaddenapi cīvarasenāsanabhesajjānaṃ gahaṇaṃ.
буг̇г̇алассаад̇и (махаава. адта. 379) саммукаасаммукабхууд̇асса буг̇г̇аласса. д̇знааха ‘‘ид̣̇ам̣ жийвара’’нд̇иаад̣̇и. сажз бана ‘‘ид̣̇ам̣ д̇умхааган̃жзва д̇умхаагам̣ анд̇зваасигаанан̃жа д̣̇аммий’’д̇и звам̣ вад̣̇ад̇и, т̇зрасса жа анд̇зваасигаанан̃жа баабун̣аад̇и. уд̣̇д̣̇зсам̣ г̇ахзд̇ум̣ ааг̇ад̇о, г̇ахзд̇ваа г̇ажчанд̇о жа ад̇т̇и, д̇ассааби баабун̣аад̇и. д̇умхзхи сад̣̇д̇хим̣ ниб̣ад̣̇д̇хажааригабхигкуунам̣ д̣̇аммий’’д̇и вуд̇д̇з уд̣̇д̣̇зсанд̇зваасигаанам̣ вад̇д̇ам̣ гад̇ваа уд̣̇д̣̇зсабарибужчаад̣̇ийни г̇ахзд̇ваа вижаранд̇аанам̣ саб̣б̣зсам̣ баабун̣аад̇и. зд̇т̇аад̇и адтасу маад̇игаасу. яад̣̇и бана аяамзд̇т̇а сан̇кзбагат̇аа, вид̇т̇ааро бана гат̇ам̣ н̃аад̇аб̣б̣од̇и ааха ‘‘саманд̇абаасаад̣̇игааяам̣ вуд̇д̇о’’д̇и. саманд̇абаасаад̣̇игааяам̣ жийварагканд̇хагаван̣н̣анааяам̣ (махаава. адта. 379) вуд̇д̇од̇и ад̇т̇о.
Puggalassāti (mahāva. aṭṭha. 379) sammukhāsammukhabhūtassa puggalassa. Tenāha ‘‘idaṃ cīvara’’ntiādi. Sace pana ‘‘idaṃ tumhākañceva tumhākaṃ antevāsikānañca dammī’’ti evaṃ vadati, therassa ca antevāsikānañca pāpuṇāti. Uddesaṃ gahetuṃ āgato, gahetvā gacchanto ca atthi, tassāpi pāpuṇāti. Tumhehi saddhiṃ nibaddhacārikabhikkhūnaṃ dammī’’ti vutte uddesantevāsikānaṃ vattaṃ katvā uddesaparipucchādīni gahetvā vicarantānaṃ sabbesaṃ pāpuṇāti. Etthāti aṭṭhasu mātikāsu. Yadi pana ayamettha saṅkhepakathā, vitthāro pana kathaṃ ñātabboti āha ‘‘samantapāsādikāyaṃ vutto’’ti. Samantapāsādikāyaṃ cīvarakkhandhakavaṇṇanāyaṃ (mahāva. aṭṭha. 379) vuttoti attho.
‘‘н̃аад̇агзхи ваа мз жийварад̇т̇ааяа бзсид̇ам̣, мид̇д̇зхи ваа бзсид̇ам̣, д̇з аабхад̇з жийварз д̣̇ассанд̇ий’’д̇и звам̣ н̃аад̇ид̇о ваа мид̇д̇ад̇о ваа бажжаасаа ход̇ийд̇и взд̣̇ид̇аб̣б̣ам̣. габбияабхан̣д̣знаад̇и габбаасасуд̇д̇аад̣̇инаа ад̇д̇ано д̇ханзна. сан̣ханд̇и сукумам̣. ан̃н̃ам̣ бажжаасаажийварам̣ лабхид̇ваа зва гаалаб̣бханд̇арз гаарзд̇аб̣б̣анд̇и ан̃н̃ам̣ муулажийварасад̣̇исам̣ бажжаасаажийварам̣ лабхид̇вааязва маасаб̣бханд̇арз гаарзд̇аб̣б̣ам̣. д̇ан̃жа ко сад̇ияааязва бажжаасааяа, асад̇ияаа бана бажжаасааяа муулажийварам̣ д̣̇асаахам̣ жз самбад̇д̇ам̣, д̇ад̣̇ахзва ад̇хидтаад̇аб̣б̣ам̣. д̇знааха ‘‘сажз на лабхад̇ий’’д̇иаад̣̇и. бажжаасаажийварамби баригкааражол̣ам̣ ад̇хидтаад̇аб̣б̣анд̇и батамад̇арам̣ уббаннам̣ т̇уулабажжаасаажийварамби санд̇хааяа вуд̇д̇ам̣. би-сад̣̇д̣̇зна на гзвалам̣ муулажийварамзваад̇и д̣̇ассзд̇и.
‘‘Ñātakehi vā me cīvaratthāya pesitaṃ, mittehi vā pesitaṃ, te ābhate cīvare dassantī’’ti evaṃ ñātito vā mittato vā paccāsā hotīti veditabbaṃ. Kappiyabhaṇḍenāti kappāsasuttādinā attano dhanena. Saṇhanti sukhumaṃ. Aññaṃ paccāsācīvaraṃ labhitvā eva kālabbhantare kāretabbanti aññaṃ mūlacīvarasadisaṃ paccāsācīvaraṃ labhitvāyeva māsabbhantare kāretabbaṃ. Tañca kho satiyāyeva paccāsāya, asatiyā pana paccāsāya mūlacīvaraṃ dasāhaṃ ce sampattaṃ, tadaheva adhiṭṭhātabbaṃ. Tenāha ‘‘sace na labhatī’’tiādi. Paccāsācīvarampi parikkhāracoḷaṃ adhiṭṭhātabbanti paṭhamataraṃ uppannaṃ thūlapaccāsācīvarampi sandhāya vuttaṃ. Pi-saddena na kevalaṃ mūlacīvaramevāti dasseti.
агаалажийварасигкаабад̣̇аван̣н̣анаа нидтид̇аа.
Akālacīvarasikkhāpadavaṇṇanā niṭṭhitā.
