| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
3. агаалажийварасигкаабад̣̇аван̣н̣анаа
3. Akālacīvarasikkhāpadavaṇṇanā
абаригкид̇д̇асса баригкзбаарахадтаанасса д̣̇уб̣б̣иж̇аанад̇д̇аа д̇ам̣ д̣̇ассзд̇ум̣ ‘‘абижа бхигкууна’’нд̇иаад̣̇и вуд̇д̇ам̣. вихаарабарияанд̇з нивидтад̇хувасаннибаад̇адтаанад̇о ваа барияанд̇з тид̇абхож̇анасаалад̇о ваа ниб̣ад̣̇д̇хавасанагаааваасад̇о ваад̇и звам̣ г̇ахзд̇аб̣б̣ам̣. сажз вихаарз саннибад̇ид̇абхигкуухи сад̣̇д̇хим̣ згааб̣ад̣̇д̇хаа худ̇ваа яож̇анасад̇амби буурзд̇ваа нисийд̣̇анд̇и, яож̇анасад̇амби убажаарасиймаа ход̇ийд̇и ад̇т̇о. ‘‘самаанасам̣ваасагасиймааяаа’’д̇и вуд̇д̇з кан̣д̣асиймаад̣̇ийсу тид̇аанам̣ на баабун̣аад̇и, д̇аасам̣ висум̣ самаанасам̣ваасагасиймад̇д̇аад̇и жа самаанасам̣ваасагаавиббаваасасиймаанам̣ ид̣̇ам̣ наанад̇д̇ам̣. ‘‘авиббаваасасиймааяа д̣̇аммий’’д̇и д̣̇иннам̣ бана г̇аамз тид̇аанам̣ на баабун̣аад̇и. гасмаа? ‘‘табзд̇ваа г̇ааман̃жа г̇аамуубажааран̃жаа’’д̇и (махаава. 144) важанад̇о. ‘‘самаанасам̣ваасагасиймааяаа’’д̇и д̣̇иннам̣ бана яасмим̣ таанз авиббаваасасиймаа ад̇т̇и, д̇ад̇т̇а тид̇аанамби. ‘‘д̇ад̇ра тид̇аанан̃жа баабун̣аад̇ий’’д̇и жа, ‘‘кан̣д̣асиймааяам̣ тад̇ваа ‘сиймадтагасан̇гхо г̇ан̣хаад̇уу’д̇и вуд̇д̇з убажаарасиймааяа зва барижчинд̣̇ид̇ваа д̣̇аад̇аб̣б̣а’’нд̇и жа, ‘‘д̇зсам̣ б̣ахисиймадтаанамби баабун̣аад̇и яаава гат̇инассуб̣бхаараад̇и ад̇т̇о’’д̇и жа, ‘‘анад̇т̇ад̇з бана гат̇инз анд̇охзманд̇з сажз вихаарам̣ бависид̇ваа ‘вассам̣вудтасан̇гхасса д̣̇аммий’д̇и вад̣̇ад̇и, яз д̇ад̇т̇а вассажчзд̣̇ам̣ агад̇ваа бажчимавассам̣вудтаа, д̇зсам̣ б̣ахисиймадтаанамби баабун̣аад̇ий’’д̇и винаяад̇хараа барижчинд̣̇анд̇и, адтагат̇ааяам̣ бана анааг̇ад̇ам̣. д̇асмаа саманд̇абаасаад̣̇игааяам̣ ‘‘лагкан̣ан̃н̃уу вад̣̇анд̇ий’’д̇и (махаава. адта. 379) вуд̇д̇анд̇и жа, ‘‘‘жийварамаасад̇о бадтааяа яаава хзманд̇асса бажчимо д̣̇ивасо, д̇аава вассааваасигам̣ д̣̇змаа’д̇и вуд̇д̇з гат̇инам̣ ад̇т̇ад̇ам̣ ваа ход̇у, анад̇т̇ад̇ам̣ ваад̇и яам̣ саманд̇абаасаад̣̇игааважанам̣ (махаава. адта. 379), зд̇т̇ааби яад̣̇и ад̇т̇ад̇ам̣, буримавассам̣вудтаа бан̃жа маасз. яад̣̇и анад̇т̇ад̇ам̣, бажчимавассам̣вудтаа жад̇д̇ааро маасз лабханд̇ийд̇и винижчаяо’’д̇и жа ликид̇ам̣.
Aparikkhittassa parikkhepārahaṭṭhānassa dubbijānattā taṃ dassetuṃ ‘‘apica bhikkhūna’’ntiādi vuttaṃ. Vihārapariyante niviṭṭhadhuvasannipātaṭṭhānato vā pariyante ṭhitabhojanasālato vā nibaddhavasanakaāvāsato vāti evaṃ gahetabbaṃ. Sace vihāre sannipatitabhikkhūhi saddhiṃ ekābaddhā hutvā yojanasatampi pūretvā nisīdanti, yojanasatampi upacārasīmā hotīti attho. ‘‘Samānasaṃvāsakasīmāyā’’ti vutte khaṇḍasīmādīsu ṭhitānaṃ na pāpuṇāti, tāsaṃ visuṃ samānasaṃvāsakasīmattāti ca samānasaṃvāsakaavippavāsasīmānaṃ idaṃ nānattaṃ. ‘‘Avippavāsasīmāya dammī’’ti dinnaṃ pana gāme ṭhitānaṃ na pāpuṇāti. Kasmā? ‘‘Ṭhapetvā gāmañca gāmūpacārañcā’’ti (mahāva. 144) vacanato. ‘‘Samānasaṃvāsakasīmāyā’’ti dinnaṃ pana yasmiṃ ṭhāne avippavāsasīmā atthi, tattha ṭhitānampi. ‘‘Tatra ṭhitānañca pāpuṇātī’’ti ca, ‘‘khaṇḍasīmāyaṃ ṭhatvā ‘sīmaṭṭhakasaṅgho gaṇhātū’ti vutte upacārasīmāya eva paricchinditvā dātabba’’nti ca, ‘‘tesaṃ bahisīmaṭṭhānampi pāpuṇāti yāva kathinassubbhārāti attho’’ti ca, ‘‘anatthate pana kathine antohemante sace vihāraṃ pavisitvā ‘vassaṃvuṭṭhasaṅghassa dammī’ti vadati, ye tattha vassacchedaṃ akatvā pacchimavassaṃvuṭṭhā, tesaṃ bahisīmaṭṭhānampi pāpuṇātī’’ti vinayadharā paricchindanti, aṭṭhakathāyaṃ pana anāgataṃ. Tasmā samantapāsādikāyaṃ ‘‘lakkhaṇaññū vadantī’’ti (mahāva. aṭṭha. 379) vuttanti ca, ‘‘‘cīvaramāsato paṭṭhāya yāva hemantassa pacchimo divaso, tāva vassāvāsikaṃ demā’ti vutte kathinaṃ atthataṃ vā hotu, anatthataṃ vāti yaṃ samantapāsādikāvacanaṃ (mahāva. aṭṭha. 379), etthāpi yadi atthataṃ, purimavassaṃvuṭṭhā pañca māse. Yadi anatthataṃ, pacchimavassaṃvuṭṭhā cattāro māse labhantīti vinicchayo’’ti ca likhitaṃ.
‘‘язхи маяхам̣ яааг̇у бийд̇аад̇и язхи ниманд̇ид̇зхи маяхам̣ яааг̇у бийд̇аад̇и ад̇хиббааяо. д̇асмаа язхи ниманд̇ид̇зхи яааг̇у бийд̇аа, д̇зсам̣язва баабун̣аад̇ийд̇и вуд̇д̇ам̣. ан̃н̃ат̇аа ‘язхи маяхам̣ яааг̇у бийд̇аа’д̇и вуд̇д̇з ниманд̇ид̇аа ваа хонд̇у, аниманд̇ид̇аа ваа, язхи бийд̇аа, д̇зсам̣ баабун̣ид̇аб̣б̣ааний’’д̇и вад̣̇анд̇и. зд̇т̇а ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и вад̣̇анд̇о н̃аабзд̇и зд̇т̇анд̇арз д̇ин̣н̣амби агаалажийвараанам̣ уббад̇д̇иабхааванд̇и. гасмаа бана бад̣̇абхааж̇анз вид̇т̇аарид̇аанийд̇и? вужжад̇з – ид̣̇ам̣ бана сигкаабад̣̇ам̣ ад̇хидтаанам̣ санд̇хааяа на вуд̇д̇ам̣ гинд̇у батамасигкаабад̣̇з д̣̇асаахабарамам̣ ануж̇аанид̇ваа д̇асмим̣ аббахонд̇з сажз бажжаасаа ад̇т̇и, д̇амзва вад̣дхзд̇ваа маасамануж̇аананд̇о имамби ад̇т̇ависзсам̣ д̣̇ийбзд̇и. агаалажийварам̣ наама саммукийбхууд̇зна бхааж̇зд̇аб̣б̣ам̣. д̇ам̣ бана ‘‘ааган̇камаанзна бхигкунаа бадиг̇г̇ахзд̇аб̣б̣а’’нд̇и иминаа сигкаабад̣̇зна вад̣дхзд̇ваа вуд̇д̇анд̇и. д̇асмаа д̇ийн̣иби бад̣̇абхааж̇анз вид̇т̇аарид̇аанийд̇и.
‘‘Yehi mayhaṃ yāgu pītāti yehi nimantitehi mayhaṃ yāgu pītāti adhippāyo. Tasmā yehi nimantitehi yāgu pītā, tesaṃyeva pāpuṇātīti vuttaṃ. Aññathā ‘yehi mayhaṃ yāgu pītā’ti vutte nimantitā vā hontu, animantitā vā, yehi pītā, tesaṃ pāpuṇitabbānī’’ti vadanti. Ettha ‘‘niṭṭhitacīvarasmiṃ bhikkhunā ubbhatasmiṃ kathine’’ti vadanto ñāpeti etthantare tiṇṇampi akālacīvarānaṃ uppattiabhāvanti. Kasmā pana padabhājane vitthāritānīti? Vuccate – idaṃ pana sikkhāpadaṃ adhiṭṭhānaṃ sandhāya na vuttaṃ kintu paṭhamasikkhāpade dasāhaparamaṃ anujānitvā tasmiṃ appahonte sace paccāsā atthi, tameva vaḍḍhetvā māsamanujānanto imampi atthavisesaṃ dīpeti. Akālacīvaraṃ nāma sammukhībhūtena bhājetabbaṃ. Taṃ pana ‘‘ākaṅkhamānena bhikkhunā paṭiggahetabba’’nti iminā sikkhāpadena vaḍḍhetvā vuttanti. Tasmā tīṇipi padabhājane vitthāritānīti.
‘‘киббамзва гаарзд̇аб̣б̣анд̇и сийгхам̣ анд̇од̣̇асаахзязва гаарзд̇аб̣б̣а’’нд̇и ид̣̇ам̣ бана бахонагабхаавз буримасигкаабад̣̇алагкан̣знаад̇и д̣̇ийбзд̇ум̣ вуд̇д̇ам̣. д̇асмаа звам̣ ‘‘сийгха’’нд̇и ваа ‘‘лаху’’нд̇и ваа аад̣̇инаа авад̇вааби ‘‘д̣̇асаахаа’’д̇и вуд̇д̇анд̇и. ад̇т̇ад̇агат̇инасса звам̣ ход̇у, анад̇т̇ад̇з бана гат̇инз гат̇анд̇и вуд̇д̇з анад̇т̇ад̇асса бадигкзбад̇ам̣ д̣̇ассзд̇ийд̇и вуд̇д̇о абассанд̇о вигхаад̇ам̣ аабаж̇ж̇ад̇ийд̇и (важ̇ира. дий. баарааж̇ига 499-500) ликид̇ам̣.
‘‘Khippameva kāretabbanti sīghaṃ antodasāheyeva kāretabba’’nti idaṃ pana pahonakabhāve purimasikkhāpadalakkhaṇenāti dīpetuṃ vuttaṃ. Tasmā evaṃ ‘‘sīgha’’nti vā ‘‘lahu’’nti vā ādinā avatvāpi ‘‘dasāhā’’ti vuttanti. Atthatakathinassa evaṃ hotu, anatthate pana kathine kathanti vutte anatthatassa paṭikkhepataṃ dassetīti vutto apassanto vighātaṃ āpajjatīti (vajira. ṭī. pārājika 499-500) likhitaṃ.
агаалажийварасигкаабад̣̇аван̣н̣анаа нидтид̇аа.
Akālacīvarasikkhāpadavaṇṇanā niṭṭhitā.
