| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
២. អកាលចីវរសិក្ខាបទវណ្ណនា
2. Akālacīvarasikkhāpadavaṇṇanā
យំ អត្តនា លទ្ធំ, តំ និស្សគ្គិយំ ហោតីតិ យំ ចីវរំ ភាជាបិតាយ អត្តនា លទ្ធំ, តមេវ និស្សគ្គិយំ ហោតិ, តំ វិនយកម្មំ កត្វាបិ អត្តនា ន លព្ភតិ។ តេនាហ ‘‘និស្សដ្ឋ’’ន្តិអាទិ។ តត្ថ និស្សដ្ឋំ បដិលភិត្វាបីតិ ‘‘អយ្យាយ, ទម្មី’’តិ ឯវំ និស្សដ្ឋំ បដិលភិត្វាបិ។ យថាទានេយេវ ឧបនេតព្ពន្តិ យថា ទាយកេហិ ទិន្នំ, តថេវ ឧបនេតព្ពំ, អកាលចីវរបក្ខេយេវ ឋបេតព្ពន្តិ វុត្តំ ហោតិ។
Yaṃ attanā laddhaṃ, taṃ nissaggiyaṃ hotīti yaṃ cīvaraṃ bhājāpitāya attanā laddhaṃ, tameva nissaggiyaṃ hoti, taṃ vinayakammaṃ katvāpi attanā na labbhati. Tenāha ‘‘nissaṭṭha’’ntiādi. Tattha nissaṭṭhaṃ paṭilabhitvāpīti ‘‘ayyāya, dammī’’ti evaṃ nissaṭṭhaṃ paṭilabhitvāpi. Yathādāneyeva upanetabbanti yathā dāyakehi dinnaṃ, tatheva upanetabbaṃ, akālacīvarapakkheyeva ṭhapetabbanti vuttaṃ hoti.
អកាលចីវរសិក្ខាបទវណ្ណនា និដ្ឋិតា។
Akālacīvarasikkhāpadavaṇṇanā niṭṭhitā.
