| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၂. အကာလစီဝရသိက္ခာပဒဝဏ္ဏနာ
2. Akālacīvarasikkhāpadavaṇṇanā
ယံ အတ္တနာ လဒ္ဓံ, တံ နိသ္သဂ္ဂိယံ ဟောတီတိ ယံ စီဝရံ ဘာဇာပိတာယ အတ္တနာ လဒ္ဓံ, တမေဝ နိသ္သဂ္ဂိယံ ဟောတိ, တံ ဝိနယကမ္မံ ကတ္ဝာပိ အတ္တနာ န လဗ္ဘတိ။ တေနာဟ ‘‘နိသ္သဋ္ဌ’’န္တိအာဒိ။ တတ္ထ နိသ္သဋ္ဌံ ပဋိလဘိတ္ဝာပီတိ ‘‘အယ္ယာယ, ဒမ္မီ’’တိ ဧဝံ နိသ္သဋ္ဌံ ပဋိလဘိတ္ဝာပိ။ ယထာဒာနေယေဝ ဥပနေတဗ္ဗန္တိ ယထာ ဒာယကေဟိ ဒိန္နံ, တထေဝ ဥပနေတဗ္ဗံ, အကာလစီဝရပက္ခေယေဝ ဌပေတဗ္ဗန္တိ ဝုတ္တံ ဟောတိ။
Yaṃ attanā laddhaṃ, taṃ nissaggiyaṃ hotīti yaṃ cīvaraṃ bhājāpitāya attanā laddhaṃ, tameva nissaggiyaṃ hoti, taṃ vinayakammaṃ katvāpi attanā na labbhati. Tenāha ‘‘nissaṭṭha’’ntiādi. Tattha nissaṭṭhaṃ paṭilabhitvāpīti ‘‘ayyāya, dammī’’ti evaṃ nissaṭṭhaṃ paṭilabhitvāpi. Yathādāneyeva upanetabbanti yathā dāyakehi dinnaṃ, tatheva upanetabbaṃ, akālacīvarapakkheyeva ṭhapetabbanti vuttaṃ hoti.
အကာလစီဝရသိက္ခာပဒဝဏ္ဏနာ နိဋ္ဌိတာ။
Akālacīvarasikkhāpadavaṇṇanā niṭṭhitā.
