| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. агааламаран̣абан̃хо
6. Akālamaraṇapañho
6. ‘‘бханд̇з нааг̇асзна, яз д̇з сад̇д̇аа маранд̇и, саб̣б̣з д̇з гаалз язва маранд̇и, уд̣̇ааху агаалзби маранд̇ий’’д̇и? ‘‘ад̇т̇и, махаарааж̇а, гаалзби маран̣ам̣, ад̇т̇и агаалзби маран̣а’’нд̇и.
6. ‘‘Bhante nāgasena, ye te sattā maranti, sabbe te kāle yeva maranti, udāhu akālepi marantī’’ti? ‘‘Atthi, mahārāja, kālepi maraṇaṃ, atthi akālepi maraṇa’’nti.
‘‘бханд̇з нааг̇асзна, гз гаалз маранд̇и, гз агаалз маранд̇ий’’д̇и? ‘‘д̣̇идтабуб̣б̣аа бана, махаарааж̇а, д̇аяаа амб̣аругкаа ваа ж̇амб̣уругкаа ваа, ан̃н̃асмаа ваа бана паларугкаа палаани бад̇анд̇аани аамаани жа баггаани жаа’’д̇и? ‘‘аама, бханд̇з’’д̇и. ‘‘яаани д̇аани, махаарааж̇а, палаани ругкад̇о бад̇анд̇и, саб̣б̣аани д̇аани гаалз язва бад̇анд̇и, уд̣̇ааху агаалзбий’’д̇и? ‘‘яаани д̇аани, бханд̇з нааг̇асзна, палаани барибаггаани вилийнаани бад̇анд̇и, саб̣б̣аани д̇аани гаалз бад̇анд̇и. яаани бана д̇аани авасзсаани палаани д̇зсу гаанижи гимивид̣̇д̇хаани бад̇анд̇и, гаанижи лаг̇ул̣ахад̇аани 1 бад̇анд̇и, гаанижи ваад̇аббахад̇аани бад̇анд̇и, гаанижи анд̇обууд̇игаани худ̇ваа бад̇анд̇и, саб̣б̣аани д̇аани агаалз бад̇анд̇ий’’д̇и. ‘‘звамзва ко, махаарааж̇а, яз д̇з ж̇араавзг̇ахад̇аа маранд̇и, д̇з язва гаалз маранд̇и, авасзсаа гзжи гаммаббадиб̣аал̣хаа маранд̇и, гзжи г̇ад̇иббадиб̣аал̣хаа маранд̇и, гзжи гирияаббадиб̣аал̣хаа маранд̇ий’’д̇и.
‘‘Bhante nāgasena, ke kāle maranti, ke akāle marantī’’ti? ‘‘Diṭṭhapubbā pana, mahārāja, tayā ambarukkhā vā jamburukkhā vā, aññasmā vā pana phalarukkhā phalāni patantāni āmāni ca pakkāni cā’’ti? ‘‘Āma, bhante’’ti. ‘‘Yāni tāni, mahārāja, phalāni rukkhato patanti, sabbāni tāni kāle yeva patanti, udāhu akālepī’’ti? ‘‘Yāni tāni, bhante nāgasena, phalāni paripakkāni vilīnāni patanti, sabbāni tāni kāle patanti. Yāni pana tāni avasesāni phalāni tesu kānici kimividdhāni patanti, kānici laguḷahatāni 2 patanti, kānici vātappahatāni patanti, kānici antopūtikāni hutvā patanti, sabbāni tāni akāle patantī’’ti. ‘‘Evameva kho, mahārāja, ye te jarāvegahatā maranti, te yeva kāle maranti, avasesā keci kammappaṭibāḷhā maranti, keci gatippaṭibāḷhā maranti, keci kiriyappaṭibāḷhā marantī’’ti.
‘‘бханд̇з нааг̇асзна, яз д̇з гаммаббадиб̣аал̣хаа маранд̇и, язби д̇з г̇ад̇иббадиб̣аал̣хаа маранд̇и, язби д̇з гирияаббадиб̣аал̣хаа маранд̇и, язби д̇з ж̇араавзг̇аббадиб̣аал̣хаа маранд̇и, саб̣б̣з д̇з гаалз язва маранд̇и, яоби маад̇угужчиг̇ад̇о марад̇и, со д̇асса гаало, гаалз язва со марад̇и. яоби виж̇аад̇агхарз марад̇и, со д̇асса гаало , соби гаалз язва марад̇и. яоби маасиго марад̇и…бз… яоби вассасад̇иго марад̇и, со д̇асса гаало, гаалз язва со марад̇и, д̇зна хи, бханд̇з нааг̇асзна, агаалз маран̣ам̣ наама на ход̇и, яз гзжи маранд̇и, саб̣б̣з д̇з гаалз язва маранд̇ий’’д̇и.
‘‘Bhante nāgasena, ye te kammappaṭibāḷhā maranti, yepi te gatippaṭibāḷhā maranti, yepi te kiriyappaṭibāḷhā maranti, yepi te jarāvegappaṭibāḷhā maranti, sabbe te kāle yeva maranti, yopi mātukucchigato marati, so tassa kālo, kāle yeva so marati. Yopi vijātaghare marati, so tassa kālo , sopi kāle yeva marati. Yopi māsiko marati…pe… yopi vassasatiko marati, so tassa kālo, kāle yeva so marati, tena hi, bhante nāgasena, akāle maraṇaṃ nāma na hoti, ye keci maranti, sabbe te kāle yeva marantī’’ti.
‘‘сад̇д̇имз , махаарааж̇а, виж̇ж̇амаанзби уд̇д̇арим̣ ааяусмим̣ агаалз маранд̇и. гад̇амз сад̇д̇а? ж̇игхажчид̇о, махаарааж̇а, бхож̇анам̣ алабхамаано убахад̇аб̣бханд̇аро виж̇ж̇амаанзби уд̇д̇арим̣ ааяусмим̣ агаалз марад̇и, бибаасид̇о, махаарааж̇а, баанийяам̣ алабхамаано барисугкахад̣̇аяо виж̇ж̇амаанзби уд̇д̇арим̣ ааяусмим̣ агаалз марад̇и, ахинаа д̣̇адто, махаарааж̇а, висавзг̇аабхихад̇о д̇игижчагам̣ алабхамаано виж̇ж̇амаанзби уд̇д̇арим̣ ааяусмим̣ агаалз марад̇и, висамаасид̇о, махаарааж̇а, д̣аяханд̇зсу ан̇г̇абажжан̇г̇зсу аг̇ад̣̇ам̣ алабхамаано виж̇ж̇амаанзби уд̇д̇арим̣ ааяусмим̣ агаалз марад̇и, аг̇г̇иг̇ад̇о, махаарааж̇а, жхааяамаано ниб̣б̣аабанам̣ алабхамаано виж̇ж̇амаанзби уд̇д̇арим̣ ааяусмим̣ агаалз марад̇и, уд̣̇агаг̇ад̇о, махаарааж̇а, бад̇идтам̣ алабхамаано виж̇ж̇амаанзби уд̇д̇арим̣ ааяусмим̣ агаалз марад̇и, сад̇д̇ихад̇о, махаарааж̇а, ааб̣аад̇хиго бхисаггам̣ алабхамаано виж̇ж̇амаанзби уд̇д̇арим̣ ааяусмим̣ агаалз марад̇и, имз ко, махаарааж̇а, сад̇д̇а виж̇ж̇амаанзби уд̇д̇арим̣ ааяусмим̣ агаалз маранд̇и. д̇ад̇раабаахам̣, махаарааж̇а, згам̣сзна вад̣̇аами.
‘‘Sattime , mahārāja, vijjamānepi uttariṃ āyusmiṃ akāle maranti. Katame satta? Jighacchito, mahārāja, bhojanaṃ alabhamāno upahatabbhantaro vijjamānepi uttariṃ āyusmiṃ akāle marati, pipāsito, mahārāja, pānīyaṃ alabhamāno parisukkhahadayo vijjamānepi uttariṃ āyusmiṃ akāle marati, ahinā daṭṭho, mahārāja, visavegābhihato tikicchakaṃ alabhamāno vijjamānepi uttariṃ āyusmiṃ akāle marati, visamāsito, mahārāja, ḍayhantesu aṅgapaccaṅgesu agadaṃ alabhamāno vijjamānepi uttariṃ āyusmiṃ akāle marati, aggigato, mahārāja, jhāyamāno nibbāpanaṃ alabhamāno vijjamānepi uttariṃ āyusmiṃ akāle marati, udakagato, mahārāja, patiṭṭhaṃ alabhamāno vijjamānepi uttariṃ āyusmiṃ akāle marati, sattihato, mahārāja, ābādhiko bhisakkaṃ alabhamāno vijjamānepi uttariṃ āyusmiṃ akāle marati, ime kho, mahārāja, satta vijjamānepi uttariṃ āyusmiṃ akāle maranti. Tatrāpāhaṃ, mahārāja, ekaṃsena vadāmi.
‘‘адтавид̇хзна, махаарааж̇а, сад̇д̇аанам̣ гаалан̇гирияаа ход̇и, ваад̇асамудтаанзна бид̇д̇асамудтаанзна сзмхасамудтаанзна саннибаад̇игзна уд̇увибарин̣аамзна висамабарихаарзна обаггамигзна гаммавибаагзна, махаарааж̇а, сад̇д̇аанам̣ гаалан̇гирияаа ход̇и. д̇ад̇ра, махаарааж̇а, яад̣̇ид̣̇ам̣ гаммавибаагзна гаалан̇гирияаа, саа язва д̇ад̇т̇а саамаяигаа 3 гаалан̇гирияаа, авасзсаа асаамаяигаа гаалан̇гирияаад̇и. бхавад̇и жа –
‘‘Aṭṭhavidhena, mahārāja, sattānaṃ kālaṅkiriyā hoti, vātasamuṭṭhānena pittasamuṭṭhānena semhasamuṭṭhānena sannipātikena utuvipariṇāmena visamaparihārena opakkamikena kammavipākena, mahārāja, sattānaṃ kālaṅkiriyā hoti. Tatra, mahārāja, yadidaṃ kammavipākena kālaṅkiriyā, sā yeva tattha sāmayikā 4 kālaṅkiriyā, avasesā asāmayikā kālaṅkiriyāti. Bhavati ca –
‘‘‘ж̇игхажчааяа бибаасааяа, ахид̣̇адтаа 5 висзна жа;
‘‘‘Jighacchāya pipāsāya, ahidaṭṭhā 6 visena ca;
аг̇г̇иуд̣̇агасад̇д̇ийхи, агаалз д̇ад̇т̇а мийяад̇и;
Aggiudakasattīhi, akāle tattha mīyati;
ваад̇абид̇д̇зна сзмхзна, саннибаад̇знуд̇уухи жа;
Vātapittena semhena, sannipātenutūhi ca;
висамобаггамагаммзхи, агаалз д̇ад̇т̇а мийяад̇ий’д̇и.
Visamopakkamakammehi, akāle tattha mīyatī’ti.
‘‘гзжи , махаарааж̇а, сад̇д̇аа буб̣б̣з гад̇зна д̇зна д̇зна агусалагаммавибаагзна маранд̇и. ид̇ха, махаарааж̇а, яо буб̣б̣з барз ж̇игхажчааяа маарзд̇и, со б̣ахууни вассасад̇асахассаани ж̇игхажчааяа барибийл̣ид̇о чаад̇о баригиланд̇о сугкамилаад̇ахад̣̇аяо б̣убхугкид̇о 7 висугкид̇о жхааяанд̇о аб̣бханд̇арам̣ барид̣аяханд̇о ж̇игхажчааяа язва марад̇и д̣̇ахароби маж̇жхимоби махаллагоби, ид̣̇амби д̇асса саамаяигамаран̣ам̣.
‘‘Keci , mahārāja, sattā pubbe katena tena tena akusalakammavipākena maranti. Idha, mahārāja, yo pubbe pare jighacchāya māreti, so bahūni vassasatasahassāni jighacchāya paripīḷito chāto parikilanto sukkhamilātahadayo bubhukkhito 8 visukkhito jhāyanto abbhantaraṃ pariḍayhanto jighacchāya yeva marati daharopi majjhimopi mahallakopi, idampi tassa sāmayikamaraṇaṃ.
‘‘яо буб̣б̣з барз бибаасааяа маарзд̇и, со б̣ахууни вассасад̇асахассаани бзд̇о худ̇ваа ниж̇жхаамад̇ан̣хиго самаано лууко гисо барисугкид̇ахад̣̇аяо бибаасааяа язва марад̇и д̣̇ахароби маж̇жхимоби махаллагоби, ид̣̇амби д̇асса саамаяигамаран̣ам̣.
‘‘Yo pubbe pare pipāsāya māreti, so bahūni vassasatasahassāni peto hutvā nijjhāmataṇhiko samāno lūkho kiso parisukkhitahadayo pipāsāya yeva marati daharopi majjhimopi mahallakopi, idampi tassa sāmayikamaraṇaṃ.
‘‘яо буб̣б̣з барз ахинаа д̣ам̣саабзд̇ваа маарзд̇и, со б̣ахууни вассасад̇асахассаани аж̇аг̇арамукзнзва аж̇аг̇арамукам̣ ган̣хасаббамукзнзва ган̣хасаббамукам̣ баривад̇д̇ид̇ваа д̇зхи кааяид̇акааяид̇о ахийхи д̣̇адто язва марад̇и д̣̇ахароби маж̇жхимоби махаллагоби, ид̣̇амби д̇асса саамаяигамаран̣ам̣.
‘‘Yo pubbe pare ahinā ḍaṃsāpetvā māreti, so bahūni vassasatasahassāni ajagaramukheneva ajagaramukhaṃ kaṇhasappamukheneva kaṇhasappamukhaṃ parivattitvā tehi khāyitakhāyito ahīhi daṭṭho yeva marati daharopi majjhimopi mahallakopi, idampi tassa sāmayikamaraṇaṃ.
‘‘яо буб̣б̣з барз висам̣ д̣̇ад̇ваа маарзд̇и, со б̣ахууни вассасад̇асахассаани д̣аяханд̇зхи ан̇г̇абажжан̇г̇зхи бхиж̇ж̇амаанзна сарийрзна гун̣абаг̇анд̇хам̣ вааяанд̇о висзнзва марад̇и д̣̇ахароби маж̇жхимоби махаллагоби, ид̣̇амби д̇асса саамаяигамаран̣ам̣.
‘‘Yo pubbe pare visaṃ datvā māreti, so bahūni vassasatasahassāni ḍayhantehi aṅgapaccaṅgehi bhijjamānena sarīrena kuṇapagandhaṃ vāyanto viseneva marati daharopi majjhimopi mahallakopi, idampi tassa sāmayikamaraṇaṃ.
‘‘яо буб̣б̣з барз аг̇г̇инаа маарзд̇и, со б̣ахууни вассасад̇асахассаани ан̇г̇аарабаб̣б̣ад̇знзва ан̇г̇аарабаб̣б̣ад̇ам̣ яамависаязнзва яамависаяам̣ баривад̇д̇ид̇ваа д̣̇ад̣дхавид̣̇ад̣дхаг̇ад̇д̇о аг̇г̇инаа язва марад̇и д̣̇ахароби маж̇жхимоби малаллагоби, ид̣̇амби д̇асса саамаяигамаран̣ам̣.
‘‘Yo pubbe pare agginā māreti, so bahūni vassasatasahassāni aṅgārapabbateneva aṅgārapabbataṃ yamavisayeneva yamavisayaṃ parivattitvā daḍḍhavidaḍḍhagatto agginā yeva marati daharopi majjhimopi malallakopi, idampi tassa sāmayikamaraṇaṃ.
‘‘яо буб̣б̣з барз сад̇д̇ияаа маарзд̇и, со б̣ахууни вассасад̇асахассаани чиннабхиннагоддид̇авигоддид̇о сад̇д̇имукасамаахад̇о сад̇д̇ияаа язва марад̇и д̣̇ахароби маж̇жхимоби махаллагоби, ид̣̇амби д̇асса саамаяигамаран̣ам̣’’.
‘‘Yo pubbe pare sattiyā māreti, so bahūni vassasatasahassāni chinnabhinnakoṭṭitavikoṭṭito sattimukhasamāhato sattiyā yeva marati daharopi majjhimopi mahallakopi, idampi tassa sāmayikamaraṇaṃ’’.
‘‘бханд̇з нааг̇асзна, агаалз маран̣ам̣ ад̇т̇ийд̇и яам̣ вад̣̇зд̇и, ин̇гха мз д̇вам̣ д̇ад̇т̇а гааран̣ам̣ ад̇ид̣̇исаад̇и’’. ‘‘яат̇аа, махаарааж̇а, махад̇имахаааг̇г̇игканд̇хо аад̣̇иннад̇ин̣агадтасаакаабалаасо барияаад̣̇иннабхагко убаад̣̇аанасан̇каяаа ниб̣б̣ааяад̇и, со аг̇г̇и вужжад̇и ‘анийд̇иго анубад̣̇д̣̇аво самаяз ниб̣б̣уд̇о наамаа’д̇и, звамзва ко, махаарааж̇а, яо гожи б̣ахууни д̣̇ивасасахассаани ж̇ийвид̇ваа ж̇арааж̇ин̣н̣о ааяугкаяаа анийд̇иго анубад̣̇д̣̇аво марад̇и, со вужжад̇и ‘самаяз маран̣амубаг̇ад̇о’д̇и.
‘‘Bhante nāgasena, akāle maraṇaṃ atthīti yaṃ vadeti, iṅgha me tvaṃ tattha kāraṇaṃ atidisāti’’. ‘‘Yathā, mahārāja, mahatimahāaggikkhandho ādinnatiṇakaṭṭhasākhāpalāso pariyādinnabhakkho upādānasaṅkhayā nibbāyati, so aggi vuccati ‘anītiko anupaddavo samaye nibbuto nāmā’ti, evameva kho, mahārāja, yo koci bahūni divasasahassāni jīvitvā jarājiṇṇo āyukkhayā anītiko anupaddavo marati, so vuccati ‘samaye maraṇamupagato’ti.
‘‘яат̇аа ваа бана, махаарааж̇а, махад̇имахаааг̇г̇игканд̇хо аад̣̇иннад̇ин̣агадтасаакаабалаасо асса, д̇ам̣ абарияаад̣̇иннз язва д̇ин̣агадтасаакаабалаасз махад̇имахаамзгхо абхиббавассид̇ваа ниб̣б̣аабзяяа, аби ну ко, махаарааж̇а, махаааг̇г̇игканд̇хо самаяз ниб̣б̣уд̇о наама ход̇ий’’д̇и? ‘‘на хи, бханд̇з’’д̇и. ‘‘гисса бана со, махаарааж̇а, бажчимо аг̇г̇игканд̇хо буримагзна аг̇г̇игканд̇хзна самасамаг̇ад̇иго наахосий’’д̇и? ‘‘ааг̇анд̇угзна, бханд̇з, мзгхзна бадибийл̣ид̇о со аг̇г̇игканд̇хо асамаяз ниб̣б̣уд̇о’’д̇и. звамзва ко, махаарааж̇а, яо гожи агаалз марад̇и, со ааг̇анд̇угзна рог̇зна бадибийл̣ид̇о ваад̇асамудтаанзна ваа бид̇д̇асамудтаанзна ваа сзмхасамудтаанзна ваа саннибаад̇игзна ваа уд̇убарин̣аамаж̇зна ваа висамабарихаараж̇зна ваа обаггамигзна ваа ж̇игхажчааяа ваа бибаасааяа ваа саббад̣̇адтзна ваа висамаасид̇зна ваа аг̇г̇инаа ваа уд̣̇агзна ваа сад̇д̇ивзг̇аббадибийл̣ид̇о ваа агаалз марад̇и. ид̣̇амзд̇т̇а, махаарааж̇а, гааран̣ам̣, язна гааран̣зна агаалз маран̣ам̣ ад̇т̇и.
‘‘Yathā vā pana, mahārāja, mahatimahāaggikkhandho ādinnatiṇakaṭṭhasākhāpalāso assa, taṃ apariyādinne yeva tiṇakaṭṭhasākhāpalāse mahatimahāmegho abhippavassitvā nibbāpeyya, api nu kho, mahārāja, mahāaggikkhandho samaye nibbuto nāma hotī’’ti? ‘‘Na hi, bhante’’ti. ‘‘Kissa pana so, mahārāja, pacchimo aggikkhandho purimakena aggikkhandhena samasamagatiko nāhosī’’ti? ‘‘Āgantukena, bhante, meghena paṭipīḷito so aggikkhandho asamaye nibbuto’’ti. Evameva kho, mahārāja, yo koci akāle marati, so āgantukena rogena paṭipīḷito vātasamuṭṭhānena vā pittasamuṭṭhānena vā semhasamuṭṭhānena vā sannipātikena vā utupariṇāmajena vā visamaparihārajena vā opakkamikena vā jighacchāya vā pipāsāya vā sappadaṭṭhena vā visamāsitena vā agginā vā udakena vā sattivegappaṭipīḷito vā akāle marati. Idamettha, mahārāja, kāraṇaṃ, yena kāraṇena akāle maraṇaṃ atthi.
‘‘яат̇аа ваа бана, махаарааж̇а, г̇аг̇анз махад̇имахаавалаахаго удтахид̇ваа ниннан̃жа т̇алан̃жа барибуураяанд̇о абхивассад̇и, со вужжад̇и ‘мзгхо анийд̇иго анубад̣̇д̣̇аво вассад̇ий’д̇и. звамзва ко, махаарааж̇а, яо гожи жирам̣ ж̇ийвид̇ваа ж̇арааж̇ин̣н̣о ааяугкаяаа анийд̇иго анубад̣̇д̣̇аво марад̇и, со вужжад̇и ‘самаяз маран̣амубаг̇ад̇о’д̇и.
‘‘Yathā vā pana, mahārāja, gagane mahatimahāvalāhako uṭṭhahitvā ninnañca thalañca paripūrayanto abhivassati, so vuccati ‘megho anītiko anupaddavo vassatī’ti. Evameva kho, mahārāja, yo koci ciraṃ jīvitvā jarājiṇṇo āyukkhayā anītiko anupaddavo marati, so vuccati ‘samaye maraṇamupagato’ti.
‘‘яат̇аа ваа бана, махаарааж̇а, г̇аг̇анз махад̇имахаавалаахаго удтахид̇ваа анд̇арааязва махад̇аа ваад̇зна аб̣бхад̇т̇ам̣ г̇ажчзяяа, аби ну ко со, махаарааж̇а, махаавалаахаго самаяз виг̇ад̇о наама ход̇ий’’д̇и? ‘‘на хи, бханд̇з’’д̇и. ‘‘гисса бана со, махаарааж̇а, бажчимо валаахаго буримзна валаахагзна самасамаг̇ад̇иго наахосий’’д̇и? ‘‘ааг̇анд̇угзна, бханд̇з, ваад̇зна бадибийл̣ид̇о со валаахаго асамаяаббад̇д̇о язва виг̇ад̇о’’д̇и . ‘‘звамзва ко, махаарааж̇а, яо гожи агаалз марад̇и, со ааг̇анд̇угзна рог̇зна бадибийл̣ид̇о ваад̇асамудтаанзна ваа…бз… сад̇д̇ивзг̇аббадибийл̣ид̇о ваа агаалз марад̇и. ид̣̇амзд̇т̇а, махаарааж̇а, гааран̣ам̣, язна гааран̣зна агаалз маран̣ам̣ ад̇т̇ийд̇и.
‘‘Yathā vā pana, mahārāja, gagane mahatimahāvalāhako uṭṭhahitvā antarāyeva mahatā vātena abbhatthaṃ gaccheyya, api nu kho so, mahārāja, mahāvalāhako samaye vigato nāma hotī’’ti? ‘‘Na hi, bhante’’ti. ‘‘Kissa pana so, mahārāja, pacchimo valāhako purimena valāhakena samasamagatiko nāhosī’’ti? ‘‘Āgantukena, bhante, vātena paṭipīḷito so valāhako asamayappatto yeva vigato’’ti . ‘‘Evameva kho, mahārāja, yo koci akāle marati, so āgantukena rogena paṭipīḷito vātasamuṭṭhānena vā…pe… sattivegappaṭipīḷito vā akāle marati. Idamettha, mahārāja, kāraṇaṃ, yena kāraṇena akāle maraṇaṃ atthīti.
‘‘яат̇аа ваа бана, махаарааж̇а, б̣алаваа аасийвисо губид̇о гин̃жид̣̇зва бурисам̣ д̣ам̣сзяяа, д̇асса д̇ам̣ висам̣ анийд̇игам̣ анубад̣̇д̣̇авам̣ маран̣ам̣ баабзяяа, д̇ам̣ висам̣ вужжад̇и ‘анийд̇игаманубад̣̇д̣̇авам̣ годиг̇ад̇а’нд̇и. звамзва ко, махаарааж̇а, яо гожи жирам̣ ж̇ийвид̇ваа ж̇арааж̇ин̣н̣о ааяугкаяаа анийд̇иго анубад̣̇д̣̇аво марад̇и, со вужжад̇и ‘анийд̇иго анубад̣̇д̣̇аво ж̇ийвид̇агодиг̇ад̇о саамаяигам̣ маран̣амубаг̇ад̇о’д̇и.
‘‘Yathā vā pana, mahārāja, balavā āsīviso kupito kiñcideva purisaṃ ḍaṃseyya, tassa taṃ visaṃ anītikaṃ anupaddavaṃ maraṇaṃ pāpeyya, taṃ visaṃ vuccati ‘anītikamanupaddavaṃ koṭigata’nti. Evameva kho, mahārāja, yo koci ciraṃ jīvitvā jarājiṇṇo āyukkhayā anītiko anupaddavo marati, so vuccati ‘anītiko anupaddavo jīvitakoṭigato sāmayikaṃ maraṇamupagato’ti.
‘‘яат̇аа ваа бана, махаарааж̇а, б̣алавад̇аа аасийвисзна д̣̇адтасса анд̇арааязва аахид̇ун̣д̣иго аг̇ад̣̇ам̣ д̣̇ад̇ваа ависам̣ гарзяяа, аби ну ко д̇ам̣, махаарааж̇а, висам̣ самаяз виг̇ад̇ам̣ наама ход̇ий’’д̇и? ‘‘на хи бханд̇з’’д̇и. ‘‘гисса бана д̇ам̣, махаарааж̇а, бажчимам̣ висам̣ буримагзна висзна самасамаг̇ад̇игам̣ наахосий’’д̇и? ‘‘ааг̇анд̇угзна, бханд̇з, аг̇ад̣̇зна бадибийл̣ид̇ам̣ висам̣ агодиг̇ад̇ам̣ язва виг̇ад̇а’’нд̇и. ‘‘звамзва ко, махаарааж̇а, яо гожи агаалз марад̇и, со ааг̇анд̇угзна рог̇зна бадибийл̣ид̇о ваад̇асамудтаанзна ваа…бз… сад̇д̇ивзг̇аббадибийл̣ид̇о ваа агаалз марад̇и. ид̣̇амзд̇т̇а, махаарааж̇а, гааран̣ам̣, язна гааран̣зна агаалз маран̣ам̣ ад̇т̇ийд̇и.
‘‘Yathā vā pana, mahārāja, balavatā āsīvisena daṭṭhassa antarāyeva āhituṇḍiko agadaṃ datvā avisaṃ kareyya, api nu kho taṃ, mahārāja, visaṃ samaye vigataṃ nāma hotī’’ti? ‘‘Na hi bhante’’ti. ‘‘Kissa pana taṃ, mahārāja, pacchimaṃ visaṃ purimakena visena samasamagatikaṃ nāhosī’’ti? ‘‘Āgantukena, bhante, agadena paṭipīḷitaṃ visaṃ akoṭigataṃ yeva vigata’’nti. ‘‘Evameva kho, mahārāja, yo koci akāle marati, so āgantukena rogena paṭipīḷito vātasamuṭṭhānena vā…pe… sattivegappaṭipīḷito vā akāle marati. Idamettha, mahārāja, kāraṇaṃ, yena kāraṇena akāle maraṇaṃ atthīti.
‘‘яат̇аа ваа бана, махаарааж̇а, иссаасо сарам̣ баад̇зяяа, сажз со саро яат̇ааг̇ад̇иг̇аманабат̇амад̇т̇агам̣ г̇ажчад̇и, со саро вужжад̇и ‘анийд̇иго анубад̣̇д̣̇аво яат̇ааг̇ад̇иг̇аманабат̇амад̇т̇агам̣ г̇ад̇о наамаа’д̇и. звамзва ко, махаарааж̇а, яо гожи жирам̣ ж̇ийвид̇ваа ж̇арааж̇ин̣н̣о ааяугкаяаа анийд̇иго анубад̣̇д̣̇аво марад̇и, со вужжад̇и ‘анийд̇иго анубад̣̇д̣̇аво самаяз маран̣амубаг̇ад̇о’д̇и.
‘‘Yathā vā pana, mahārāja, issāso saraṃ pāteyya, sace so saro yathāgatigamanapathamatthakaṃ gacchati, so saro vuccati ‘anītiko anupaddavo yathāgatigamanapathamatthakaṃ gato nāmā’ti. Evameva kho, mahārāja, yo koci ciraṃ jīvitvā jarājiṇṇo āyukkhayā anītiko anupaddavo marati, so vuccati ‘anītiko anupaddavo samaye maraṇamupagato’ti.
‘‘яат̇аа ваа бана, махаарааж̇а, иссаасо сарам̣ баад̇зяяа, д̇асса д̇ам̣ сарам̣ д̇асмим̣ язва кан̣з гожи г̇ан̣хзяяа, аби ну ко со, махаарааж̇а, саро яат̇ааг̇ад̇иг̇аманабат̇амад̇т̇агам̣ г̇ад̇о наама ход̇ий’’д̇и? ‘‘на хи, бханд̇з’’д̇и. ‘‘гисса бана со, махаарааж̇а, бажчимо саро буримагзна сарзна самасамаг̇ад̇иго наахосий’’д̇и? ‘‘ааг̇анд̇угзна, бханд̇з, г̇ахан̣зна д̇асса сарасса г̇аманам̣ убажчинна’’нд̇и. ‘‘звамзва ко, махаарааж̇а, яо гожи агаалз марад̇и, со ааг̇анд̇угзна рог̇зна бадибийл̣ид̇о ваад̇асамудтаанзна ваа…бз… сад̇д̇ивзг̇аббадибийл̣ид̇о ваа агаалз марад̇и. ид̣̇амзд̇т̇а, махаарааж̇а, гааран̣ам̣, язна гааран̣зна агаалз маран̣ам̣ ад̇т̇ийд̇и.
‘‘Yathā vā pana, mahārāja, issāso saraṃ pāteyya, tassa taṃ saraṃ tasmiṃ yeva khaṇe koci gaṇheyya, api nu kho so, mahārāja, saro yathāgatigamanapathamatthakaṃ gato nāma hotī’’ti? ‘‘Na hi, bhante’’ti. ‘‘Kissa pana so, mahārāja, pacchimo saro purimakena sarena samasamagatiko nāhosī’’ti? ‘‘Āgantukena, bhante, gahaṇena tassa sarassa gamanaṃ upacchinna’’nti. ‘‘Evameva kho, mahārāja, yo koci akāle marati, so āgantukena rogena paṭipīḷito vātasamuṭṭhānena vā…pe… sattivegappaṭipīḷito vā akāle marati. Idamettha, mahārāja, kāraṇaṃ, yena kāraṇena akāle maraṇaṃ atthīti.
‘‘яат̇аа ваа бана, махаарааж̇а, яо гожи лохамаяам̣ бхааж̇анам̣ аагодзяяа, д̇асса аагоданзна сад̣̇д̣̇о ниб̣б̣ад̇д̇ид̇ваа яат̇ааг̇ад̇иг̇аманабат̇амад̇т̇агам̣ г̇ажчад̇и, со сад̣̇д̣̇о вужжад̇и ‘анийд̇иго анубад̣̇д̣̇аво яат̇ааг̇ад̇иг̇аманабат̇амад̇т̇агам̣ г̇ад̇о наамаа’д̇и. звамзва ко, махаарааж̇а, яо гожи б̣ахууни д̣̇ивасасахассаани ж̇ийвид̇ваа ж̇арааж̇ин̣н̣о ааяугкаяаа анийд̇иго анубад̣̇д̣̇аво марад̇и, со вужжад̇и ‘анийд̇иго анубад̣̇д̣̇аво самаяз маран̣амубааг̇ад̇о’д̇и.
‘‘Yathā vā pana, mahārāja, yo koci lohamayaṃ bhājanaṃ ākoṭeyya, tassa ākoṭanena saddo nibbattitvā yathāgatigamanapathamatthakaṃ gacchati, so saddo vuccati ‘anītiko anupaddavo yathāgatigamanapathamatthakaṃ gato nāmā’ti. Evameva kho, mahārāja, yo koci bahūni divasasahassāni jīvitvā jarājiṇṇo āyukkhayā anītiko anupaddavo marati, so vuccati ‘anītiko anupaddavo samaye maraṇamupāgato’ti.
‘‘яат̇аа ваа бана, махаарааж̇а, яо гожи лохамаяам̣ бхааж̇анам̣ аагодзяяа, д̇асса аагоданзна сад̣̇д̣̇о ниб̣б̣ад̇д̇зяяа, ниб̣б̣ад̇д̇з сад̣̇д̣̇з ад̣̇уураг̇ад̇з гожи аамасзяяа, саха аамасанзна сад̣̇д̣̇о нируж̇жхзяяа , аби ну ко со, махаарааж̇а, сад̣̇д̣̇о яат̇ааг̇ад̇иг̇аманабат̇амад̇т̇агам̣ г̇ад̇о наама ход̇ий’’д̇и? ‘‘на хи, бханд̇з’’д̇и. ‘‘гисса бана, махаарааж̇а, бажчимо сад̣̇д̣̇о буримагзна сад̣̇д̣̇зна самасамаг̇ад̇иго наахосий’’д̇и? ‘‘ааг̇анд̇угзна, бханд̇з, аамасанзна со сад̣̇д̣̇о убарад̇о’’д̇и . ‘‘звамзва ко, махаарааж̇а, яо гожи агаалз марад̇и, со ааг̇анд̇угзна рог̇зна бадибийл̣ид̇о ваад̇асамудтаанзна ваа…бз… сад̇д̇ивзг̇аббадибийл̣ид̇о ваа агаалз марад̇и. ид̣̇амзд̇т̇а махаарааж̇а гааран̣ам̣, язна гааран̣зна агаалз маран̣ам̣ ад̇т̇ийд̇и.
‘‘Yathā vā pana, mahārāja, yo koci lohamayaṃ bhājanaṃ ākoṭeyya, tassa ākoṭanena saddo nibbatteyya, nibbatte sadde adūragate koci āmaseyya, saha āmasanena saddo nirujjheyya , api nu kho so, mahārāja, saddo yathāgatigamanapathamatthakaṃ gato nāma hotī’’ti? ‘‘Na hi, bhante’’ti. ‘‘Kissa pana, mahārāja, pacchimo saddo purimakena saddena samasamagatiko nāhosī’’ti? ‘‘Āgantukena, bhante, āmasanena so saddo uparato’’ti . ‘‘Evameva kho, mahārāja, yo koci akāle marati, so āgantukena rogena paṭipīḷito vātasamuṭṭhānena vā…pe… sattivegappaṭipīḷito vā akāle marati. Idamettha mahārāja kāraṇaṃ, yena kāraṇena akāle maraṇaṃ atthīti.
‘‘яат̇аа ваа бана, махаарааж̇а, кзд̇д̇з сувируул̣хам̣ д̇хан̃н̃аб̣ийж̇ам̣ саммаа бавад̇д̇амаанзна вассзна од̇ад̇авид̇ад̇ааагин̣н̣аб̣ахупалам̣ худ̇ваа 13 сассудтаанасамаяам̣ баабун̣аад̇и, д̇ам̣ д̇хан̃н̃ам̣ вужжад̇и ‘анийд̇игаманубад̣̇д̣̇авам̣ самаяасамбад̇д̇ам̣ наама ход̇ий’д̇и. звамзва ко, махаарааж̇а, яо гожи б̣ахууни д̣̇ивасасахассаани ж̇ийвид̇ваа ж̇арааж̇ин̣н̣о ааяугкаяаа анийд̇иго анубад̣̇д̣̇аво марад̇и, со вужжад̇и ‘анийд̇иго анубад̣̇д̣̇аво самаяз маран̣амубаг̇ад̇о’д̇и.
‘‘Yathā vā pana, mahārāja, khette suvirūḷhaṃ dhaññabījaṃ sammā pavattamānena vassena otatavitataākiṇṇabahuphalaṃ hutvā 14 sassuṭṭhānasamayaṃ pāpuṇāti, taṃ dhaññaṃ vuccati ‘anītikamanupaddavaṃ samayasampattaṃ nāma hotī’ti. Evameva kho, mahārāja, yo koci bahūni divasasahassāni jīvitvā jarājiṇṇo āyukkhayā anītiko anupaddavo marati, so vuccati ‘anītiko anupaddavo samaye maraṇamupagato’ti.
‘‘яат̇аа ваа бана, махаарааж̇а, кзд̇д̇з сувируул̣хам̣ д̇хан̃н̃аб̣ийж̇ам̣ уд̣̇агзна вигалам̣ марзяяа, аби ну ко д̇ам̣, махаарааж̇а, д̇хан̃н̃ам̣ асамаяасамбад̇д̇ам̣ наама ход̇ий’’д̇и? ‘‘на хи, бханд̇з’’д̇и. ‘‘гисса бана д̇ам̣, махаарааж̇а, бажчимам̣ д̇хан̃н̃ам̣ буримагзна д̇хан̃н̃зна самасамаг̇ад̇игам̣ наахосий’’д̇и? ‘‘ааг̇анд̇угзна, бханд̇з, ун̣хзна бадибийл̣ид̇ам̣ д̇ам̣ д̇хан̃н̃ам̣ мад̇а’’нд̇и. ‘‘звамзва ко, махаарааж̇а, яо гожи агаалз марад̇и, со ааг̇анд̇угзна рог̇зна бадибийл̣ид̇о ваад̇асамудтаанзна ваа…бз… сад̇д̇ивзг̇аббадибийл̣ид̇о ваа агаалз марад̇и. ид̣̇амзд̇т̇а, махаарааж̇а, гааран̣ам̣, язна гааран̣зна агаалз маран̣ам̣ ад̇т̇ийд̇и.
‘‘Yathā vā pana, mahārāja, khette suvirūḷhaṃ dhaññabījaṃ udakena vikalaṃ mareyya, api nu kho taṃ, mahārāja, dhaññaṃ asamayasampattaṃ nāma hotī’’ti? ‘‘Na hi, bhante’’ti. ‘‘Kissa pana taṃ, mahārāja, pacchimaṃ dhaññaṃ purimakena dhaññena samasamagatikaṃ nāhosī’’ti? ‘‘Āgantukena, bhante, uṇhena paṭipīḷitaṃ taṃ dhaññaṃ mata’’nti. ‘‘Evameva kho, mahārāja, yo koci akāle marati, so āgantukena rogena paṭipīḷito vātasamuṭṭhānena vā…pe… sattivegappaṭipīḷito vā akāle marati. Idamettha, mahārāja, kāraṇaṃ, yena kāraṇena akāle maraṇaṃ atthīti.
‘‘суд̇абуб̣б̣ам̣ бана д̇аяаа, махаарааж̇а, ‘самбаннад̇арун̣асассам̣ гимаяо удтахид̇ваа самуулам̣ наасзнд̇ий’’’д̇и? ‘‘суд̇абуб̣б̣ан̃жзва д̇ам̣, бханд̇з, амхзхи д̣̇идтабуб̣б̣ан̃жаа’’д̇и. ‘‘гим̣ ну ко д̇ам̣, махаарааж̇а, сассам̣ гаалз надтам̣, уд̣̇ааху агаалз надта’’нд̇и? ‘‘агаалз, бханд̇з, яад̣̇и ко д̇ам̣, бханд̇з, сассам̣ гимаяо на каад̣̇зяяум̣, сассуд̣̇д̇харан̣асамаяам̣ баабун̣зяяаа’’д̇и. ‘‘гим̣ бана, махаарааж̇а, ааг̇анд̇угзна убагхаад̇зна сассам̣ винассад̇и, нирубагхаад̇ам̣ сассам̣ сассуд̣̇д̇харан̣асамаяам̣ баабун̣аад̇ий’’д̇и? ‘‘аама, бханд̇з’’д̇и. ‘‘звамзва ко, махаарааж̇а, яо гожи агаалз марад̇и, со ааг̇анд̇угзна рог̇зна бадибийл̣ид̇о ваад̇асамудтаанзна ваа…бз… сад̇д̇ивзг̇аббадибийл̣ид̇о ваа марад̇и. ид̣̇амзд̇т̇а, махаарааж̇а, гааран̣ам̣, язна гааран̣зна агаалз маран̣ам̣ ад̇т̇ийд̇и.
‘‘Sutapubbaṃ pana tayā, mahārāja, ‘sampannataruṇasassaṃ kimayo uṭṭhahitvā samūlaṃ nāsentī’’’ti? ‘‘Sutapubbañceva taṃ, bhante, amhehi diṭṭhapubbañcā’’ti. ‘‘Kiṃ nu kho taṃ, mahārāja, sassaṃ kāle naṭṭhaṃ, udāhu akāle naṭṭha’’nti? ‘‘Akāle, bhante, yadi kho taṃ, bhante, sassaṃ kimayo na khādeyyuṃ, sassuddharaṇasamayaṃ pāpuṇeyyā’’ti. ‘‘Kiṃ pana, mahārāja, āgantukena upaghātena sassaṃ vinassati, nirupaghātaṃ sassaṃ sassuddharaṇasamayaṃ pāpuṇātī’’ti? ‘‘Āma, bhante’’ti. ‘‘Evameva kho, mahārāja, yo koci akāle marati, so āgantukena rogena paṭipīḷito vātasamuṭṭhānena vā…pe… sattivegappaṭipīḷito vā marati. Idamettha, mahārāja, kāraṇaṃ, yena kāraṇena akāle maraṇaṃ atthīti.
‘‘суд̇абуб̣б̣ам̣ бана д̇аяаа, махаарааж̇а, ‘самбаннз сассз палабхааранамид̇з ман̃жарид̇абад̇д̇з гарагавассам̣ наама вассаж̇аад̇и нибад̇ид̇ваа винаасзд̇и апалам̣ гарод̇ий’д̇и? ‘‘суд̇абуб̣б̣ан̃жзва д̇ам̣, бханд̇з, амхзхи д̣̇идтабуб̣б̣ан̃жаа’’д̇и. ‘‘аби ну ко д̇ам̣, махаарааж̇а, сассам̣ гаалз надтам̣, уд̣̇ааху агаалз надта’’нд̇и? ‘‘агаалз, бханд̇з, яад̣̇и ко д̇ам̣, бханд̇з, сассам̣ гарагавассам̣ на вассзяяа сассуд̣̇д̇харан̣асамаяам̣ баабун̣зяяаа’’д̇и. ‘‘гим̣ бана, махаарааж̇а, ааг̇анд̇угзна убагхаад̇зна сассам̣ винассад̇и, нирубагхаад̇ам̣ сассам̣ сассуд̣̇д̇харан̣асамаяам̣ баабун̣аад̇ий’’д̇и? ‘‘аама, бханд̇з’’д̇и. ‘‘звамзва ко, махаарааж̇а, яо гожи агаалз марад̇и, со ааг̇анд̇угзна рог̇зна бадибийл̣ид̇о ваад̇асамудтаанзна ваа бид̇д̇асамудтаанзна ваа сзмхасамудтаанзна ваа саннибаад̇игзна ваа уд̇убарин̣аамаж̇зна ваа висамабарихаараж̇зна ваа обаггамигзна ваа ж̇игхажчааяа ваа бибаасааяа ваа саббад̣̇адтзна ваа висамаасид̇зна ваа аг̇г̇инаа ваа уд̣̇агзна ваа сад̇д̇ивзг̇аббадибийл̣ид̇о ваа агаалз марад̇и. яад̣̇и бана ааг̇анд̇угзна рог̇зна бадибийл̣ид̇о на бхавзяяа, самаязва маран̣ам̣ баабун̣зяяа. ид̣̇амзд̇т̇а, махаарааж̇а, гааран̣ам̣, язна гааран̣зна агаалз маран̣ам̣ ад̇т̇ий’’д̇и.
‘‘Sutapubbaṃ pana tayā, mahārāja, ‘sampanne sasse phalabhāranamite mañcaritapatte karakavassaṃ nāma vassajāti nipatitvā vināseti aphalaṃ karotī’ti? ‘‘Sutapubbañceva taṃ, bhante, amhehi diṭṭhapubbañcā’’ti. ‘‘Api nu kho taṃ, mahārāja, sassaṃ kāle naṭṭhaṃ, udāhu akāle naṭṭha’’nti? ‘‘Akāle, bhante, yadi kho taṃ, bhante, sassaṃ karakavassaṃ na vasseyya sassuddharaṇasamayaṃ pāpuṇeyyā’’ti. ‘‘Kiṃ pana, mahārāja, āgantukena upaghātena sassaṃ vinassati, nirupaghātaṃ sassaṃ sassuddharaṇasamayaṃ pāpuṇātī’’ti? ‘‘Āma, bhante’’ti. ‘‘Evameva kho, mahārāja, yo koci akāle marati, so āgantukena rogena paṭipīḷito vātasamuṭṭhānena vā pittasamuṭṭhānena vā semhasamuṭṭhānena vā sannipātikena vā utupariṇāmajena vā visamaparihārajena vā opakkamikena vā jighacchāya vā pipāsāya vā sappadaṭṭhena vā visamāsitena vā agginā vā udakena vā sattivegappaṭipīḷito vā akāle marati. Yadi pana āgantukena rogena paṭipīḷito na bhaveyya, samayeva maraṇaṃ pāpuṇeyya. Idamettha, mahārāja, kāraṇaṃ, yena kāraṇena akāle maraṇaṃ atthī’’ti.
‘‘ажчарияам̣ , бханд̇з нааг̇асзна, аб̣бхуд̇ам̣ бханд̇з нааг̇асзна, суд̣̇ассид̇ам̣ гааран̣ам̣, суд̣̇ассид̇ам̣ обаммам̣ агаалз маран̣асса барид̣̇ийбанааяа, ‘ад̇т̇и агаалз маран̣а’нд̇и уд̇д̇аанийгад̇ам̣ баагадам̣ гад̇ам̣ вибхууд̇ам̣ гад̇ам̣, ажид̇д̇авигкид̇д̇агоби, бханд̇з нааг̇асзна, мануж̇о згамзгзнаби д̇аава обаммзна нидтам̣ г̇ажчзяяа ‘ад̇т̇и агаалз маран̣а’нд̇и , гим̣ бана мануж̇о сажзд̇ано? батамобаммзнзваахам̣, бханд̇з, сан̃н̃ад̇д̇о ‘ад̇т̇и агаалз маран̣а’нд̇и, аби жа абараабарам̣ ниб̣б̣ааханам̣ сод̇угаамо на самбадижчи’’нд̇и.
‘‘Acchariyaṃ , bhante nāgasena, abbhutaṃ bhante nāgasena, sudassitaṃ kāraṇaṃ, sudassitaṃ opammaṃ akāle maraṇassa paridīpanāya, ‘atthi akāle maraṇa’nti uttānīkataṃ pākaṭaṃ kataṃ vibhūtaṃ kataṃ, acittavikkhittakopi, bhante nāgasena, manujo ekamekenapi tāva opammena niṭṭhaṃ gaccheyya ‘atthi akāle maraṇa’nti , kiṃ pana manujo sacetano? Paṭhamopammenevāhaṃ, bhante, saññatto ‘atthi akāle maraṇa’nti, api ca aparāparaṃ nibbāhanaṃ sotukāmo na sampaṭicchi’’nti.
агааламаран̣абан̃хо чадто.
Akālamaraṇapañho chaṭṭho.
Footnotes:
