| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. агаммаж̇аад̣̇ибан̃хо
5. Akammajādipañho
5. ‘‘бханд̇з нааг̇асзна, д̣̇иссанд̇и логз гамманиб̣б̣ад̇д̇аа, д̣̇иссанд̇и хзд̇униб̣б̣ад̇д̇аа, д̣̇иссанд̇и уд̇униб̣б̣ад̇д̇аа, яам̣ логз агаммаж̇ам̣ ахзд̇уж̇ам̣ ануд̇уж̇ам̣, д̇ам̣ мз гат̇зхий’’д̇и. ‘‘д̣̇взмз, махаарааж̇а, логасмим̣ агаммаж̇аа ахзд̇уж̇аа ануд̇уж̇аа. гад̇амз д̣̇вз? аагаасо, махаарааж̇а, агаммаж̇о ахзд̇уж̇о ануд̇уж̇о; ниб̣б̣аанам̣, махаарааж̇а, агаммаж̇ам̣ ахзд̇уж̇ам̣ ануд̇уж̇ам̣. имз ко, махаарааж̇а, д̣̇вз агаммаж̇аа ахзд̇уж̇аа ануд̇уж̇аа’’д̇и.
5. ‘‘Bhante nāgasena, dissanti loke kammanibbattā, dissanti hetunibbattā, dissanti utunibbattā, yaṃ loke akammajaṃ ahetujaṃ anutujaṃ, taṃ me kathehī’’ti. ‘‘Dveme, mahārāja, lokasmiṃ akammajā ahetujā anutujā. Katame dve? Ākāso, mahārāja, akammajo ahetujo anutujo; nibbānaṃ, mahārāja, akammajaṃ ahetujaṃ anutujaṃ. Ime kho, mahārāja, dve akammajā ahetujā anutujā’’ti.
‘‘маа, бханд̇з нааг̇асзна, ж̇инаважанам̣ магкзхи, маа аж̇аанид̇ваа бан̃хам̣ б̣яаагарохий’’д̇и. ‘‘гим̣ ко, махаарааж̇а, ахам̣ вад̣̇аами, яам̣ мам̣ д̇вам̣ звам̣ вад̣̇зси ‘маа, бханд̇з нааг̇асзна, ж̇инаважанам̣ магкзхи, маа аж̇аанид̇ваа бан̃хам̣ б̣яаагарохий’’’д̇и? ‘‘бханд̇з нааг̇асзна, яуд̇д̇амид̣̇ам̣ д̇аава вад̇д̇ум̣ ‘аагаасо агаммаж̇о ахзд̇уж̇о ануд̇уж̇о’д̇и. анзгасад̇зхи бана, бханд̇з нааг̇асзна, гааран̣зхи бхаг̇авад̇аа саавагаанам̣ ниб̣б̣аанасса сажчигирияааяа маг̇г̇о агкаад̇о, ат̇а жа бана д̇вам̣ звам̣ вад̣̇зси ‘ахзд̇уж̇ам̣ ниб̣б̣аана’’’нд̇и. ‘‘сажжам̣, махаарааж̇а, бхаг̇авад̇аа анзгасад̇зхи гааран̣зхи саавагаанам̣ ниб̣б̣аанасса сажчигирияааяа маг̇г̇о агкаад̇о, на жа бана ниб̣б̣аанасса уббаад̣̇ааяа хзд̇у агкаад̇о’’д̇и.
‘‘Mā, bhante nāgasena, jinavacanaṃ makkhehi, mā ajānitvā pañhaṃ byākarohī’’ti. ‘‘Kiṃ kho, mahārāja, ahaṃ vadāmi, yaṃ maṃ tvaṃ evaṃ vadesi ‘mā, bhante nāgasena, jinavacanaṃ makkhehi, mā ajānitvā pañhaṃ byākarohī’’’ti? ‘‘Bhante nāgasena, yuttamidaṃ tāva vattuṃ ‘ākāso akammajo ahetujo anutujo’ti. Anekasatehi pana, bhante nāgasena, kāraṇehi bhagavatā sāvakānaṃ nibbānassa sacchikiriyāya maggo akkhāto, atha ca pana tvaṃ evaṃ vadesi ‘ahetujaṃ nibbāna’’’nti. ‘‘Saccaṃ, mahārāja, bhagavatā anekasatehi kāraṇehi sāvakānaṃ nibbānassa sacchikiriyāya maggo akkhāto, na ca pana nibbānassa uppādāya hetu akkhāto’’ti.
‘‘зд̇т̇а маяам̣, бханд̇з нааг̇асзна, анд̇хагаарад̇о анд̇хагаарад̇арам̣ бависаама, ванад̇о ванад̇арам̣ бависаама, г̇аханад̇о г̇аханад̇арам̣ 1 бависаама, яад̇ра хи наама ниб̣б̣аанасса сажчигирияааяа хзд̇у ад̇т̇и, д̇асса бана д̇хаммасса уббаад̣̇ааяа хзд̇у над̇т̇и. яад̣̇и, бханд̇з нааг̇асзна, ниб̣б̣аанасса сажчигирияааяа хзд̇у ад̇т̇и, д̇зна хи ниб̣б̣аанасса уббаад̣̇ааяаби хзд̇у ижчид̇аб̣б̣о.
‘‘Ettha mayaṃ, bhante nāgasena, andhakārato andhakārataraṃ pavisāma, vanato vanataraṃ pavisāma, gahanato gahanataraṃ 2 pavisāma, yatra hi nāma nibbānassa sacchikiriyāya hetu atthi, tassa pana dhammassa uppādāya hetu natthi. Yadi, bhante nāgasena, nibbānassa sacchikiriyāya hetu atthi, tena hi nibbānassa uppādāyapi hetu icchitabbo.
‘‘яат̇аа бана, бханд̇з нааг̇асзна, буд̇д̇асса бид̇аа ад̇т̇и, д̇зна гааран̣зна бид̇уноби бид̇аа ижчид̇аб̣б̣о. яат̇аа анд̇зваасигасса аажарияо ад̇т̇и, д̇зна гааран̣зна аажарияассаби аажарияо ижчид̇аб̣б̣о . яат̇аа ан̇гурасса б̣ийж̇ам̣ ад̇т̇и, д̇зна гааран̣зна б̣ийж̇ассаби б̣ийж̇ам̣ ижчид̇аб̣б̣ам̣. звамзва ко, бханд̇з нааг̇асзна, яад̣̇и ниб̣б̣аанасса сажчигирияааяа хзд̇у ад̇т̇и, д̇зна гааран̣зна ниб̣б̣аанасса уббаад̣̇ааяаби хзд̇у ижчид̇аб̣б̣о.
‘‘Yathā pana, bhante nāgasena, puttassa pitā atthi, tena kāraṇena pitunopi pitā icchitabbo. Yathā antevāsikassa ācariyo atthi, tena kāraṇena ācariyassapi ācariyo icchitabbo . Yathā aṅkurassa bījaṃ atthi, tena kāraṇena bījassapi bījaṃ icchitabbaṃ. Evameva kho, bhante nāgasena, yadi nibbānassa sacchikiriyāya hetu atthi, tena kāraṇena nibbānassa uppādāyapi hetu icchitabbo.
‘‘яат̇аа ругкасса ваа лад̇ааяа ваа аг̇г̇з сад̇и д̇зна гааран̣зна маж̇жхамби ад̇т̇и, мууламби ад̇т̇и. звамзва ко, бханд̇з нааг̇асзна, яад̣̇и ниб̣б̣аанасса сажчигирияааяа хзд̇у ад̇т̇и, д̇зна гааран̣зна ниб̣б̣аанасса уббаад̣̇ааяаби хзд̇у ижчид̇аб̣б̣о’’’д̇и.
‘‘Yathā rukkhassa vā latāya vā agge sati tena kāraṇena majjhampi atthi, mūlampi atthi. Evameva kho, bhante nāgasena, yadi nibbānassa sacchikiriyāya hetu atthi, tena kāraṇena nibbānassa uppādāyapi hetu icchitabbo’’’ti.
‘‘ануббаад̣̇анийяам̣, махаарааж̇а, ниб̣б̣аанам̣, д̇асмаа на ниб̣б̣аанасса уббаад̣̇ааяа хзд̇у агкаад̇о’’д̇и. ‘‘ин̇гха, бханд̇з нааг̇асзна, гааран̣ам̣ д̣̇ассзд̇ваа гааран̣зна мам̣ сан̃н̃аабзхи, яат̇аахам̣ ж̇аанзяяам̣ ниб̣б̣аанасса сажчигирияааяа хзд̇у ад̇т̇и, ниб̣б̣аанасса уббаад̣̇ааяа хзд̇у над̇т̇ий’’д̇и.
‘‘Anuppādanīyaṃ, mahārāja, nibbānaṃ, tasmā na nibbānassa uppādāya hetu akkhāto’’ti. ‘‘Iṅgha, bhante nāgasena, kāraṇaṃ dassetvā kāraṇena maṃ saññāpehi, yathāhaṃ jāneyyaṃ nibbānassa sacchikiriyāya hetu atthi, nibbānassa uppādāya hetu natthī’’ti.
‘‘д̇зна хи, махаарааж̇а, саггажжам̣ сод̇ам̣ од̣̇аха, саад̇хугам̣ сун̣охи, вагкаами д̇ад̇т̇а гааран̣ам̣, саггун̣зяяа, махаарааж̇а, бурисо баагад̇игзна б̣алзна ид̇о химаванд̇ам̣ баб̣б̣ад̇арааж̇ам̣ убаг̇анд̇у’’нд̇и? ‘‘аама, бханд̇з’’д̇и. ‘‘саггун̣зяяа бана со, махаарааж̇а, бурисо баагад̇игзна б̣алзна химаванд̇ам̣ баб̣б̣ад̇арааж̇ам̣ ид̇ха аахарид̇у’’нд̇и? ‘‘на хи, бханд̇з’’д̇и. ‘‘звамзва ко, махаарааж̇а, саггаа ниб̣б̣аанасса сажчигирияааяа маг̇г̇о агкаад̇ум̣, на саггаа ниб̣б̣аанасса уббаад̣̇ааяа хзд̇у д̣̇ассзд̇ум̣.
‘‘Tena hi, mahārāja, sakkaccaṃ sotaṃ odaha, sādhukaṃ suṇohi, vakkhāmi tattha kāraṇaṃ, sakkuṇeyya, mahārāja, puriso pākatikena balena ito himavantaṃ pabbatarājaṃ upagantu’’nti? ‘‘Āma, bhante’’ti. ‘‘Sakkuṇeyya pana so, mahārāja, puriso pākatikena balena himavantaṃ pabbatarājaṃ idha āharitu’’nti? ‘‘Na hi, bhante’’ti. ‘‘Evameva kho, mahārāja, sakkā nibbānassa sacchikiriyāya maggo akkhātuṃ, na sakkā nibbānassa uppādāya hetu dassetuṃ.
‘‘саггун̣зяяа, махаарааж̇а, бурисо баагад̇игзна б̣алзна махаасамуд̣̇д̣̇ам̣ наавааяа уд̇д̇арид̇ваа бааримад̇ийрам̣ г̇анд̇у’’нд̇и? ‘‘аама, бханд̇з’’д̇и? ‘‘саггун̣зяяа бана со, махаарааж̇а , бурисо баагад̇игзна б̣алзна махаасамуд̣̇д̣̇асса бааримад̇ийрам̣ ид̇ха аахарид̇у’’нд̇и? ‘‘на хи бханд̇з’’д̇и. ‘‘звамзва ко, махаарааж̇а, саггаа ниб̣б̣аанасса сажчигирияааяа маг̇г̇о агкаад̇ум̣, на саггаа ниб̣б̣аанасса уббаад̣̇ааяа хзд̇у д̣̇ассзд̇ум̣. гим̣ гааран̣аа? асан̇кад̇ад̇д̇аа д̇хаммассаа’’д̇и.
‘‘Sakkuṇeyya, mahārāja, puriso pākatikena balena mahāsamuddaṃ nāvāya uttaritvā pārimatīraṃ gantu’’nti? ‘‘Āma, bhante’’ti? ‘‘Sakkuṇeyya pana so, mahārāja , puriso pākatikena balena mahāsamuddassa pārimatīraṃ idha āharitu’’nti? ‘‘Na hi bhante’’ti. ‘‘Evameva kho, mahārāja, sakkā nibbānassa sacchikiriyāya maggo akkhātuṃ, na sakkā nibbānassa uppādāya hetu dassetuṃ. Kiṃ kāraṇā? Asaṅkhatattā dhammassā’’ti.
‘‘асан̇кад̇ам̣ , бханд̇з нааг̇асзна, ниб̣б̣аана’’нд̇и? ‘‘аама, махаарааж̇а, асан̇кад̇ам̣ ниб̣б̣аанам̣ на гзхижи гад̇ам̣, ниб̣б̣аанам̣, махаарааж̇а, на вад̇д̇аб̣б̣ам̣ уббаннанд̇и ваа ануббаннанд̇и ваа уббаад̣̇анийяанд̇и ваа ад̇ийд̇анд̇и ваа анааг̇ад̇анд̇и ваа бажжуббаннанд̇и ваа жагкувин̃н̃зяяанд̇и ваа сод̇авин̃н̃зяяанд̇и ваа гхаанавин̃н̃зяяанд̇и ваа ж̇ивхаавин̃н̃зяяанд̇и ваа гааяавин̃н̃зяяанд̇и ваа’’д̇и. ‘‘яад̣̇и, бханд̇з нааг̇асзна, ниб̣б̣аанам̣ на уббаннам̣ на ануббаннам̣ на уббаад̣̇анийяам̣ на ад̇ийд̇ам̣ на анааг̇ад̇ам̣ на бажжуббаннам̣ на жагкувин̃н̃зяяам̣ на сод̇авин̃н̃зяяам̣ на гхаанавин̃н̃зяяам̣ на ж̇ивхаавин̃н̃зяяам̣ на гааяавин̃н̃зяяам̣, д̇зна хи, бханд̇з нааг̇асзна, д̇умхз над̇т̇ид̇хаммам̣ ниб̣б̣аанам̣ абад̣̇исат̇а ‘над̇т̇и ниб̣б̣аана’нд̇и. ‘‘ад̇т̇и, махаарааж̇а, ниб̣б̣аанам̣, мановин̃н̃зяяам̣ ниб̣б̣аанам̣, висуд̣̇д̇хзна маанасзна бан̣ийд̇зна уж̇угзна анааваран̣зна нираамисзна саммаабадибанно арияасааваго ниб̣б̣аанам̣ бассад̇ий’’д̇и.
‘‘Asaṅkhataṃ , bhante nāgasena, nibbāna’’nti? ‘‘Āma, mahārāja, asaṅkhataṃ nibbānaṃ na kehici kataṃ, nibbānaṃ, mahārāja, na vattabbaṃ uppannanti vā anuppannanti vā uppādanīyanti vā atītanti vā anāgatanti vā paccuppannanti vā cakkhuviññeyyanti vā sotaviññeyyanti vā ghānaviññeyyanti vā jivhāviññeyyanti vā kāyaviññeyyanti vā’’ti. ‘‘Yadi, bhante nāgasena, nibbānaṃ na uppannaṃ na anuppannaṃ na uppādanīyaṃ na atītaṃ na anāgataṃ na paccuppannaṃ na cakkhuviññeyyaṃ na sotaviññeyyaṃ na ghānaviññeyyaṃ na jivhāviññeyyaṃ na kāyaviññeyyaṃ, tena hi, bhante nāgasena, tumhe natthidhammaṃ nibbānaṃ apadisatha ‘natthi nibbāna’nti. ‘‘Atthi, mahārāja, nibbānaṃ, manoviññeyyaṃ nibbānaṃ, visuddhena mānasena paṇītena ujukena anāvaraṇena nirāmisena sammāpaṭipanno ariyasāvako nibbānaṃ passatī’’ti.
‘‘гийд̣̇исам̣ бана д̇ам̣, бханд̇з, ниб̣б̣аанам̣, яам̣ д̇ам̣ обаммзхи аад̣̇ийбанийяам̣ гааран̣зхи мам̣ сан̃н̃аабзхи, яат̇аа ад̇т̇ид̇хаммам̣ обаммзхи аад̣̇ийбанийяа’’нд̇и. ‘‘ад̇т̇и, махаарааж̇а, ваад̇о наамаа’’д̇и? ‘‘аама, бханд̇з’’д̇и. ‘‘ин̇гха, махаарааж̇а, ваад̇ам̣ д̣̇ассзхи ван̣н̣ад̇о ваа сан̣таанад̇о ваа ан̣ум̣ ваа т̇уулам̣ ваа д̣̇ийгхам̣ ваа рассам̣ ваа’’д̇и. ‘‘на саггаа, бханд̇з нааг̇асзна, ваад̇о убад̣̇ассаяид̇ум̣, на со ваад̇о хад̇т̇аг̇г̇ахан̣ам̣ ваа ниммад̣̇д̣̇анам̣ ваа убзд̇и, аби жа ад̇т̇и со ваад̇о’’д̇и. ‘‘яад̣̇и, махаарааж̇а, на саггаа ваад̇о убад̣̇ассаяид̇ум̣, д̇зна хи над̇т̇и ваад̇о’’д̇и? ‘‘ж̇аанаамахам̣, бханд̇з нааг̇асзна, ваад̇о ад̇т̇ийд̇и мз хад̣̇аяз анубавидтам̣, на жаахам̣ саггоми ваад̇ам̣ убад̣̇ассаяид̇у’’нд̇и. ‘‘звамзва ко, махаарааж̇а, ад̇т̇и ниб̣б̣аанам̣, на жа саггаа ниб̣б̣аанам̣ убад̣̇ассаяид̇ум̣ ван̣н̣зна ваа сан̣таанзна ваа’’д̇и. ‘‘саад̇ху, бханд̇з нааг̇асзна, суубад̣̇ассид̇ам̣ обаммам̣, сунид̣̇д̣̇идтам̣ гааран̣ам̣, звамзд̇ам̣ д̇ат̇аа самбадижчаами ‘ад̇т̇и ниб̣б̣аана’’’нд̇и.
‘‘Kīdisaṃ pana taṃ, bhante, nibbānaṃ, yaṃ taṃ opammehi ādīpanīyaṃ kāraṇehi maṃ saññāpehi, yathā atthidhammaṃ opammehi ādīpanīya’’nti. ‘‘Atthi, mahārāja, vāto nāmā’’ti? ‘‘Āma, bhante’’ti. ‘‘Iṅgha, mahārāja, vātaṃ dassehi vaṇṇato vā saṇṭhānato vā aṇuṃ vā thūlaṃ vā dīghaṃ vā rassaṃ vā’’ti. ‘‘Na sakkā, bhante nāgasena, vāto upadassayituṃ, na so vāto hatthaggahaṇaṃ vā nimmaddanaṃ vā upeti, api ca atthi so vāto’’ti. ‘‘Yadi, mahārāja, na sakkā vāto upadassayituṃ, tena hi natthi vāto’’ti? ‘‘Jānāmahaṃ, bhante nāgasena, vāto atthīti me hadaye anupaviṭṭhaṃ, na cāhaṃ sakkomi vātaṃ upadassayitu’’nti. ‘‘Evameva kho, mahārāja, atthi nibbānaṃ, na ca sakkā nibbānaṃ upadassayituṃ vaṇṇena vā saṇṭhānena vā’’ti. ‘‘Sādhu, bhante nāgasena, sūpadassitaṃ opammaṃ, suniddiṭṭhaṃ kāraṇaṃ, evametaṃ tathā sampaṭicchāmi ‘atthi nibbāna’’’nti.
агаммаж̇аад̣̇ибан̃хо бан̃жамо.
Akammajādipañho pañcamo.
Footnotes:
