| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. агамманияаваг̇г̇аван̣н̣анаа
3. Akammaniyavaggavaṇṇanā
21-22. д̇ад̇ияасса батамз абхаавид̇анд̇и авад̣дхид̇ам̣ бхааванаавасзна аббавад̇д̇ид̇ам̣. агамманияам̣ ход̇ийд̇и гаммагкамам̣ гаммаяог̇г̇ам̣ на ход̇и. д̣̇уд̇ияз вуд̇д̇авибарияааязна ад̇т̇о взд̣̇ид̇аб̣б̣о. зд̇т̇а жа батамз жид̇д̇анд̇и ваддавасзна уббаннажид̇д̇ам̣, д̣̇уд̇ияз виваддавасзна уббаннажид̇д̇ам̣. д̇ад̇т̇а жа ваддам̣ ваддабаад̣̇ам̣, виваддам̣ виваддабаад̣̇анд̇и аяам̣ бабхзд̣̇о взд̣̇ид̇аб̣б̣о. ваддам̣ наама д̇збхуумагаваддам̣, ваддабаад̣̇ам̣ наама ваддабадилаабхааяа гаммам̣, виваддам̣ наама нава логуд̇д̇арад̇хаммаа, виваддабаад̣̇ам̣ наама виваддабадилаабхааяа гаммам̣. ид̇и имзсу суд̇д̇зсу ваддавиваддамзва гат̇ид̇анд̇и.
21-22. Tatiyassa paṭhame abhāvitanti avaḍḍhitaṃ bhāvanāvasena appavattitaṃ. Akammaniyaṃ hotīti kammakkhamaṃ kammayoggaṃ na hoti. Dutiye vuttavipariyāyena attho veditabbo. Ettha ca paṭhame cittanti vaṭṭavasena uppannacittaṃ, dutiye vivaṭṭavasena uppannacittaṃ. Tattha ca vaṭṭaṃ vaṭṭapādaṃ, vivaṭṭaṃ vivaṭṭapādanti ayaṃ pabhedo veditabbo. Vaṭṭaṃ nāma tebhūmakavaṭṭaṃ, vaṭṭapādaṃ nāma vaṭṭapaṭilābhāya kammaṃ, vivaṭṭaṃ nāma nava lokuttaradhammā, vivaṭṭapādaṃ nāma vivaṭṭapaṭilābhāya kammaṃ. Iti imesu suttesu vaṭṭavivaṭṭameva kathitanti.
23-24. д̇ад̇ияз ваддавасзнзва уббаннажид̇д̇ам̣ взд̣̇ид̇аб̣б̣ам̣. махад̇о анад̇т̇ааяа сам̣вад̇д̇ад̇ийд̇и д̣̇звамануссасамбад̇д̇ияо маараб̣рахмаиссарияаани жа д̣̇ад̣̇амаанамби бунаббунам̣ ж̇аад̇иж̇арааб̣яаад̇химаран̣асогабарид̣̇звад̣̇угкад̣̇оманассубааяаасз канд̇хад̇хаад̇уааяад̇анабадижжасамуббаад̣̇аваддаани жа д̣̇ад̣̇амаанам̣ гзвалам̣ д̣̇угкагканд̇хамзва д̣̇зд̇ийд̇и махад̇о анад̇т̇ааяа сам̣вад̇д̇ад̇и наамаад̇и. жад̇уд̇т̇з жид̇д̇анд̇и виваддавасзнзва уббаннажид̇д̇ам̣.
23-24. Tatiye vaṭṭavaseneva uppannacittaṃ veditabbaṃ. Mahato anatthāya saṃvattatīti devamanussasampattiyo mārabrahmaissariyāni ca dadamānampi punappunaṃ jātijarābyādhimaraṇasokaparidevadukkhadomanassupāyāse khandhadhātuāyatanapaṭiccasamuppādavaṭṭāni ca dadamānaṃ kevalaṃ dukkhakkhandhameva detīti mahato anatthāya saṃvattati nāmāti. Catutthe cittanti vivaṭṭavaseneva uppannacittaṃ.
25-26. бан̃жамачадтзсу абхаавид̇ам̣ абаад̇убхууд̇анд̇и аяам̣ висзсо. д̇ад̇раамаяад̇хиббааяо – ваддавасзна уббаннажид̇д̇ам̣ наама уббаннамби абхаавид̇ам̣ абаад̇убхууд̇амзва ход̇и. гасмаа ? логуд̇д̇арабаад̣̇агаж̇жхаанавибассанаамаг̇г̇апаланиб̣б̣аанзсу багканд̣̇ид̇ум̣ асамад̇т̇ад̇д̇аа. виваддавасзна уббаннам̣ бана бхаавид̇ам̣ баад̇убхууд̇ам̣ наама ход̇и. гасмаа? д̇зсу д̇хаммзсу багканд̣̇ид̇ум̣ самад̇т̇ад̇д̇аа. гурунд̣̇агаваасий пуссамид̇д̇ад̇т̇зро банааха – ‘‘маг̇г̇ажид̇д̇амзва, аавусо, бхаавид̇ам̣ баад̇убхууд̇ам̣ наама ход̇ий’’д̇и.
25-26. Pañcamachaṭṭhesu abhāvitaṃ apātubhūtanti ayaṃ viseso. Tatrāmayadhippāyo – vaṭṭavasena uppannacittaṃ nāma uppannampi abhāvitaṃ apātubhūtameva hoti. Kasmā ? Lokuttarapādakajjhānavipassanāmaggaphalanibbānesu pakkhandituṃ asamatthattā. Vivaṭṭavasena uppannaṃ pana bhāvitaṃ pātubhūtaṃ nāma hoti. Kasmā? Tesu dhammesu pakkhandituṃ samatthattā. Kurundakavāsī phussamittatthero panāha – ‘‘maggacittameva, āvuso, bhāvitaṃ pātubhūtaṃ nāma hotī’’ti.
27-28. сад̇д̇амадтамзсу аб̣ахулийгад̇анд̇и бунаббунам̣ агад̇ам̣. имааниби д̣̇вз ваддавиваддавасзна уббаннажид̇д̇аанзва взд̣̇ид̇аб̣б̣аанийд̇и.
27-28. Sattamaṭṭhamesu abahulīkatanti punappunaṃ akataṃ. Imānipi dve vaṭṭavivaṭṭavasena uppannacittāneva veditabbānīti.
29. навамз ‘‘ж̇аад̇иби д̣̇угкаа’’д̇иаад̣̇инаа наязна вуд̇д̇ам̣ д̣̇угкам̣ ад̇хивахад̇и аахарад̇ийд̇и д̣̇угкаад̇хивахам̣. д̣̇угкаад̇хивааханд̇иби баато. д̇ассад̇т̇о – логуд̇д̇арабаад̣̇агаж̇жхаанаад̣̇и арияад̇хаммаабхимукам̣ д̣̇угкзна ад̇хиваахийяад̇и бзсийяад̇ийд̇и д̣̇угкаад̇хиваахам̣. ид̣̇амби ваддавасзна уббаннажид̇д̇амзва. д̇ан̃хи вуд̇д̇аббагаараа д̣̇звамануссаад̣̇исамбад̇д̇ияо д̣̇ад̣̇амаанамби ж̇аад̇иаад̣̇ийнам̣ ад̇хиваханад̇о д̣̇угкаад̇хивахам̣, арияад̇хаммаад̇хиг̇амааяа д̣̇уббзсанад̇о д̣̇угкаад̇хиваахан̃жа наама ход̇ийд̇и.
29. Navame ‘‘jātipi dukkhā’’tiādinā nayena vuttaṃ dukkhaṃ adhivahati āharatīti dukkhādhivahaṃ. Dukkhādhivāhantipi pāṭho. Tassattho – lokuttarapādakajjhānādi ariyadhammābhimukhaṃ dukkhena adhivāhīyati pesīyatīti dukkhādhivāhaṃ. Idampi vaṭṭavasena uppannacittameva. Tañhi vuttappakārā devamanussādisampattiyo dadamānampi jātiādīnaṃ adhivahanato dukkhādhivahaṃ, ariyadhammādhigamāya duppesanato dukkhādhivāhañca nāma hotīti.
30. д̣̇асамз виваддавасзна уббаннажид̇д̇амзва жид̇д̇ам̣. д̇ан̃хи маанусагасукад̇о д̣̇иб̣б̣асукам̣, д̣̇иб̣б̣асукад̇о жхаанасукам̣, жхаанасукад̇о вибассанаасукам̣, вибассанаасукад̇о маг̇г̇асукам̣, маг̇г̇асукад̇о паласукам̣, паласукад̇о ниб̣б̣аанасукам̣ ад̇хивахад̇и аахарад̇ийд̇и сукаад̇хивахам̣ наама ход̇и, сукаад̇хиваахам̣ ваа. д̇ан̃хи логуд̇д̇арабаад̣̇агаж̇жхаанаад̣̇иарияад̇хаммаабхимукам̣ субзсаяам̣ виссадтаинд̣̇аваж̇ирасад̣̇исам̣ ход̇ийд̇и сукаад̇хивааханд̇иби вужжад̇и. имасмимби ваг̇г̇з ваддавиваддамзва гат̇ид̇анд̇и.
30. Dasame vivaṭṭavasena uppannacittameva cittaṃ. Tañhi mānusakasukhato dibbasukhaṃ, dibbasukhato jhānasukhaṃ, jhānasukhato vipassanāsukhaṃ, vipassanāsukhato maggasukhaṃ, maggasukhato phalasukhaṃ, phalasukhato nibbānasukhaṃ adhivahati āharatīti sukhādhivahaṃ nāma hoti, sukhādhivāhaṃ vā. Tañhi lokuttarapādakajjhānādiariyadhammābhimukhaṃ supesayaṃ vissaṭṭhaindavajirasadisaṃ hotīti sukhādhivāhantipi vuccati. Imasmimpi vagge vaṭṭavivaṭṭameva kathitanti.
агамманияаваг̇г̇аван̣н̣анаа.
Akammaniyavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. агамманияаваг̇г̇о • 3. Akammaniyavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. агамманияаваг̇г̇аван̣н̣анаа • 3. Akammaniyavaggavaṇṇanā
