| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. агамманияаваг̇г̇аван̣н̣анаа
3. Akammaniyavaggavaṇṇanā
21. д̇ад̇ияасса батамз абхаавид̇анд̇и самат̇авибассанаабхааванаавасзна на бхаавид̇ам̣ д̇ат̇аа абхаавид̇ад̇д̇аа. д̇ан̃хи ‘‘авад̣дхид̇а’’нд̇и вужжад̇и бадибагкаабхибхавзна бариб̣рууханаабхаавад̇о. д̇знааха бхаг̇аваа – ‘‘агамманияам̣ ход̇ий’’д̇и.
21. Tatiyassa paṭhame abhāvitanti samathavipassanābhāvanāvasena na bhāvitaṃ tathā abhāvitattā. Tañhi ‘‘avaḍḍhita’’nti vuccati paṭipakkhābhibhavena paribrūhanābhāvato. Tenāha bhagavā – ‘‘akammaniyaṃ hotī’’ti.
22. д̣̇уд̇ияз вуд̇д̇авибарияааязна ад̇т̇о взд̣̇ид̇аб̣б̣о. батамзд̇и д̇ад̇ияаваг̇г̇асса батамасуд̇д̇з. ваддавасзнаад̇и вибаагаваддавасзна. д̇збхуумагавадданд̇и д̇збхуумагавибаагаваддам̣. ваддабадилаабхааяа гамманд̇и вибаагаваддасса бадилаабхааяа убаниссаяабхууд̇ам̣ гаммам̣, д̇асса сахааяабхууд̇ам̣ гилзсаваддамби гаммаг̇г̇ахан̣знзва сан̇г̇ахид̇анд̇и д̣̇адтаб̣б̣ам̣. виваддабадилаабхааяа гамманд̇и виваддаад̇хиг̇амасса убаниссаяабхууд̇ам̣ гаммам̣. яам̣ бана жаримабхаваниб̣б̣ад̇д̇агам̣ гаммам̣, д̇ам̣ виваддаббадилаабхааяа гаммам̣ ход̇и, на ход̇ийд̇и? на ход̇и ваддабаад̣̇агабхаавад̇о. жаримабхавабадисанд̇хи вияа бана виваддуубаниссаяод̇и саггаа вин̃н̃аад̇ум̣. на хи гад̣̇аажи д̇ихзд̇угабадисанд̇хияаа винаа висзсаад̇хиг̇амо самбхавад̇и. имзсу суд̇д̇зсууд̇и имзсу бана батамад̣̇уд̇ияасуд̇д̇зсу яат̇ааггамам̣ ваддавиваддамзва гат̇ид̇ам̣.
22. Dutiye vuttavipariyāyena attho veditabbo. Paṭhameti tatiyavaggassa paṭhamasutte. Vaṭṭavasenāti vipākavaṭṭavasena. Tebhūmakavaṭṭanti tebhūmakavipākavaṭṭaṃ. Vaṭṭapaṭilābhāya kammanti vipākavaṭṭassa paṭilābhāya upanissayabhūtaṃ kammaṃ, tassa sahāyabhūtaṃ kilesavaṭṭampi kammaggahaṇeneva saṅgahitanti daṭṭhabbaṃ. Vivaṭṭapaṭilābhāya kammanti vivaṭṭādhigamassa upanissayabhūtaṃ kammaṃ. Yaṃ pana carimabhavanibbattakaṃ kammaṃ, taṃ vivaṭṭappaṭilābhāya kammaṃ hoti, na hotīti? Na hoti vaṭṭapādakabhāvato. Carimabhavapaṭisandhi viya pana vivaṭṭūpanissayoti sakkā viññātuṃ. Na hi kadāci tihetukapaṭisandhiyā vinā visesādhigamo sambhavati. Imesu suttesūti imesu pana paṭhamadutiyasuttesu yathākkamaṃ vaṭṭavivaṭṭameva kathitaṃ.
23. д̇ад̇ияз абхаавид̇анд̇и зд̇т̇а бхааванаа наама самаад̇хибхааванаа. саа яад̇т̇а аасан̇гид̇аб̣б̣аа, д̇ам̣ гаамааважарабатамамахаагусалажид̇д̇аад̣̇иабхаавид̇анд̇и ад̇хиббзд̇анд̇и ааха – ‘‘д̣̇звамануссасамбад̇д̇ияо’’д̇иаад̣̇и.
23. Tatiye abhāvitanti ettha bhāvanā nāma samādhibhāvanā. Sā yattha āsaṅkitabbā, taṃ kāmāvacarapaṭhamamahākusalacittādiabhāvitanti adhippetanti āha – ‘‘devamanussasampattiyo’’tiādi.
24. жад̇уд̇т̇з яасмаа жид̇д̇анд̇и виваддавасзнзва уббаннажид̇д̇ам̣ ад̇хиббзд̇ам̣, д̇асмаа ж̇аад̇иж̇арааб̣яаад̇химаран̣асогаад̣̇ид̣̇угкасса аниб̣б̣ад̇д̇анад̇о махад̇о ад̇т̇ааяа сам̣вад̇д̇ад̇ийд̇и яож̇анаа взд̣̇ид̇аб̣б̣аа.
24. Catutthe yasmā cittanti vivaṭṭavaseneva uppannacittaṃ adhippetaṃ, tasmā jātijarābyādhimaraṇasokādidukkhassa anibbattanato mahato atthāya saṃvattatīti yojanā veditabbā.
25-26. бан̃жамачадтзсу уббаннанд̇и авиг̇ад̇уббаад̣̇аад̣̇икан̣ад̇д̇аяамби абхаавид̇ам̣ бхааванаарахид̇ам̣ абаад̇убхууд̇амзва бан̣д̣ид̇асаммад̇асса уббаннагижжасса асаад̇ханад̇о яат̇аа ‘‘абуд̇д̇о’’д̇и. со хи самад̇т̇о худ̇ваа бид̇у буд̇д̇агижжам̣ асаад̇хзнд̇о абуд̇д̇од̇и логз вужжад̇и, звам̣ самбад̣̇амид̣̇ам̣. д̇знааха – ‘‘гасмаа’’д̇иаад̣̇и. д̇зсу д̇хаммзсууд̇и логуд̇д̇арабаад̣̇агаж̇жхаанаад̣̇ийсу. т̇зро бана мад̇т̇агаббад̇д̇амзва бхаавид̇ам̣ жид̇д̇ам̣ д̣̇ассзнд̇о ‘‘маг̇г̇ажид̇д̇амзваа’’д̇и ааха.
25-26. Pañcamachaṭṭhesu uppannanti avigatuppādādikhaṇattayampi abhāvitaṃ bhāvanārahitaṃ apātubhūtameva paṇḍitasammatassa uppannakiccassa asādhanato yathā ‘‘aputto’’ti. So hi samattho hutvā pitu puttakiccaṃ asādhento aputtoti loke vuccati, evaṃ sampadamidaṃ. Tenāha – ‘‘kasmā’’tiādi. Tesu dhammesūti lokuttarapādakajjhānādīsu. Thero pana matthakappattameva bhāvitaṃ cittaṃ dassento ‘‘maggacittamevā’’ti āha.
27-28. сад̇д̇амадтамзсу бунаббунам̣ агад̇анд̇и бхааванааб̣ахулийгааравасзна бунаббунам̣ на гад̇ам̣. имааниби д̣̇взд̇и имзсу д̣̇вийсу суд̇д̇зсу ааг̇ад̇аани имааниби д̣̇вз жид̇д̇аани.
27-28. Sattamaṭṭhamesu punappunaṃ akatanti bhāvanābahulīkāravasena punappunaṃ na kataṃ. Imānipi dveti imesu dvīsu suttesu āgatāni imānipi dve cittāni.
29-30. навамз ад̇хивахад̇ийд̇и аанзд̇и. д̣̇угкзнаад̇и гижчзна. д̣̇уббзсанад̇од̇и д̣̇угкзна бзсзд̇аб̣б̣ад̇о. мад̇т̇агаббад̇д̇ам̣ вибассанаасукам̣ баагад̇игаж̇жхаанасукад̇о санд̇ад̇арабан̣ийд̇ад̇арамзваад̇и ааха – ‘‘жхаанасукад̇о вибассанаасука’’нд̇и. д̇знааха бхаг̇аваа –
29-30. Navame adhivahatīti āneti. Dukkhenāti kicchena. Duppesanatoti dukkhena pesetabbato. Matthakappattaṃ vipassanāsukhaṃ pākatikajjhānasukhato santatarapaṇītataramevāti āha – ‘‘jhānasukhato vipassanāsukha’’nti. Tenāha bhagavā –
‘‘сун̃н̃ааг̇аарам̣ бавидтасса, санд̇ажид̇д̇асса бхигкуно;
‘‘Suññāgāraṃ paviṭṭhassa, santacittassa bhikkhuno;
амаанусий рад̇и ход̇и, саммаа д̇хаммам̣ вибассад̇о.
Amānusī rati hoti, sammā dhammaṃ vipassato.
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374);
Labhatī pītipāmojjaṃ, amataṃ taṃ vijānata’’nti. (dha. pa. 374);
д̇ан̃хи жид̇д̇ам̣ виссадтаинд̣̇аваж̇ирасад̣̇исам̣ амогхабхаавад̇о.
Tañhi cittaṃ vissaṭṭhaindavajirasadisaṃ amoghabhāvato.
агамманияаваг̇г̇аван̣н̣анаа нидтид̇аа.
Akammaniyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. агамманияаваг̇г̇о • 3. Akammaniyavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. агамманияаваг̇г̇аван̣н̣анаа • 3. Akammaniyavaggavaṇṇanā
