| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. ааган̇кзяяасуд̇д̇ам̣
6. Ākaṅkheyyasuttaṃ
64. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
64. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘самбаннасийлаа, бхигкавз, вихарат̇а самбаннабаад̇имогкаа; баад̇имогкасам̣варасам̣вуд̇аа вихарат̇а аажаараг̇ожарасамбаннаа ан̣умад̇д̇зсу важ̇ж̇зсу бхаяад̣̇ассаавино; самаад̣̇ааяа сигкат̇а сигкаабад̣̇зсу.
‘‘Sampannasīlā, bhikkhave, viharatha sampannapātimokkhā; pātimokkhasaṃvarasaṃvutā viharatha ācāragocarasampannā aṇumattesu vajjesu bhayadassāvino; samādāya sikkhatha sikkhāpadesu.
65. ‘‘ааган̇кзяяа жз, бхигкавз, бхигку – ‘саб̣рахмажаарийнам̣ бияо жа ассам̣ манаабо жа г̇ару жа бхааванийяо жаа’д̇и 1, сийлзсвзвасса барибуурагаарий аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано вибассанааяа саманнааг̇ад̇о б̣руухзд̇аа сун̃н̃ааг̇аараанам̣.
65. ‘‘Ākaṅkheyya ce, bhikkhave, bhikkhu – ‘sabrahmacārīnaṃ piyo ca assaṃ manāpo ca garu ca bhāvanīyo cā’ti 2, sīlesvevassa paripūrakārī ajjhattaṃ cetosamathamanuyutto anirākatajjhāno vipassanāya samannāgato brūhetā suññāgārānaṃ.
‘‘ааган̇кзяяа жз, бхигкавз, бхигку – ‘лаабхий ассам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараана’нд̇и, сийлзсвзвасса барибуурагаарий аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано вибассанааяа саманнааг̇ад̇о б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘lābhī assaṃ cīvarapiṇḍapātasenāsanagilānappaccayabhesajjaparikkhārāna’nti, sīlesvevassa paripūrakārī ajjhattaṃ cetosamathamanuyutto anirākatajjhāno vipassanāya samannāgato brūhetā suññāgārānaṃ.
‘‘ааган̇кзяяа жз, бхигкавз, бхигку – ‘язсаахам̣ жийварабин̣д̣абаад̇асзнаасана г̇илаанаббажжаяабхзсаж̇ж̇абаригкаарам̣ барибхун̃ж̇аами д̇зсам̣ д̇з гаараа махабпалаа ассу махаанисам̣саа’д̇и, сийлзсвзвасса барибуурагаарий аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано вибассанааяа саманнааг̇ад̇о б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘yesāhaṃ cīvarapiṇḍapātasenāsana gilānappaccayabhesajjaparikkhāraṃ paribhuñjāmi tesaṃ te kārā mahapphalā assu mahānisaṃsā’ti, sīlesvevassa paripūrakārī ajjhattaṃ cetosamathamanuyutto anirākatajjhāno vipassanāya samannāgato brūhetā suññāgārānaṃ.
‘‘ааган̇кзяяа жз, бхигкавз, бхигку – ‘яз мам̣ 3 н̃аад̇ий саалохид̇аа бзд̇аа гаалан̇гад̇аа 4 басаннажид̇д̇аа ануссаранд̇и д̇зсам̣ д̇ам̣ махабпалам̣ асса махаанисам̣са’нд̇и, сийлзсвзвасса барибуурагаарий аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано вибассанааяа саманнааг̇ад̇о б̣руухзд̇аа сун̃н̃ааг̇аараанам̣.
66. ‘‘ааган̇кзяяа жз, бхигкавз, бхигку – ‘арад̇ирад̇исахо ассам̣, на жа мам̣ арад̇и сахзяяа, уббаннам̣ арад̇им̣ абхибхуяяа абхибхуяяа вихарзяяа’нд̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
66. ‘‘Ākaṅkheyya ce, bhikkhave, bhikkhu – ‘aratiratisaho assaṃ, na ca maṃ arati saheyya, uppannaṃ aratiṃ abhibhuyya abhibhuyya vihareyya’nti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘бхаяабхзравасахо ассам̣, на жа мам̣ бхаяабхзравам̣ сахзяяа, уббаннам̣ бхаяабхзравам̣ абхибхуяяа абхибхуяяа вихарзяяа’нд̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘bhayabheravasaho assaṃ, na ca maṃ bhayabheravaṃ saheyya, uppannaṃ bhayabheravaṃ abhibhuyya abhibhuyya vihareyya’nti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ассам̣ агижчалаабхий агасиралаабхий’д̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī assaṃ akicchalābhī akasiralābhī’ti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘яз д̇з санд̇аа вимогкаа ад̇иггамма руубз ааруббаа, д̇з гааязна пусид̇ваа вихарзяяа’нд̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘ye te santā vimokkhā atikkamma rūpe āruppā, te kāyena phusitvā vihareyya’nti, sīlesvevassa paripūrakārī…pe… brūhetā suññāgārānaṃ.
67. ‘‘ааган̇кзяяа жз, бхигкавз, бхигку – ‘д̇ин̣н̣ам̣ сам̣яож̇анаанам̣ баригкаяаа сод̇аабанно ассам̣ авинибаад̇ад̇хаммо нияад̇о самб̣од̇хибарааяан̣о’д̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
67. ‘‘Ākaṅkheyya ce, bhikkhave, bhikkhu – ‘tiṇṇaṃ saṃyojanānaṃ parikkhayā sotāpanno assaṃ avinipātadhammo niyato sambodhiparāyaṇo’ti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ассам̣ сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарзяяа’нд̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī assaṃ sakideva imaṃ lokaṃ āgantvā dukkhassantaṃ kareyya’nti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ассам̣ д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа’д̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘pañcannaṃ orambhāgiyānaṃ saṃyojanānaṃ parikkhayā opapātiko assaṃ tattha parinibbāyī anāvattidhammo tasmā lokā’ti, sīlesvevassa paripūrakārī…pe… brūhetā suññāgārānaṃ.
68. ‘‘ааган̇кзяяа жз, бхигкавз, бхигку – ‘анзгавихид̇ам̣ ид̣̇д̇хивид̇хам̣ бажжанубхавзяяам̣ – згоби худ̇ваа б̣ахуд̇хаа ассам̣, б̣ахуд̇хааби худ̇ваа зго ассам̣; аавибхаавам̣ д̇иробхаавам̣; д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчзяяам̣, сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гарзяяам̣, сзяяат̇ааби уд̣̇агз; уд̣̇агзби абхиж̇ж̇амаанз г̇ажчзяяам̣, сзяяат̇ааби бат̇авияам̣; аагаасзби баллан̇гзна гамзяяам̣, сзяяат̇ааби багкий сагун̣о; имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа бараамасзяяам̣ баримаж̇ж̇зяяам̣; яаава б̣рахмалогааби гааязна васам̣ вад̇д̇зяяа’нд̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
68. ‘‘Ākaṅkheyya ce, bhikkhave, bhikkhu – ‘anekavihitaṃ iddhividhaṃ paccanubhaveyyaṃ – ekopi hutvā bahudhā assaṃ, bahudhāpi hutvā eko assaṃ; āvibhāvaṃ tirobhāvaṃ; tirokuṭṭaṃ tiropākāraṃ tiropabbataṃ asajjamāno gaccheyyaṃ, seyyathāpi ākāse; pathaviyāpi ummujjanimujjaṃ kareyyaṃ, seyyathāpi udake; udakepi abhijjamāne gaccheyyaṃ, seyyathāpi pathaviyaṃ; ākāsepi pallaṅkena kameyyaṃ, seyyathāpi pakkhī sakuṇo; imepi candimasūriye evaṃmahiddhike evaṃmahānubhāve pāṇinā parāmaseyyaṃ parimajjeyyaṃ; yāva brahmalokāpi kāyena vasaṃ vatteyya’nti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣зяяам̣ – д̣̇иб̣б̣з жа маанусз жа яз д̣̇уурз санд̇игз жаа’д̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘dibbāya sotadhātuyā visuddhāya atikkantamānusikāya ubho sadde suṇeyyaṃ – dibbe ca mānuse ca ye dūre santike cā’ti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанзяяам̣ – сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанзяяам̣, вийд̇арааг̇ам̣ ваа жид̇д̇ам̣ вийд̇арааг̇ам̣ жид̇д̇анд̇и баж̇аанзяяам̣; сад̣̇осам̣ ваа жид̇д̇ам̣ сад̣̇осам̣ жид̇д̇анд̇и баж̇аанзяяам̣, вийд̇ад̣̇осам̣ ваа жид̇д̇ам̣ вийд̇ад̣̇осам̣ жид̇д̇анд̇и баж̇аанзяяам̣; самохам̣ ваа жид̇д̇ам̣ самохам̣ жид̇д̇анд̇и баж̇аанзяяам̣, вийд̇амохам̣ ваа жид̇д̇ам̣ вийд̇амохам̣ жид̇д̇анд̇и баж̇аанзяяам̣; сам̣кид̇д̇ам̣ ваа жид̇д̇ам̣ сам̣кид̇д̇ам̣ жид̇д̇анд̇и баж̇аанзяяам̣, вигкид̇д̇ам̣ ваа жид̇д̇ам̣ вигкид̇д̇ам̣ жид̇д̇анд̇и баж̇аанзяяам̣; махаг̇г̇ад̇ам̣ ваа жид̇д̇ам̣ махаг̇г̇ад̇ам̣ жид̇д̇анд̇и баж̇аанзяяам̣, амахаг̇г̇ад̇ам̣ ваа жид̇д̇ам̣ амахаг̇г̇ад̇ам̣ жид̇д̇анд̇и баж̇аанзяяам̣; сауд̇д̇арам̣ ваа жид̇д̇ам̣ сауд̇д̇арам̣ жид̇д̇анд̇и баж̇аанзяяам̣, ануд̇д̇арам̣ ваа жид̇д̇ам̣ ануд̇д̇арам̣ жид̇д̇анд̇и баж̇аанзяяам̣; самаахид̇ам̣ ваа жид̇д̇ам̣ самаахид̇ам̣ жид̇д̇анд̇и баж̇аанзяяам̣, асамаахид̇ам̣ ваа жид̇д̇ам̣ асамаахид̇ам̣ жид̇д̇анд̇и баж̇аанзяяам̣; вимуд̇д̇ам̣ ваа жид̇д̇ам̣ вимуд̇д̇ам̣ жид̇д̇анд̇и баж̇аанзяяам̣, авимуд̇д̇ам̣ ваа жид̇д̇ам̣ авимуд̇д̇ам̣ жид̇д̇анд̇и баж̇аанзяяа’нд̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘parasattānaṃ parapuggalānaṃ cetasā ceto paricca pajāneyyaṃ – sarāgaṃ vā cittaṃ sarāgaṃ cittanti pajāneyyaṃ, vītarāgaṃ vā cittaṃ vītarāgaṃ cittanti pajāneyyaṃ; sadosaṃ vā cittaṃ sadosaṃ cittanti pajāneyyaṃ, vītadosaṃ vā cittaṃ vītadosaṃ cittanti pajāneyyaṃ; samohaṃ vā cittaṃ samohaṃ cittanti pajāneyyaṃ, vītamohaṃ vā cittaṃ vītamohaṃ cittanti pajāneyyaṃ; saṃkhittaṃ vā cittaṃ saṃkhittaṃ cittanti pajāneyyaṃ, vikkhittaṃ vā cittaṃ vikkhittaṃ cittanti pajāneyyaṃ; mahaggataṃ vā cittaṃ mahaggataṃ cittanti pajāneyyaṃ, amahaggataṃ vā cittaṃ amahaggataṃ cittanti pajāneyyaṃ; sauttaraṃ vā cittaṃ sauttaraṃ cittanti pajāneyyaṃ, anuttaraṃ vā cittaṃ anuttaraṃ cittanti pajāneyyaṃ; samāhitaṃ vā cittaṃ samāhitaṃ cittanti pajāneyyaṃ, asamāhitaṃ vā cittaṃ asamāhitaṃ cittanti pajāneyyaṃ; vimuttaṃ vā cittaṃ vimuttaṃ cittanti pajāneyyaṃ, avimuttaṃ vā cittaṃ avimuttaṃ cittanti pajāneyya’nti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘анзгавихид̇ам̣ буб̣б̣зниваасам̣ ануссарзяяам̣, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇и сад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз – амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабаннод̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарзяяа’нд̇и, сийлзсвзвасса барибуурагаарий…бз… б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘anekavihitaṃ pubbenivāsaṃ anussareyyaṃ, seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jāti satasahassampi anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapannoti. Iti sākāraṃ sauddesaṃ anekavihitaṃ pubbenivāsaṃ anussareyya’nti, sīlesvevassa paripūrakārī…pe… brūhetā suññāgārānaṃ.
‘‘ааган̇кзяяа жз, бхигкавз, бхигку – ‘д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассзяяам̣ жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанзяяам̣ – имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа; имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаад̇и, ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассзяяам̣ жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанзяяа’нд̇и, сийлзсвзвасса барибуурагаарий аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано вибассанааяа саманнааг̇ад̇о б̣руухзд̇аа сун̃н̃ааг̇аараанам̣.
‘‘Ākaṅkheyya ce, bhikkhave, bhikkhu – ‘dibbena cakkhunā visuddhena atikkantamānusakena satte passeyyaṃ cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajāneyyaṃ – ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannāti, iti dibbena cakkhunā visuddhena atikkantamānusakena satte passeyyaṃ cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajāneyya’nti, sīlesvevassa paripūrakārī ajjhattaṃ cetosamathamanuyutto anirākatajjhāno vipassanāya samannāgato brūhetā suññāgārānaṃ.
69. ‘‘ааган̇кзяяа жз, бхигкавз, бхигку – ‘аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзвад̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа’нд̇и, сийлзсвзвасса барибуурагаарий аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано вибассанааяа саманнааг̇ад̇о б̣руухзд̇аа сун̃н̃ааг̇аараанам̣.
69. ‘‘Ākaṅkheyya ce, bhikkhave, bhikkhu – ‘āsavānaṃ khayā anāsavaṃ cetovimuttiṃ paññāvimuttiṃ diṭṭhevadhamme sayaṃ abhiññā sacchikatvā upasampajja vihareyya’nti, sīlesvevassa paripūrakārī ajjhattaṃ cetosamathamanuyutto anirākatajjhāno vipassanāya samannāgato brūhetā suññāgārānaṃ.
‘‘самбаннасийлаа, бхигкавз, вихарат̇а самбаннабаад̇имогкаа; баад̇имогкасам̣варасам̣вуд̇аа вихарат̇а аажаараг̇ожарасамбаннаа ан̣умад̇д̇зсу важ̇ж̇зсу бхаяад̣̇ассаавино; самаад̣̇ааяа сигкат̇а сигкаабад̣̇зсуу’’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇а’’нд̇и.
‘‘Sampannasīlā, bhikkhave, viharatha sampannapātimokkhā; pātimokkhasaṃvarasaṃvutā viharatha ācāragocarasampannā aṇumattesu vajjesu bhayadassāvino; samādāya sikkhatha sikkhāpadesū’’ti – iti yaṃ taṃ vuttaṃ idametaṃ paṭicca vutta’’nti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
ааган̇кзяяасуд̇д̇ам̣ нидтид̇ам̣ чадтам̣.
Ākaṅkheyyasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. ааган̇кзяяасуд̇д̇аван̣н̣анаа • 6. Ākaṅkheyyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. ааган̇кзяяасуд̇д̇аван̣н̣анаа • 6. Ākaṅkheyyasuttavaṇṇanā
