| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. ааган̇кзяяасуд̇д̇аван̣н̣анаа
6. Ākaṅkheyyasuttavaṇṇanā
64. самбаннанд̇и барибун̣н̣ам̣, саманд̇ад̇о баннам̣ бад̇д̇анд̇и самбаннам̣. д̇знааха ‘‘ид̣̇ам̣ барибун̣н̣асамбаннам̣ наамаа’’д̇и. нанд̇и ‘‘суваа’’д̇и вуд̇д̇ам̣ суваг̇ан̣ам̣. самбаннод̇и саммад̣̇зва банно г̇ад̇о убаг̇ад̇о. д̇знааха ‘‘саманнааг̇ад̇о’’д̇и. самбаннанд̇и самбад̇д̇ияуд̇д̇ам̣. саа банзд̇т̇а расасамбад̇д̇и ад̇хиббзд̇аа сааман̃н̃аж̇од̇анааяа висзсз авадтаанад̇о. д̇знааха ‘‘сзяяат̇ааби куд̣̇д̣̇амад̇хум̣ анзл̣ага’’нд̇и, нид̣̇д̣̇осанд̇и ад̇т̇о. д̇зна вуд̇д̇ам̣ ‘‘ид̣̇ам̣ мад̇хурасамбаннам̣ наамаа’’д̇и. сийласса анавасзсасамаад̣̇аанзна акан̣д̣аад̣̇ибхааваабад̇д̇ияаа жа барибун̣н̣асийлаа. самаад̣̇аанад̇о бадтааяа ажчинд̣̇анад̇о сийласаман̇г̇ино. самаад̣̇аанад̇о хи ажжанд̇авирод̇хид̇хаммаануббад̇д̇ияаа сийласаман̇г̇ид̇аа взд̣̇ид̇аб̣б̣аа, жзд̇анаад̣̇ийнам̣ бана сийланалагкан̣аанам̣ д̇хаммаанам̣ бавад̇д̇игкан̣з вад̇д̇аб̣б̣амзва над̇т̇и. висуд̣̇д̇химаг̇г̇з (висуд̣̇д̇хи. 1.9) вуд̇д̇аа, д̇асмаа д̇ад̇т̇а вуд̇д̇анаязнзва вид̇т̇аарагат̇аа взд̣̇ид̇аб̣б̣аад̇и ад̇хиббааяо.
64.Sampannanti paripuṇṇaṃ, samantato pannaṃ pattanti sampannaṃ. Tenāha ‘‘idaṃ paripuṇṇasampannaṃ nāmā’’ti. Nanti ‘‘suvā’’ti vuttaṃ suvagaṇaṃ. Sampannoti sammadeva panno gato upagato. Tenāha ‘‘samannāgato’’ti. Sampannanti sampattiyuttaṃ. Sā panettha rasasampatti adhippetā sāmaññajotanāya visese avaṭṭhānato. Tenāha ‘‘seyyathāpi khuddamadhuṃ aneḷaka’’nti, niddosanti attho. Tena vuttaṃ ‘‘idaṃ madhurasampannaṃ nāmā’’ti. Sīlassa anavasesasamādānena akhaṇḍādibhāvāpattiyā ca paripuṇṇasīlā. Samādānato paṭṭhāya acchindanato sīlasamaṅgino. Samādānato hi accantavirodhidhammānuppattiyā sīlasamaṅgitā veditabbā, cetanādīnaṃ pana sīlanalakkhaṇānaṃ dhammānaṃ pavattikkhaṇe vattabbameva natthi. Visuddhimagge (visuddhi. 1.9) vuttā, tasmā tattha vuttanayeneva vitthārakathā veditabbāti adhippāyo.
кзд̇д̇абаарибуурийд̇и ниссид̇абаарибуурияаа ниссаяабаарибууримааха ниссид̇агаммавибад̇д̇исамбад̇д̇ивисаяад̇д̇аа яат̇аа ‘‘ман̃жаа уггудтим̣ гаронд̇ий’’д̇и. д̇ат̇аа хи кзд̇д̇зна кан̣д̣абууд̇иаад̣̇ид̣̇осо вуд̇д̇о. кзд̇д̇ам̣ кан̣д̣ам̣ ход̇ийд̇и абарибуурам̣ ход̇и сассабаарибуурияаа абхаавад̇о. д̇знзвааха ‘‘сассам̣ на удтзд̇ий’’д̇и. баад̣̇амад̇д̇ассаби анзгамб̣ан̣апаланад̇о махабпалам̣ ход̇и. гисалаяабалаалаад̣̇иб̣ахуд̇ааяа махаанисам̣сам̣. звамзванд̇и яат̇аа кид̇д̇ам̣ б̣ийж̇ам̣ кан̣д̣аад̣̇ижад̇уд̣̇осавасзна абарибун̣н̣ам̣ ход̇и, д̇ад̣̇абхаавзна жа барибун̣н̣ам̣, звам̣ сийлам̣ кан̣д̣аад̣̇ижад̇уд̣̇осавасзна абарибун̣н̣ам̣ ход̇и, д̇ад̣̇абхаавзна жа барибун̣н̣анд̇и, жад̇уд̣̇осад̇ад̣̇абхаавасааман̃н̃амзва нид̣̇ассананид̣̇ассид̇аб̣б̣авибад̇д̇исамбад̇д̇ийсу д̣̇ассзд̇и. махабпалам̣ ход̇и вибаагапалзна. махаанисам̣санд̇и вибулаанисам̣сам̣. свааяам̣ аанисам̣со ид̇ха баал̣ияам̣ наанаббагаарзна вид̇т̇аарийяад̇и.
Khettapāripūrīti nissitapāripūriyā nissayapāripūrimāha nissitakammavipattisampattivisayattā yathā ‘‘mañcā ukkuṭṭhiṃ karontī’’ti. Tathā hi khettena khaṇḍapūtiādidoso vutto. Khettaṃ khaṇḍaṃ hotīti aparipūraṃ hoti sassapāripūriyā abhāvato. Tenevāha ‘‘sassaṃ na uṭṭhetī’’ti. Pādamattassapi anekambaṇaphalanato mahapphalaṃ hoti. Kisalayapalālādibahutāya mahānisaṃsaṃ. Evamevanti yathā khittaṃ bījaṃ khaṇḍādicatudosavasena aparipuṇṇaṃ hoti, tadabhāvena ca paripuṇṇaṃ, evaṃ sīlaṃ khaṇḍādicatudosavasena aparipuṇṇaṃ hoti, tadabhāvena ca paripuṇṇanti, catudosatadabhāvasāmaññameva nidassananidassitabbavipattisampattīsu dasseti. Mahapphalaṃ hoti vipākaphalena. Mahānisaṃsanti vipulānisaṃsaṃ. Svāyaṃ ānisaṃso idha pāḷiyaṃ nānappakārena vitthārīyati.
зд̇д̇аавад̇аа гираад̇и (а. ни. дий. 2.2.37; а. ни. дий. 3.10.71-74) гира-сад̣̇д̣̇о аружисуужанад̇т̇о. д̇знзд̇т̇а аажарияаваад̣̇асса ад̇д̇ано аружжанабхаавам̣ д̣̇ийбзд̇и. самбаннасийлаад̇и анаамадтависзсам̣ сааман̃н̃ад̇о сийласан̇кзбзна г̇ахид̇ам̣. д̇ан̃жа жад̇уб̣б̣ид̇ханд̇и аажарияад̇т̇зро ‘‘жад̇убаарисуд̣̇д̇хисийлам̣ уд̣̇д̣̇исид̇ваа’’д̇и ааха. д̇ад̇т̇аад̇и жад̇убаарисуд̣̇д̇хисийлз. ж̇здтагасийланд̇и (сам̣. ни. дий. 3.5.412) бад̇хаанасийлам̣. убхаяад̇т̇аад̇и уд̣̇д̣̇зсанид̣̇д̣̇зсз. ид̇ха нид̣̇д̣̇зсз вияа уд̣̇д̣̇зсзби баад̇имогкасам̣варо бхаг̇авад̇аа вуд̇д̇о ‘‘самбаннасийлаа’’д̇и вуд̇д̇ад̇д̇аад̇и ад̇хиббааяо . сийлаг̇г̇ахан̣ан̃хи баал̣ияам̣ баад̇имогкасам̣варавасзна ааг̇ад̇ам̣. д̇знааха ‘‘баад̇имогкасам̣вароязваа’’д̇иаад̣̇и. д̇ад̇т̇а авад̇хааран̣зна ид̇арзсам̣ д̇ин̣н̣ам̣ згад̣̇зсзна баад̇имогканд̇ог̇ад̇хабхаавам̣ д̣̇ийбзд̇и. д̇ат̇аа хи анологияологанз ааж̇ийвахзд̇у часигкаабад̣̇авийд̇иггамз г̇илаанабажжаяасса абажжавзгкид̇абарибхог̇з жа аабад̇д̇и вихид̇аад̇и. д̇ийн̣ийд̇и инд̣̇рияасам̣варасийлаад̣̇ийни. сийланд̇и вуд̇д̇адтаанам̣ наама ад̇т̇ийд̇и сийлабарияааязна д̇зсам̣ гад̇т̇ажи суд̇д̇з г̇ахид̇адтаанам̣ наама гим̣ ад̇т̇и яат̇аа баад̇имогкасам̣варод̇и аажарияасса саммукад̇д̇аа абадигкибанд̇ова убажаарзна бужчанд̇о вияа вад̣̇ад̇и. д̇знааха ‘‘анануж̇аананд̇о’’д̇и. чад̣̇ваарарагкаамад̇д̇агамзваад̇и д̇асса саллахугабхаавамааха жид̇д̇аад̇хидтаанамад̇д̇зна бадибаагад̇игабхааваабад̇д̇ид̇о. ид̇арад̣̇ваязби зсзва наяо. бажжаяуббад̇д̇имад̇д̇аганд̇и палзна хзд̇ум̣ д̣̇ассзд̇и. уббаад̣̇анахзд̇угаа хи бажжаяаанам̣ уббад̇д̇и. ид̣̇амад̇т̇анд̇и ид̣̇ам̣ баяож̇анам̣ имасса бажжаяасса барибхун̃ж̇анзд̇и ад̇хиббааяо. ниббарияааязнаад̇и иминаа инд̣̇рияасам̣вараад̣̇ийни д̇ийн̣и бад̇хаанасса сийласса баривааравасзна бавад̇д̇ияаа барияааяасийлаани наамаад̇и д̣̇ассзд̇и.
Ettāvatā kirāti (a. ni. ṭī. 2.2.37; a. ni. ṭī. 3.10.71-74) kira-saddo arucisūcanattho. Tenettha ācariyavādassa attano aruccanabhāvaṃ dīpeti. Sampannasīlāti anāmaṭṭhavisesaṃ sāmaññato sīlasaṅkhepena gahitaṃ. Tañca catubbidhanti ācariyatthero ‘‘catupārisuddhisīlaṃ uddisitvā’’ti āha. Tatthāti catupārisuddhisīle. Jeṭṭhakasīlanti (saṃ. ni. ṭī. 3.5.412) padhānasīlaṃ. Ubhayatthāti uddesaniddese. Idha niddese viya uddesepi pātimokkhasaṃvaro bhagavatā vutto ‘‘sampannasīlā’’ti vuttattāti adhippāyo . Sīlaggahaṇañhi pāḷiyaṃ pātimokkhasaṃvaravasena āgataṃ. Tenāha ‘‘pātimokkhasaṃvaroyevā’’tiādi. Tattha avadhāraṇena itaresaṃ tiṇṇaṃ ekadesena pātimokkhantogadhabhāvaṃ dīpeti. Tathā hi anolokiyolokane ājīvahetu chasikkhāpadavītikkame gilānapaccayassa apaccavekkhitaparibhoge ca āpatti vihitāti. Tīṇīti indriyasaṃvarasīlādīni. Sīlanti vuttaṭṭhānaṃ nāma atthīti sīlapariyāyena tesaṃ katthaci sutte gahitaṭṭhānaṃ nāma kiṃ atthi yathā pātimokkhasaṃvaroti ācariyassa sammukhattā apaṭikkhipantova upacārena pucchanto viya vadati. Tenāha ‘‘ananujānanto’’ti. Chadvārarakkhāmattakamevāti tassa sallahukabhāvamāha cittādhiṭṭhānamattena paṭipākatikabhāvāpattito. Itaradvayepi eseva nayo. Paccayuppattimattakanti phalena hetuṃ dasseti. Uppādanahetukā hi paccayānaṃ uppatti. Idamatthanti idaṃ payojanaṃ imassa paccayassa paribhuñjaneti adhippāyo. Nippariyāyenāti iminā indriyasaṃvarādīni tīṇi padhānassa sīlassa parivāravasena pavattiyā pariyāyasīlāni nāmāti dasseti.
ид̣̇аани баад̇имогкасам̣варассзва бад̇хаанабхаавам̣ б̣яад̇ирзгад̇о анваяад̇о жа убамааяа вибхаавзд̇ум̣ ‘‘яассаа’’д̇иаад̣̇имааха. д̇ад̇т̇а сод̇и баад̇имогкасам̣варо. сзсаанийд̇и инд̣̇рияасам̣вараад̣̇ийни. д̇ассзваад̇и ‘‘самбаннасийлаа’’д̇и зд̇т̇а яам̣ сийлам̣ вуд̇д̇ам̣, д̇ассзва. самбаннабаад̇имогкаад̇и зд̇т̇а баад̇имогкаг̇г̇ахан̣зна взважанам̣ вад̇ваа д̇ам̣ вид̇т̇аарзд̇ваа…бз… аад̣̇имааха. яат̇аа ан̃н̃ат̇ааби ‘‘ид̇ха бхигку сийлаваа ход̇ий’’д̇и (махаани. 199) буг̇г̇алаад̇хидтаанааяа д̣̇зсанааяа уд̣̇д̣̇идтам̣ сийлам̣ ‘‘баад̇имогкасам̣варасам̣вуд̇о вихарад̇ий’’д̇и (вибха. 508; махаани. 199) нид̣̇д̣̇идтам̣.
Idāni pātimokkhasaṃvarasseva padhānabhāvaṃ byatirekato anvayato ca upamāya vibhāvetuṃ ‘‘yassā’’tiādimāha. Tattha soti pātimokkhasaṃvaro. Sesānīti indriyasaṃvarādīni. Tassevāti ‘‘sampannasīlā’’ti ettha yaṃ sīlaṃ vuttaṃ, tasseva. Sampannapātimokkhāti ettha pātimokkhaggahaṇena vevacanaṃ vatvā taṃ vitthāretvā…pe… ādimāha. Yathā aññathāpi ‘‘idha bhikkhu sīlavā hotī’’ti (mahāni. 199) puggalādhiṭṭhānāya desanāya uddiṭṭhaṃ sīlaṃ ‘‘pātimokkhasaṃvarasaṃvuto viharatī’’ti (vibha. 508; mahāni. 199) niddiṭṭhaṃ.
баад̇имогкасам̣варасам̣вуд̇аад̇и яо нам̣ баад̇и рагкад̇и, д̇ам̣ могкзд̇и можзд̇и аабааяигаад̣̇ийхи д̣̇угкзхийд̇и ‘‘баад̇имогка’’нд̇и лад̣̇д̇ханаамзна сигкаабад̣̇асийлзна бихид̇агааяаважийд̣̇ваараа. д̇з бана яасмаа звам̣бхууд̇аа д̇зна саманнааг̇ад̇аа наама хонд̇и, д̇асмаа вуд̇д̇ам̣ ‘‘баад̇имогкасам̣варзна саманнааг̇ад̇аа’’д̇и.
Pātimokkhasaṃvarasaṃvutāti yo naṃ pāti rakkhati, taṃ mokkheti moceti āpāyikādīhi dukkhehīti ‘‘pātimokkha’’nti laddhanāmena sikkhāpadasīlena pihitakāyavacīdvārā. Te pana yasmā evaṃbhūtā tena samannāgatā nāma honti, tasmā vuttaṃ ‘‘pātimokkhasaṃvarena samannāgatā’’ti.
абаро наяо (уд̣̇аа. адта. 31; ид̇иву. адта. 97) – гилзсаанам̣ б̣алавабхаавад̇о, баабагирияааяа сугарабхаавад̇о, бун̃н̃агирияааяа жа д̣̇уггарабхаавад̇о б̣ахугкад̇д̇ум̣ абааязсу бад̇анасийлод̇и баад̇ий, бут̇уж̇ж̇ано. анижжад̇ааяа ваа бхаваад̣̇ийсу гаммавзг̇агкид̇д̇о гхадийяанд̇ам̣ вияа анавадтаанзна бариб̣бхаманад̇о г̇аманасийлод̇и баад̇ий, маран̣авасзна ваа д̇амхи д̇амхи сад̇д̇анигааяз ад̇д̇абхаавасса баад̇анасийлод̇и баад̇ий, сад̇д̇асанд̇аано, жид̇д̇амзва ваа, д̇ам̣ баад̇им̣ сам̣саарад̣̇угкад̇о могкзд̇ийд̇и баад̇имогкам̣. жид̇д̇асса хи вимогкзна сад̇д̇о вимуд̇д̇од̇и вужжад̇и. вуд̇д̇ан̃хи ‘‘жид̇д̇авод̣̇аанаа висуж̇жханд̇ий’’д̇и, ‘‘анубаад̣̇ааяа аасавзхи жид̇д̇ам̣ вимуд̇д̇а’’нд̇и (махаава. 28) жа.
Aparo nayo (udā. aṭṭha. 31; itivu. aṭṭha. 97) – kilesānaṃ balavabhāvato, pāpakiriyāya sukarabhāvato, puññakiriyāya ca dukkarabhāvato bahukkhattuṃ apāyesu patanasīloti pātī, puthujjano. Aniccatāya vā bhavādīsu kammavegakkhitto ghaṭīyantaṃ viya anavaṭṭhānena paribbhamanato gamanasīloti pātī, maraṇavasena vā tamhi tamhi sattanikāye attabhāvassa pātanasīloti pātī, sattasantāno, cittameva vā, taṃ pātiṃ saṃsāradukkhato mokkhetīti pātimokkhaṃ. Cittassa hi vimokkhena satto vimuttoti vuccati. Vuttañhi ‘‘cittavodānā visujjhantī’’ti, ‘‘anupādāya āsavehi cittaṃ vimutta’’nti (mahāva. 28) ca.
ат̇а ваа авиж̇ж̇аад̣̇инаа хзд̇унаа сам̣саарз бад̇ад̇и г̇ажчад̇и бавад̇д̇ад̇ийд̇и баад̇ий. ‘‘авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇а’’нд̇и (сам̣. ни. 2.125) хи вуд̇д̇ам̣. д̇асса баад̇ино сад̇д̇асса д̇ан̣хаад̣̇исам̣гилзсад̇д̇аяад̇о могко зд̇знаад̇и баад̇имогко. ‘‘ган̣тзгаало’’д̇иаад̣̇ийнам̣ вияа самаасасид̣̇д̇хи взд̣̇ид̇аб̣б̣аа.
Atha vā avijjādinā hetunā saṃsāre patati gacchati pavattatīti pātī. ‘‘Avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarata’’nti (saṃ. ni. 2.125) hi vuttaṃ. Tassa pātino sattassa taṇhādisaṃkilesattayato mokkho etenāti pātimokkho. ‘‘Kaṇṭhekālo’’tiādīnaṃ viya samāsasiddhi veditabbā.
ат̇а ваа баад̇зд̇и винибаад̇зд̇и д̣̇угкзд̇и баад̇и, жид̇д̇ам̣. вуд̇д̇ан̃хи ‘‘жид̇д̇зна нийяад̇и лого, жид̇д̇зна баригассад̇ий’’д̇и (сам̣. ни. 1.62). д̇асса баад̇ино могко зд̇знаад̇и баад̇имогко. бад̇ад̇и ваа зд̇зна абааяад̣̇угкз сам̣саарад̣̇угкз жаад̇и баад̇ий, д̇ан̣хаад̣̇исам̣гилзсо. вуд̇д̇ан̃хи ‘‘д̇ан̣хаа ж̇анзд̇и бурисам̣ (сам̣. ни. 1.57), д̇ан̣хаад̣̇уд̇ияо бурисо’’д̇и (ид̇иву. 15, 105; а. ни. 4.9) жа аад̣̇и. д̇ад̇о баад̇ид̇о могкод̇и баад̇имогко.
Atha vā pāteti vinipāteti dukkheti pāti, cittaṃ. Vuttañhi ‘‘cittena nīyati loko, cittena parikassatī’’ti (saṃ. ni. 1.62). Tassa pātino mokkho etenāti pātimokkho. Patati vā etena apāyadukkhe saṃsāradukkhe cāti pātī, taṇhādisaṃkileso. Vuttañhi ‘‘taṇhā janeti purisaṃ (saṃ. ni. 1.57), taṇhādutiyo puriso’’ti (itivu. 15, 105; a. ni. 4.9) ca ādi. Tato pātito mokkhoti pātimokkho.
ат̇а ваа бад̇ад̇и зд̇т̇аад̇и баад̇ий, ча аж̇жхад̇д̇игаб̣аахираани ааяад̇анаани. вуд̇д̇ан̃хи ‘‘часу лого самуббанно, часу губ̣б̣ад̇и сант̇ава’’нд̇и (сам̣. ни. 1.70; су. ни. 171). д̇ад̇о аж̇жхад̇д̇игаб̣аахирааяад̇анасан̇каад̇ад̇о баад̇ид̇о могкод̇и баад̇имогко. ат̇а ваа баад̇о винибаад̇о асса ад̇т̇ийд̇и баад̇ий, сам̣сааро. д̇ад̇о могкод̇и баад̇имогко. ат̇а ваа саб̣б̣алогаад̇хибад̇ибхаавад̇о д̇хаммиссаро бхаг̇аваа ‘‘бад̇ий’’д̇и вужжад̇и, мужжад̇и зд̇знаад̇и могко, бад̇ино могко д̇зна бан̃н̃ад̇д̇ад̇д̇аад̇и баад̇имогко . баад̇имогко зва баад̇имогко. саб̣б̣аг̇ун̣аанам̣ ваа муулабхаавад̇о уд̇д̇амадтзна бад̇и жа со яат̇аавуд̇д̇ад̇т̇зна могко жаад̇и баад̇имогко. баад̇имогко зва баад̇имогко. д̇ат̇аа хи вуд̇д̇ам̣ ‘‘баад̇имогканд̇иаад̣̇имзд̇ам̣ мукамзд̇ам̣ бамукамзд̇а’’нд̇и (махаава. 135) вид̇т̇ааро.
Atha vā patati etthāti pātī, cha ajjhattikabāhirāni āyatanāni. Vuttañhi ‘‘chasu loko samuppanno, chasu kubbati santhava’’nti (saṃ. ni. 1.70; su. ni. 171). Tato ajjhattikabāhirāyatanasaṅkhātato pātito mokkhoti pātimokkho. Atha vā pāto vinipāto assa atthīti pātī, saṃsāro. Tato mokkhoti pātimokkho. Atha vā sabbalokādhipatibhāvato dhammissaro bhagavā ‘‘patī’’ti vuccati, muccati etenāti mokkho, patino mokkho tena paññattattāti pātimokkho . Pātimokkho eva pātimokkho. Sabbaguṇānaṃ vā mūlabhāvato uttamaṭṭhena pati ca so yathāvuttatthena mokkho cāti pātimokkho. Pātimokkho eva pātimokkho. Tathā hi vuttaṃ ‘‘pātimokkhantiādimetaṃ mukhametaṃ pamukhameta’’nti (mahāva. 135) vitthāro.
ат̇а ваа ба-ид̇и багаарз, ад̇ийд̇и ажжанд̇ад̇т̇з нибаад̇о, д̇асмаа багаарзхи ажжанд̇ам̣ могкзд̇ийд̇и баад̇имогко. ид̣̇ан̃хи сийлам̣ саяам̣ д̇ад̣̇ан̇г̇авасзна, самаад̇хисахид̇ам̣ бан̃н̃аасахид̇ан̃жа вигкамбханавасзна, самужчзд̣̇авасзна жа ажжанд̇ам̣ могкзд̇и можзд̇ийд̇и баад̇имогко. бад̇и бад̇и могкод̇и ваа баад̇имогко, д̇амхаа д̇амхаа вийд̇иггамад̣̇осад̇о бажжзгам̣ могкод̇и ад̇т̇о. баад̇имогко зва баад̇имогко. могко ваа ниб̣б̣аанам̣, д̇асса могкасса бад̇иб̣имб̣абхууд̇од̇и баад̇имогко . сийласам̣варо хи ниб̣б̣зд̇хабхааг̇ияо суурияасса арун̣уг̇г̇аманам̣ вияа ниб̣б̣аанасса уд̣̇аяабхууд̇о д̇аббадибхааг̇о вияа ход̇и яат̇аарахам̣ гилзсаниб̣б̣аабанад̇од̇и баад̇имогко. баад̇имогкоязва баад̇имогко. ат̇а ваа могкам̣ бад̇и вад̇д̇ад̇и могкаабхимуканд̇и ваа баад̇имогкам̣. баад̇имогкамзва баад̇имогканд̇и звамзд̇т̇а баад̇имогкасад̣̇д̣̇асса ад̇т̇о взд̣̇ид̇аб̣б̣о.
Atha vā pa-iti pakāre, atīti accantatthe nipāto, tasmā pakārehi accantaṃ mokkhetīti pātimokkho. Idañhi sīlaṃ sayaṃ tadaṅgavasena, samādhisahitaṃ paññāsahitañca vikkhambhanavasena, samucchedavasena ca accantaṃ mokkheti mocetīti pātimokkho. Pati pati mokkhoti vā pātimokkho, tamhā tamhā vītikkamadosato paccekaṃ mokkhoti attho. Pātimokkho eva pātimokkho. Mokkho vā nibbānaṃ, tassa mokkhassa patibimbabhūtoti pātimokkho . Sīlasaṃvaro hi nibbedhabhāgiyo sūriyassa aruṇuggamanaṃ viya nibbānassa udayabhūto tappaṭibhāgo viya hoti yathārahaṃ kilesanibbāpanatoti pātimokkho. Pātimokkhoyeva pātimokkho. Atha vā mokkhaṃ pati vattati mokkhābhimukhanti vā pātimokkhaṃ. Pātimokkhameva pātimokkhanti evamettha pātimokkhasaddassa attho veditabbo.
аажаараг̇ожарасамбаннаад̇и гааяигаваажасигаавийд̇иггамасан̇каад̇зна аажаарзна жзва навзсияаг̇ожарад̇аад̣̇исан̇каад̇зна г̇ожарзна жа самбаннаа, самбаннааажаараг̇ожараад̇и ад̇т̇о. аббамад̇д̇зсууд̇и ад̇ибарид̇д̇агзсу анаабад̇д̇иг̇аманийязсу, д̣̇уггадад̣̇уб̣бхаасид̇амад̇д̇зсууд̇и абарз. важ̇ж̇зсууд̇и г̇аараяхзсу. д̇з бана зганд̇ад̇о агусаласабхааваа хонд̇ийд̇и ааха ‘‘агусалад̇хаммзсуу’’д̇и. бхаяад̣̇ассинод̇и бхаяад̇о д̣̇ассанасийлаа, барамаан̣умад̇д̇амби важ̇ж̇ам̣ синзруббамаан̣ам̣ вияа гад̇ваа бхааяанасийлаа. саммаа аад̣̇ияид̇ваад̇и саммад̣̇зва саггажжам̣ саб̣б̣асо жа аад̣̇ияид̇ваа. сигкаабад̣̇зсууд̇и нид̣̇д̇хааран̣з бхумманд̇и самуд̣̇ааяад̇о аваяаванид̣̇д̇хааран̣ам̣ д̣̇ассзнд̇о ‘‘сигкаабад̣̇зсу д̇ам̣ д̇ам̣ сигкаабад̣̇ам̣ самаад̣̇ияид̇ваа сигкат̇аа’’д̇и ад̇т̇амааха. сигкаабад̣̇амзва хи самаад̣̇аад̇аб̣б̣ам̣ сигкид̇аб̣б̣ан̃жаад̇и ад̇хиббааяо. яам̣ гин̃жи сигкаагодтаасзсууд̇и сигкаагодтаасзсу муулабан̃н̃ад̇д̇ианубан̃н̃ад̇исаб̣б̣ад̇т̇абан̃н̃ад̇д̇ибад̣̇зсабан̃н̃ад̇д̇иаад̣̇ибхзд̣̇ам̣ яам̣ гин̃жи сигкид̇аб̣б̣ам̣ бадибаж̇ж̇ид̇аб̣б̣ам̣ буурзд̇аб̣б̣ам̣ сийлам̣. д̇ам̣ бана д̣̇вааравасзна д̣̇увид̇хамзваад̇и ааха ‘‘гааяигам̣ ваажасиган̃жаа’’д̇и. имасмим̣ ад̇т̇авигаббз сигкаабад̣̇зсууд̇и аад̇хаарз бхуммам̣ сигкаабхааг̇зсу гассажи висум̣ аг̇г̇ахан̣ад̇о. д̇знааха ‘‘д̇ам̣ саб̣б̣а’’нд̇и.
Ācāragocarasampannāti kāyikavācasikaavītikkamasaṅkhātena ācārena ceva navesiyagocaratādisaṅkhātena gocarena ca sampannā, sampannaācāragocarāti attho. Appamattesūti atiparittakesu anāpattigamanīyesu, dukkaṭadubbhāsitamattesūti apare. Vajjesūti gārayhesu. Te pana ekantato akusalasabhāvā hontīti āha ‘‘akusaladhammesū’’ti. Bhayadassinoti bhayato dassanasīlā, paramāṇumattampi vajjaṃ sineruppamāṇaṃ viya katvā bhāyanasīlā. Sammā ādiyitvāti sammadeva sakkaccaṃ sabbaso ca ādiyitvā. Sikkhāpadesūti niddhāraṇe bhummanti samudāyato avayavaniddhāraṇaṃ dassento ‘‘sikkhāpadesu taṃ taṃ sikkhāpadaṃ samādiyitvā sikkhathā’’ti atthamāha. Sikkhāpadameva hi samādātabbaṃ sikkhitabbañcāti adhippāyo. Yaṃ kiñci sikkhākoṭṭhāsesūti sikkhākoṭṭhāsesu mūlapaññattianupaññatisabbatthapaññattipadesapaññattiādibhedaṃ yaṃ kiñci sikkhitabbaṃ paṭipajjitabbaṃ pūretabbaṃ sīlaṃ. Taṃ pana dvāravasena duvidhamevāti āha ‘‘kāyikaṃ vācasikañcā’’ti. Imasmiṃ atthavikappe sikkhāpadesūti ādhāre bhummaṃ sikkhābhāgesu kassaci visuṃ aggahaṇato. Tenāha ‘‘taṃ sabba’’nti.
65. гасмаа аарад̣̇д̇ханд̇и (а. ни. дий. 3.10.71-74) д̣̇зсанааяа гааран̣абужчаа. сийлаанисам̣сад̣̇ассанад̇т̇анд̇и баяож̇ананид̣̇д̣̇зсо. го ад̇т̇о гва ад̇т̇о гва нибаад̇ид̇аад̇и? наяид̣̇амзвам̣ д̣̇адтаб̣б̣ам̣. сийлаанисам̣сад̣̇ассанад̇т̇анд̇и хи зд̇т̇а б̣яад̇ирзгад̇о яам̣ сийлаанисам̣сасса ад̣̇ассанам̣, д̇ам̣ имиссаа д̣̇зсанааяа гааран̣анд̇и гасмаа аарад̣̇д̇ханд̇и винзяяаанам̣ сийлаанисам̣сасса ад̣̇ассанад̇од̇и ад̇т̇ад̇о аабанно зва ход̇ийд̇и. д̇знааха ‘‘сажзбий’’д̇иаад̣̇и. сийлаанисам̣сад̣̇ассанад̇т̇анд̇и бана имасса ад̇т̇ам̣ виварид̇ум̣ ‘‘д̇зса’’нд̇иаад̣̇и вуд̇д̇ам̣. аанисам̣сод̇и уд̣̇аяо. ‘‘сийлаваа сийласамбанно гааяасса бхзд̣̇аа барам̣ маран̣аа суг̇ад̇им̣ саг̇г̇алогам̣ убабаж̇ж̇ад̇ий’’д̇иаад̣̇ийсу (д̣̇ий. ни. 2.150; 3.316; а. ни. 5.213; махаава. 285) бана вибаагапаламби ‘‘аанисам̣со’’д̇и вуд̇д̇ам̣. го висзсод̇и го палависзсо. гаа вад̣дхийд̇и го аб̣бхуд̣̇аяо. виж̇ж̇амааноби г̇ун̣о яаат̇аавад̇о вибхаавид̇о зва абхиружим̣ уббаад̣̇зд̇и, на авибхаавид̇о, д̇асмаа зганд̇ад̇о аанисам̣сагид̇д̇анам̣ ижчид̇аб̣б̣амзваад̇и д̣̇ассзд̇ум̣ висаган̣дагаваан̣иж̇о уд̣̇аахадо.
65.Kasmā āraddhanti (a. ni. ṭī. 3.10.71-74) desanāya kāraṇapucchā. Sīlānisaṃsadassanatthanti payojananiddeso. Ko attho kva attho kva nipātitāti? Nayidamevaṃ daṭṭhabbaṃ. Sīlānisaṃsadassanatthanti hi ettha byatirekato yaṃ sīlānisaṃsassa adassanaṃ, taṃ imissā desanāya kāraṇanti kasmā āraddhanti vineyyānaṃ sīlānisaṃsassa adassanatoti atthato āpanno eva hotīti. Tenāha ‘‘sacepī’’tiādi. Sīlānisaṃsadassanatthanti pana imassa atthaṃ vivarituṃ ‘‘tesa’’ntiādi vuttaṃ. Ānisaṃsoti udayo. ‘‘Sīlavā sīlasampanno kāyassa bhedā paraṃ maraṇā sugatiṃ saggalokaṃ upapajjatī’’tiādīsu (dī. ni. 2.150; 3.316; a. ni. 5.213; mahāva. 285) pana vipākaphalampi ‘‘ānisaṃso’’ti vuttaṃ. Ko visesoti ko phalaviseso. Kā vaḍḍhīti ko abbhudayo. Vijjamānopi guṇo yāthāvato vibhāvito eva abhiruciṃ uppādeti, na avibhāvito, tasmā ekantato ānisaṃsakittanaṃ icchitabbamevāti dassetuṃ visakaṇṭakavāṇijo udāhaṭo.
д̇ад̇т̇а г̇ул̣о наама ужчурасам̣ бажид̇ваа жун̣н̣аад̣̇ийхи миссид̇ваа самбин̣д̣анз бин̣д̣ийбхууд̇ам̣. паан̣ид̇ам̣ абин̣д̣ид̇ам̣ д̣̇равийбхууд̇ам̣. кан̣д̣ам̣ бхиж̇ж̇анагкамам̣. сагкараа наама палигасад̣̇исаа. сагкараад̣̇ийнид̇и аад̣̇и-сад̣̇д̣̇зна мажчан̣д̣игаанам̣ сан̇г̇ахо. д̇асмим̣ гаалз г̇ул̣аад̣̇ийсу висаган̣дагавохааро абажжанд̇ад̣̇зсз бажурод̇и ‘‘бажжанд̇аг̇аамам̣ г̇анд̇ваа’’д̇и вуд̇д̇ам̣. д̣̇аарагз жа балаабзсум̣ ‘‘висаган̣дагам̣ маа г̇ан̣ханд̇уу’’д̇и.
Tattha guḷo nāma ucchurasaṃ pacitvā cuṇṇādīhi missitvā sampiṇḍane piṇḍībhūtaṃ. Phāṇitaṃ apiṇḍitaṃ dravībhūtaṃ. Khaṇḍaṃ bhijjanakkhamaṃ. Sakkharā nāma phalikasadisā. Sakkharādīniti ādi-saddena macchaṇḍikānaṃ saṅgaho. Tasmiṃ kāle guḷādīsu visakaṇṭakavohāro apaccantadese pacuroti ‘‘paccantagāmaṃ gantvā’’ti vuttaṃ. Dārake ca palāpesuṃ ‘‘visakaṇṭakaṃ mā gaṇhantū’’ti.
бияод̇и бияааяид̇аб̣б̣о. бияасса наама д̣̇ассанам̣ зганд̇ад̇о абхинанд̣̇ид̇аб̣б̣ам̣ ход̇ийд̇и ааха ‘‘вияажагкуухи самбассид̇аб̣б̣о’’д̇и. бийд̇исамудтаанабасаннасоммаруубабариг̇г̇ахан̃хи жагку ‘‘бияажагкуу’’д̇и вужжад̇и. д̇зсанд̇и саб̣рахмажаарийнам̣. манавад̣дханагод̇и бийд̇иманасса бариб̣рууханад̇о убаруубари бийд̇ижид̇д̇асса уббаад̣̇аго. г̇арудтаанияод̇и г̇аругаран̣асса таанабхууд̇о. ж̇аанам̣ ж̇аанаад̇ийд̇и н̃аан̣зна ж̇аанид̇аб̣б̣ам̣ ж̇аанаад̇и. яат̇аа ваа ан̃н̃з аж̇аананд̇ааби ж̇аананд̇аа вияа бавад̇д̇анд̇и, на звамаяам̣, аяам̣ бана ж̇аананд̇о зва ж̇аанаад̇и . бассам̣ бассад̇ийд̇и д̣̇ассанабхууд̇зна бан̃н̃аажагкунаа бассид̇аб̣б̣ам̣ бассад̇и, бассанд̇о зва ваа бассад̇и. звам̣ самбхааванийяод̇и звам̣ вин̃н̃уд̇ааяа бан̣д̣ид̇абхаавзна самбхаавзд̇аб̣б̣о.
Piyoti piyāyitabbo. Piyassa nāma dassanaṃ ekantato abhinanditabbaṃ hotīti āha ‘‘viyacakkhūhi sampassitabbo’’ti. Pītisamuṭṭhānapasannasommarūpapariggahañhi cakkhu ‘‘piyacakkhū’’ti vuccati. Tesanti sabrahmacārīnaṃ. Manavaḍḍhanakoti pītimanassa paribrūhanato uparūpari pīticittassa uppādako. Garuṭṭhāniyoti garukaraṇassa ṭhānabhūto. Jānaṃ jānātīti ñāṇena jānitabbaṃ jānāti. Yathā vā aññe ajānantāpi jānantā viya pavattanti, na evamayaṃ, ayaṃ pana jānanto eva jānāti . Passaṃ passatīti dassanabhūtena paññācakkhunā passitabbaṃ passati, passanto eva vā passati. Evaṃ sambhāvanīyoti evaṃ viññutāya paṇḍitabhāvena sambhāvetabbo.
сийлзсвзвасса барибуурагаарийд̇и сийлзсу барибуурагаарий зва бхавзяяаад̇и звам̣ уд̇д̇арабад̣̇аавад̇хааран̣ам̣ д̣̇адтаб̣б̣ам̣. зван̃хи иминаа бад̣̇зна убарисигкаад̣̇ваяам̣ анивад̇д̇ид̇амзва ход̇и. яат̇аа бана сийлзсу барибуурагаарий наама ход̇и, д̇ам̣ палзна д̣̇ассзд̇ум̣ ‘‘аж̇жхад̇д̇а’’нд̇иаад̣̇и вуд̇д̇ам̣. вибассанаад̇хидтаанасамаад̇хисам̣вад̇д̇анигад̇ааяа хи ид̇ха сийласса баарибуурий, на гзвалам̣ акан̣д̣аад̣̇ибхаавамад̇д̇ам̣. д̇знааха ‘‘яаани ко бана д̇аани акан̣д̣аани…бз… самаад̇хисам̣вад̇д̇анигааний’’д̇и. зван̃жа гад̇ваа убари сигкаад̣̇ваяам̣ сийласса самбхаарабхаавзна г̇ахид̇анд̇и сийлассзвзд̇т̇а бад̇хаанаг̇г̇ахан̣ам̣ сид̣̇д̇хам̣ ход̇и. д̇ат̇аа хи жид̇д̇згаг̇г̇ад̇аасан̇каарабариг̇г̇ахаанам̣ сийлассаанурагкан̣абхаавам̣ вагкад̇и. яам̣ бана вагкад̇и ‘‘сигкад̇д̇аяад̣̇зсанаа ж̇аад̇аа’’д̇и (ма. ни. адта. 1.65), д̇ам̣ ид̇араасамби сигкаанам̣ ид̇ха г̇ахид̇ад̇аамад̇д̇ам̣ санд̇хааяа вуд̇д̇ам̣, на бад̇хаанабхаавзна г̇ахид̇ад̇ам̣. яад̣̇и звам̣ гат̇ам̣ сийласса аббамад̇д̇агад̇ааважанам̣. вуд̇д̇ан̃хзд̇ам̣ ‘‘аббамад̇д̇агам̣ ко банзд̇ам̣, бхигкавз, орамад̇д̇ага’’нд̇и (д̣̇ий. ни. 1.7). д̇ам̣ бут̇уж̇ж̇анаг̇ожарам̣ санд̇хааяа вуд̇д̇ам̣. д̇ат̇аа хи д̇ад̇т̇а на ниббад̣̇зсад̇о сийлам̣ вибхад̇д̇ам̣, звам̣ гад̇ваа д̇ад̇т̇а сийламад̇д̇аганд̇и мад̇д̇аг̇г̇ахан̣ам̣ самад̇т̇ид̇анд̇и д̣̇адтаб̣б̣ам̣. ануунзнаад̇и акан̣д̣аад̣̇ибхаавзна, гассажи ваа ахаабанзна убабаннзна. аагаарзнаад̇и гаран̣зна самбаад̣̇анзна. жид̇д̇асамат̇зд̇и жид̇д̇асамаад̇хаанз. яуд̇д̇од̇и авияуд̇д̇о басуд̇о. яо саб̣б̣зна саб̣б̣ам̣ жхаанабхааванам̣ анануяуд̇д̇о, со д̇ам̣ б̣ахи нийхарад̇и наама. яо аарабхид̇ваа анд̇араа сан̇гожам̣ аабаж̇ж̇ад̇и , со д̇ам̣ винаасзд̇и наама. яо бана ийд̣̇исо ахуд̇ваа жхаанам̣ убасамбаж̇ж̇а вихарад̇и, со анираагад̇аж̇жхаанод̇и д̣̇ассзнд̇о ‘‘б̣ахи анийхадаж̇жхаано’’д̇иаад̣̇имааха.
Sīlesvevassa paripūrakārīti sīlesu paripūrakārī eva bhaveyyāti evaṃ uttarapadāvadhāraṇaṃ daṭṭhabbaṃ. Evañhi iminā padena uparisikkhādvayaṃ anivattitameva hoti. Yathā pana sīlesu paripūrakārī nāma hoti, taṃ phalena dassetuṃ ‘‘ajjhatta’’ntiādi vuttaṃ. Vipassanādhiṭṭhānasamādhisaṃvattanikatāya hi idha sīlassa pāripūrī, na kevalaṃ akhaṇḍādibhāvamattaṃ. Tenāha ‘‘yāni kho pana tāni akhaṇḍāni…pe… samādhisaṃvattanikānī’’ti. Evañca katvā upari sikkhādvayaṃ sīlassa sambhārabhāvena gahitanti sīlassevettha padhānaggahaṇaṃ siddhaṃ hoti. Tathā hi cittekaggatāsaṅkhārapariggahānaṃ sīlassānurakkhaṇabhāvaṃ vakkhati. Yaṃ pana vakkhati ‘‘sikkhattayadesanā jātā’’ti (ma. ni. aṭṭha. 1.65), taṃ itarāsampi sikkhānaṃ idha gahitatāmattaṃ sandhāya vuttaṃ, na padhānabhāvena gahitataṃ. Yadi evaṃ kathaṃ sīlassa appamattakatāvacanaṃ. Vuttañhetaṃ ‘‘appamattakaṃ kho panetaṃ, bhikkhave, oramattaka’’nti (dī. ni. 1.7). Taṃ puthujjanagocaraṃ sandhāya vuttaṃ. Tathā hi tattha na nippadesato sīlaṃ vibhattaṃ, evaṃ katvā tattha sīlamattakanti mattaggahaṇaṃ samatthitanti daṭṭhabbaṃ. Anūnenāti akhaṇḍādibhāvena, kassaci vā ahāpanena upapannena. Ākārenāti karaṇena sampādanena. Cittasamatheti cittasamādhāne. Yuttoti aviyutto pasuto. Yo sabbena sabbaṃ jhānabhāvanaṃ ananuyutto, so taṃ bahi nīharati nāma. Yo ārabhitvā antarā saṅkocaṃ āpajjati , so taṃ vināseti nāma. Yo pana īdiso ahutvā jhānaṃ upasampajja viharati, so anirākatajjhānoti dassento ‘‘bahi anīhaṭajjhāno’’tiādimāha.
анижжасса д̇збхуумагад̇хаммасса, анижжанд̇и ваа анубассанаа анижжаанубассанаа. д̇ат̇аа д̣̇угкаанубассанаа анад̇д̇аанубассанаа жа. д̇ассзва ниб̣б̣инд̣̇анаагаарзна бавад̇д̇аа анубассанаа ниб̣б̣ид̣̇аанубассанаа. вираж̇ж̇анаагаарзна бавад̇д̇аа анубассанаа вирааг̇аанубассанаа. нирод̇хасса анубассанаа нирод̇хаанубассанаа. бадиниссаж̇ж̇анавасзна бавад̇д̇аа анубассанаа бадиниссаг̇г̇аанубассанаа. сун̃н̃ааг̇аараг̇ад̇о бхигку д̇ад̇т̇а лад̣̇д̇хагааяавивзгад̇ааяа самат̇авибассанаавасзна жид̇д̇авивзгам̣ бариб̣руухзнд̇о яат̇аанусидтам̣ бадибад̇д̇ияаа логам̣ саасанан̃жа ад̇д̇ано висзсаад̇хиг̇амадтаанабхууд̇ам̣ сун̃н̃ааг̇ааран̃жа убасобхаяамаано г̇ун̣ависзсаад̇хидтаанабхааваабаад̣̇анзна вин̃н̃уунам̣ ад̇т̇ад̇о д̇ам̣ б̣руухзнд̇о наама ход̇ийд̇и вуд̇д̇ам̣ ‘‘б̣руухзд̇аа сун̃н̃ааг̇аараана’’нд̇и. д̇знааха ‘‘зд̇т̇а жаа’’д̇иаад̣̇и. аяамзва сун̃н̃ааг̇аараануб̣рууханавин̃н̃уббасад̇т̇аанам̣ бхааж̇анам̣, на сзнаасанабад̇идтаабананд̇и д̣̇ассзнд̇о ааха ‘‘згабхуумагаад̣̇и…бз… д̣̇адтаб̣б̣о’’д̇и. сун̃н̃ааг̇аараг̇г̇ахан̣зна жзд̇т̇а аран̃н̃аругкамуулаад̣̇и саб̣б̣ам̣ бад̇хаанаануяог̇агкамам̣ сзнаасанам̣ г̇ахид̇анд̇и д̣̇адтаб̣б̣ам̣.
Aniccassa tebhūmakadhammassa, aniccanti vā anupassanā aniccānupassanā. Tathā dukkhānupassanā anattānupassanā ca. Tasseva nibbindanākārena pavattā anupassanā nibbidānupassanā. Virajjanākārena pavattā anupassanā virāgānupassanā. Nirodhassa anupassanā nirodhānupassanā. Paṭinissajjanavasena pavattā anupassanā paṭinissaggānupassanā. Suññāgāragato bhikkhu tattha laddhakāyavivekatāya samathavipassanāvasena cittavivekaṃ paribrūhento yathānusiṭṭhaṃ paṭipattiyā lokaṃ sāsanañca attano visesādhigamaṭṭhānabhūtaṃ suññāgārañca upasobhayamāno guṇavisesādhiṭṭhānabhāvāpādanena viññūnaṃ atthato taṃ brūhento nāma hotīti vuttaṃ ‘‘brūhetā suññāgārāna’’nti. Tenāha ‘‘ettha cā’’tiādi. Ayameva suññāgārānubrūhanaviññuppasatthānaṃ bhājanaṃ, na senāsanapatiṭṭhāpananti dassento āha ‘‘ekabhūmakādi…pe… daṭṭhabbo’’ti. Suññāgāraggahaṇena cettha araññarukkhamūlādi sabbaṃ padhānānuyogakkhamaṃ senāsanaṃ gahitanti daṭṭhabbaṃ.
д̇ан̣хаавижарид̇ад̣̇зсанаад̇и ‘‘аж̇жхад̇д̇игасса убаад̣̇ааяаа’’д̇и (вибха. 937) аад̣̇инаяаббавад̇д̇ам̣ д̇ан̣хаавижарид̇асуд̇д̇ам̣. д̇ан̣хаабад̣̇адтаанад̇д̇аад̇и д̇ан̣хаасанниссаяад̇д̇аа. на хи д̇ан̣хаавирахид̇аа маанад̣̇идтибавад̇д̇и ад̇т̇и. маанад̣̇идтияо осарид̇ваад̇и д̣̇ассзд̇аб̣б̣ад̇ааяа маанад̣̇идтияо ог̇аахзд̇ваад̇и ад̇т̇о. г̇ахан̣ад̇т̇амзва хи д̣̇зсзд̇аб̣б̣ад̇хаммасса д̣̇зсанааяа осаран̣ам̣. д̇ан̣хаамаанад̣̇идтияо бабан̃жад̇д̇аяам̣ сад̇д̇асанд̇аанасса сам̣саарз бабан̃жанад̇о ануббаб̣анд̇ханавасзна вид̇т̇ааран̣ад̇о. сийлабад̣̇адтаанад̇д̇аад̇и сийлаад̇хидтаанад̇д̇аа.
Taṇhāvicaritadesanāti ‘‘ajjhattikassa upādāyā’’ti (vibha. 937) ādinayappavattaṃ taṇhāvicaritasuttaṃ. Taṇhāpadaṭṭhānattāti taṇhāsannissayattā. Na hi taṇhāvirahitā mānadiṭṭhipavatti atthi. Mānadiṭṭhiyo osaritvāti dassetabbatāya mānadiṭṭhiyo ogāhetvāti attho. Gahaṇatthameva hi desetabbadhammassa desanāya osaraṇaṃ. Taṇhāmānadiṭṭhiyo papañcattayaṃ sattasantānassa saṃsāre papañcanato anuppabandhanavasena vitthāraṇato. Sīlapadaṭṭhānattāti sīlādhiṭṭhānattā.
ад̇хижид̇д̇асигкаа вуд̇д̇аад̇и аанзд̇ваа самб̣анд̇хо. вибассанаавасзна сун̃н̃ааг̇ааравад̣дханзд̇и яож̇анаа. д̣̇взби сигкаад̇и ад̇хижид̇д̇аад̇хибан̃н̃аасигкаа. сан̇г̇ахзд̇ваад̇и ад̇хисийласигкааяа сад̣̇д̇хим̣ сан̇г̇ахзд̇ваа вуд̇д̇аа. яад̣̇и звамаяам̣ сигкад̇д̇аяад̣̇зсанаа ж̇аад̇аад̇и сигкад̇д̇аяаанисам̣саббагаасаний сияаад̇и ануяог̇ам̣ санд̇хааяааха ‘‘зд̇т̇а жаа’’д̇иаад̣̇и. д̇ад̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇амзва. инд̣̇рияасам̣варо вияа баад̇имогкасам̣варасса жад̇убаарисуд̣̇д̇хисийласса аарагкабхууд̇аа жид̇д̇згаг̇г̇ад̇аа вибассанаа жа ид̇ха г̇ахид̇аад̇и д̇ад̣̇убхаяам̣ аббад̇хаанам̣, сийламзва бана бад̇хаанабхаавзна г̇ахид̇анд̇и взд̣̇ид̇аб̣б̣ам̣. д̇знааха ‘‘сийлаанурагкигаа зваа’’д̇иаад̣̇и.
Adhicittasikkhā vuttāti ānetvā sambandho. Vipassanāvasena suññāgāravaḍḍhaneti yojanā. Dvepi sikkhāti adhicittādhipaññāsikkhā. Saṅgahetvāti adhisīlasikkhāya saddhiṃ saṅgahetvā vuttā. Yadi evamayaṃ sikkhattayadesanā jātāti sikkhattayānisaṃsappakāsanī siyāti anuyogaṃ sandhāyāha ‘‘ettha cā’’tiādi. Tattha yaṃ vattabbaṃ, taṃ heṭṭhā vuttameva. Indriyasaṃvaro viya pātimokkhasaṃvarassa catupārisuddhisīlassa ārakkhabhūtā cittekaggatā vipassanā ca idha gahitāti tadubhayaṃ appadhānaṃ, sīlameva pana padhānabhāvena gahitanti veditabbaṃ. Tenāha ‘‘sīlānurakkhikā evā’’tiādi.
б̣алавад̇арасуканд̇и самуббаннаб̣яаад̇хид̣̇угкад̇о б̣алавад̇арам̣, д̇ам̣ абхибхавид̇ум̣ самад̇т̇ам̣ жхаанасукам̣ уббаж̇ж̇ад̇и. б̣алавамамад̇д̇ам̣ ход̇и, д̇зна д̣̇ал̣хаад̇д̇асинзхзна вилуд̇д̇ахад̣̇аяо гусалад̇хаммз чад̣д̣знд̇о со д̇ат̇ааруубзсу…бз… босзд̇аа ход̇и. б̣алавамамад̇д̇ам̣ ваа синзхо на ход̇и ‘‘суд̣̇д̇хо сан̇каарабун̃ж̇о’’д̇и яаат̇аавад̣̇ассанзна ахам̣гаарамамам̣гаараабхаавад̇о. д̣̇уб̣бхигкабхаяз куд̣̇аабхибхавам̣ санд̇хааяааха ‘‘сажзбисса анд̇аани б̣ахи нигкаманд̇ий’’д̇и. б̣яаад̇хибхаяам̣ санд̇хааяааха ‘‘уссуссад̇и висуссаний’’д̇и. аад̣̇и-сад̣̇д̣̇зна г̇ахид̇ам̣ жорабхаяам̣ санд̇хааяааха ‘‘кан̣д̣аакан̣д̣иго ваа’’д̇и. убхаяассаад̇и самат̇авибассанаад̣̇ваяасса. зд̇т̇а жа ‘‘аж̇жхад̇д̇ам̣ жзд̇о…бз… сун̃н̃ааг̇аараана’’нд̇и имзхи висзсаниб̣б̣зд̇хабхааг̇ияабхааваабаад̣̇анзна сийлам̣ рагкид̇ум̣ самад̇т̇аа зва жид̇д̇згаг̇г̇ад̇аавибассанаа г̇ахид̇аа. яасмаа барад̇о жхаанавимогкапалаабхин̃н̃аан̣аад̇хидтаанабхааво сийласса уд̣̇д̇хадо, д̇асмаа д̇асса бхияяоби самбхаарабхууд̇аа зва жид̇д̇згаг̇г̇ад̇аа вибассанаа д̇ад̇т̇а д̇ад̇т̇а г̇ахид̇аад̇и взд̣̇ид̇аб̣б̣аа.
Balavatarasukhanti samuppannabyādhidukkhato balavataraṃ, taṃ abhibhavituṃ samatthaṃ jhānasukhaṃ uppajjati. Balavamamattaṃ hoti, tena daḷhaattasinehena viluttahadayo kusaladhamme chaḍḍento so tathārūpesu…pe… posetā hoti. Balavamamattaṃ vā sineho na hoti ‘‘suddho saṅkhārapuñjo’’ti yāthāvadassanena ahaṃkāramamaṃkārābhāvato. Dubbhikkhabhaye khudābhibhavaṃ sandhāyāha ‘‘sacepissa antāni bahi nikkhamantī’’ti. Byādhibhayaṃ sandhāyāha ‘‘ussussati visussanī’’ti. Ādi-saddena gahitaṃ corabhayaṃ sandhāyāha ‘‘khaṇḍākhaṇḍiko vā’’ti. Ubhayassāti samathavipassanādvayassa. Ettha ca ‘‘ajjhattaṃ ceto…pe… suññāgārāna’’nti imehi visesanibbedhabhāgiyabhāvāpādanena sīlaṃ rakkhituṃ samatthā eva cittekaggatāvipassanā gahitā. Yasmā parato jhānavimokkhaphalābhiññāṇaadhiṭṭhānabhāvo sīlassa uddhaṭo, tasmā tassa bhiyyopi sambhārabhūtā eva cittekaggatā vipassanā tattha tattha gahitāti veditabbā.
сийлаад̣̇ийд̇и аад̣̇и-сад̣̇д̣̇зна яат̇аавуд̇д̇ажид̇д̇згаг̇г̇ад̇аавибассанаа сан̇г̇ан̣хаад̇и, сийласса ваа муулагааран̣абхууд̇ам̣ саб̣б̣ам̣ гаммассагад̇ан̃аан̣ан̃жа сан̇г̇ан̣хаад̇и гаммабат̇асаммаад̣̇идтим̣ ваа. сийлан̃хи д̇ад̣̇ан̃н̃амби бун̃н̃агирияаавад̇т̇у д̇знзва барисод̇хид̇ам̣ махабпалам̣ ход̇и махаанисам̣санд̇и. лаабхий ассанд̇и лаабхаа сааяа сам̣варан̣асийлабарибууран̣ам̣ баал̣ияам̣ ааг̇ад̇ам̣ гимийд̣̇исам̣ бхаг̇аваа ануж̇аанаад̇ийд̇и? на бхаг̇аваа сабхаавзна ийд̣̇исам̣ ануж̇аанаад̇и, махаагаарун̣игад̇ааяа бана буг̇г̇алаж̇жхаасаязна звам̣ вуд̇д̇анд̇и д̣̇ассзнд̇о ‘‘на жзд̇т̇аа’’д̇иаад̣̇имааха. д̇ад̇т̇а гхаасзсанам̣ чиннагат̇о на ваажам̣ баяуд̇д̇ам̣ бхан̣зд̇и чиннагат̇о мууг̇о вияа худ̇ваа обхаасабаригат̇аанимид̇д̇авин̃н̃ад̇д̇ибаяуд̇д̇ам̣ гхаасзсанам̣ ваажам̣ на бхан̣з на гат̇зяяаад̇и ад̇т̇о. буг̇г̇алаж̇жхаасаяавасзнаад̇и сан̇кзбад̇о вуд̇д̇амад̇т̇ам̣ виваранд̇о ‘‘язсан̃хий’’д̇иаад̣̇имааха. расо сабхаавабхууд̇о аанисам̣со расаанисам̣со.
Sīlādīti ādi-saddena yathāvuttacittekaggatāvipassanā saṅgaṇhāti, sīlassa vā mūlakāraṇabhūtaṃ sabbaṃ kammassakatañāṇañca saṅgaṇhāti kammapathasammādiṭṭhiṃ vā. Sīlañhi tadaññampi puññakiriyāvatthu teneva parisodhitaṃ mahapphalaṃ hoti mahānisaṃsanti. Lābhī assanti lābhā sāya saṃvaraṇasīlaparipūraṇaṃ pāḷiyaṃ āgataṃ kimīdisaṃ bhagavā anujānātīti? Na bhagavā sabhāvena īdisaṃ anujānāti, mahākāruṇikatāya pana puggalajjhāsayena evaṃ vuttanti dassento ‘‘na cetthā’’tiādimāha. Tattha ghāsesanaṃ chinnakatho na vācaṃ payuttaṃ bhaṇeti chinnakatho mūgo viya hutvā obhāsaparikathānimittaviññattipayuttaṃ ghāsesanaṃ vācaṃ na bhaṇe na katheyyāti attho. Puggalajjhāsayavasenāti saṅkhepato vuttamatthaṃ vivaranto ‘‘yesañhī’’tiādimāha. Raso sabhāvabhūto ānisaṃso rasānisaṃso.
бажжаяад̣̇аанагаараад̇и жийвараад̣̇ибажжаяавасзна д̣̇аанагаараа. ‘‘д̣̇зваанам̣ ваа’’д̇и вуд̇д̇аважанам̣ баагадийгаад̇умааха ‘‘д̣̇зваабий’’д̇иаад̣̇и. ‘‘бан̃жимз г̇ахабад̇аяо аанисам̣саа’’д̇иаад̣̇ийсу (д̣̇ий. ни. 2.150) анисам̣сасад̣̇д̣̇о палабарияааяоби ход̇ийд̇и ааха ‘‘убхаяамзд̇ам̣ ад̇т̇ад̇о зга’’нд̇и.
Paccayadānakārāti cīvarādipaccayavasena dānakārā. ‘‘Devānaṃ vā’’ti vuttavacanaṃ pākaṭīkātumāha ‘‘devāpī’’tiādi. ‘‘Pañcime gahapatayo ānisaṃsā’’tiādīsu (dī. ni. 2.150) anisaṃsasaddo phalapariyāyopi hotīti āha ‘‘ubhayametaṃ atthato eka’’nti.
сассусасураа жа д̇аббагкигаа жа сассусасурабагкигаа. д̇з н̃аад̇ияонисамб̣анд̇хзна ааваахавиваахасамб̣анд̇хавасзна самб̣анд̇хаа н̃аад̇ий. саалохид̇аад̇и яонисамб̣анд̇хавасзна. згалохид̇асамб̣ад̣̇д̇хаад̇и згзна самаанзна лохид̇асамб̣анд̇хзна самб̣ад̣̇д̇хаа. бзжжабхаавам̣ г̇ад̇аад̇и бзд̇уубабад̇д̇ивасзна ниб̣б̣ад̇д̇им̣ убаг̇ад̇аа. д̇з бана яасмаа ид̇ха гад̇агаалагирияаа гаалзна гад̇аж̇ийвид̇убажчзд̣̇аа хонд̇и, д̇асмаа вуд̇д̇ам̣ ‘‘гаалагад̇аа’’д̇и. басаннажид̇д̇од̇и басаннажид̇д̇аго. гаалагад̇о бид̇аа ваа маад̇аа ваа бзд̇аяоним̣ убабаннод̇и ад̇хигаарад̇о вин̃н̃ааяад̇ийд̇и вуд̇д̇ам̣ ‘‘махаанисам̣самзва ход̇ий’’д̇и, д̇асса д̇ат̇аа сийласамбаннад̇д̇аад̇и ад̇хиббааяо. арияабхаавз бана сад̇и вад̇д̇аб̣б̣амзва над̇т̇и. д̇знааха ‘‘анзгаани габбасад̇асахассааний’’д̇иаад̣̇и. б̣ахугааранд̇и б̣ахубагаарам̣. убасан̇гамананд̇и абхиваад̣̇анаад̣̇ивасзна убаг̇аманам̣. баяирубаасананд̇и убадтаананд̇и.
Sassusasurā ca tappakkhikā ca sassusasurapakkhikā. Te ñātiyonisambandhena āvāhavivāhasambandhavasena sambandhā ñātī. Sālohitāti yonisambandhavasena. Ekalohitasambaddhāti ekena samānena lohitasambandhena sambaddhā. Peccabhāvaṃ gatāti petūpapattivasena nibbattiṃ upagatā. Te pana yasmā idha katakālakiriyā kālena katajīvitupacchedā honti, tasmā vuttaṃ ‘‘kālakatā’’ti. Pasannacittoti pasannacittako. Kālakato pitā vā mātā vā petayoniṃ upapannoti adhikārato viññāyatīti vuttaṃ ‘‘mahānisaṃsameva hotī’’ti, tassa tathā sīlasampannattāti adhippāyo. Ariyabhāve pana sati vattabbameva natthi. Tenāha ‘‘anekāni kappasatasahassānī’’tiādi. Bahukāranti bahupakāraṃ. Upasaṅkamananti abhivādanādivasena upagamanaṃ. Payirupāsananti upaṭṭhānanti.
66. аж̇жход̇т̇арид̇аад̇и мад̣̇д̣̇ид̇аа. угган̣таад̇и рин̃жанаа анабхирад̇и анануяог̇о. сийлаваа бхигку ад̇д̇ано сийлакан̣д̣абхаязна самаахид̇о вибассаго жа бажжаяагхаад̇зна арад̇ияаа рад̇ияаа жа сахид̇аа абхибхавид̇аава ход̇ийд̇и ааха ‘‘сийлаад̣̇иг̇ун̣аяуд̇д̇знзваа’’д̇иаад̣̇и.
66.Ajjhottharitāti madditā. Ukkaṇṭhāti riñcanā anabhirati ananuyogo. Sīlavā bhikkhu attano sīlakhaṇḍabhayena samāhito vipassako ca paccayaghātena aratiyā ratiyā ca sahitā abhibhavitāva hotīti āha ‘‘sīlādiguṇayuttenevā’’tiādi.
жид̇д̇уд̇раасо бхааяад̇ийд̇и бхаяам̣. аарамман̣ам̣ бхааяад̇и зд̇асмаад̇и бхаяам̣. буримаваарасад̣̇исад̇д̇аа вуд̇д̇анаяамзваад̇и ад̇ид̣̇исид̇вааби буна д̇ам̣ д̣̇ассзд̇ум̣ ‘‘сийлаад̣̇иг̇ун̣аяуд̇д̇о хий’’д̇иаад̣̇и вуд̇д̇ам̣. т̇зрасса хздтаа нисиннад̇д̇аа д̣̇звад̇ааяа д̣̇аарагаа сагабхаавзна сан̣таад̇ум̣ сукзна вад̇д̇ид̇ум̣ асаггонд̇аа асамад̇т̇аа.
Cittutrāso bhāyatīti bhayaṃ. Ārammaṇaṃ bhāyati etasmāti bhayaṃ. Purimavārasadisattā vuttanayamevāti atidisitvāpi puna taṃ dassetuṃ ‘‘sīlādiguṇayutto hī’’tiādi vuttaṃ. Therassa heṭṭhā nisinnattā devatāya dārakā sakabhāvena saṇṭhātuṃ sukhena vattituṃ asakkontā asamatthā.
ад̇хигам̣ жзд̇од̇и абхижзд̇о, убажаараж̇жхаанажид̇д̇ам̣. д̇асса бана ад̇хигад̇аа баагад̇игагаамааважаражид̇д̇зхи сунд̣̇арад̇ааяа сабадибагкад̇о висуд̣̇д̇хияаа жаад̇и ааха ‘‘абхигганд̇ам̣ висуд̣̇д̇хижид̇д̇а’’нд̇и. ад̇хижид̇д̇анд̇и самаад̇химааха, со жа убажаарасамаад̇хи д̣̇адтаб̣б̣о. вивзгаж̇ам̣ бийд̇исукам̣, самаад̇хиж̇ам̣ бийд̇исукам̣, абийд̇иж̇ам̣ жхаанасукам̣, сад̇ибаарисуд̣̇д̇хиж̇ам̣ жхаанасуканд̇и жад̇уб̣б̣ид̇хамби жхаанасукам̣ бадибагкад̇о нигканд̇ад̇ам̣ убаад̣̇ааяа ‘‘нзгкаммасука’’нд̇и вужжад̇ийд̇и ааха ‘‘нзгкаммасукам̣ винд̣̇анд̇ий’’д̇и. ижчид̇ижчид̇агкан̣з самаабаж̇ж̇ид̇ум̣ самад̇т̇од̇и иминаа д̇зсу жхаанзсу самаабаж̇ж̇анавасийбхаавамааха, ‘‘нигаамалаабхий’’д̇и бана важанад̇о ааваж̇ж̇анаад̇хидтаанабажжавзгкан̣авасияоби вуд̇д̇аа зваад̇и взд̣̇ид̇аб̣б̣аа. сукзнзва бажжанийгад̇хаммз вигкамбхзд̇ваад̇и зд̇зна д̇зсам̣ жхаанасукакиббаабхин̃н̃ад̇ан̃жа д̣̇ассзд̇и. вибулаананд̇и взбуллам̣ баабид̇аанам̣. жхаанаанам̣ вибулад̇аа наама субхаавид̇абхаавзна жирад̇араббад̇д̇и, саа жа барижчзд̣̇аануруубаава ижчид̇аб̣б̣б̣аад̇и ‘‘вибулаана’’нд̇и вад̇ваа ‘‘яат̇аабарижчзд̣̇зязва вудтаад̇ум̣ самад̇т̇од̇и вуд̇д̇ам̣ ход̇ий’’д̇и ааха. барижчзд̣̇агаалан̃хи аббад̇ваава вудтаханд̇о агасиралаабхий на ход̇и яаавад̣̇ижчагам̣ бавад̇д̇зд̇ум̣ асамад̇т̇ад̇д̇аа. ид̣̇аани д̇зязва яат̇аавуд̇д̇з самаабаж̇ж̇анаад̣̇ивасийбхаавз б̣яад̇ирзгавасзна вибхаавзд̇ум̣ ‘‘згажжо хий’’д̇иаад̣̇и вуд̇д̇ам̣. д̇ад̇т̇а лаабхийязва ход̇ийд̇и ид̣̇ам̣ бадилад̣̇д̇хамад̇д̇асса жхаанасса васзна вуд̇д̇ам̣. д̇ат̇аад̇и ижчид̇ижчид̇агкан̣з. баариб̣анд̇хигзд̇и васийбхаавасса бажжанийгад̇хаммз. жхаанаад̇хиг̇амасса бана бажжанийгад̇хаммаа баг̇зва вигкамбхид̇аа, ан̃н̃ат̇аа жхаанаад̇хиг̇амо зва на сияаа. гижчзна вигкамбхзд̇ийд̇и гижчзна висод̇хзд̇и. гаамаад̣̇ийнавабажжавзгкан̣аад̣̇ийхи гаамажчанд̣̇аад̣̇ийнам̣ вияа ан̃н̃зсамби самаад̇хибаариб̣анд̇хигаанам̣ д̣̇уурасамуссааран̣ам̣ ид̇ха вигкамбханам̣ висод̇ханан̃жаад̇и взд̣̇ид̇аб̣б̣ам̣. наал̣игааяанд̇анд̇и гааламаананаал̣игааяанд̇ам̣ ааха.
Adhikaṃ cetoti abhiceto, upacārajjhānacittaṃ. Tassa pana adhikatā pākatikakāmāvacaracittehi sundaratāya sapaṭipakkhato visuddhiyā cāti āha ‘‘abhikkantaṃ visuddhicitta’’nti. Adhicittanti samādhimāha, so ca upacārasamādhi daṭṭhabbo. Vivekajaṃ pītisukhaṃ, samādhijaṃ pītisukhaṃ, apītijaṃ jhānasukhaṃ, satipārisuddhijaṃ jhānasukhanti catubbidhampi jhānasukhaṃ paṭipakkhato nikkhantataṃ upādāya ‘‘nekkhammasukha’’nti vuccatīti āha ‘‘nekkhammasukhaṃ vindantī’’ti. Icchiticchitakkhaṇe samāpajjituṃ samatthoti iminā tesu jhānesu samāpajjanavasībhāvamāha, ‘‘nikāmalābhī’’ti pana vacanato āvajjanādhiṭṭhānapaccavekkhaṇavasiyopi vuttā evāti veditabbā. Sukheneva paccanīkadhamme vikkhambhetvāti etena tesaṃ jhānasukhakhippābhiññatañca dasseti. Vipulānanti vepullaṃ pāpitānaṃ. Jhānānaṃ vipulatā nāma subhāvitabhāvena ciratarappatti, sā ca paricchedānurūpāva icchitabbbāti ‘‘vipulāna’’nti vatvā ‘‘yathāparicchedeyeva vuṭṭhātuṃ samatthoti vuttaṃhotī’’ti āha. Paricchedakālañhi appatvāva vuṭṭhahanto akasiralābhī na hoti yāvadicchakaṃ pavattetuṃ asamatthattā. Idāni teyeva yathāvutte samāpajjanādivasībhāve byatirekavasena vibhāvetuṃ ‘‘ekacco hī’’tiādi vuttaṃ. Tattha lābhīyeva hotīti idaṃ paṭiladdhamattassa jhānassa vasena vuttaṃ. Tathāti icchiticchitakkhaṇe. Pāribandhiketi vasībhāvassa paccanīkadhamme. Jhānādhigamassa pana paccanīkadhammā pageva vikkhambhitā, aññathā jhānādhigamo eva na siyā. Kicchena vikkhambhetīti kicchena visodheti. Kāmādīnavapaccavekkhaṇādīhi kāmacchandādīnaṃ viya aññesampi samādhipāribandhikānaṃ dūrasamussāraṇaṃ idha vikkhambhanaṃ visodhanañcāti veditabbaṃ. Nāḷikāyantanti kālamānanāḷikāyantaṃ āha.
висзсзна руубааважаражад̇уд̇т̇аж̇жхаанам̣ саб̣б̣асо васийбхааваабаад̣̇ид̇ам̣ абхин̃н̃аабаад̣̇аганд̇и ад̇хиббааязнааха ‘‘абхин̃н̃аабаад̣̇агз жхаанз вуд̇д̇з’’д̇и. аруубаж̇жхаанамби бана ад̇хидтаанад̇ааяа баад̣̇агамзва жуд̣̇д̣̇асад̇хаа жид̇д̇абарид̣̇аманзна винаа д̇ад̣̇абхаавад̇о. ‘‘звамабхин̃н̃аабаад̣̇агз руубааважараж̇жхаанз вуд̇д̇з руубааважарад̇ааяа гин̃жааби абхин̃н̃аанам̣ логияавааро ааг̇ад̇о’’д̇и аяан̃хзд̇т̇а ад̇хиббааяо. нанд̇и абхин̃н̃ааваарам̣. жад̇д̇аари…бз… арияамаг̇г̇аа сийлаанам̣ аанисам̣со самбаннасийлассзва лаабхад̇о. барияаад̣̇ияид̇ваад̇и г̇ахзд̇ваа.
Visesena rūpāvacaracatutthajjhānaṃ sabbaso vasībhāvāpāditaṃ abhiññāpādakanti adhippāyenāha ‘‘abhiññāpādake jhāne vutte’’ti. Arūpajjhānampi pana adhiṭṭhānatāya pādakameva cuddasadhā cittaparidamanena vinā tadabhāvato. ‘‘Evamabhiññāpādake rūpāvacarajjhāne vutte rūpāvacaratāya kiñcāpi abhiññānaṃ lokiyavāro āgato’’ti ayañhettha adhippāyo. Nanti abhiññāvāraṃ. Cattāri…pe… ariyamaggā sīlānaṃ ānisaṃso sampannasīlasseva lābhato. Pariyādiyitvāti gahetvā.
ан̇г̇асанд̇ад̇ааяаад̇и нийваран̣аад̣̇ийнам̣ бажжанийгад̇хаммаанам̣ суд̣̇уурад̇арабхаавзна жхаанан̇г̇аанам̣ вуубасанд̇ад̇ааяа, ниб̣б̣уд̇асаб̣б̣ад̣̇арат̇абарил̣аахад̇ааяаад̇и ад̇т̇о, яад̇о д̇зсам̣ жхаанаанам̣ бан̣ийд̇ад̇араад̣̇ибхааво. аарамман̣асанд̇ад̇ааяаад̇и руубабадигхаад̣̇ивиг̇аманзна сан̣хасукумаад̣̇ибхааваббад̇д̇асанд̇абхаавзна. яад̣̇аг̇г̇зна хи нзсам̣ бхааванаабхисамаяасаб̣бхаавид̇асан̣хасукумаагаараани аарамман̣аани санд̇аани, д̇ад̣̇аг̇г̇зна жхаанан̇г̇аанам̣ санд̇ад̇аа взд̣̇ид̇аб̣б̣аа. аарамман̣асанд̇ад̇ааяа санд̇ад̇аа логуд̇д̇арад̇хаммаарамман̣аахи бажжавзгкан̣аахи д̣̇ийбзд̇аб̣б̣аа. вимуд̇д̇аа висзсзна муд̇д̇аа. яз хи жхаанад̇хаммаа д̇ат̇аабавад̇д̇абуб̣б̣абхааг̇абхааванаахи д̇аб̣б̣исзсад̇ааяа саад̇исаяам̣ бадибагкад̇хаммзхи вимуд̇д̇ивасзна бавад̇д̇анд̇и, д̇ад̇о зва д̇ат̇аавимуд̇д̇ад̇ааяа бид̇у ан̇гз виссадтаан̇г̇абажжан̇г̇о вияа гумааро нираасан̇габхаавзна аарамман̣з ад̇химуд̇д̇аа жа бавад̇д̇анд̇и, д̇з вимогкаад̇и вужжанд̇и. д̇знааха ‘‘вимогкаад̇и бажжанийгад̇хаммзхи вимуд̇д̇ад̇д̇аа аарамман̣з жа ад̇химуд̇д̇ад̇д̇аа’’д̇и . яад̣̇иби аарамман̣асамад̇иггамавасзна бад̇д̇аб̣б̣аани ааруббаани, на ан̇г̇аад̇иггамавасзна, д̇ат̇ааби яасмаа аарамман̣з авирад̇д̇асса жхаанасамад̇иггамо на ход̇и, самад̇игганд̇зсу жа жхаанзсу аарамман̣ам̣ самад̇игганд̇амзва ход̇и, д̇асмаа аарамман̣асамад̇иггамам̣ авад̇ваа ‘‘руубааважараж̇жхаанз ад̇иггамид̇ваа’’д̇и ижжзва вуд̇д̇ам̣. ад̇иггамма руубзд̇и баал̣ияам̣ ‘‘самбаад̣̇зд̇аб̣б̣аа, бассид̇аб̣б̣аа’’д̇и ваа гин̃жи бад̣̇ам̣ ижчид̇аб̣б̣ам̣, асуд̇абаригаббанзна бана баяож̇анам̣ над̇т̇ийд̇и ‘‘санд̇аад̇и бад̣̇асамб̣анд̇хо’’д̇и вуд̇д̇ам̣. зван̃жа гад̇ваа д̇зна вирааг̇абхаавзна д̇зсам̣ санд̇ад̇аад̇и аяамби ад̇т̇о вибхаавид̇о ход̇и. руубаж̇жхаанаад̣̇ийнам̣ вияа над̇т̇и зд̇зсам̣ аарамман̣абхууд̇ам̣ ваа палабхууд̇ам̣ ваа руубанд̇и аруубаа. аруубаа зва ааруббаа. д̇знааха ‘‘аарамман̣ад̇о жа вибаагад̇о жа руубавирахид̇аа’’д̇и. наамагааязнаад̇и сахаж̇аад̇анаамасамуухзна.
Aṅgasantatāyāti nīvaraṇādīnaṃ paccanīkadhammānaṃ sudūratarabhāvena jhānaṅgānaṃ vūpasantatāya, nibbutasabbadarathapariḷāhatāyāti attho, yato tesaṃ jhānānaṃ paṇītatarādibhāvo. Ārammaṇasantatāyāti rūpapaṭighādivigamanena saṇhasukhumādibhāvappattasantabhāvena. Yadaggena hi nesaṃ bhāvanābhisamayasabbhāvitasaṇhasukhumākārāni ārammaṇāni santāni, tadaggena jhānaṅgānaṃ santatā veditabbā. Ārammaṇasantatāya santatā lokuttaradhammārammaṇāhi paccavekkhaṇāhi dīpetabbā. Vimuttā visesena muttā. Ye hi jhānadhammā tathāpavattapubbabhāgabhāvanāhi tabbisesatāya sātisayaṃ paṭipakkhadhammehi vimuttivasena pavattanti, tato eva tathāvimuttatāya pitu aṅke vissaṭṭhaaṅgapaccaṅgo viya kumāro nirāsaṅkabhāvena ārammaṇe adhimuttā ca pavattanti, te vimokkhāti vuccanti. Tenāha ‘‘vimokkhāti paccanīkadhammehi vimuttattā ārammaṇe ca adhimuttattā’’ti . Yadipi ārammaṇasamatikkamavasena pattabbāni āruppāni, na aṅgātikkamavasena, tathāpi yasmā ārammaṇe avirattassa jhānasamatikkamo na hoti, samatikkantesu ca jhānesu ārammaṇaṃ samatikkantameva hoti, tasmā ārammaṇasamatikkamaṃ avatvā ‘‘rūpāvacarajjhāne atikkamitvā’’ti icceva vuttaṃ. Atikkamma rūpeti pāḷiyaṃ ‘‘sampādetabbā, passitabbā’’ti vā kiñci padaṃ icchitabbaṃ, asutaparikappanena pana payojanaṃ natthīti ‘‘santāti padasambandho’’ti vuttaṃ. Evañca katvā tena virāgabhāvena tesaṃ santatāti ayampi attho vibhāvito hoti. Rūpajjhānādīnaṃ viya natthi etesaṃ ārammaṇabhūtaṃ vā phalabhūtaṃ vā rūpanti arūpā. Arūpā eva āruppā. Tenāha ‘‘ārammaṇato ca vipākato ca rūpavirahitā’’ti. Nāmakāyenāti sahajātanāmasamūhena.
67. сам̣яож̇знд̇ийд̇и б̣анд̇ханд̇и. гзхийд̇и ааха ‘‘канд̇хаг̇ад̇ий’’д̇иаад̣̇и. асамужчиннарааг̇аад̣̇игасса хи канд̇хаад̣̇ийнам̣ ааяад̇им̣ канд̇хаад̣̇ийхи самб̣анд̇хо, самужчиннарааг̇аад̣̇игасса бана д̇ам̣ над̇т̇и гад̇аанамби гаммаанам̣ асамад̇т̇абхааваабад̇д̇ид̇од̇и. рааг̇аад̣̇ийнам̣ анваяад̇о жа сам̣яож̇анадто сид̣̇д̇ход̇и ааха ‘‘канд̇хаг̇ад̇и…бз… вужжанд̇ий’’д̇и. баригкаязнаад̇и самужчзд̣̇зна саб̣б̣асо ааяад̇им̣ ануббаж̇ж̇анзна. бадибагкад̇хаммаанам̣ анавасзсад̇о саванад̇о бийл̣анад̇о сод̇о, арияамаг̇г̇од̇и ааха ‘‘сод̇од̇и жа маг̇г̇ассзд̇ам̣ ад̇хиважана’’нд̇и. д̇ам̣ сод̇ам̣ аад̣̇ид̇о банно ад̇хиг̇ажчийд̇и сод̇аабанно, адтамаго. д̇знааха ‘‘д̇ам̣саман̇г̇ийбуг̇г̇алассаа’’д̇и, батамамаг̇г̇агкан̣з буг̇г̇алассаад̇и ад̇хиббааяо. ид̇ха бана банна-сад̣̇д̣̇о ‘‘паласажчигирияааяа бадибанно’’д̇иаад̣̇ийсу (а. ни. 8.59) вияа вад̇д̇амаанагаалигод̇и ааха ‘‘маг̇г̇зна паласса наамам̣ д̣̇инна’’нд̇и. абхийд̇агаалигад̇д̇з бана сарасад̇ова наамалаабхо сияаа. вируубам̣ сад̣̇угкам̣ саубааяаасам̣ нибаад̇зд̇ийд̇и винибаад̇о, абааяад̣̇угкз кибанаго. д̇хаммод̇и сабхааво. д̇знааха ‘‘ад̇д̇аана’’нд̇иаад̣̇и. гасмаад̇и авинибаад̇ад̇хаммад̇ааяа гааран̣ам̣ бужчад̇и. абааяам̣ г̇амзнд̇ийд̇и абааяаг̇аманийяаа. самб̣уж̇жхад̇ийд̇и самб̣од̇хи, арияамаг̇г̇о. со бана батамамаг̇г̇асса ад̇хиг̇ад̇ад̇д̇аа авасидто зва ад̇хиг̇анд̇хаб̣б̣абхаавзна ижчид̇аб̣б̣од̇и ааха ‘‘убаримаг̇г̇ад̇д̇аяа’’нд̇и.
67.Saṃyojentīti bandhanti. Kehīti āha ‘‘khandhagatī’’tiādi. Asamucchinnarāgādikassa hi khandhādīnaṃ āyatiṃ khandhādīhi sambandho, samucchinnarāgādikassa pana taṃ natthi katānampi kammānaṃ asamatthabhāvāpattitoti. Rāgādīnaṃ anvayato ca saṃyojanaṭṭho siddhoti āha ‘‘khandhagati…pe… vuccantī’’ti. Parikkhayenāti samucchedena sabbaso āyatiṃ anuppajjanena. Paṭipakkhadhammānaṃ anavasesato savanato pīḷanato soto, ariyamaggoti āha ‘‘sototi ca maggassetaṃ adhivacana’’nti. Taṃ sotaṃ ādito panno adhigacchīti sotāpanno, aṭṭhamako. Tenāha ‘‘taṃsamaṅgīpuggalassā’’ti, paṭhamamaggakkhaṇe puggalassāti adhippāyo. Idha pana panna-saddo ‘‘phalasacchikiriyāya paṭipanno’’tiādīsu (a. ni. 8.59) viya vattamānakālikoti āha ‘‘maggena phalassa nāmaṃ dinna’’nti. Abhītakālikatte pana sarasatova nāmalābho siyā. Virūpaṃ sadukkhaṃ saupāyāsaṃ nipātetīti vinipāto, apāyadukkhe khipanako. Dhammoti sabhāvo. Tenāha ‘‘attāna’’ntiādi. Kasmāti avinipātadhammatāya kāraṇaṃ pucchati. Apāyaṃ gamentīti apāyagamanīyā. Sambujjhatīti sambodhi, ariyamaggo. So pana paṭhamamaggassa adhigatattā avasiṭṭho eva adhigandhabbabhāvena icchitabboti āha ‘‘uparimaggattaya’’nti.
ван̣н̣абхан̣анад̇т̇ам̣ вуд̇д̇аани,на бахаад̇аб̣б̣аанийд̇и ад̇хиббааяо. ол̣ааригаанам̣ рааг̇аад̣̇ийнам̣ самужчинд̣̇анавасзна бавад̇д̇амаано д̣̇уд̇ияамаг̇г̇о авасидтаанам̣ д̇зсам̣ д̇анубхааваабад̇д̇ияаа уббанно наама ход̇ийд̇и вуд̇д̇ам̣ ‘‘рааг̇ад̣̇осамохаанам̣ д̇ануд̇д̇аа’’д̇и. ад̇хижжуббад̇д̇ияаад̇и гад̣̇аажи гарахажи уббаж̇ж̇анзна. барияудтаанаманд̣̇ад̇ааяаад̇и самуд̣̇аажаарамуд̣̇уд̇ааяа. абхин̣хам̣ на уббаж̇ж̇анд̇и д̇аж̇ж̇асса аяонисоманасигаарасса аниб̣ад̣̇д̇хабхаавад̇о. манд̣̇аманд̣̇аа уббаж̇ж̇анд̇и вибаллаасаанам̣ д̇аббажжаяаанан̃жа мохамаанаад̣̇ийнам̣ муд̣̇уд̇арабхаавад̇о. б̣ахалаава уббаж̇ж̇анд̇и вад̇т̇убадисзванад̇од̇и ад̇хиббааяо. д̇знааха ‘‘д̇ат̇аа хий’’д̇иаад̣̇и.
Vaṇṇabhaṇanatthaṃ vuttāni,na pahātabbānīti adhippāyo. Oḷārikānaṃ rāgādīnaṃ samucchindanavasena pavattamāno dutiyamaggo avasiṭṭhānaṃ tesaṃ tanubhāvāpattiyā uppanno nāma hotīti vuttaṃ ‘‘rāgadosamohānaṃ tanuttā’’ti. Adhiccuppattiyāti kadāci karahaci uppajjanena. Pariyuṭṭhānamandatāyāti samudācāramudutāya. Abhiṇhaṃ na uppajjanti tajjassa ayonisomanasikārassa anibaddhabhāvato. Mandamandā uppajjanti vipallāsānaṃ tappaccayānañca mohamānādīnaṃ mudutarabhāvato. Bahalāva uppajjanti vatthupaṭisevanatoti adhippāyo. Tenāha ‘‘tathā hī’’tiādi.
сагим̣ ааг̇аманад̇хаммод̇и бадисанд̇хивасзна сагим̣язва ааг̇аманасабхааво. згаваарам̣язва…бз… ааг̇анд̇ваад̇и иминаа бан̃жасу сагад̣̇ааг̇аамийсу жад̇д̇ааро важ̇ж̇зд̇ваа згоязва г̇ахид̇од̇и д̣̇ассзнд̇о ‘‘яоби хий’’д̇иаад̣̇имааха. д̇ад̇т̇а явааяам̣ бан̃жамаго сагад̣̇ааг̇аамий ‘‘ид̇ха маг̇г̇ам̣ бхаавзд̇ваа д̣̇звалогз ниб̣б̣ад̇д̇о, д̇ад̇т̇а яаавад̇ааяугам̣ тад̇ваа буна ид̇хуубабаж̇ж̇ид̇ваа бариниб̣б̣ааяад̇ий’’д̇и вуд̇д̇о, д̇асса згаб̣ийж̇инаа сад̣̇д̇хим̣ гим̣ наанаагаран̣анд̇и? згаб̣ийж̇исса згаа бадисанд̇хи, сагад̣̇ааг̇аамисса д̣̇вз бадисанд̇хияод̇и ид̣̇ам̣ д̇зсам̣ наанаагаран̣ам̣. яасса хи сод̇аабаннасса згам̣язва канд̇хаб̣ийж̇ам̣, на згам̣ ад̇д̇абхааваг̇г̇ахан̣ам̣, со згаб̣ийж̇ийд̇и.
Sakiṃ āgamanadhammoti paṭisandhivasena sakiṃyeva āgamanasabhāvo. Ekavāraṃyeva…pe… āgantvāti iminā pañcasu sakadāgāmīsu cattāro vajjetvā ekoyeva gahitoti dassento ‘‘yopi hī’’tiādimāha. Tattha yvāyaṃ pañcamako sakadāgāmī ‘‘idha maggaṃ bhāvetvā devaloke nibbatto, tattha yāvatāyukaṃ ṭhatvā puna idhūpapajjitvā parinibbāyatī’’ti vutto, tassa ekabījinā saddhiṃ kiṃ nānākaraṇanti? Ekabījissa ekā paṭisandhi, sakadāgāmissa dve paṭisandhiyoti idaṃ tesaṃ nānākaraṇaṃ. Yassa hi sotāpannassa ekaṃyeva khandhabījaṃ, na ekaṃ attabhāvaggahaṇaṃ, so ekabījīti.
хздтаад̇и ‘‘амахаг̇г̇ад̇абхуумияа’’нд̇и хздтаа самб̣анд̇ханзна. хздтаабхааг̇асса хид̇аад̇и хздтаабхааг̇ияаа, д̇зсам̣. д̇аанийд̇и ораб̣бхааг̇ияасам̣яож̇анаани. гаамааважарз ниб̣б̣ад̇д̇ад̇иязва аж̇жхад̇д̇ам̣ сам̣яож̇анад̇д̇аа. д̇ат̇аа хзса д̣̇уурад̇оби аавад̇д̇ид̇хаммо зваад̇и д̣̇ассзд̇ум̣ г̇илаб̣ал̣исамажчаад̣̇аяо убамаабхаавзна вуд̇д̇аа. обабаад̇игод̇и иминаа г̇аб̣бхаваасад̣̇угкаабхаавамааха. д̇ад̇т̇а бариниб̣б̣ааяийд̇и иминаа сзсад̣̇угкаабхаавам̣. д̇ад̇т̇а бариниб̣б̣аанад̇аа жасса гаамалогз канд̇хаб̣ийж̇асса абунаарохавасзнзваад̇и д̣̇ассзд̇ум̣ ‘‘анаавад̇д̇ид̇хаммо’’д̇и вуд̇д̇ам̣.
Heṭṭhāti ‘‘amahaggatabhūmiya’’nti heṭṭhā sambandhanena. Heṭṭhābhāgassa hitāti heṭṭhābhāgiyā, tesaṃ. Tānīti orabbhāgiyasaṃyojanāni. Kāmāvacare nibbattatiyeva ajjhattaṃ saṃyojanattā. Tathā hesa dūratopi āvattidhammo evāti dassetuṃ gilabaḷisamacchādayo upamābhāvena vuttā. Opapātikoti iminā gabbhavāsadukkhābhāvamāha. Tattha parinibbāyīti iminā sesadukkhābhāvaṃ. Tattha parinibbānatā cassa kāmaloke khandhabījassa apunārohavasenevāti dassetuṃ ‘‘anāvattidhammo’’ti vuttaṃ.
68. гзвалаад̇и логияаабхин̃н̃аахи асаммиссаа. логияабан̃жаабхин̃н̃ааяоби сийлаанам̣ аанисам̣со д̇ад̣̇авинаабхаавад̇о. д̇ааби д̣̇ассзд̇ум̣ ааган̇кзяяа жз…бз… звамаад̣̇имаахаад̇и яож̇анаа. аасаваанам̣ анавасзсаббахаанад̇о арахад̇д̇амаг̇г̇оязва висзсад̇о ‘‘аасавагкаяо’’д̇и вад̇д̇аб̣б̣ад̇ам̣ арахад̇ийд̇и вуд̇д̇ам̣ ‘‘аасавагкаяз гат̇ид̇з’’д̇и, ан̃н̃ат̇аа саб̣б̣ааби чал̣абхин̃н̃аа аасавагкаяо зваад̇и. имзсам̣ г̇ун̣аананд̇и логияаабхин̃н̃аанам̣ . яат̇аа бурисасса мун̣д̣ид̇ам̣ сийсам̣ сикаавирахид̇ад̇д̇аа на собхад̇и, звам̣ д̣̇зсанааяа сийсабхууд̇ааби аг̇г̇амаг̇г̇агат̇аа логияаабхин̃н̃аарахид̇аа на собхад̇ийд̇и ааха ‘‘аяам̣ гат̇аа мун̣д̣аабхин̃н̃аагат̇аа наама бхавзяяаа’’д̇и. ид̣̇д̇хивигуб̣б̣анаад̇и ид̣̇д̇хи жа вигуб̣б̣анаа жа. вигуб̣б̣анаг̇г̇ахан̣зна жзд̇т̇а вигуб̣б̣анид̣̇д̇химааха, ид̣̇д̇хиг̇г̇ахан̣зна д̇ад̣̇ан̃н̃ам̣ саб̣б̣ан̃жа абхин̃н̃аагижжам̣. яуд̇д̇адтаанзязваад̇и логияаабхин̃н̃аанам̣ ниб̣б̣ад̇д̇анасса вияа д̣̇зсанааяа яуд̇д̇адтаанзязва. зд̇зна на гзвалам̣ д̣̇зсанаггамзнзвааяам̣ д̣̇зсанаа, ат̇а ко бадибад̇д̇иггамзнабийд̇и д̣̇ассзд̇и. висуд̣̇д̇химаг̇г̇з (висуд̣̇д̇хи. 2.369) вуд̇д̇аа, д̇асмаа д̇ад̇т̇а вуд̇д̇анаязнзва взд̣̇ид̇аб̣б̣аад̇и ад̇хиббааяо.
68.Kevalāti lokiyābhiññāhi asammissā. Lokiyapañcābhiññāyopi sīlānaṃ ānisaṃso tadavinābhāvato. Tāpi dassetuṃ ākaṅkheyya ce…pe… evamādimāhāti yojanā. Āsavānaṃ anavasesappahānato arahattamaggoyeva visesato ‘‘āsavakkhayo’’ti vattabbataṃ arahatīti vuttaṃ ‘‘āsavakkhaye kathite’’ti, aññathā sabbāpi chaḷabhiññā āsavakkhayo evāti. Imesaṃ guṇānanti lokiyābhiññānaṃ . Yathā purisassa muṇḍitaṃ sīsaṃ sikhāvirahitattā na sobhati, evaṃ desanāya sīsabhūtāpi aggamaggakathā lokiyābhiññārahitā na sobhatīti āha ‘‘ayaṃ kathā muṇḍābhiññākathā nāma bhaveyyā’’ti. Iddhivikubbanāti iddhi ca vikubbanā ca. Vikubbanaggahaṇena cettha vikubbaniddhimāha, iddhiggahaṇena tadaññaṃ sabbañca abhiññākiccaṃ. Yuttaṭṭhāneyevāti lokiyābhiññānaṃ nibbattanassa viya desanāya yuttaṭṭhāneyeva. Etena na kevalaṃ desanakkamenevāyaṃ desanā, atha kho paṭipattikkamenapīti dasseti. Visuddhimagge (visuddhi. 2.369) vuttā, tasmā tattha vuttanayeneva veditabbāti adhippāyo.
69. аасаваанам̣ каяаад̇и хздтимамаг̇г̇зна кзбид̇аавасидтаанам̣ аасаваанам̣ арахад̇д̇амаг̇г̇зна самужчинд̣̇анад̇о. яасмаа арахад̇д̇амаг̇г̇о на гзвалам̣ аасавзязва кзбзд̇и, ат̇а ко авасидтз саб̣б̣агилзсзби, д̇асмаа ааха ‘‘саб̣б̣агилзсаанам̣ каяаа’’д̇и. лагкан̣амад̇д̇ан̃хзд̇т̇а аасаваг̇г̇ахан̣ам̣, аасаваанам̣ аарамман̣абхаавассаби анубаг̇аманад̇о анаасавам̣. яасмаа бана д̇ад̇т̇а аасаваанам̣ лзсоби над̇т̇и, д̇асмаа вуд̇д̇ам̣ ‘‘аасававирахид̇а’’нд̇и. самаад̇хи вуд̇д̇о жзд̇осийсзна яат̇аа ‘‘жид̇д̇ам̣ бан̃н̃ан̃жа бхааваяа’’нд̇и (сам̣. ни. 1.23, 192; бздаго. 22; ми. ба. 2.1.9) ад̇хиббааяо. рааг̇ад̇о вимуд̇д̇ад̇д̇аа авиж̇ж̇ааяа вимуд̇д̇ад̇д̇аад̇и ид̣̇ам̣ уж̇увибажжанийгабадиббассад̣̇д̇хид̣̇ассанам̣ д̣̇адтаб̣б̣ам̣, на д̇ад̣̇ан̃н̃зсам̣ баабад̇хаммаанам̣ аббадиббассад̣̇д̇хад̇д̇аа. ид̣̇аани д̇амзва самаад̇хибан̃н̃аанам̣ рааг̇аавиж̇ж̇аабадибагкад̇ам̣ ааг̇амзна д̣̇ассзд̇ум̣ ‘‘вуд̇д̇ам̣ жзд̇а’’нд̇иаад̣̇и вуд̇д̇ам̣. самат̇апаланд̇и самат̇асса палам̣ логияасамат̇абхааванааяа хи вибассанааг̇ад̇ааяа аахид̇апаласса логуд̇д̇арасамат̇асса саригкагапало жзд̇овимуд̇д̇и. вибассанаапаланд̇и зд̇т̇ааби зсзва наяо. ад̇д̇аноязваад̇и суд̇амаяан̃аан̣аад̣̇инаа вияа барабажжаяад̇ам̣ наяаг̇г̇аахан̃жа мун̃жид̇ваа барад̇огхосаануг̇ад̇абхааванаад̇хиг̇амабхууд̇ад̇ааяа ад̇д̇аноязва бан̃н̃ааяа бажжагкам̣ гад̇ваа саяамбхун̃аан̣абхууд̇ааяаад̇и ад̇хиббааяо. д̇знааха ‘‘абараббажжаязна н̃ад̇ваа’’д̇и.
69.Āsavānaṃ khayāti heṭṭhimamaggena khepitāvasiṭṭhānaṃ āsavānaṃ arahattamaggena samucchindanato. Yasmā arahattamaggo na kevalaṃ āsaveyeva khepeti, atha kho avasiṭṭhe sabbakilesepi, tasmā āha ‘‘sabbakilesānaṃ khayā’’ti. Lakkhaṇamattañhettha āsavaggahaṇaṃ, āsavānaṃ ārammaṇabhāvassapi anupagamanato anāsavaṃ. Yasmā pana tattha āsavānaṃ lesopi natthi, tasmā vuttaṃ ‘‘āsavavirahita’’nti. Samādhi vutto cetosīsena yathā ‘‘cittaṃ paññañca bhāvaya’’nti (saṃ. ni. 1.23, 192; peṭako. 22; mi. pa. 2.1.9) adhippāyo. Rāgato vimuttattā avijjāya vimuttattāti idaṃ ujuvipaccanīkapaṭippassaddhidassanaṃ daṭṭhabbaṃ, na tadaññesaṃ pāpadhammānaṃ appaṭippassaddhattā. Idāni tameva samādhipaññānaṃ rāgāvijjāpaṭipakkhataṃ āgamena dassetuṃ ‘‘vuttaṃ ceta’’ntiādi vuttaṃ. Samathaphalanti samathassa phalaṃ lokiyasamathabhāvanāya hi vipassanāgatāya āhitaphalassa lokuttarasamathassa sarikkhakaphalo cetovimutti. Vipassanāphalanti etthāpi eseva nayo. Attanoyevāti sutamayañāṇādinā viya parapaccayataṃ nayaggāhañca muñcitvā paratoghosānugatabhāvanādhigamabhūtatāya attanoyeva paññāya paccakkhaṃ katvā sayambhuñāṇabhūtāyāti adhippāyo. Tenāha ‘‘aparappaccayena ñatvā’’ti.
саб̣б̣амби д̇анд̇и саб̣б̣амби сад̇д̇арасавид̇хам̣ д̇ам̣ яат̇аавуд̇д̇ам̣ сийлаанисам̣сам̣. яат̇аа аанисам̣саванд̇з саммад̣̇зва самбаад̣̇ид̇з д̇ад̣̇аанисам̣саа д̣̇ассид̇аа зва хонд̇и д̇ад̣̇ааяад̇д̇абхаавад̇о, звам̣ аанисам̣сабад̇хаанаяог̇яабхаавзна д̣̇ассид̇з д̇ад̣̇аанисам̣саа д̣̇ассид̇аа зва хонд̇ийд̇и ааха ‘‘самбин̣д̣зд̇ваа д̣̇ассзнд̇о’’д̇и. вуд̇д̇ассзва ад̇т̇асса бунаважанам̣ ниг̇амананд̇и вуд̇д̇ам̣ ‘‘ниг̇аманам̣ аахаа’’д̇и. буб̣б̣зд̇и д̣̇зсанаарамбхз. звам̣ вуд̇д̇анд̇и ‘‘самбаннасийлаа’’д̇и звамаад̣̇инаа аагаарзна вуд̇д̇ам̣. ид̣̇ам̣ саб̣б̣амбийд̇и ид̣̇ам̣ ‘‘самбаннасийлаа’’д̇иаад̣̇игам̣ саб̣б̣амби важанам̣. зд̇ам̣ бадижжаад̇и зд̇ам̣ самбаннасийласса бхигкуно яат̇аавуд̇д̇асад̇д̇арасавид̇хаанисам̣сабхааг̇ид̇ам̣ санд̇хааяа вуд̇д̇ам̣. ид̣̇амзва хи ‘‘ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇а’’нд̇и важанам̣ санд̇хааяа ‘‘саб̣б̣амби д̇ам̣ сийлаанисам̣сам̣ самбин̣д̣зд̇ваа д̣̇ассзнд̇о’’д̇и вуд̇д̇ам̣. зд̇т̇ааад̣̇ид̇о чахи аанисам̣сзхи барид̇д̇абхуумигаа самбад̇д̇и г̇ахид̇аа, д̇ад̣̇анд̇арам̣ бан̃жахи логияаабхин̃н̃аахи жа махаг̇г̇ад̇абхуумигаа, ид̇арзхи логуд̇д̇арабхуумигаад̇и звам̣ жад̇убхуумигасамбад̣̇аанисам̣сасийлам̣ наамзд̇ам̣ маханд̇ам̣ махаанубхаавам̣, д̇асмаа д̇ам̣самбаад̣̇анз саггажжагаарид̇аа аббамад̇д̇зна бхавид̇аб̣б̣ам̣.
Sabbampi tanti sabbampi sattarasavidhaṃ taṃ yathāvuttaṃ sīlānisaṃsaṃ. Yathā ānisaṃsavante sammadeva sampādite tadānisaṃsā dassitā eva honti tadāyattabhāvato, evaṃ ānisaṃsapadhānayogyabhāvena dassite tadānisaṃsā dassitā eva hontīti āha ‘‘sampiṇḍetvā dassento’’ti. Vuttasseva atthassa punavacanaṃ nigamananti vuttaṃ ‘‘nigamanaṃ āhā’’ti. Pubbeti desanārambhe. Evaṃ vuttanti ‘‘sampannasīlā’’ti evamādinā ākārena vuttaṃ. Idaṃ sabbampīti idaṃ ‘‘sampannasīlā’’tiādikaṃ sabbampi vacanaṃ. Etaṃ paṭiccāti etaṃ sampannasīlassa bhikkhuno yathāvuttasattarasavidhānisaṃsabhāgitaṃ sandhāya vuttaṃ. Idameva hi ‘‘iti yaṃ taṃ vuttaṃ, idametaṃ paṭicca vutta’’nti vacanaṃ sandhāya ‘‘sabbampi taṃ sīlānisaṃsaṃ sampiṇḍetvā dassento’’ti vuttaṃ. Etthaādito chahi ānisaṃsehi parittabhūmikā sampatti gahitā, tadantaraṃ pañcahi lokiyābhiññāhi ca mahaggatabhūmikā, itarehi lokuttarabhūmikāti evaṃ catubhūmikasampadānisaṃsasīlaṃ nāmetaṃ mahantaṃ mahānubhāvaṃ, tasmā taṃsampādane sakkaccakāritā appamattena bhavitabbaṃ.
ааган̇кзяяасуд̇д̇аван̣н̣анааяа лийнад̇т̇аббагаасанаа самад̇д̇аа.
Ākaṅkheyyasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. ааган̇кзяяасуд̇д̇ам̣ • 6. Ākaṅkheyyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. ааган̇кзяяасуд̇д̇аван̣н̣анаа • 6. Ākaṅkheyyasuttavaṇṇanā
