| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧੦. ਅਕਪ੍ਪਿਯਮਂਸਨਿਦ੍ਦੇਸવਣ੍ਣਨਾ
10. Akappiyamaṃsaniddesavaṇṇanā
੧੧੩. ਇਦਾਨਿ ਮਂਸੇਸੁ ਪਟਿਪਜ੍ਜਿਤਬ੍ਬਾਕਾਰਂ ਦਸ੍ਸੇਤੁਂ ‘‘ਮਂਸੇਸੁ ਚ ਅਕਪ੍ਪਿਯ’’ਨ੍ਤਿ ਉਦ੍ਧਟਂ। ਅਕਪ੍ਪਿਯਮਂਸਮ੍ਹਿ ਦਸ੍ਸਿਤੇ ਕਪ੍ਪਿਯਮਂਸਂ ਦਸ੍ਸਿਤਮੇવ ਹੋਤਿ ਪਾਰਿਸੇਸਨਯੇਨ। ਉਰਗਸ੍ਸ ਚਾਤਿ ਏਤ੍ਥ ਸਬ੍ਬੋਪਿ ਉਰਗੋ ਨ ਕਪ੍ਪਤਿ।
113. Idāni maṃsesu paṭipajjitabbākāraṃ dassetuṃ ‘‘maṃsesu ca akappiya’’nti uddhaṭaṃ. Akappiyamaṃsamhi dassite kappiyamaṃsaṃ dassitameva hoti pārisesanayena. Uragassa cāti ettha sabbopi urago na kappati.
੧੧੪. ਏਤ੍ਤਾવਤਾ ਜਾਤਿવਸੇਨ ਦਸવਿਧਮ੍ਪਿ ਅਕਪ੍ਪਿਯਮਂਸਂ ਦਸ੍ਸੇਤ੍વਾ ਇਦਾਨਿ ਕਪ੍ਪਿਯਮਂਸੇਸੁਪਿ ਅਕਪ੍ਪਿਯવਿਧਿਂ ਦਸ੍ਸੇਤੁਂ ‘‘ਉਦ੍ਦਿਸ੍ਸਕਤਮਂਸਞ੍ਚ, ਯਞ੍ਚ ਅਪ੍ਪਟਿવੇਕ੍ਖਿਤ’’ਨ੍ਤਿ વੁਤ੍ਤਂ। ਤਤ੍ਥ ਪਞ੍ਚਸੁ ਸਹਧਮ੍ਮਿਕੇਸੁ ਯਸ੍ਸ ਕਸ੍ਸਚਿ ਯਂ ਕਿਞ੍ਚਿ ਉਦ੍ਦਿਸ੍ਸ ਕਤਂ ਉਦ੍ਦਿਸ੍ਸਕਤਂ ਨਾਮ, ਤਂ ਪਨ ਜਾਨਿਤ੍વਾ ਪਰਿਭੁਞ੍ਜਿਤੁਂ ਸਬ੍ਬੇਸਮ੍ਪਿ ਨ વਟ੍ਟਤਿ, ਅਜਾਨਨ੍ਤਾਨਂ ਅਨਾਪਤ੍ਤਿ। ਮਚ੍ਛੇਸੁਪਿ ਏਸੇવ ਨਯੋ। ਅਪ੍ਪਟਿવੇਕ੍ਖਿਤਨ੍ਤਿ ਅਨੁਪਪਰਿਕ੍ਖਿਤਂ, ਅਨਾਪੁਚ੍ਛਿਤਨ੍ਤਿ ਅਤ੍ਥੋ। ‘‘ਨ ਭਿਕ੍ਖવੇ ਅਪ੍ਪਟਿવੇਕ੍ਖਿਤ੍વਾ ਮਂਸਂ ਪਰਿਭੁਞ੍ਜਿਤਬ੍ਬਂ, ਯੋ ਪਰਿਭੁਞ੍ਜੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਮਹਾવ॰ ੨੮੧) વੁਤ੍ਤਂ। ਮਚ੍ਛੇਸੁ ਪਨ ਆਪੁਚ੍ਛਨਕਿਚ੍ਚਂ ਨਤ੍ਥਿ ਅਕਪ੍ਪਿਯਮਚ੍ਛਾਨਂ ਨਤ੍ਥਿਤਾਯਾਤਿ વਦਨ੍ਤਿ। ਇਦਾਨਿ ਏਤੇਸੁ ਆਪਤ੍ਤਿਭੇਦਂ ਦਸ੍ਸੇਤੁਂ ‘‘ਥੁਲ੍ਲਚ੍ਚਯ’’ਨ੍ਤਿਆਦਿਮਾਹ। ਤਂ ਸਬ੍ਬਂ (ਕਙ੍ਖਾ॰ ਅਟ੍ਠ॰ ਸਨ੍ਨਿਧਿਕਾਰਕਸਿਕ੍ਖਾਪਦવਣ੍ਣਨਾ) ਉਤ੍ਤਾਨਮੇવ।
114. Ettāvatā jātivasena dasavidhampi akappiyamaṃsaṃ dassetvā idāni kappiyamaṃsesupi akappiyavidhiṃ dassetuṃ ‘‘uddissakatamaṃsañca, yañca appaṭivekkhita’’nti vuttaṃ. Tattha pañcasu sahadhammikesu yassa kassaci yaṃ kiñci uddissa kataṃ uddissakataṃ nāma, taṃ pana jānitvā paribhuñjituṃ sabbesampi na vaṭṭati, ajānantānaṃ anāpatti. Macchesupi eseva nayo. Appaṭivekkhitanti anupaparikkhitaṃ, anāpucchitanti attho. ‘‘Na bhikkhave appaṭivekkhitvā maṃsaṃ paribhuñjitabbaṃ, yo paribhuñjeyya, āpatti dukkaṭassā’’ti (mahāva. 281) vuttaṃ. Macchesu pana āpucchanakiccaṃ natthi akappiyamacchānaṃ natthitāyāti vadanti. Idāni etesu āpattibhedaṃ dassetuṃ ‘‘thullaccaya’’ntiādimāha. Taṃ sabbaṃ (kaṅkhā. aṭṭha. sannidhikārakasikkhāpadavaṇṇanā) uttānameva.
੧੧੫. ਇਦਾਨਿ ਨ ਕੇવਲਂ ਇਮੇਸਂ ਮਨੁਸ੍ਸਾਦੀਨਂ ਮਂਸਮੇવ ਅਕਪ੍ਪਿਯਂ, ਅਟ੍ਠਿਆਦੀਨਿਪਿ ਅਕਪ੍ਪਿਯਾਨੀਤਿ ਦਸ੍ਸੇਤੁਂ ‘‘ਅਟ੍ਠੀਪੀ’’ਤਿਆਦਿ વੁਤ੍ਤਂ। ਤਤ੍ਥ (ਮਹਾવ॰ ਅਟ੍ਠ ੨੮੧) ਲੋਮਮ੍ਪੇਸਨ੍ਤਿ ਲੋਮਮ੍ਪਿ ਏਸਂ ਅਕਪ੍ਪਿਯਮਂਸવਤ੍ਥੂਨਨ੍ਤਿ ਅਤ੍ਥੋ। ਸਚਿਤ੍ਤਕਂ વਾਤਿ ਏਤੇਸੁ ਪਨ ਉਦ੍ਦਿਸ੍ਸਕਤਮੇવ ਸਚਿਤ੍ਤਕਂ, ਸੇਸਾ ਅਚਿਤ੍ਤਕਾਤਿ। ਅਕਪ੍ਪਿਯਮਂਸવਿਨਿਚ੍ਛਯੋ।
115. Idāni na kevalaṃ imesaṃ manussādīnaṃ maṃsameva akappiyaṃ, aṭṭhiādīnipi akappiyānīti dassetuṃ ‘‘aṭṭhīpī’’tiādi vuttaṃ. Tattha (mahāva. aṭṭha 281) lomampesanti lomampi esaṃ akappiyamaṃsavatthūnanti attho. Sacittakaṃ vāti etesu pana uddissakatameva sacittakaṃ, sesā acittakāti. Akappiyamaṃsavinicchayo.
ਅਕਪ੍ਪਿਯਮਂਸਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Akappiyamaṃsaniddesavaṇṇanā niṭṭhitā.
