| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧੦. ਅਕਪ੍ਪਿਯਮਂਸਨਿਦ੍ਦੇਸવਣ੍ਣਨਾ
10. Akappiyamaṃsaniddesavaṇṇanā
੧੧੩-੪. ਮਨੁਸ੍ਸਹਤ੍ਥਿਅਸ੍ਸਾਨਞ੍ਚ …ਪੇ॰… ਉਰਗਸ੍ਸ ਚ ਯਂ ਮਂਸਞ੍ਚ, ਯਂ ਉਦ੍ਦਿਸ੍ਸਕਤਮਂਸਞ੍ਚ, ਅਪ੍ਪਟਿવੇਕ੍ਖਿਤਂ ਯਞ੍ਚ ਮਂਸਂ, ਤੇਸੁ ਮਂਸੇਸੂਤਿ ਏવਂ ਯੋਜੇਤ੍વਾ ਅਤ੍ਥੋ વੇਦਿਤਬ੍ਬੋ। ਤਤ੍ਥ ਸੀਸਗੀવਾਤਰਙ੍ਗੇਨ ਚਰਨ੍ਤਾ ਅਚ੍ਛવਿਸੇਸਾવ ਤਰਚ੍ਛਾ। ਉਰਗਸ੍ਸਾਤਿ ਇਮਿਨਾ ਸਬ੍ਬਾਪਿ ਦੀਘਜਾਤਿ ਸਙ੍ਗਹਿਤਾ। ਉਦ੍ਦਿਸ੍ਸਕਤਮਂਸਨ੍ਤਿ ਭਿਕ੍ਖੁਂ ਉਦ੍ਦਿਸਿਤ੍વਾ ਕਤਂ ਉਦ੍ਦਿਸ੍ਸਕਤਂ, ਤਞ੍ਚ ਤਂ ਮਂਸਞ੍ਚ। ਏਤ੍ਥ ਚ ਮਂਸ-ਗ੍ਗਹਣੇਨ ਮਚ੍ਛਾਨਮ੍ਪਿ ਗਹਣਂ વੇਦਿਤਬ੍ਬਂ ਉਪਲਕ੍ਖਣવਸੇਨ, ਚ-ਸਦ੍ਦੇਨ વਾ। ਪਞ੍ਚਸੁਪਿ ਸਹਧਮ੍ਮਿਕੇਸੁ ਯਂ ਕਿਞ੍ਚਿ ਉਦ੍ਦਿਸ੍ਸਕਤਂ ਸਬ੍ਬੇਸਮ੍ਪਿ ਨ ਕਪ੍ਪਤਿ, ਤਮ੍ਪਿ ਅਦਿਟ੍ਠਅਸੁਤਅਪਰਿਸਙ੍ਕਿਤਤਾਯ ਤਿਕੋਟਿਪਰਿਸੁਦ੍ਧਂ વਟ੍ਟਤਿ। ਅਪ੍ਪਟਿવੇਕ੍ਖਿਤਨ੍ਤਿ ਅਨੁਪਪਰਿਕ੍ਖਿਤਂ, ਅਨਾਪੁਚ੍ਛਿਤਨ੍ਤਿ ਅਤ੍ਥੋ। ਆਪਤ੍ਤਿਭੀਰੁਕੇਨ ਹਿ ਰੂਪਂ ਸਲ੍ਲਕ੍ਖੇਨ੍ਤੇਨਾਪਿ ਪੁਚ੍ਛਿਤ੍વਾ ਪਟਿਗ੍ਗਹੇਤਬ੍ਬਂ ਪਰਿਭੁਞ੍ਜਿਤਬ੍ਬਞ੍ਚ। ਮਨੁਸ੍ਸਾਨਂ ਮਂਸੇਸੁ ਥੁਲ੍ਲਚ੍ਚਯਨ੍ਤਿ ਯੋਜਨਾ। ਥੂਲੋ ਅਚ੍ਚਯੋ ਏਤ੍ਥਾਤਿ ਰਸ੍ਸੇ, ਦ੍વਿਤ੍ਤੇ ਚ ਥੁਲ੍ਲਚ੍ਚਯਂ। ਪਾਰਾਜਿਕਸਙ੍ਘਾਦਿਸੇਸੇਹਿ ਠਪੇਤ੍વਾ ਇਤੋ ਅਧਿਕਂ વਜ੍ਜਂ ਨਤ੍ਥਿ। ਸੇਸੇਸੂਤਿ ਅવਸੇਸੇਸੁ ਏਕਾਦਸਸੁ।
113-4. Manussahatthiassānañca …pe… uragassa ca yaṃ maṃsañca, yaṃ uddissakatamaṃsañca, appaṭivekkhitaṃ yañca maṃsaṃ, tesu maṃsesūti evaṃ yojetvā attho veditabbo. Tattha sīsagīvātaraṅgena carantā acchavisesāva taracchā. Uragassāti iminā sabbāpi dīghajāti saṅgahitā. Uddissakatamaṃsanti bhikkhuṃ uddisitvā kataṃ uddissakataṃ, tañca taṃ maṃsañca. Ettha ca maṃsa-ggahaṇena macchānampi gahaṇaṃ veditabbaṃ upalakkhaṇavasena, ca-saddena vā. Pañcasupi sahadhammikesu yaṃ kiñci uddissakataṃ sabbesampi na kappati, tampi adiṭṭhaasutaaparisaṅkitatāya tikoṭiparisuddhaṃ vaṭṭati. Appaṭivekkhitanti anupaparikkhitaṃ, anāpucchitanti attho. Āpattibhīrukena hi rūpaṃ sallakkhentenāpi pucchitvā paṭiggahetabbaṃ paribhuñjitabbañca. Manussānaṃ maṃsesu thullaccayanti yojanā. Thūlo accayo etthāti rasse, dvitte ca thullaccayaṃ. Pārājikasaṅghādisesehi ṭhapetvā ito adhikaṃ vajjaṃ natthi. Sesesūti avasesesu ekādasasu.
੧੧੫. ਇਦਾਨਿ ਮਨੁਸ੍ਸਾਦੀਨਂ ਅਟ੍ਠਿਆਦੀਨਿਪਿ ਅਕਪ੍ਪਿਯਾਨੀਤਿ ਦਸ੍ਸੇਤੁਂ ‘‘ਅਟ੍ਠਿਪੀ’’ਤਿਆਦਿਮਾਹ। ਪਿ-ਸਦ੍ਦੋ ‘‘ਲੋਹਿਤ’’ਨ੍ਤਿਆਦੀਸੁਪਿ ਅਨੁવਤ੍ਤੇਤਬ੍ਬੋ। ਏਸਨ੍ਤਿ ਮਨੁਸ੍ਸਾਦੀਨਂ ਦਸਨ੍ਨਂ। વਸਾਸੁ ਪਨ ਏਕਾ ਮਨੁਸ੍ਸવਸਾ ਨ વਟ੍ਟਤਿ। ਖੀਰਾਦੀਸੁ ਅਕਪ੍ਪਿਯਂ ਨਾਮ ਨਤ੍ਥਿ। ਉਦ੍ਦਿਸ੍ਸਕਤਂਯੇવ ਸਚਿਤ੍ਤਕਨ੍ਤਿ ਯੋਜਨਾ। ਸਚਿਤ੍ਤਕਨ੍ਤਿ ਉਦ੍ਦਿਸ੍ਸਕਤਭਾવਜਾਨਨਚਿਤ੍ਤੇਨ ਸਹ વਤ੍ਤਤੀਤਿ ਸਚਿਤ੍ਤਕਂ। વਤ੍ਥੁવੀਤਿਕ੍ਕਮવਿਜਾਨਨਚਿਤ੍ਤੇਨ ਹਿ ਸਚਿਤ੍ਤਕਤ੍ਤਂ। ਏਤ੍ਥ ਚ ਸਚਿਤ੍ਤਕਤ੍ਤਂ ਆਪਤ੍ਤਿਯਾ ਏવ, ਨ ਚ ਮਂਸਸ੍ਸ, ਤਥਾਪਿ ਮਂਸਸੀਸੇਨ ਆਪਤ੍ਤਿ ਏવ વੁਤ੍ਤਾਤਿ વਿਞ੍ਞਾਤਬ੍ਬਨ੍ਤਿ।
115. Idāni manussādīnaṃ aṭṭhiādīnipi akappiyānīti dassetuṃ ‘‘aṭṭhipī’’tiādimāha. Pi-saddo ‘‘lohita’’ntiādīsupi anuvattetabbo. Esanti manussādīnaṃ dasannaṃ. Vasāsu pana ekā manussavasā na vaṭṭati. Khīrādīsu akappiyaṃ nāma natthi. Uddissakataṃyeva sacittakanti yojanā. Sacittakanti uddissakatabhāvajānanacittena saha vattatīti sacittakaṃ. Vatthuvītikkamavijānanacittena hi sacittakattaṃ. Ettha ca sacittakattaṃ āpattiyā eva, na ca maṃsassa, tathāpi maṃsasīsena āpatti eva vuttāti viññātabbanti.
ਅਕਪ੍ਪਿਯਮਂਸਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Akappiyamaṃsaniddesavaṇṇanā niṭṭhitā.
