| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੬. ਛਟ੍ਠવਗ੍ਗੋ
6. Chaṭṭhavaggo
(੫੮) ੬. ਆਕਾਸਕਥਾ
(58) 6. Ākāsakathā
੪੬੦. ਆਕਾਸੋ ਅਸਙ੍ਖਤੋਤਿ? ਆਮਨ੍ਤਾ। ਨਿਬ੍ਬਾਨਂ ਤਾਣਂ ਲੇਣਂ ਸਰਣਂ ਪਰਾਯਨਂ ਅਚ੍ਚੁਤਂ ਅਮਤਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਆਕਾਸੋ ਅਸਙ੍ਖਤੋ, ਨਿਬ੍ਬਾਨਂ ਅਸਙ੍ਖਤਨ੍ਤਿ? ਆਮਨ੍ਤਾ। ਦ੍વੇ ਅਸਙ੍ਖਤਾਨੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…। ਦ੍વੇ ਅਸਙ੍ਖਤਾਨੀਤਿ? ਆਮਨ੍ਤਾ । ਦ੍વੇ ਤਾਣਾਨਿ…ਪੇ॰… ਅਨ੍ਤਰਿਕਾ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
460. Ākāso asaṅkhatoti? Āmantā. Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti? Na hevaṃ vattabbe…pe… ākāso asaṅkhato, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe…. Dve asaṅkhatānīti? Āmantā . Dve tāṇāni…pe… antarikā vāti? Na hevaṃ vattabbe…pe….
ਆਕਾਸੋ ਅਸਙ੍ਖਤੋਤਿ? ਆਮਨ੍ਤਾ। ਅਤ੍ਥਿ ਕੇਚਿ ਅਨਾਕਾਸਂ ਆਕਾਸਂ ਕਰੋਨ੍ਤੀਤਿ? ਆਮਨ੍ਤਾ। ਅਤ੍ਥਿ ਕੇਚਿ ਸਙ੍ਖਤਂ ਅਸਙ੍ਖਤਂ ਕਰੋਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਤ੍ਥਿ ਕੇਚਿ ਆਕਾਸਂ ਅਨਾਕਾਸਂ ਕਰੋਨ੍ਤੀਤਿ? ਆਮਨ੍ਤਾ। ਅਤ੍ਥਿ ਕੇਚਿ ਅਸਙ੍ਖਤਂ ਸਙ੍ਖਤਂ ਕਰੋਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ākāso asaṅkhatoti? Āmantā. Atthi keci anākāsaṃ ākāsaṃ karontīti? Āmantā. Atthi keci saṅkhataṃ asaṅkhataṃ karontīti? Na hevaṃ vattabbe…pe… atthi keci ākāsaṃ anākāsaṃ karontīti? Āmantā. Atthi keci asaṅkhataṃ saṅkhataṃ karontīti? Na hevaṃ vattabbe…pe….
ਆਕਾਸੇ ਪਕ੍ਖਿਨੋ ਗਚ੍ਛਨ੍ਤਿ, ਚਨ੍ਦਿਮਸੂਰਿਯਾ ਗਚ੍ਛਨ੍ਤਿ, ਤਾਰਕਰੂਪਾਨਿ ਗਚ੍ਛਨ੍ਤਿ, ਇਦ੍ਧਿਂ વਿਕੁਬ੍ਬਨ੍ਤਿ, ਬਾਹੁਂ ਚਾਲੇਨ੍ਤਿ, ਪਾਣਿਂ ਚਾਲੇਨ੍ਤਿ, ਲੇਡ੍ਡੁਂ ਖਿਪਨ੍ਤਿ, ਲਗੁਲ਼ਂ ਖਿਪਨ੍ਤਿ, ਇਦ੍ਧਿਂ 1 ਖਿਪਨ੍ਤਿ, ਉਸੁਂ ਖਿਪਨ੍ਤੀਤਿ? ਆਮਨ੍ਤਾ। ਅਸਙ੍ਖਤੇ ਪਕ੍ਖਿਨੋ ਗਚ੍ਛਨ੍ਤਿ, ਚਨ੍ਦਿਮਸੂਰਿਯਾ ਗਚ੍ਛਨ੍ਤਿ, ਤਾਰਕਰੂਪਾਨਿ ਗਚ੍ਛਨ੍ਤਿ, ਇਦ੍ਧਿਂ વਿਕੁਬ੍ਬਨ੍ਤਿ, ਬਾਹੁਂ ਚਾਲੇਨ੍ਤਿ, ਪਾਣਿਂ ਚਾਲੇਨ੍ਤਿ, ਲੇਡ੍ਡੁਂ ਖਿਪਨ੍ਤਿ, ਲਗੁਲ਼ਂ ਖਿਪਨ੍ਤਿ, ਇਦ੍ਧਿਂ ਖਿਪਨ੍ਤਿ, ਉਸੁਂ ਖਿਪਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ākāse pakkhino gacchanti, candimasūriyā gacchanti, tārakarūpāni gacchanti, iddhiṃ vikubbanti, bāhuṃ cālenti, pāṇiṃ cālenti, leḍḍuṃ khipanti, laguḷaṃ khipanti, iddhiṃ 2 khipanti, usuṃ khipantīti? Āmantā. Asaṅkhate pakkhino gacchanti, candimasūriyā gacchanti, tārakarūpāni gacchanti, iddhiṃ vikubbanti, bāhuṃ cālenti, pāṇiṃ cālenti, leḍḍuṃ khipanti, laguḷaṃ khipanti, iddhiṃ khipanti, usuṃ khipantīti? Na hevaṃ vattabbe…pe….
੪੬੧. ਆਕਾਸਂ ਪਰਿવਾਰੇਤ੍વਾ ਘਰਾਨਿ ਕਰੋਨ੍ਤਿ ਕੋਟ੍ਠਾਨਿ ਕਰੋਨ੍ਤੀਤਿ? ਆਮਨ੍ਤਾ। ਅਸਙ੍ਖਤਂ ਪਰਿવਾਰੇਤ੍વਾ ਘਰਾਨਿ ਕਰੋਨ੍ਤਿ ਕੋਟ੍ਠਾਨਿ ਕਰੋਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
461. Ākāsaṃ parivāretvā gharāni karonti koṭṭhāni karontīti? Āmantā. Asaṅkhataṃ parivāretvā gharāni karonti koṭṭhāni karontīti? Na hevaṃ vattabbe…pe….
ਉਦਪਾਨੇ ਖਞ੍ਞਮਾਨੇ ਅਨਾਕਾਸੋ ਆਕਾਸੋ ਹੋਤੀਤਿ? ਆਮਨ੍ਤਾ। ਸਙ੍ਖਤਂ ਅਸਙ੍ਖਤਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Udapāne khaññamāne anākāso ākāso hotīti? Āmantā. Saṅkhataṃ asaṅkhataṃ hotīti? Na hevaṃ vattabbe…pe….
ਤੁਚ੍ਛਉਦਪਾਨੇ ਪੂਰਿਯਮਾਨੇ, ਤੁਚ੍ਛਕੋਟ੍ਠੇ ਪੂਰਿਯਮਾਨੇ, ਤੁਚ੍ਛਕੁਮ੍ਭਿਯਾ ਪੂਰਿਯਮਾਨਾਯ ਆਕਾਸੋ ਅਨ੍ਤਰਧਾਯਤੀਤਿ? ਆਮਨ੍ਤਾ। ਅਸਙ੍ਖਤਂ ਅਨ੍ਤਰਧਾਯਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Tucchaudapāne pūriyamāne, tucchakoṭṭhe pūriyamāne, tucchakumbhiyā pūriyamānāya ākāso antaradhāyatīti? Āmantā. Asaṅkhataṃ antaradhāyatīti? Na hevaṃ vattabbe…pe….
੪੬੨. ਨ વਤ੍ਤਬ੍ਬਂ – ‘‘ਆਕਾਸੋ ਅਸਙ੍ਖਤੋ’’ਤਿ? ਆਮਨ੍ਤਾ। ਆਕਾਸੋ ਸਙ੍ਖਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਤੇਨ ਹਿ ਆਕਾਸੋ ਅਸਙ੍ਖਤੋਤਿ।
462. Na vattabbaṃ – ‘‘ākāso asaṅkhato’’ti? Āmantā. Ākāso saṅkhatoti? Na hevaṃ vattabbe…pe… tena hi ākāso asaṅkhatoti.
ਆਕਾਸਕਥਾ ਨਿਟ੍ਠਿਤਾ।
Ākāsakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੬. ਆਕਾਸਕਥਾવਣ੍ਣਨਾ • 6. Ākāsakathāvaṇṇanā
