| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
६. आकासकथावण्णना
6. Ākāsakathāvaṇṇanā
४६०-४६२. इदानि आकासकथा नाम होति। तत्थ तिविधो आकासो – परिच्छेदाकासो , कसिणुग्घाटिमाकासो, अजटाकासो। ‘‘तुच्छाकासो’’तिपि तस्सेव नामं। तेसु परिच्छेदाकासो सङ्खतो, इतरे द्वे पञ्ञत्तिमत्ता। येसं पन ‘‘दुविधोपि यस्मा सङ्खतो न होति, तस्मा असङ्खतो’’ति लद्धि, सेय्यथापि उत्तरापथकानं महिसासकानञ्च; ते सन्धाय आकासोति पुच्छा सकवादिस्स, पटिञ्ञा इतरस्स। सेसमेत्थ उत्तानत्थमेवाति।
460-462. Idāni ākāsakathā nāma hoti. Tattha tividho ākāso – paricchedākāso , kasiṇugghāṭimākāso, ajaṭākāso. ‘‘Tucchākāso’’tipi tasseva nāmaṃ. Tesu paricchedākāso saṅkhato, itare dve paññattimattā. Yesaṃ pana ‘‘duvidhopi yasmā saṅkhato na hoti, tasmā asaṅkhato’’ti laddhi, seyyathāpi uttarāpathakānaṃ mahisāsakānañca; te sandhāya ākāsoti pucchā sakavādissa, paṭiññā itarassa. Sesamettha uttānatthamevāti.
आकासकथावण्णना।
Ākāsakathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (५८) ६. आकासकथा • (58) 6. Ākāsakathā
